ماااا عجبني ليكم تلبسو الطربوش لكن في ميزان الحسنات ان شاء الله لكن انا شيخه وبنت شيوخ اهلي داعين لي اسه كانت ابله ظاظا شمتت فيني لكن بصراحه مريت بي مواقف زي دي كتير واتصدمت في ناس افتكرتهم ملائكة الله علي الارض وزي ما بتقول جدتي العتره بتصلح المشيه هاكم دي هدية 😆😆😆😆
عارفا يا دكتورة نعيش في عالم لا نضمن فيه إلا انفسنا اختلط الحابل بالنابل وصدق الشاعر وهو يبث حزنه قائلاً:
سايرت كل الناس حسب طباعهم *** فوجدت فيهم ندرة الأصحاب ورجوت أن ألقى صديقاً مخلصاً *** أفضي إليه من السرائر مابي فوجدت أن الناس يصعب ودهم *** وتقل فيهم ميزة الأطياب لا عجب في هذا فإن صلاتنا *** باتت على الأطماع والأسلاب والناس ضاقت بالهموم ولم تعد *** فيهم صفات الحب والأحباب
عارفا يا دكتورة نعيش في عالم لا نضمن فيه إلا انفسنا اختلط الحابل بالنابل وصدق الشاعر وهو يبث حزنه قائلاً:
سايرت كل الناس حسب طباعهم *** فوجدت فيهم ندرة الأصحاب ورجوت أن ألقى صديقاً مخلصاً *** أفضي إليه من السرائر مابي فوجدت أن الناس يصعب ودهم *** وتقل فيهم ميزة الأطياب لا عجب في هذا فإن صلاتنا *** باتت على الأطماع والأسلاب والناس ضاقت بالهموم ولم تعد *** فيهم صفات الحب والأحباب
ود البشري سلامات وكل عام وانت بخير يا ود البشري شوية صبر احكم بعد ما تتضح فكرة البوست وحقيقة رأيك يهمني لأنك من الموضوعيين في هذا المنبر والبحترم كتاباتهم ووجهات نظرهم حتى ولو اختلفت معاها لانها بتنطلق غالبا من منصة الموضوعيه والعقلانيه والنقاش والنقد الهادف
العم علي الكنزي ابيات جميله ومعبره والمدافعه ما بين الخير والشر قائمه الى يوم القيامه والدنيا فيها كل اصناف الناس الخيرين والشريرين اصحاب المعادن الذهب والحديد الصدي وفي النهايه يبقى الخير والخير فيا وفي امتي الى يوم القيامه
أحب اقول ليكم انو عمل الخير لا يتوقف على شخص او موقف وانتو سعيتو للخير بي نواياكم وربنا يتقبل منكم وح احكي في البوست دا عن تجارب في عمل الخير ناجحه كانوا ابطاله بورداب سودانيز اون لاين وح اركز على تجربتين عايشتهن وكان لي شرف ابتدار خيطهن في هذا المنبر وح اتكلم عن المواقف المريت فيها والناس واالتسهيلات والمصاعب والدعم والتثبيط والايجابي والسلبي والمدح والقدح والنقد البناء والنقد الهدام عارفه وواثقه ومتأكده انو تجاربكم ومعرفتكم بالحياة وفهمكم ليها اكبر مني ولكن حبيت اشركم في تجربتي
سلامات وكل عام وانت بخير يا ود البشري شوية صبر احكم بعد ما تتضح فكرة البوست وحقيقة رأيك يهمني لأنك من الموضوعيين في هذا المنبر والبحترم كتاباتهم ووجهات نظرهم حتى ولو اختلفت معاها لانها بتنطلق غالبا من منصة الموضوعيه والعقلانيه والنقاش والنقد الهادف
سلام مربع
وضاحة وضيوفها
غايتو يا وضاحة مداخلتك الفوق دي ما أظن فيها حاجة صاح إلا المنادى الأول ! ________________________________ ود البشرى .. كيفك يا صاحب .. ما تزعل .. عصرت ليك عاوز اشوف وضاحة شن قولها تاني !
مع تحياتي،،،
عاصم فقيري
Post: #13 Title: Re: ياااااا شماتة أبله ظاظا فيكم Author: Ashraf El Bagir Date: 01-04-2018, 05:26 AM Parent: #12
الله الله الله علي البلد يا دكتورة انا جيت قبل اسبوعين من السودان
العزيز ابو الريش صبحك الله بالخير كما عرفتك في هذا المنبر دوما انت من الذين لهم طلعة حر وهمة حر وتجاربي حقيقه اتعلمت منها الكثير وعرفتني علي ناس معادنهم اصيله ناس لما تحتك فيهم تعرف شنو يعني نخوه وشهامه وتضحيه وايثار قيم من الخير والشمم تمشي على الارض وفي ملحمة ثلاجة امصال امري لن انسى ذلك المنسوج من خيوط النبل والشهامه والايادي البيضاء رجل بقامة وعطاء النخيل هادئاً ودفاقاً مثل النيل انه البوردابي العم ابو رغيم تعلمت منه الصبر وطول البال وحنكة ادارة المواقف فهو مدرسة متفرده وسأفرد له حيز في هذا البوست ان شاء الله دمت بخير
في رمضان من العام 2013 نزل الزميل البوردابي الانسان صاحب المواقف المشرقه النبيلة حامد بدري بوست عن قصة طفلة من امري قضت نحبها بسبب لدغة عقرب وعدم توفر مصل العقرب في المنطقه وحامد بدري من الناس الجميلين في المنبر دا والمملؤين بحب الخير والمهمومين بهموم الناس واحسب انه من الذين يؤثرون على انفسهم ولو كان بهم خصاصه ما نادى منادي يا اهل الخير في المنبر الا وكان في مقدمة المجيبين بلا من ولا اذى ودا معدن من المعادن النفيسه البجمعك بيها عمل الخير
تواصلنا مباشره مع رابطة ابناء امري في السودان بعد اوصلنا بهم البوردابي عز الدين جعفر سالم وهو واحد من ابناء المنطقه وجلسنا اليهم لايف في مقرهم بالخرطوم وتواصلنا المباشر مع جسم رسمي لي اهل المشكله ساعدنا كثيراٌ من ناحية الشفافيه ورد عنا الاتهامات من اصحاب الغرض فقد تصدوا عبر نافذة الفيس التي كانت مفتوحه وبينوا استلاماتهم ولا انسى البوردابيه المعتقه رانيا الشيخ في الخرطوم صاحبة المجهود الوافر في اعمال الخير فهي شفافية تمشي على رجلين ولا تعمل الا من خلال الورق وكل شيئ عندها يكتب ويسجل ولا تسلم هلله الا بايصال استلام وتقف على التفاصيل الصغيره بنفسها وهذا التسجيل والتواصل المباشر كفانا عناء الشكوك التي قد تساور انفسنا او غيرنا وهذه من الاشياء التي لم تقم بها فائزين في مشروعها الكبير ففتحت ثغره كبيره للقيل والقال والشكوك وضعف النفس البشريه
الكلام دا عن جسم كان قايم في الاون لاين هنا ؟ ولاعمل فردي ؟
Quote: تواصلنا مباشره مع رابطة ابناء امري في السودان بعد اوصلنا بهم البوردابي عز الدين جعفر سالم وهو واحد من ابناء المنطقه وجلسنا اليهم لايف في مقرهم بالخرطوم وتواصلنا المباشر مع جسم رسمي لي اهل المشكله ساعدنا كثيراٌ من ناحية الشفافيه ورد عنا الاتهامات من اصحاب الغرض فقد تصدوا عبر نافذة الفيس التي كانت مفتوحه وبينوا استلاماتهم ولا انسى البوردابيه المعتقه رانيا الشيخ في الخرطوم صاحبة المجهود الوافر في اعمال الخير فهي شفافية تمشي على رجلين ولا تعمل الا من خلال الورق وكل شيئ عندها يكتب ويسجل ولا تسلم هلله الا بايصال استلام وتقف على التفاصيل الصغيره بنفسها وهذا التسجيل والتواصل المباشر كفانا عناء الشكوك التي قد تساور انفسنا او غيرنا وهذه من الاشياء التي لم تقم بها فائزين في مشروعها الكبير ففتحت ثغره كبيره للقيل والقال والشكوك وضعف النفس البشريه
العزيز اشرف الباقر حال البلد لا يسر وانا الان في السودان ارى حجم المعاناة التي تطل على عيون اهل السودان الطيبين ومقدار المعاناة التي يعانونها من اجل توفير ابسط حقوقهم كادميين كرمهم الله واهلنا العفيفين ما بين سندان مافيا الكيزان ومطرقة تجار الحروب منتظرين الفرج القريب الجاء وما وصل لهم الله هؤلاء الذين يتألمون في صمت وعزة نفس وإباء ومن اجل هؤلاء اكتب تجربتي حتى لا يتوقف عمل الخير او نحرم هؤلاء من العطاء والعون بسبب سلوك بعض ضعاف النفوس من اجل هؤلاء نسلك الدرب الصعب لنبرهن لهم عملياٌ اننا معهم فهم يحتاجون لاكثر من كلمات نكتبها في المنابر ضد او مع الحكومه بل يحتاجون الى ان نمد يدنا لهم ونتلمس مواضع الوجع ونعمل على ازالته او تخفيفه من اجل هؤلاء يجب ان تستمر مسيرة العمل الخيري
يا عاصم ميزة ود البشرى انو رجل اصيل ود ناس واخو بنات وبقول ما يراه حقيقه مش ص ع ل وك و بتاع شلليات مطاردات رجل عندو اخلاق فحتي لما يغيظك بكون هدفو الحقيقه فقط فعلشان كده بيجبرك تحترمو حتى وان اختلفت معاهوا
عارف يا ناشد يا فنان شكر الاخرين ادب واخلاق وتربيه سليمه والشكر ليس بالالفاظ والقلوب مليئه بالسواد ولكن الشكر ان يكون نابع من قلب صافي معترف ومقر بالفضل ويا فنان اتحفنا بالله بي كاريكتيرات عن شلة عصابة الرداء الابيض 😂😂😂😂😂
ماهو يا واضاحه يا تعيشي الدور بتاع الشيوعيين كامل يا كمان تقولي للناس ديل جزاكم الله خير ومعاها رفعه اصبع كدا
Quote: واحسب انه من الذين يؤثرون على انفسهم ولو كان بهم خصاصه
Quote: وربنا يتقبل منكم
Quote: الخروف البندر و اضح انك ما استخرتا يا ايها العمبلوق , دي مراكز طبية متخصصة لرعاية المرضى من كبار السن لانو فترة بقائهم طويلة , فلا يمكن تركهم كل تلك الفترة في المستشفيات العامة لانها عامة و يحتاجها الناس من مختلف الاعمار و لا يمكن ان يخصصو لكل مريض طاقم طبي في منزله يومياً لذلك خُصصت هذه المراكز لرعايتهم طبياً وهي ليست دار عجزة و مسنين بمعناها الذي في طايوقك , اما كبار السن من المصابين بامراض لاتحتاج متابعة طبية دائمة تخصص لهم دُور آخرى غير تلك و هي التي تسمى دار العجزة و المسنين و حتى هذه لايجبرون على السكن فيها , هناك منازل تسمى ( البنقلو ) يا ايها البنقلو منتفخ الاوداج , وهي بيوت ارضية كذلك تخصص للافراد كبار السن الذين يستطيعون خدمة انفسهم مع تعيين شخص واحد للقيام بمساعدتهم , اما بالنسبة للراحلة الماجدة ام احمد لما كانت بتمشسي لندن الكلام دا قبل ما حبوبتك تجي للدنيا دي , فاطمة يا ايها الخروف تملك في لندن منزلها الخاص و كل من عاش في لندن يعرف هذه المعلومة وانا واحد منهم ,
واضح جداً جهلك المفرط و سذاجتك التي يستحي منها حتى الذباب , و يتضح سوء النية جلياً في ذكر الدكتور احمد ابن الراحلة وبأنه كان يعالج من الادمان وبأن زوجته هربت منه , ما هو الداعي لذكر هذه المسائل الخاصة ان وجدت و هل لديك وثائق طبية من المركز الذي كان يتعالج فيه او اي دليل مادي ؟, واضح سوء القصد و سوء النية المبيتة سلفاً فاذا كان لديك صراع ايديولوجي مع الحزب الشيوعي فللحزب مقاره و شخصياته المعروفة لديك اذهب اليهم ولكن انت تعودت على الابتزال و الابتزاز و التعرض للاسر الكريمة التي انت لا تساوي نعلها ايها النعل الاجرب .تباً لكم بكل اللغات
من الاشياء الاكتشفتها في تجربة اهلنا في امري انك لازم تكون عامل حساب الاجراءات الحكوميه لاني كنت فاكره انو الثلاجه والمعدات الخاصه فيها ماشه لي مركز صحي وانها تبرع وعمل خير ح تدخل طوالي بدون اي رسوم او جمارك لكن اتفاجئته بالعكس انو الحكومه ما قايمه بي دوره تجاه الناس وكمان عاوزه تاخد حقها من التبرعات الماشه لي خدمة المواطن فاصطدمنا بالجمارك واستعنا ببعض المعارف فتم تخفيض قيمته مش اعفائها والحاجه دي افتكر كان قبل فتره اصطدم بيها بعض المتبرعين بي حليب لي اطفال المايقوما من الامارات الاجراءات الحكوميه والرسوم اللازم دفعها الفايده الاستفدتها من الموقف دا انو قبل تشحن اي حاجه للسودان لازم تتاكد من الاجراءات الحكوميه وتحاول تحصل على الاعفاءات اللازمه وما تتكل على انو دا عمل خيري وتبرع وشحن الثلاجه نفسو ليهو قصه لاننا اصطدمنا فيهو بالحصار المفروض على السودان وكان لخبرات العم ابو رغيم دور كبير في تجاوز العقبه دي وح احكيها بالتفصيل لي قدام ان شاء الله
Post: #38 Title: Re: ياااااا شماتة أبله ظاظا فيكم Author: Arif Nashed Date: 01-05-2018, 11:37 AM Parent: #37
Post: #39 Title: Re: ياااااا شماتة أبله ظاظا فيكم Author: كمال علي الزين Date: 01-05-2018, 03:54 PM Parent: #38
(*)
بالتوفيق يا دكتورة و ربنا يوفقك في عمل الخير دائماً يا ريت لو كلنا بنقدر نعمل زيك أو حتى نهتم أو نتعاطف البوست بتاعك مخجل لينا لأننا عايشين لي نفسنا و بس فأقل حاجة ندعمك معنوياً .. بالتوفيق ,,
يا سلاااااام عليك يا كمال علي الزين شكراً لكلماتك في حقي يا انسان يا راقي هذه الكلمات شهاده اعتز بها وقلاده اعلقها على صدري وهي تعطيني مزيد من الدافعيه والقوه للسير في طريقي انا واحده منكم وكل ما فعلته كان بسندكم وعونكم اخوتي في المنبر فانتم من تستحقون الفخر والاحترام وانتم معي لا اضع حساب للمثبطين والغامزين فهؤلاء يريدون سحب الجميع الى قاعهم حسداً من عند انفسهم احمد الله انه جعل لي اخوه مثلكم يشدون ازري ويدعموني اسعدني حضورك
من الاشياء المهمه في تجربتي في ثلاجة امري هو الاراء ووجهات النظر والمشوره والاقتراحات الطرحه البورداب عبر البوست المفتوح والكان ليها دور كبير في تجويد العمل وعلي ربنا يخلي لي ورانيا ما قصرو كانو كل اقتراح بشوفوهو على ارض الواقع زي اقتراح ثلاجة الغاز والخلايا الشمسيه نزلو السوق وسألو التجار وكمان سالو المهندسين وكمان التشجيع والدعم المعنوي اللقيتو من الاخوه البورداب عبر البوست او عبر الوسائط وضعني وباقي عقد المشروع اما تحدي كبير وانو لازم نكون عند حسن الظن ولازم ننجح بامتياز وكان دافع لينا لبذل مزيد من الجهد استفدتا من الحته دي انو دعم العمل الخيري ما شرط يكون بالمال ممكن بالفكره وبذل الخبرات والدعم المعنوي ودا مهم جدا وتاثيرو كبير والدعم المعنوي والافكار قد تكون اهم من المال في نجاح العمل
كان هناك عدة مجموعات عمل في المشروع دا الرجل الخير عثمان رغيم ومجموعة الامارات والمصنع علي وحامد بدري ومجموعة السعوديه اهلنا في امري ممثلين في لجنة تطوير الخدمات رانيا الشيخ شعلة الخير ومجموعة السودان والاراء والاقتراحات في سودانيز وشخصي وهنا كان الدور الكبير الذي بذله علي في التنسيق والتواصل بين المجموعات وربطها ببعض لايف بل اجتمع مع لجنة امري في مكتبهم بالسودان رغم انو كان في زياره قصيره للسودان وعثمان رغيم اصر يصل المصنع رغم انو كان في زيارة عمل قصيره للهند والغي البرامج الترفيهيه المصاحبه للزياره وسافر مسافة 18 ساعه ذهاب واياب بالسياره عشان يقابل المهندس وتيم التصنيع بل ربطنا بالمهندس المصمم استفدتا انو التنسيق والربط بين كافة الاطراف المشاركه والمستفيده والعمل الجماعي بسيمفونيه وخلق تفاهم وتوافق بين مجموعات العمل مهم جداً لنجاح اي مشروع
شكراً جميلاً على البوست الهادف - واصلى جهودك الإنسانية ولا تنتبهى للاصوات المثبطة للعزيمة
من ثمار هذا البوست النافع والذى سيفيد الكثيرين :
Quote: الفايده الاستفدتها من الموقف دا انو قبل تشحن اي حاجه للسودان لازم تتاكد من الاجراءات الحكوميه وتحاول تحصل على الاعفاءات اللازمه وما تتكل على انو دا عمل خيري وتبرع
مسا الخير عليكم جميعا ياسلام عمنا رغيم وحبيبة سودانية (رانيا الشيخ ) والاخ علي الفكي والشقيقة وضاحة عملوا مجهود جبار جدا في الامصال والتلاجات وترجموا فكرة البوست لواقع جميل ورانيا اتعامل معاها كثير من الناس في دروب الخير حقائب رمضانية فايض ملابس كسوة الشتاء وكانت نشيطة جدا للاسف بعد الزواج اختفت من الساحة والميديا نسال الله التوفيق لها واسرتها وضاحة كتا بتمنى العنوان يكون الجدية والشفافية في عمل الخير واتي مامقصرة فشل تجربة فايزين مانهاية للمعروف والزملاء ابوسن وودفع الله ادونا نمازج قوية للطناش والمسامحة ابوحسين كبشور حيخلي مضمون البوست ويمسك في العنوان ياريت لو تغيييريو
الاخ العزيز علاء الدين سيد احمد شكراٌ ليك يا جميل على كلماتك الطيبة ودعمك اطمنك انو كلماتكم دي بتديني دافع اتجاوز كل النابحين والساقطين مساندتكم ودعمكم المعنوي هو زادي في الطريق الذي اخترته والتجربه علمتني ان الناس ترمي الشجر المثمر وان الفاشل دائما حاسد وحاقد واخترت ان اكون نخله ترمى بالحجر فتعطي اطيب الثمر واخترت ان اضع كلام المثبطين تحت رجلي واعلو عليه ولا اتركه يسحبني الى قاع المثبطين الساقطين فهذا ما يتمنونه عندما كتبت البوست فكرتي كانت هي نقل تجربتي المتواضعه حتى يستفيد منها كل من يطرق هذا الباب وحتى اتزود بنصائح الاخيار الفضلاء من امثالك واخترت العنوان من اجل جذب القرأ البوست فالتجربة علمتني إنّو الناس بجذبه العنوان شاكره مرورك
الاخ العزيز الزول الجميل حامد بدري المعدن الأصيل الذهب النقي كان لك فضل السبق في هذا العمل وكان لك فضل السبق في الدعم المالي فانت فرس اصيل دوماُ في مقدمة عمل الخير ربنا يديك العافيه ويجعلو في ميزان حسناتك فاقده رانيا الشيخ حبيبه سودانيه شديد وهي مثال لي بنت البلد الاصيله المهمومه بي قضايا الناس وهي بعد الزواج حسب اخر معلوماتي سافرت ليبيا للاقامه مع زوجها واكيد بكون هناك في مشكلة نت اسأل الله ان يحفظهم وانها تكون بخير دوماُ والاقزام الشريره يا حامد ليس هدفه الفائده او النفع دي بحركه الحسد والغيره والحقد عاوزين كل الناس تكون في مستنقعهم الاسن عشان كده اي عمل ناجح او نجاح بحاولو ينالو منو فما تهتم للفاقد التربوي تحياتي
بعد 5 شهور من افتراع البوست تم استلام الثلاجه في الخرطوم وهذه ال 5 شهور تخلله عمل وجهد كبير واتصالات وتواصل بين فريق العمل ولم تخلو هذه ال 5 شهور من العقبات او محاولات التثبيط والتشكيك من الجالسين في القاع ولكن بحمد الله وتوفيقه اولا واخيرا واعطائه العزيمه والاصرار للفريق تكللت مجهوداتنا بالنجاح وتعلمت من ال شهور ان العزيمة والاراده والصبر وتفاهم فريق العمل هي مفتاح الوصول للاهداف ويوم اتصلت علي الحبيبه رانيا تخبرني باستلامهم الثلاجه بكامل معداتها سالت دموعي ورفعت يدي حمداً لله وشكراً وكانت هذه اللحظه من اللحظات السعيده في حياتي
بعدها كان لابد من وصول الثلاجه الى امري وهنا تجلى حرص الحبيبه رانيا الشيخ وافقها الواسع فحرصت على استشارة مهندسين بمركز الطاقه الشمسيه واوضحوا لها ان التركيب يحتاج فني ماهر واستطاعت رانيا ان تقنع مدير المركز بايفاد مهندس معهم وقد كان وتم تركيب الخلايا وتشغيل الثلاجه بمركز صحي امري القديمه تعلمت من رانيا الحرص وان لا تترك شيء للصدفه وان الاهتمام بالتفاصيل جزء من النجاح وتعلمت من رانيا ان التوثيق مهم ويرفع الروح المعنويه ويعطي الشفافيه اللازمه التحيه للبنت الخير رانيا العم عثمان رغيم كل كلماتي لا توفيه حقه الغالي علي محمد الفكي يكفي انه علي وكفى سودانيز اون لاين وبكري ابوبكر ترفع له القبعات الاخوه البورداب الذين ساهموا بمالهم وجهدهم ورأيهم في انجاح هذا العمل انتم نخلات العطاء وقناديل الضياء لاهلكم في الوطن جعل الله هذا العمل في ميزان حسنات الجميع
بوست غريب جدا" !! واضح البوست شماتة في ملهم وفي الناس الاتبرعت لمشروع شقة القاهرة وما عاوزة ذكاء شديد عشان الواحد يعرف النقطة دي! الغريبة ست البوست طارحة نفسها كمتطوعة لمساعدة المحتاجين يعني نفس الهدف بتاع الناس الشمتانة فيهم ! يعني الفهم انو الناس ما تتبرع ولا شماتة في ملهم شخصيا" ولا مفروض الناس تساهم وتتبرع حصريا" للمشاريع بتاعتكم بس ولا الفهم شنو؟!
عدنا لكم يا احباب عوداً حميداً مستطاب شكراً بكور عطر البخور زي ما عرفناك وعهدناك زول جميل كجمال بلادي فأنت كل الخير والجمال والحق ولولاك لما كنا هنا ولا كانت هذه الايدي الممتده بالخير عبر هذا الصرح الكبير فأنت فتحت نافذه لكل اهل السودان يطلون منها على العالم والوطن يتناقشو ويتثاقفوا ويواسو الجراح فسودانيز كان وما زال وسيظل عالم جميل يديك العافيه وربنا ما يحرمنا منك تشكرال يا اجمل البشر هكذا اهل بلادي بلاد السمر تحياتي
شهادتي في الوضاحة مجروحة.. أياديها البيضاء ممتدة في جميع أعمار الخير.. وقد شهدت نفسي على ذلك في أحد المشروعات الخيرية المطروحة في المنبر لا تلفتي للوراء..
العزيز صاحب الهمه العاليه لك التحيه والشكر يا ابن الرجال أسعدني حضورك يا ايمن وانتم من تقودوني في دروب الخير واياديكم دوماُ كانت سابقه ومن انتم اخوانه اكيد لن يهتم للعقبات وسيسير في الطريق ثابت تحياتي
العزيز الجميل عماد انا انقل التجربه من بعض التجارب التي خضتها ومعي اخرين حيث كنت فقط جزء من فريق انجاز العمل وابتدر الخيوط والخير في امة محمد فتجد التدافع من البورداب لحدي ما يحيروك ناس جميلين بالجد ومن هذه التجارب الانسان بتعلم ويكبر وبستفيد من الناس المشاركين ومن خبراتهم ومن هنا اشكر كل الناس العلموني وادوني خبراتهم او اخدت منها والحمد لله على نعمة القدره على التعلم والتطور والنمو لانو في ناس بكونوا بحجم النخل وعمر ابو الهول وعقولهم عقل السخل وما بتعلموا ويستفيدو من الدنيا تحياتي
في اغسطس من العام 2013 اجتاحت السيول والفياضانات ولاية الخرطوم وكان ان اطلقت نداء لاغاثة اهلنا عبر حملة سودانيز اون لاين وساعود لاحكي بعض من جوانب الحمله باذن الله والدروس التي استفدتها منها
Quote: السيول والامطار هدمت بيوت الناس وشردتهم وبقو قاعدين بلا مأوى .. وفقدوا ممتلكاتهم .. والدنيا رمضان .. اطفال .. شيوخ ..نساء .. ورجال في العراء ... والقادم اسواء مياه راكضة ناموس وامراض . وما ننسى طفح الصرف الصحي .. حالهم يبكي الحجر .. وهم في وقت في اشد الاحتياج لي دعمنا ومساندتنا المحسوسة .. توفير ماوى . خيام . بطاطين .. طعام . علاج مساعدتهم في انقاذ بعض ممتلكاتهم من تحت الانقاض .. لكن لما تدخل المنبر .. تدي نفسك العجب وتستغرب .. كنت اتوقع انو القى كل البوستات او اغلبه موجهة لي توفير دعم ومساعدات مادية للمنكوبين .. لكن اتفاجأت لقيت الجماعة كل واحد شايل دلوكة ويطبل واخر هجيج وموسيقة .. عاملين من مأساة المنكوبين حفلة وملهاة .. وجدل بيزنطي منو المسؤول عن الكارثة ... ومنو السبب .. والتبريرات والدفاع .. والبشير رجع من رحلة ايران وافطار رئاسي .. وامريكا والسيول .. يا ناس انتو ما حاسين بي وجع الناس والمهم ؟ !! هجو من جهة وشلة المعارضة وود الباوقة وشلة الحكومة .. معقول نفتش عن رسم الحادث قبل اسعاف المصابين .. حكومة ومعارضة خلوها بعدين الان الهم الاكبر واولى كان لازم يكون توفير الدعم والمساعدات .. اهلنا اذا ما لقونا في الوقت دا ح يلقونا متين .. واذا ما وحدنا المصاب وتسامينا على الصغائر في ظرف انساني زي دا ح نكون وطنيين كيف .. خلو الغلاط والحساب والمحاسبة بعدين .. خلونا ننادى زنتكاتف ونقوم بي واجبنا .. كل حسب استطاعتو زكاة فطر .. مال .. ادوية .. سواعد كوادر طبية بطاطين .. ملابس .. خيام جديد ومستعمل خلونا نجمعة ونرسله ليهم كل واحد يشوف الدواليب المخازن الفي البيت وح يلقى كثير من الاشياء الما محتاج ليها وممكن تساعد المتضررين .. يلا ختو الدلايك دي في الواطة ويدينا في بعض من اجل اغاثة المتضررين .. دورنا الحقيقي الوقوف مع اهلنا في مصابهم اهلنا ما محتاجين الان كلام في الحكومة او في المعارضة محتاجيين لى وقفة حقيقية ورجال يتشد فوقها الظهر ونساء تساعد وتشجع ولكن نقول شنو في الناس المرطبين وما حاسين بي الام الناس الحقيقية .. اهلنا في امري القديمة تمسكوا بي اراضيهم ورفضوا التهجير وصمدوا تم تجاهلهم من القائمين على الامر .. العقارب تحصد اطفالهم محتاجين ثلاجة وامصال .. والان اهلنا في شرق النيل اجتاحتهم السيول .. وقلهم اهلنا في دارفور وجنوب كردفان والكرمك وقيسان وقبلهم وقبلهم .... قدمتو ليهم شنو .. قبل ما تتاجرو بي قضيتهم .. ؟؟؟؟؟؟؟؟؟؟؟؟؟؟ كلام ورجغة فى الفاضى وانت يا بقً بقً وجماعتو .. بطلوا تاييد في الحق والباطل .. بتنفعكم لقمة في بطن جائع .. وبطانية لي مسكين ودواء لي مريض محتاج .. بعدين الحكومة دي ما بتنفعكم
بنفعكم عملكم وربنا بسالكم منوا يوم القيامة يلا كلنا ايدين في بعض نفرج عن اهلنا كربتهم تحياتى
بعد اطلاق النداء كان بوردا ب سودانيز كما توقعت رأس الرمح في اغاثة الملهوف وقادة المسير وضربوا المثل الرائع في العطاء بلا من ولا اذى وكان كل واحد من المشاركين في هذه الحمله من البورداب امة وكان قصة من التفرد فتح بورداب سودانيز منازلهم لاستقبال التبرعات واشركوا اسرهم في الحمله قدموا جهدهم ووقتهم ورأيهم ودعمهم المعنوي للحمله وللقائمين عليها واكدوا ان هذا المنبر هو مناره ورياده وعطاء وقول يتبعه العمل
Quote: ولا يفوتني ان اشكر سودانيز اونلاين وهو يؤكد حمله لهم الوطن والمواطن لك التحية اخي بكري وانت تجعل كل ذلك ممكناً .. وبعد نداء البنت الخير وضاحة كانت الاستجابة من ثلة كريمة من بورداب سودانيز بالامارات والسعودية لهم الشكر وكان للاخ عثمان رقيم القدح المعلا في هذا العمل وبذل كل الجهد في ان يكون النداء واقع الى ان تكللت جهوده بتصنيع الثلاجة خصيصاً وكل ذلك باتصالاته وعلاقاته وقد تحمل استعجالنا بصبر متاصل فيه فكان مدرسة لنا فله منا الشكر والتقدير .. اما الاخت الرائعة رانية الشيخ التي تعاونت معنا وفرغت نفسها لمتابعة اجراءات الجمارك والاستلام واستلام التبرعات المحولة .. وهي بحق نموذج مشرف لحواء بلادي لها الشكر وهي تعطينا الامل والتحية للاخ حامد بدري اول من اشار الى ماساة اهلي امري وكان اول المساهمين عندما انطلق النداء
Quote: تواصلنا مباشره مع رابطة ابناء امري في السودان بعد اوصلنا بهم البوردابي عز الدين جعفر سالم وهو واحد من ابناء المنطقه وجلسنا اليهم لايف في مقرهم بالخرطوم وتواصلنا المباشر مع جسم رسمي لي اهل المشكله ساعدنا كثيراٌ من ناحية الشفافيه ورد عنا الاتهامات من اصحاب الغرض فقد تصدوا عبر نافذة الفيس التي كانت مفتوحه وبينوا استلاماتهم ولا انسى البوردابيه المعتقه رانيا الشيخ في الخرطوم صاحبة المجهود الوافر في اعمال الخير فهي شفافية تمشي على رجلين ولا تعمل الا من خلال الورق وكل شيئ عندها يكتب ويسجل ولا تسلم هلله الا بايصال استلام وتقف على التفاصيل الصغيره بنفسها وهذا التسجيل والتواصل المباشر كفانا عناء الشكوك التي قد تساور انفسنا او غيرنا وهذه من الاشياء التي لم تقم بها فائزين في مشروعها الكبير ففتحت ثغره كبيره للقيل والقال والشكوك وضعف النفس البشريه
وكالعهد بها جات رانيه محمد الشيخ ( حبيبة سودانيه ) وحبيبة الحبيبة مسرعة تلبي النداء ووضعت نفسها تحت تصرف الحمله فكانت هي المنسق بين الحمله في الداخل والخارج وبعض المنظمات وعملت بهمه وتفاني وفي ظل ظروف الخريف الصعبه اصرت ان تشارك في كل حملات التوزيع للخيام والبطاطين والمواد العينيه ولم تخذلنا ولم تتراجع عن مبداء الشفافيه الذي عرفت به في توثيق ما وصلها وما صرفته فكان توثيقها بالصور والمستندات فاراحت الجميع واعطت الحمله الثقه لله درك يا رانيا بنيه من طينة الخالدات واستفدت من هذا ان وجود شخص محل ثقة في موقع العمل هو صمام الامان للنجاح وان التوثيق والتسجيل والشفافيه طريق الثقه
ومن نعم المولى علي ان عرفتني هذه الحمله بالرجل الانسان الجميل الملئ بالخير وحب الناس والسودان البروفيسور حيدر بدوي صديق واسرته الجميلة فطاف يجمع في التبرعات في امريكا والامارات والسعوديه وقدم من حر ماله الكثير للحمله وفتح داره في الخرطوم لتكون مستودع ومركز انطلاق وكان لدعمه الكبير الاثر الاكبر في نجاح الحمله واستفدت ان المواقف تظهر المعادن وان المهام الكبيره تحتاج الى عظماء لانجاحها وان استقطاب من هم في مرؤة بروفيسور حيدر بدوي وانسانيته لاي عمل خيري سيعطيه قوه دافعه كبيره للنجاح لله درك يا بروف ان شاء الله في ميزان حسناتك وزي ما بتقول جدتي الله يرحمة لي ابوي ربنا يديك لما يرضيك تلقها مهل وتلقها بحر تحياتي لك أينما كنت ابقي عافية
سلامات وضاحة وضيوفها.. عطاؤك المتصل في مشاريع الخير هي البينت معدنك النفيس وحبك للناس وما أي زول مجبول على مساعدة الاخرين الا من يملك اليقين بان الله في عون العبد ماكان العبد في عون أخيه بس الشماتة في عنوان البوست ما فهمت دافعها ، امكن لأني ماكنت متابع المنبر الفترة الأخيرة وعلى كل يجزيك الله خيرا ويديك على قدر نيتك واياديك البيضا
Post: #88 Title: Re: ياااااا شماتة أبله ظاظا فيكم Author: MOHAMMED ELSHEIKH Date: 01-11-2018, 07:34 AM Parent: #87
وعبر هذا البوست احب ان اقدم تهنئة متأخرة للاخت رانيا محمد الشخ(حبيبة ) سودانية بمناسبة زواجها. وهي بنت اصيلة ظهر نجمها الساطع مع بزوق فجر الانترنت في السودان نهاية التسعينات في اعمال الخير وعرفناها وكرمها وجودها اللامحدود ايام سودان نت.
الا بالمناسبة يا معاوية بكري قاعد يعدل المداخلات بتاعت العشرة الف عضو ديل؟؟ لا حولتن دي مهمة ينوء عن خملها رقيب وعتيد
في دوحة الخير كان البوردابي عبد الرحمن بركات ابو ساندرا الله يدي العافية فاتح بيتو مستودع لتجميع الاشياء العينيه وكان صالونو وملتقى لجمع التبرعات ولعبت اسرتو دور كبير في هذه الملحمه والماجد الرائع مامون محمد ابراهيم وصغيراتو اللاتي زرع فيهن حب الخير والوطن فكانوا شعله من النشاط جابت الدوحه تجمع في الاشياء العينيه لله درها من اسره والرجل الفاضل المحترم معاويه الزبير عمدة بورداب الدوحه واخرين من البورداب كانوا هم شعلة النشاط ومن يحرك السودانيين في الدوحه من اجل اغاثة المتضررين من السيول وجات تلك الحمله لتؤكد ان بورداب سودانيز اينما وجدوا نفعو الا القله
وفي الرياض الخير كان بورداب الرياض في المقدمه لحملة اغاثة المتضررين وكان عمو صديق الموج ينسق تجميع الاشياء العينيه وكان تلفونه لا يتوقف عن الرنين وكان هو بكل اريحيه يرد ليوصف مكان التجميع وليكون في الاستقبال وين عمو صديق والله نفتقدك بشده في المنبر المنبر بدونك مسيخ ويوسف السماني الانسان الجميل وبقية عقد بورداب الرياض النضيد الذين تدافعوا في دعم الحمله وشاركوا باسم سودانيز اونلاين في اللقاءات الداعمه للحمله ليؤكدوا ان سودانيز ليست منبر اسفيري فقط ولكنها مؤسسة مجتمع متكامله اينما وجدت قضايا الوطن تواجدت لهم التحيه على ما بذلوه من جهد وكانوا فعلاُ قيم المرؤه والشهامه
لا ننسا البورداب المقيمين في دار زايد الخير في الحملة كان لهم دور ضليع في المساعدة وكانوا خير سفراء لسودانيز اونلاين في الامارات وعملوا بجهد مقدر مع حملة التبرعات وسودانيز اون لاين فعلاُ عالم جميل وفي ميزان حسناتك هذا البناء الذي يطاول السماء يا بكور
بورداب الخرطوم كانوا في قلب المعركه فتصدى علاء الدين حيموره بسيارته ووضعها تحت تصرف الحمله وجمع التبرعات والزيارات للمناطق المنكوبه وعمليات التوزيع اما ذو اليد سليمان فقد كانت داره هي نقطة التجميع والتي منها تنطلق حملات الاغاثه واترحم على الرجل الامه الذي يقدم بيمينه ما لا تعلم شماله الاخ العزيز العوض المسلمي نسأل الله ان يجعله في الفردوس الاعلى صحبة الحبيب المصطفى صلى الله عليه وسلم والتحيه لكل بورداب سودانيز الذين تفاعلوا مع الحمله ونسقوا مع المنظمات العامله في الخرطوم باسم المنبر وحملته التي ابتدرتها
ود التاج شكراً لكلماتك الطيبه في حقي الحمد لله رب العالمين اولاُ واخيراُ انو وفقني في دروب الخير والشكر لي اسرتي الكان ليها دور كبير في تبصيري بالعمل الخيري فقد تربيت في بيت كان مقصد اصحاب الحاجات ورأيت كيف كانت ايادي جدي وجدتي ومن بعدهم امي وابي ممتده بالعطايا والشكر من بعد ذلك لكل من دعمني ووقف معي ودلني وعلمني في دروب الخير العنوان كان فقط للفت الانظار ولم تخطر ببالي الشماته ولكن الله غالب اصحاب الغرض والمرض حاولوا اخراجه عن طريقه تحياتي
من التجارب التي خضتها في العمل الخيري عبر سودانيز اون لاين كانت تجربة دعم استراحة اطفال السرطان الخاصه بمنظمة بسمات ومن للاعمال العظيمه غير بورداب سودانيز فتجاوبوا مع النداء وكان اخي العوض المسلمي انزل الله عليه شأبيب رحمته اول الملبين ووجود العوض في اي عمل يعطيني الامان فهو من الذين اهتدت قلوبهم الى مطمئن البر والاخ اسامه حسين البشير الذي نسق كثير من الاعمال مع المنظمه وهو صاحب المبادره الاولى من اجل دعم استراحة بسمات وهل ستغيب النجمه اكيد لا فكانت رانيا محمد الشيخ الخير الذي يمشي بين الناس انسانه عظيمه وهبت نفسها وجندتها لفعل الخير وعبرها كانت حملة جمع التبرعات وايصالها وكما عودتنا على الوضوح والشفافيه كانت هنا كذلك ولا انسى البروفيسور عائشه موسى والعم هجو الاقرع والاخ رضا وهاشم الادريسي والعزيز علي الفكي وناذر الخليفه الذي وضع سيارته تحت تصرف المنظمه في اوقات فراغه استطعنا من خلال الحمله توفير كافة الاحتياجات للاستراحه ودفع الايجارات المتاخره وتوفير بعض الادويه والترحيل
وكنا قد تاكدنا في البداية من قانونية المنظمة وتسجيلها حتى يكون عملنا على بينة من الامر وحتى لا نقع في حبائل النصبابين والاخ بكري مشكور اعطى رئيس المنظمه عضويه تواصل بها عبر البوست موضحا الاحتياجات وما وصلهم ليؤكد كل ارقام الاخت رانيا وعبر البوست استجاب عدد مقدر من قرأ سودانيز مقدمين الدعم للمنظمة مباشره ولم يخلو العمل من بعض العقبات والتفسيرات الخاطئه
من التجربه تعلمت ان قانونية الجسم الذي تتعامل معه ووجوده على ارض الواقع والزيارات الميدانيه لازمه وضروريه قبل بدء اي عمل الاعتماد في توصيل المساعدات على شخص منظم ومرتب وامين كما كانت الاخت رانيا عمل الخير بيتم فقط علينا ان نبدأ الاشتراطات المسبقه للجهه المتلقية الدعم ومحاولة توجيه تبرعات ضد رغبة اصحابها ( كما فعل مدير المنظمه ) تتسبب في احجام وابتعاد المتبرعين ومساورة انفسهم الشكوك الحذر في التواصل والتعامل حتى لا يسأ فهم حماسك لمشروع الخير وتشجيعك للقائمين عليه
الأخت الصعرى او الأبنة وضاحة تعاملت مع كل هؤلاء البورداب\يات في تلك الفترة وهي اسماء معروفة للجميع واتعامل دا ما التواصل الاسفيري بل التواصل الفيزيكالي.
احتار في الناس البشيروا ليها دايما الشح بالغمز واللمز.
الدكتورة الغالية نعمات شوق الشوق با قلب يعطيك العافيه يا صاحبة النيه الصافيه يا بنت بلدي الاصيله وسمحه سماح نيله شهادتك في حقي تكفيني ويا رب يرزقنا طيبة وسلامة القلب وايه طعم الدنيا غير قلب طيب بتمنى الخير للناس وبحس بي اوجاعهم قلب سليم من الحقد والحسد ومليان بالمحبه والخير ومعاكم وبيكم الواحده بتحاول تساعد الناس وتقدم استطاعته ومن التجارب الخضتها عرفت صنف من الناس نواياهم سوداء لا يحبون الخير للناس ولا البقدمو الخير للناس ناس بي احلام عصافير وعقول صغيره وقلوب مريضه مفتكرين الاسافير والمنابر مكان لتصيد اخطأ الناس وتتبع خصوصياتهم والنيل منهم بشتى الطرق ما عارفين انو الاسافير هي نبض المجتمع ولسان حالو ومكان للنقاش الهادف والكلام المفيد البترجم لي عمل وانو عبر الاسافير ممكن نقدم الخدمه والمساعده للبلد وللناس وانها مكان للتسامح والمحبه وليس ميدان للحرب ونشر الكراهيه اسأل الله يحفظني ويحفظك ويحفظ كل الجميلين يحفظنا من اصحاب القلوب المريضه رسل القبح والحقد والكراهيه والقاع تحياتي
العم وليم اندريا تحياتي واشتياقتي يا راقي يا جميل مشكور على الدعوات الصادقه من انسان صاحب قلب نقي وكبير فانا فتحت البوست من اجل تثبيت دعائم العمل الخيري وعشان اوري الناس انو عمل الخير من خلال تجربتي ح يستمر وانو الناس ما تتوقف بي سبب فشل تجربه او صدمه في شخص استأمنوه او بي سبب العقبات البتواجهه بل من كل تجربه مطلوب نستفيد من الدرس ونتفادى السلبيات في العمل القادم ونجود الايجابيات ونخلي التجربه تزيدنا قوه والعقبه تزيدنا اصرار على الوصول واتمنى انو القى افكار وخبرات وتجارب تنير طريقي وطريق كل من يسير في درب الخير والمداخلات الغير مفيده والهمز واللمز علمتني التجربه انها دايماً مصدره ناس قلوبه مريضه اشحة على الخير يخيفهم العطاء والخير و البناء ويتقاصرون عنده ويتطاولون ويسنون السنتهم التي لا تعرف قول الخير ولا الحق يرفعون ومعاول هدمهم بعد اكتمال البناء وتمام عمل الخير لينالوا من اصحابه ويذهبوا بالمرؤة من بين الناس لانهم لا مرؤة لهم ولا شهامة لديهم ولا خير فيهم ففاقد الشيء لا يعطيه فهؤلاء الخوالف سهامهم مردوده في نحورهم وعلمتني التجربه اكبر ضربه اوجهها لهم ان اسير في طريقي وان احلق عالياً كالنسر ليموتو بغيظهم فا انا لا المح كتاباتهم الكئيبه ولا ارى ما في قرار هوة قلوبهم السوداء وبرضو ندعو ونقول ربنا يشفيهم ويهديهم ودي واحترامي
Post: #110 Title: Re: ياااااا شماتة أبله ظاظا فيكم Author: MOHAMMED ELSHEIKH Date: 01-17-2018, 08:38 AM Parent: #109
وجدت هذا المقال في الراكوبة.
اقدم مقدما اعتذاري لصاحبة البوست على ايراده هنا:
"حن شعب لا يعرف ان يسوق نجومه ورموزه وعظمائه ليقدمهم للعالم طافت بذهني هذه الخواطر وانا اطالع خبر فوز الباكستانية ملالا يوسف.. بجائزة نوبل للسلام عن مدونتها التي دافعت فيها عن حق تعليم بنات وطنها .. وخطر بذهني مثال لشابة سودانية في العشرينات من عمرها تستحق ان نقدمها للعالم .. سودانية تحمل قيم الخير وهم الوطن والانسان السوداني البسيط ما ان ينادي منادي ان هيا لتقديم دعم ومساعدة انسانية في اي مكان من الوطن الا وشمرت عن ساعد الجد وايقظت كل طاقاتها من اجل ذلك .. شابه سودانية ان كانت تنتمي لاي قطر اخر غير السودان لكان تم ترشيحها لعشرات الجوائز الانسانية .. ولكانت سفيرة للسلام والنوايا الحسنة انها الدكتورة جاسمين العمرابي .. الطبيبة الانسانة .. فهي من اسرة سودانية تعرض والدها الطبيب للاعتقال والتعذيب والتضييق من اول ايام انقلاب الانقاذ المشؤوم فخرج من السودان مهاجراً باسرته واطفاله ولسان حاله يقول والله انك لاحب البقاع الي ولولا اجبروني ما خرجت منك ايها الوطن.. ولكنه واصل رسالته الوطنية مع رفيقة دربه الصامده الصابرة ليزرعوا حب الوطن واهله في نفوس ابنائهم فكانت الدكتورة جاسمين ثمرة لهذه القيم التي رعاها الوالدان المحبان لوطنهما واهله .. فحملت جاسمين لواء السودان واهله وقضاياهم منذ نعومة اظافرها واثناء دراستها الثانوية كانت تقدم ما يعرف الطلبة بالسودان في كل مناشط المدرسة في كندا مستعينة بوالدتها .. وواصلت على ذات المنوال اثناء دراستها للطب في واحده من اعرق واكبر جامعات كندا فظلت تقدم بحوث عن الفلكلور السوداني والثقافة السودانية وقضايا السودان في مناشط الجامعة حتى لقبت في الجامعة بعاشقة السودان ... وظلت تتواصل مع السودانيين عبر كل المنتديات ومواقع التواصل الاجتماعي من اجل مساعدة الانسان السوداني البسيط .. وكانت تتفاعل مع كل حالة انسانية تطرحها المواقع او تسمع عنها .. عرفتها في كثير من الحالات اسوق بعضها كامثلة يوم استغاثت جمعية اطفال مرضى السرطان وقد تم تهديدها باخلاء السكن الخاص بالاطفال المرضى طالبة الدعم فبادرت الدكتورة جاسمين بدفع كل متاخرات الايجار ومقدم ايجار لمدة عام وقادت حملة عبر المواقع السودانية لدعم الجمعية بالادوية اللازمة وفتحت للجمعية حساب عبر احدى الصيدليات لصرف جرع العلاج للاطفال .. ووقفت مع المراكز الصحية بمناطق سد مروي والتي اهملتها الحكومة عمداً من اجل تركيع المواطنين الرافضين لخيار التهجير الصامدين في اراضيهم واجبارهم على ترك ارضهم فقادت حملة واسعة دعمت االمراكز الصحية بالادوية اللازمة بكميات من الادوية وفتحت لها القنوات لتواصل الدعم من اجل الصمود في وجه الظلم .. وعندما ماتت الطفلة عائشة بلدغة عقرب دون ان يكون في امكان الطبيب المعالج بمركز صحي امري القديمة فعل شي لعدم توفر مصل العقرب .. فكتب القصة بالصحف فتلقفتها الدكتورة جاسمين واطلقت مبادرة توفير مصل العقرب لمركز صحي امري ولكن عندما اكتشفت ان لا كهرباء في امري القديمة التي تبعد كيلومترات قليلة من السد بسبب ان اهلها رفضوا التهجير كان النداء لتوفير ثلاجات حفظ الامصال تعمل بالطاقة الشمسية وكانت على قدر التحدي الى ان توفرت الثلاجات والامصال لسم العقرب والثعبان لاهالي امري القديمة .. وكانت في قلب ملحمة ضحايا السيول والامطار فقادت ووفرت الدعم عبر اصدقائها والمنظمات الانسانية .. وغيرها من الحالات التي لا يسع المجال لذكرها وظلت تدعم الحالات الفردية للمحتاجين التي تاتيها عبر الاطباء والمنظمات والافراد للعلاج وتوفير السكن والرسوم الدراسية .. هذه بعض نماذج سقتها من فيض كثير قدمته وما زالت تقدمه ايادي الدكتورة البيضاء .. وظلت تنادي بالديمقراطية والحرية للشعب السوداني وتدين كل جرائم النظام في حق السودان وشعبه .. ومن المؤكد ان النظام واذنابه لم تعجبهم مواقفها الوطنية الغيورة فسعوا لايقافها بكل السبل بمحاولات التقرب اليها وايصالها معلومات مضللة عن الوطن وعندما وجدوها واعية لجأوا لاسلوب التهديد ومحاولة اغتيال الشخصية وبكل اساليبهم اللا اخلاقية المعروفة للقاصي والداني ولكنها ظلت صخرة تكسرت عندها كل قذائفهم المسمومة فهي صامده سامقة كالنخلة الشماء ترد كيدهم وتزداد تماسكاً وتمسكاً وانحيازاً للوطن وقضاياه .. فهي امتداد لمسيرة عظيمات السودان من الملكة اماني شخيتو وبنونة بنت المك ورابحة الكنانية والسيدة مريم الميرغنية والميرم تاجا .. وفاطمة وسعاد و.. و.. يا لروعة وجمال سماء الوطن.. الذي يزدحم بالنجوم.. المتناثرة من غير نظام.. في ليل الوطن الطويل.. فوطني وطن النجوم فلك التحية دكتورة وانت تحلقين في المجرات البعيدة .. حيث لا أمنيات الا الوطن ولا عشق الا السودان التحية لك ايتها النجمة الباهرة الزاهرة بحب الوطن وابنائه البسطاء التحية لك وانت تجمعين كل صور الكمال والمثال والقدوة لشباب جيلك التحية لك يا كل الخير وعبرك التحية للوطن ولكل الصامدين والصامدات الممسكين بجمر قضيته . اعلم انك لا تحبين الاضواء ولكن ما تفعلينه ملك لاهل السودان قاطبة يفخروا به ويفتخروا .. وما كتبته هنا قطرات من نهر من عظيم يواصل الفيضان يحمل الخير والحب للوطن ليقدم نموذج لجيل من سودانيي المهاجر يفخر به الوطن والعالم ..
المك محمد الشيخ اذنك معاك فانت اخ عزيز افخر بيك والزيك متربي ومقنع كاشفات الواحده بتطمئن بي وجود امثالك في المنبر فانتو اولاد بلد اصيلين نخوه وشهامه ورجوله ما بشبهكم الشين وعدم الأصل ومن هنا اشكر الصديق الدكتور احمد التني في غربته الجديده فقد كتب عني اكثر مما استحق واسأل ربنا يوفقني اكون دائماٌ عند حسن ظن الجميلين خلقه واخلاق واني اسير في الطريق البعجب كل صاحب اخلاق وقيم وكل انسان بحب الخير الطريق البغيظ كل ساقط مريض القلب عديم اخلاق معدوم الخير
Post: #112 Title: Re: ياااااا شماتة أبله ظاظا فيكم Author: Biraima M Adam Date: 01-19-2018, 05:39 AM Parent: #111
Quote: في العشرينات من عمرها
الزول نجر له عمر من عندياتو .. أم أطلع علي الأوراق الثبوتية؟