Post: #1 Title: ا لعقوبات: أي شخص يعدم أو يهين ألعلم( البشير يرمي بعلم السودان في المزبله ) فديو Author: عرفات حسين Date: 01-05-2018, 12:34 PM Parent: #0
التحيه الي عبدالحفيظ ابوسن 17- -ا لعقوبات (1) أي شخص يعدم أو يهين العلم أو أي شعار آخر لجمهورية السودان الديمقراطية في أي مكان عام أو مفتوح للجمهور بقصد إظهار أو إثارة الكراهية ضد سلطة الحكومة يعاقب بالسجن مدة لا تجاوز سنة واحدة أو بغرامة لا تجاوز مائة جنيه أو بالعقوبتين معاً.
(2) أي شخص يعدم أو يهين أي علم أو شعار أجنبي في أي مكان عام أو أي مكان مفتوح للجمهور بقصد إظهار أو إثارة الكراهية ضد تلك الدولة وكان ذلك الفعل معاقباً عليه بموجب قوانين الدولة الأجنبية المعنية يعاقب بالعقوبات المنصوص عليها في البند (1).
(3) أي شخص يخالف أي حكم آخر من أحكام هذا القانون أو الأوامر الصادرة بموجبه يعاقب بغرامة لا تجاوز مائة جنيه.
(4) يجوز لضباط أو جنود الشرطة في جميع الحالات مصادرة أي علم يرتكب بشأنه مخالفة للقانون.
Post: #2 Title: Re: يوم الاستقلال ( البشير يرمي بعلم السودان ف Author: nour tawir Date: 01-05-2018, 01:56 PM Parent: #1
أقسمت بالله مجنون...
Post: #3 Title: Re: يوم الاستقلال ( البشير يرمي بعلم السودان ف Author: Arif Nashed Date: 01-05-2018, 02:19 PM Parent: #2
المتخلف ده رمي السودان كله في المزبلة يعني شنو علم !! لوكو الصبر بس وقوموا الي ثورتكم ..
Post: #4 Title: Re: يوم الاستقلال ( البشير يرمي بعلم السودان ف Author: nour tawir Date: 01-05-2018, 02:21 PM Parent: #3
لوكو الصبر بس وقوموا الي ثورتكم .. ...
هو دا الحل الوحيد يا عارف... و مفيش حل غيره.. و كل عام أنت و اسرتك الكريمة بألف خير..
Post: #5 Title: Re: يوم الاستقلال ( البشير يرمي بعلم السودان ف Author: Arif Nashed Date: 01-05-2018, 02:28 PM Parent: #4
استاذة نور ..28 سنة والناس ما عندها شغلة سوي متابعة افعال البشير الصبيانية !! قتل واغتصب ونهب اموال الشعب هو وكهنته الكيزانيين وما عندنا غير الكلام .. متي تسكت شهرزاد عن الكلام !! الوضع متأزم والمعيشة بقت قاسية وبرضو مافي فايدة .. الشارع الشارع الشارع ...موت بكرامة افضل من حياة بمزلة ..
كل عام وانت واسرتك الكريمة بالف خير
Post: #6 Title: Re: يوم الاستقلال ( البشير يرمي بعلم السودان ف Author: Deng Date: 01-05-2018, 02:48 PM Parent: #5
الرئيس البشير رجل عسكري، ومن أبجديات التدريب العسكري هي أحترام العلم لأنه رمز البلاد.
Post: #7 Title: Re: يوم الاستقلال ( البشير يرمي بعلم السودان ف Author: يحي قباني Date: 01-05-2018, 02:55 PM Parent: #6
مؤكد ما احترم العلم ..
و كان مفروض يسلمه لحرسه الخاص او أي شخص من الحوالينو ...
بس من الصورة واضح انه ختاو فوق مزهرية ... و ليس زبالة ...
فحقو قصة الزبالة المتداولة في الواتساب نتخطاها ... و الناس تتكلم في فهمه لاحترام العلم ...
Post: #8 Title: Re: يوم الاستقلال ( البشير يرمي بعلم السودان ف Author: Asim Ali Date: 01-05-2018, 04:12 PM Parent: #7
*الرئيس البشير رجل عسكري، ومن أبجديات التدريب العسكري هي أحترام العلم لأنه رمز البلاد. فى بدايه 82 وانا فى المرحله المتوسطه كنت ضمن فريق الكشافه وانشر العلم فى طابور الصباح وفى نهايه اليوم الدراسى اطوى العلم. فى نهايه يوم بديت بديت انزال العلم وهى تتم ببطء المهم زميلى نبهى الى الاسراع حتى يتحرك العسكرى(قوات مسلحه) واقف انتباه فى الشارع العام خارج المدرسه (المدرسه مسوره بسلك شائك).وفعلا لم يتحرك حتى انتهيت. وكانت واحده من الدروس التى مازالت فى ذهنى حول معنى الانضباط العسكرى واحترام رمز الدوله . *دائما الاشخصيه العامه يجب ان تكون حركته وتصرفاته محسوبه فى المناسبات والاماكن العامه (زى حاله اردوغان).
Post: #9 Title: Re: يوم الاستقلال ( البشير يرمي بعلم السودان ف Author: سيف اليزل سعد عمر Date: 01-05-2018, 04:19 PM Parent: #8
Quote: بس من الصورة واضح انه ختاو فوق مزهرية
يا قبانى ههههههههه ذكرتنى نكتة الإثنين البتغالطوا فى إنه الحكم اد اللاعب كرت احمر ولا ما اداهو... قال ليهو: ما اداهو طلعوا وراهو ليو ساكت ودخلوا فى جيبوا...
تسليم العلم عنده مراسم وترتيبات جميلة خلاس...
الا البشير مفتكروا فوطة ولا معراكة..
البشير اتخلص من العلم فى اقرب كورنة
Post: #10 Title: Re: يوم الاستقلال ( البشير يرمي بعلم السودان ف Author: كمال عباس Date: 01-05-2018, 04:23 PM Parent: #8
البشير لم"يخت" أو يضع العلم في تلك السلة وإنما جدعه ! قذف به قذفا ! قذف به بحركة خلفية ! العلم رمز والبشير فعل أخطر من العبث بمجرد رمز ! فرط في الوطن نفسه سيادة وتراب وهيبة وإجاع وإذل شعبه وجعل - من مرتزقة الجنجويد جيشا والجيش مرتزقة تحارب من أجل أجندة الغير في عاصفة الحزم !
- ثم مضي متهافتا للأجانب مستجديا إقامة قواعد عسكرية في ترابه ! ..
Post: #11 Title: Re: يوم الاستقلال ( البشير يرمي بعلم السودان ف Author: يحي قباني Date: 01-05-2018, 04:27 PM Parent: #10
و انا قلت شنو يا سيف يا حبيب
كدي اقرا كلامي تاني
قلت يتعلم احترام العلم و تسليمه لي منو
اما موضوع المزهرية الضحكتك فيني
فالمقصود بيها انو الناس ما تمسك في الفارغة و انو العلم اترمى في الزبالة كما ورد في عنوان البوست
مالك يا زول و الله انت عندي ما القارئين
Post: #12 Title: Re: يوم الاستقلال ( البشير يرمي بعلم السودان ف Author: كمال عباس Date: 01-05-2018, 04:29 PM Parent: #11
في ذكري الإستقلال الأزهري يرفع العلم والبشير يجدع العلم ! رفع الأزهري العلم عاليا خفاقا - كرمز ورفع هيبة الدولة والرئاسة وحفظ التراب وصان السيادة بينما البشير جدع العلم وقذف بالوطن ترابا وشعبا وعزة وسيادة !
Post: #13 Title: Re: يوم الاستقلال ( البشير يرمي بعلم السودان ف Author: Abureesh Date: 01-05-2018, 04:41 PM Parent: #12
العلم الذى فى يده يشبه العلم التركى.. فيه الهلال ولونه كله احمر. المهم انه ما كان يحنى رأسه.. هذا خطأ كبير جدا.. شكله عريبى ساكت لا يعرف يتصرف. التلفت بالراس فقط مثل الطيرة والانحناءة صفات غير كريمة لرجل يمثل امة كاملة ولو بدون حق.
Post: #14 Title: Re: يوم الاستقلال ( البشير يرمي بعلم السودان ف Author: Ali Alkanzi Date: 01-05-2018, 06:36 PM Parent: #13
زول رشاشة لابس جلابية بيضاء وعباية زرقاء اول مرة اشوف عباية زرقاء شعار الهلال وما عايز اقول شعار اي دولة البشير عارفا وانتو عارفنها في عضو منبر كمان خاتيها صورة البروفايل غايتو استفزانا كسودانيين ثم استفزانا ثانية كمريخاب كمان الله يصبرنا اليوم المجالس لا حديث لها إلا الغلاء الذي ضرب البلد في كل صفحاتها ومافي اي ركن تلجأ ليهو هم في الرفاهية وعامة الشعب في نار منقد عديل لهذا ح يتحول الشعب السوداني لعديمي الزمة فقد احل الله اكل الميتة عند الضرورة واسا الضرورة تبيح لأي واحد يعمل الدايرو سرقة نهب احتيال رشاوي ألخ والله غفور رحيم دخلنا النفق الضيق ومن خلفنا ينهار ومن امامنا عتمة مظلمة لا تسمح لك بالرؤيا وسنموت اختناقاً قبل ان نخرج من النفق والبشير ما ح يلقى شعب يحكمو عشان كدا جيرانا هاجرو نحو السودان
Post: #15 Title: Re: يوم الاستقلال ( البشير يرمي بعلم السودان ف Author: Abureesh Date: 01-05-2018, 06:51 PM Parent: #14
يا على الكنزى انت مغيوظ من الهلال اكتر من اسرائيل.. وما بعيد تكره اسرائيل عشان لون علمها الازرق. بالنسبة لي هذا خاتم سليمان ونجمة داوود عليهما السلام. تميمة وحرز.
Post: #16 Title: Re: يوم الاستقلال ( البشير يرمي بعلم السودان ف Author: nour tawir Date: 01-05-2018, 08:57 PM Parent: #15
الاخ الفاضل يحيى قبانى...
بس من الصورة واضح انه ختاو فوق مزهرية ... و ليس زبالة ... ...
يختو فى مزهرية أو يختو فى كيس زبالة... النتيجة واحدة.. و هى انو اتخلص منه بشكل غير لائق .. وهو الرئيس المسئول من العلم و احترامو... كان مفروض يمسكو فى ايدو لغاية ما يسلمه للحرس وباحترام كبير.. لكن الطريقة الاتخلص بيها من العلم... زى واحد بيرمى منديل كلينكس فى سبت الزبالة.. ودا الهّيج الناس...
Post: #17 Title: Re: يوم الاستقلال ( البشير يرمي بعلم السودان ف Author: عبدالحفيظ ابوسن Date: 01-05-2018, 09:16 PM Parent: #16
مادة من قانون العلم الوطنى لسنة 1993 ⏩⏩⏩⏩⏪⏪⏪ العقوبات.
20.ـ (1) أى شخص يعدم أو يهين العلم أو أى شعار آخر لجمهورية السودان فى أى مكان عام أو مفتوح للجمهور بقصد اظهار أو اثارة الكراهية ضد سلطة الدولة ، يعاقب بالسجن مدة لا تجاوز سنة أو بالغرامة أو بالعقوبتين معاً .
(2) أى شخص يعدم أو يهين أى علم أو شعار أجنبى فى أى مكان عام أو أى مكان مفتوح للجمهور بقصد اظهار أو اثارة الكراهية ضد تلك الدولة وكان ذلك الفعل معاقباً عليه بموجب قوانين الدولة الأجنبية المعنية ، يعاقب ذلك الشخص بمقتضى أحكام البند (1) .
(3) أى شخص يخالف أى حكم آخر من أحكام هذا القانون أو الأوامر الصادرة بموجبه يعاقب بالغرامة التى تحددها المحكمة .
Post: #18 Title: Re: يوم الاستقلال ( البشير يرمي بعلم السودان ف Author: عبدالحفيظ ابوسن Date: 01-05-2018, 09:23 PM Parent: #17
حتي لو داير تتخلص من العلم لو بقي تالف يجب ان تفصل ألوانه اول
Post: #19 Title: Re: يوم الاستقلال ( البشير يرمي بعلم السودان ف Author: Asim Ali Date: 01-05-2018, 09:38 PM
*فى فكر الاخوان المسلمين ان الوطن ليس الا حفنه من تراب عفن.
Post: #20 Title: Re: يوم الاستقلال ( البشير يرمي بعلم السودان ف Author: Asim Ali Date: 01-05-2018, 09:39 PM
*فى فكر الاخوان المسلمين ان الوطن ليس الا حفنه من تراب عفن.