لمتخصصي الموسيقى .. هل أداء الكورال لاغنية عزة تشويه .. لحن مصري

08:02 AM January, 04 2018

سودانيز اون لاين
علي عبدالوهاب عثمان-جدة
مكتبتى
رابط مختصر

طوال احتفالات عيد الاستقلال كنت متابع في القنوات التلفزيونية الاناشيد الوطنية
التسجيل الاصلي رائع جداً ..
فنان أسمه أبوبكر سيداحمد .. يردد الاناشيد مثل اللحن الاصل بدون تغيير
وكذلك فنان ضرير مع أحمودي عازف عود .. أيضاً بنفس اللحن الاصل .. غنى ( فديك بالروح ) لعثمان حسين ( مبالغة)
المشكلة فرقة كورال أول مرة أشاهدها بناتنا وأولادنا .. عندما رددوا الاناشيد الوطنية
أشوف اللحن كده زي مصري .. بعض أجزاء الاغنية طبق للحن الاصل هنا يظهر الجمال والطرب
ولكن بعد شوية نجد أن الوضع تغير إلى لحن أقرب للاغاني المصرية .. في أغنيات مثل " عزة ، وديل أهلي ..
كمان حتى ناس عقد الجلاد يبدأوا كويس ثم يميلوا إلى نفس اللحن ..


ربما الموسقيين يفهموا هذا الموضوع ويعتبرونه نوع من التطوير الموسيقي وله ما يبرره حسب الخلفية العلمية
ولكن المستمع العادي ( وأنا منهم ) لا يمكن أن يستسيغ اللحن إلا إذا تم شرح اللحن وتبرير ذلك .. هل يمكن ذلك مع كل المستمعين
لماذا يتم تغيير لحن عزة ، أنا سوداني ، ديل أهلي .. إلخ

ما هو نوع هذا الغناء .. يعني الواحد لازم يكون عارف السلالم عشان يبرر طربه .. أم الطرب يكون تلقائي بدون خلفية أكاديمية

عذراً .. يا جماعة بس عايز أعرف أنا موقعي شنو من الاعراب .. هل الخطا عندي أم أو عند الفنانين ..

الاحباب الكرام ما في زول يقول لي ارفع أغنية ( فيديو) أنا زول تربال 100% فقط أعرف أفتح البوست وأكتب

مودتي للجميع .. في إنتظار أهل الموسيقى للتبرير عشان أرجع أسمع هذا النوع من الغناء