Post: #2
Title: Re: عام 1989م
Author: جلالدونا
Date: 01-03-2018, 07:58 AM
Parent: #1
ها زول ها كان كدى اقيف ما تزيد و لا كلمة ارجع الخلوة ابركلك قال غسمن قال ------- غَسَم
غسم - يغسم ، غسما وغسوما 1 - غسم الليل : أظلم _______ ضلّمتها ياخى
|
Post: #3
Title: Re: عام 1989م
Author: ابراهيم عبد الوهاب
Date: 01-03-2018, 08:03 AM
Parent: #2
اقسمبلاي يا جلال لا بحتاج خلوة لا تجويد فااااااا سجمي اتا كوز
|
Post: #4
Title: Re: عام 1989م
Author: جلالدونا
Date: 01-03-2018, 08:14 AM
Parent: #3
الحمد لله الصلحتها سجمك كان بقيت كوز قال غسمن قال
|
Post: #5
Title: Re: عام 1989م
Author: Haytham Ghaly
Date: 01-03-2018, 08:24 AM
Parent: #4
دعوة للجعير. . و لأن البكا بيحرروه أهله 😑 كتب د.أحمد كرار :
بمناسبة الاستقلال.. والناس الفرحانة بدون موضوع دي.. أنا شايف أي سوداني حقو يمرق الشارع ويلاقي أخوهو ويتقالدو ويقعدو يبكو.. وكلما يتذكرو مأزق السودان تاني يبكو.. الفساد، وانهيار الخدمة المدنية.. هجرة الأطباء والكفاءات، انعدام الأمن ويتذكروا أيام الباسطة في الداخليات والحليب وتأسيس الإتحاد الإفريقي يجيبو المناديل والناس تنف –لامؤاخذة – لو فضل فيها مؤاخذة زاتو! ويبكوا يتدردقو في الواطة دي.. المحسوبية،والعنصرية، وتدميرالتعليم.. ويتقالدوا ،يجعروا تاني يتذكروا رسالة الرئيس الأزهري للنفيدي يطلب منه بعض المال كسلفية يتذكروا سلة غذاء العالم والمليون ميل مربع ومشروع الجزيرة وجامعة الخرطوم المنارة.. وتاني يجعرو.. ويتقالدو.. يدقوا صيوانات عزاء في كل مكان.. في الميادين العامة النهبوها من متنفس الناس، وفي الشوارع المطفحة بالصرف الصحي ،و في والسكك الحديد المهجورة.. وأي زول يبكي براحتو ،وبكل حرقة ومافي زول يصبر زول.. الصبر زاتو متضايق مننا والله.. ومن سغالتنا وتقل دمنا.. البكا حار، وبحررو أهلو.. خط هيثرو اللغز.. شارع مدني يبتلع ذوينا وأرحامنا وأهلنا بدم بارد.. سودانير، تذكرة أكيدة لرحلة الذهاب بلاعودة.. أمشي وتعال بكرة.. الزول دا في اجتماع.. الخزنة قفلت.. سعادتو في الفطور الألم، الجوع ، الخوف، المرض، الجهل.. المشقة في كل شيء .... معايدة باكية حتى لا ننسى او نتناسي اعجبتنى الكلمات برغم مرارتها فقلت ربما تكون معايدة لضميرنا الذى نام طويلا ولابد أن يستيقظ الوطن يناديكم كل عام وانتم بخير
منقول من الواتس
|
Post: #6
Title: Re: عام 1989م
Author: جلالدونا
Date: 01-03-2018, 08:49 AM
Parent: #5
سجمك يا هيثم الزلمة بتكلم عن 1989 تجيهو انت من 1956 بى كده انت قلبت جلودو كان عندو جلد من اصلو قال غسمن قال يا شيخ اتلهى
|
Post: #8
Title: Re: عام 1989م
Author: ابراهيم عبد الوهاب
Date: 01-03-2018, 08:59 AM
Parent: #5
فعلن الجعير حاصل يا هيثم
|
Post: #7
Title: Re: عام 1989م
Author: ابراهيم عبد الوهاب
Date: 01-03-2018, 08:53 AM
Parent: #4
غسمن غسمن لن ننهار
|
|