ماذا حدث لفناني السودان في راس السنة؟؟ طه سليمان وانصاف مدني مثالا هما فنانان احترمهما جدا كزملاء ولكن ماشهدته لهما جزئيا في راس السنة احزنني جدا منهما وعليهما. طه سليمان الذي كنا نعقد عليه امالا كبيرة في أن يشيل هم الغناء السوداني افاجأ به يتغنى باغنيات في رايي لا تتساوى مع المكانة التي وصل اليها وما حيرني أن اسمع طه يغني "كده كده يالترلة القاطرا قندرانو". او لا يعلم ويفهم طه المغزى والايحاء السيئان المختبئان وراء هذا التعبير ويتغنى بهما في احتفال رأس السنة وتنقلها قناة النيل الازرق؟؟؟ لماذا يا طه وانا اعلم بان لك اغنيات راقية كان يمكن ان تتغنى بها بل تغنيت بها في الحفل ولكن أن تتغنى باغنية كده كده يالترلة القاطرا "قندرانو" واصلا الكلمة قندراني سودانية الاصل شوههها ذلك الفنان النوبي. مازال الفنان المبشر طه سليمان يستطيع أن يلحق بركب المبدعين الحقيقيين بان يتغني بنصوص محترمة تناسب جيله المتعلم والحان موسيقية رائعة ويمكنه أن يفعلها. اما الفنانة انصاف مدني التي اعشق غنائها عندما تتغنى بمصاحبة الدلوكة فقط, فقد ارتكبت جرما من نوع اخر فقد شوهت احدى اجمل الاغنيات التي عشقتها في شبابي وتغنت بكلمات عبارة عن مسخ مشوه. بدأت اغنية جاز الديوم الشهيرة "براي يا خلا" بنفس المطلع ولكنها بعد ذلك بدأت المسخ المشوه "يا قزازة الكولا الخ" من أين لك هذا زمليتنا المحترمة انصاف ولتنظري الى الفرق حيث الليل وسهاد عينيا تعيش ياحبيبي هاني واعيش انا في الاسية
ثم ثانيا من الذي هداك للغناء بمصاحبة الموسيقى مع احترامي الكبير للفرقة المصاحبة لك. انك عندما تتغنين بمصاحبة الدلوكة وتعزفينها بنفسك فان هذا يؤهلك الى مستوى فنانة عالمية لرخامة الصوت ووضوحه ولبراعتك في عزف آلة الدلوكة نفسها. اذن فلماذا تنجرفين في هذا التيار الذي فشل فيه الكثيرون من قبلك. اكتب مقالي هذا حرصا عليكما لانني متيقن بالفنان الكامن في كليكما. ولكما التحية يوسف الموصلي
تحياتي استاذنا الموصلي وكل عام وانت بخير يبدو انّك طوّلت ما شفت انصاف مدتي لتأخذ عليها ترك الغناء بالدلوكة , هذا ليس امرا جديدا زماااان انصاف خلّت الدلوكة وبقى عندها فرقة ولها كثير من الحلقات المسجلة في التلفزيون تغني بصحبة فرقة دا غير النيولوك الأشقر كمان ههه
Post: #3 Title: Re: ماذا حدث لفناني سودان راس السنة؟؟ طه سليم� Author: محمد عبد الله الامين Date: 01-01-2018, 12:59 PM Parent: #2
ده غنى قلبواا يا استاذ ده الغناء الماشي في البلد لانو السودان يمر بحاله انهيار في كل شي والفن ما سلم من هذا الطوفان الجارف واذا غنو اغنيات محترمه صدقني تاني مافي جمهور بجيهم ده طلب السوق وشباب الزمن ده انتهي زمن الفن الراقي .. وتحياتي يا استاذ موصلي
فعلا كلامك صحيح يا محمد واتفق معك فيه ولكن هنالك بصيص امل حفلات تنجح للاستاذ محمد الامين والبلابل وبصورة متكررة يعني وشء هذا الركام توجد نقطة ضوء تحياتي
Post: #4 Title: Re: ماذا حدث لفناني سودان راس السنة؟؟ طه سليم� Author: علي عبدالوهاب عثمان Date: 01-01-2018, 12:59 PM Parent: #2
دا غير النيولوك الأشقر كمان ههه
============= ملاحظتك قوية ودالبشرى .. في جمعية عندنا لقيت الشباب يشاهدوا في الحفل سبحان الله .. أول تعليق كان الشعر الاشقر .. لأن مع لونا ده الشعر الاشقر غير مناسب أبداً الشعر في وادي هي في الوادي .. المشكلة في عدم الفهم في تفاصيل الحياة
============= قريبي الفنان الموصلي .. سيرناقمي بلالتود .. طولت الغيبة في الشمالية مهرجان ( البركل ) نفس الطريقة لخبطة وأغاني غريبة جداً وأكثر حاجة رفعت ضغطي في واحدة إسمها فهيمة حاولت تغني بالنوبية وتاني وحدة إسمها ملاذ .. عندها تحسرت على البلابل ومناحة حلفا ( بابور كوسونا ) المناحة النوبية حتى غناء الشايقية ( ديل أهلي ) وأجمل أغنية كلمات إسماعيل وغناء ميرغني النجار والأغنية دي تعتبر رمزية ولها طعم خاص بأداء الطنبور والشايقية فقط .. وفشل الاداء تماماً لأنهم حاولوا ان يغنوها مجموعة مع أنها هي حصرياً لأهلنا الشايقية وبلسانهم المنغم والإمالة في بعض الكلمات .. مع إحترامي لعمر إحساس ولكن الغناء الشايقي صعب كما أن ميرغني نجار لا يستطيع إجادة النغمة الكردفانية ..
كان الحسنة الوحيدة فيلم إبن جزيرة مراوارتي البار قريبي وقريبك سيف الدين حسن ..
شكراً كثير فنانا الموصلي ( بلالتود ) لقيت فرصة أفضفض شوية .. كنت زعلان من المنظمين ..
الحبيب محمد البشرى الخضر تحياتي شكرا لمساهمتك القيمة واعلم انها فعلت ذلك ولكنني اتهزت هذه الفرصة لاعبر عن امتعاضي لوتذكر زمان انا عملت بوست ليها كل الود
Post: #5 Title: Re: ماذا حدث لفناني سودان راس السنة؟؟ طه سليم� Author: Osman Musa Date: 01-01-2018, 01:37 PM Parent: #1
عام سعيد عليك أستاذ الموصلي أنصاف مدني شتارة ليها ضل . في هزة كتفها وهي بتغني شكلها بكون زي الزول البيتعلم في ركوب العجلة وهو كبير . لو عملت حركة زي دي في ساحة غناء شعبية في بروكلن ح تنجلد .
في هزة كتفها وهي بتغني شكلها بكون زي الزول البيتعلم في ركوب العجلة وهو كبير . لو عملت حركة زي دي في ساحة غناء شعبية في بروكلن ح تنجلد . ----- دي قلبت فيها هوبة
================== أخي يوسف ، هل تغنى ما تسميهم فنانين أعنية واحدة من اعانيهم الخاصة؟ هولاء مقلدين وليس على المقلد حرج، عجلة الفن توقف في السودان من نهاية الثمانينات، متين كان في مقلد يقدر يظهر في التلفزيون؟ متين كان كان في مقلد يقوم بإحياء حفل راس السنة؟ المسألة جاطت يا يوسف
بالرغم من استمتاع اغلب الجمهور الحاضر الحلفة بس الملاحظ معظم أغاني طة كانت من الأغاني الهابطة جدا كتصنيف وللأسف كان هذا هو المطلوب من الحصور منتهي السطحية او ربما الهروب من واقع اليم معاش في ظروف ضاغطة والله المستعان
عزيزنا الموصلي كل عام وانتم بخير فعلا طه سليمان صوت جميل جداً ولكن بعض اختياراته احيانا غير موفقة! ولا اعتقد انو فكرة "الجمهر عاوز كده" فكرة صحيحة لأنو الفنان أو الشاعر أو المبدع من واجبه الإرتقاء بذائفة الجمهور لا العكس. سمعت انصاف مدني بالدلوكة قبل كم سنة وكان اداؤها أجمل!
كل سنة انت وكل الهنا طيبين انا ما شايف اي شي يعيب تغنيهم كل سنة وانت طيب سفيان نحن ماقلنا حاجة اكتر من انو "كده كده يالترلة القاطرا قندراني" كلام خادش ومفهوم مغزاه للجميع ده بالنسبة لطه سليمان اما انصاف ان غناؤها بالموسيقى مسخ مشوه عكس غنائها بالدلوكة الرائع وفوق ده كمان شوهت كلمات "براي يا خلا"
كل سنة انت وكل الهنا طيبين انا ما شايف اي شي يعيب تغنيهم كل سنة وانت طيب سفيان نحن ماقلنا حاجة اكتر من انو "كده كده يالترلة القاطرا قندراني" كلام خادش ومفهوم مغزاه للجميع ده بالنسبة لطه سليمان اما انصاف ان غناؤها بالموسيقى مسخ مشوه عكس غنائها بالدلوكة الرائع وفوق ده كمان شوهت كلمات "براي يا خلا"
يؤسفني ياموصلي وانت صاحب الخبرة والدربة في مجال الموسيقى يكون هؤلاء الذين ذكرتهم من المفضلين لديك ، معقولة ياخ ، حقيقة ده انحدار بالذوق عديييل كل سنة وانت طيب يا حيدر لو اردت رايي كمتخصص فهما صوتان جميلان وخامة طيبة تم التقصير في حقهما من قبلهما وان اردت المزاج الشخصي فانا احب صوتيهما وان اردت رايي حول راييك فانني احترم رأييك واختلف معه بشدة اعتبارا لمقولة يغني المغني وكل على هواه تحياتي
حبيبنا وزميلنا ترهاقا انا ماعارف انصاف لكن سمعت عدة اغنيات خاصة لطه قبل الشهرة نفذها مع اشامة علي جميلة ومتينة ولكنه فضل تصفيق الجماهير المرهقة من الحاصل على ان يبنيها بتاسيس قوي ودي مشكلة الغالب الاعم من فناني السودان الشباب كل الود
Post: #24 Title: Re: ماذا حدث لفناني سودان راس السنة؟؟ طه سليم� Author: Osman Musa Date: 01-01-2018, 08:05 PM Parent: #6
استاذ الموصلي سلامات . قبل سبعة شهور قاعدين في مناسبة . بعد شوية دخلت الفنانة أم جلحات . والله يا يوسف اول مره في التاريخ اشوف فنانة عندها جلحات عالمية . وخلفها عازف الساكسفون وطوالي دخلت في اغنية الراحل الخالد وردي . اغنية يا راجياني . والله قربت امشي أدي الحيطة روسية من شدة الزعل . وبعد اغنية يا راجياني دخلت في اغنية اسمها نبق نبق نبق . مشيت بعد ما تفيت في الواطة علي البلاء . تفيت وانا أسأل في نفسي نفس سؤال الراحل الخالد الطيب صالح من أين أتت أم جلحات ؟
من شدة الزعل . وبعد اغنية يا راجياني دخلت في اغنية اسمها نبق نبق نبق . مشيت بعد ما تفيت في الواطة علي البلاء . تفيت وانا أسأل في نفسي نفس سؤال الراحل الخالد الطيب صالح من أين أتت أم جلحات ؟
من شدة الزعل . وبعد اغنية يا راجياني دخلت في اغنية اسمها نبق نبق نبق . مشيت بعد ما تفيت في الواطة علي البلاء . تفيت وانا أسأل في نفسي نفس سؤال الراحل الخالد الطيب صالح من أين أتت أم جلحات ؟
سلامناس بتشوه خلقتها الخلقا ربنا ما تشوه غنا الناس بعدين يا استاذ الاساتذه ويا فاهم يا دارس معقول يكونوا ديل فنانيين ؟! اريت العترة تصلح المشي يا اميرة كل سنة وانتي طيبة
السلام عليكم الرجل الموسيقار الفنان يوسف الموصلى وانشاء الله حل عليكم العام وانتم بصحة جيدة اخى الحبيب كل شئ تغير وناس الداخل الامور ما بايديهم لذا ارجو منك ان تعذرهم مع خالص المحبة لك ولاسرتك الكريمة وناس أريزونا بسلموا عليك كتير
استاذنا الموصلى كانت حفلات راس السنة كما اشرت تعتمد على على بعض ركاكة الكلمات وتمايع الرقصات حتى المظهر العام لما ذكرتهما لم يرتقى الى النجومية ولكن عزؤنا هذا هو السودان الان وما وصل فيه كل شىء الى حد الانهيار بس كلامك ورسايلك اليهما هى ما تجعلنا نأمل فى عودة النجوم الى ما عرفنا عنهما فانت وغيرك هم من يجعلونا نطمئن على الفن السودانى تحياتي
Post: #31 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-02-2018, 02:31 AM Parent: #20
بس كلامك ورسايلك اليهما هى ما تجعلنا نأمل فى عودة النجوم الى ما عرفنا عنهما فانت وغيرك هم من ي
جعلونا نطمئن على الفن السودانى تحياتي
الحبيب بلدي ياحبوب شكرا للثقة وباذن الله الامور تتصلح
Post: #30 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-02-2018, 02:27 AM Parent: #17
كل شئ تغير وناس الداخل الامور ما بايديهم لذا ارجو منك ان تعذرهم مع خالص المحبة لك ولاسرتك الكريمة وناس أريزونا بسلموا عليك كتير حبيبنا صديق الوضع مفهوم والله لكن الجماعة ديل حقوا ينعدلو شويه تحياتي لاسرتك ولناس اريزونا الكرام
Post: #21 Title: Re: ماذا حدث لفناني سودان راس السنة؟؟ طه سليم� Author: محمد الأمين موسى Date: 01-01-2018, 07:51 PM Parent: #1
Quote: انك عندما تتغنين بمصاحبة الدلوكة وتعزفينها بنفسك فان هذا يؤهلك الى مستوى فنانة عالمية لرخامة الصوت ووضوحه ولبراعتك في عزف آلة الدلوكة نفسها.
ولكنه فضل تصفيق الجماهير بالمناسبة دي ياموصلي وردي غنى في احد احياء بحري بعد انتهى من الحفل ودعوه بتصفيق حار قال ليهم نفس الصفقة دي ممكن تصفقوها لحنان بلوبلو برضو .. الذوق انتهى بلدنا بقت فاكة في كل شيء الفن اصبح تجارة .. لا إجازة اصوات لايحزنون .. اي فاقد وفاقدة موهبة ممكن يبقى في السماء ويحاط بجمهور معجبين ومعجبات يطلقون عليهم القاب وتساعدهم في ذلك صحافة مأجورة ايضا تروج لمن يدفع اكثر لذا لاتستغرب ان تغنوا ب " كده كده يالتريلا " لانه ده اصلا مستواهم الذي لم يبرحوه قيد انملة منذ ان ولجوا هذا المجال .
سلام حبيبنا الموصلي فعلا مسخ مشوه قارنت حفلة امس مع حفلة عرضت قبل يومين على قناة البحر الأحمر قدمتها الفنانة مكارم بشير....كانت مكار اكثر من رائعة وارتفعت بذوق الحضور واكثر من ذلك جعلتهم يتفاعلون معها....اما طه فصوته جميل لكن.... ذوقه سطحي ...يحتاج عمل كبير يؤهله ليكون فنان عالمي بدلا من التريلا ودقيت ليهو ما ردا.... وشنو كدا ما شاء الله
سلام حبيبنا الموصلي فعلا مسخ مشوه قارنت حفلة امس مع حفلة عرضت قبل يومين على قناة البحر الأحمر قدمتها الفنانة مكارم بشير....كانت مكار اكثر من رائعة وارتفعت بذوق الحضور واكثر من ذلك جعلتهم يتفاعلون معها. ...اما طه فصوته جميل لكن.... ذوقه سطحي ...يحتاج عمل كبير يؤهله ليكون فنان عالمي بدلا من التريلا ودقيت ليهو ما ردا.... وشنو كدا ما شاء الله
حبيبنا بدر نعم هي بتغني الغنا السمح لكنو برضو ماحقها مفروض تنتهز فرصة المحبة وتعمل غناها انصحهها بان هذه الفرصة ستضيع من يدها
الفن اصبح تجارة .. لا إجازة اصوات لايحزنون .. اي فاقد وفاقدة موهبة ممكن يبقى في السماء ويحاط بجمهور معجبين ومعجبات يطلقون عليهم القاب وتساعدهم في ذلك صحافة مأجورة ايضا تروج لمن يدفع اكثر لذا لاتستغرب ان تغنوا ب " كده كده يالتريلا " لانه ده اصلا مستواهم الذي لم يبرحوه قيد انملة منذ ان ولجوا هذا المجال .
صدقت والله اخي حيدر
Post: #33 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-02-2018, 04:22 AM Parent: #21
ليتها تسمع هذه النصيحة الغالية وتأخذ بها لافض فوك يا محمد
اغنية جاز الديوم الاصل براي يا اخلا براي يا اخلا انا من عيي النوم قلا الليل وسهاد عينيا بعادك طال عليا تعيش ياحبيبي هاني واعيش انا في الاسية +++++ شباب وزهورو ونادي بتغني علي الشوادي الحبو ملك فؤادي ده الساكن قصادي وبجواري في الحلة +++ قلبي راح لعشاقو يحكي ليهم اشواقو محبوبي البريدو ياناس اعلن فراقو
خربطة انصاف مدني
وخربطة احمد البنا "الجقر"
Post: #32 Title: Re: ماذا حدث لفناني سودان راس السنة؟؟ طه سليم� Author: Ahmed Alim Date: 01-02-2018, 03:36 AM Parent: #29
حبيبنا موصلي سلامات، وكوريق آنج نلوي
الزمن تغير كتير واعتقد فكرة سيطرة الفنانين على الذوق العام وترقيته دي ذاتها تجاوزها الواقع! هسي شفع الزمن دا بقو يهتموا بالجملة اللحنية الراقصة اكتر من كلمات الآغاني! لو لاحظت في امريكا كل غناء الهيب هوب بقى ما عندو موضوع نهايي وفعلاً بتم تركيب البيتس اولاً بعدين يعملوا ليركس مثير وكتير من الاحيان بكون كلام ما مترابط هههههه
Post: #35 Title: Re: ماذا حدث لفناني سودان راس السنة؟؟ طه سليم� Author: محمد فضل الله المكى Date: 01-02-2018, 04:55 AM Parent: #32
. استاذنا الموصلي ... ألفين سلام وكل سنة وانت والأسرة الكريمة بألف خير موصلي الله لا وراك ( عبلانج ) إسمه صلاح ولِّي !!!!!!
Post: #36 Title: Re: ماذا حدث لفناني سودان راس السنة؟؟ طه سليم� Author: Dr. Ahmed Amin Date: 01-02-2018, 08:43 AM Parent: #35
كل عام وانت بخير استاذ الموصلي وجعل الله العام الجديد سعيد علي السودان واهله كنت حضورا واسرتي للحفل من داخل سبارك سيتي .. كانت القاعة تئن بحضور فوق طاقتها .. ولولا الحضور القوي للمنظمين لفلت الامر طه بدا الحفل باغنيات جميلة ... وضج الناس وطالبوه بشدة بهذه الاغنيات التي سمعتها ... الجمهور كان السبب الاقوي ... الكميرة لم تنقل كل ما كان يدور يسار المسرح هههههههههههه كانت معجنة يا رجل .... غايتو ناس النظام العام لو دخلوا هاهاهاهاهاها
كل عام وانت بخير استاذ الموصلي وجعل الله العام الجديد سعيد علي السودان واهله كنت حضورا واسرتي للحفل من داخل سبارك سيتي .. كانت القاعة تئن بحضور فوق طاقتها .. ولولا الحضور القوي للمنظمين لفلت الامر طه بدا الحفل باغنيات جميلة ... وضج الناس وطالبوه بشدة بهذه الاغنيات التي سمعتها ... الجمهور كان السبب الاقوي ... الكميرة لم تنقل كل ما كان يدور يسار المسرح هههههههههههه كانت معجنة يا رجل .... غايتو ناس النظام العام لو دخلوا هاهاهاهاهاها
طيب يا دكتور مش كان افضل للنيل الازرق تنقل النصف الافضل من الكوب كل الود
Post: #38 Title: Re: ماذا حدث لفناني سودان راس السنة؟؟ طه سليم� Author: Dr. Ahmed Amin Date: 01-02-2018, 12:08 PM Parent: #35
كل عام وانت بخير استاذ الموصلي وجعل الله العام الجديد سعيد علي السودان واهله كنت حضورا واسرتي للحفل من داخل سبارك سيتي .. كانت القاعة تئن بحضور فوق طاقتها .. ولولا الحضور القوي للمنظمين لفلت الامر طه بدا الحفل باغنيات جميلة ... وضج الناس وطالبوه بشدة بهذه الاغنيات التي سمعتها ... الجمهور كان السبب الاقوي ... الكميرة لم تنقل كل ما كان يدور يسار المسرح هههههههههههه كانت معجنة يا رجل .... غايتو ناس النظام العام لو دخلوا هاهاهاهاهاها
استاذنا الموصلي ... ألفين سلام وكل سنة وانت والأسرة الكريمة بألف خير موصلي الله لا وراك ( عبلانج ) إسمه صلاح ولِّي !!!!!! شفتو حتى بالامارة جابوهو في التلفزيون ههههههههههه
الزمن تغير كتير واعتقد فكرة سيطرة الفنانين على الذوق العام وترقيته دي ذاتها تجاوزها الواقع! هسي شفع الزمن دا بقو يهتموا بالجملة اللحنية الراقصة اكتر من كلمات الآغاني! لو لاحظت في امريكا كل غناء الهيب هوب بقى ما عندو موضوع نهايي وفعلاً بتم تركيب البيتس اولاً بعدين يعملوا ليركس مثير وكتير من الاحيان بكون كلام ما مترابط هههههه
تحياتي
حبيبنا احمد ياخي على الاقل المزيكة مظبوطة صاح بعدين ده مجتمع مختلف وانا متاكد انو كلامهم منظم اكتر هال مندي ووو اهمد
الأخ الموصلي, كل شيئ في السودان أصبح مشوه,,,ما شفت البنات كلهن بقن صفر والشعر طويل؟؟ طبعا بشوهن أنفسهن بالكريمات والبواريك, فالثقافة دي وصلت إلي الشعر والغناء,, إعتبر هذا نوع من أنواع الكريمات والبواريك الخاصة بالغناء
اخر لقاءنا كان بالاسكندرية بمسرح الكورنيش فى منتصف الثمانينات
فى احتفال شاركتنا لرابطة ترهاقا حلفا السكوت المحس
تمنياتى لك بدوام الصحة وكل عام وانتم بخير
زي ما قال العديد من ضيوفك غنا الزمن ده حسب طلب الجمهور
وجمهور الزمن هذا اعمارهم بين 15 الى 35 تقريبا
Post: #41 Title: Re: ماذا حدث لفناني سودان راس السنة؟؟ طه سليم� Author: سيف اليزل سعد عمر Date: 01-02-2018, 12:40 PM Parent: #40
Quote: وما حيرني أن اسمع طه يغني "كده كده يالترلة القاطرا قندرانو".
ما فيها حاجة يا الموصلي...
كده كده يا الترلا ما استوردناها من دولة ثانية..
أغنية( الهجروك عليا) سمعناها قبل كده قبل ان تأخذ أنت الكلمات والقالب اللحنى... حتى اغنية كده كده يا الترلا كانت تغنى مع الهجروك عليا قبل ان تجد طريقها لدول اخري عشقت كلماتها والحانها...
ما فيها حاجة يا الموصلي...كده كده يا الترلا ما استوردناها من دولة ثانية..أغنية( الهجروك عليا) سمعناها قبل كده قبل ان تأخذ أنت الكلمات والقالب اللحنى...حتى اغنية كده كده يا الترلا كانت تغنى مع الهجروك عليا قبل ان تجد طريقها لدول اخري عشقت كلماتها والحانها...فما فيها حاجة..تحياتىوكل سنة وإنت طيب
وجهة نظر برضو بس نحن رفعنا مستوى النص في الحجروك وعملنا تنويع كبير للحن برضو استغلوهو لصوص الغناء وبرغم كدة فان النص الاصلي للحجروك عليا ارفع واجمل كتير من الترلة ذات المغزى الجنسي البحت وكل عام وانت بخير
Post: #42 Title: Re: ماذا حدث لفناني سودان راس السنة؟؟ طه سليم� Author: علي عبدالوهاب عثمان Date: 01-02-2018, 12:46 PM Parent: #40
مع التحية لفنانا الجميل الموصلي ..
زمراوي أننقا .. يا زول يا فنان .. معقول ما تظهر في مهرجان البركل وتحرمنا من روائع المرحوم وردي معليش زمراوي .. بالله لو عندك اي تواصل مع عبدالوهاب وردي كلمه لا يسمح بكل من هب ودب بترديد اغاني وردي .. وأكثر من ذلك كمان هو يقود الموسيقى كمان رجاء خاص يا زمراوي نرجو توثيق أغاني وردي بالنوبية في قناة الشمالية بصوتك وهو الأقرب كثيراً لوردي .. ( مسونكيل .. كروليه نوقوليه .. )
يا يوسف الشاب خالد (خالد حاج إبراهيم) الفنان العالمي الجزائري الانت (وزعت) ليهو أغنية (تخيل) الغنيتها معاهو في فندق MGM Grand بدأ شهرته بأغاني الراي وفيها كلمات يرفضها المجتمع ويطلق عليه (الفن الممنوع) وكان محظور اشتهرت موسيقى الراي عالميا بفضل الشاب خالد مع ذلك.
انصاف دي أعذروها يا أخوانا، أهو بتحاول على قدر ثقافتها تتأقلم مع الشهرة المفاجئة و التغييرات في اللايف ستايل. اختنا الحبيبة نعمات الناس ديل لو عرفو انو الزول الطبيعي اجمل منو مافي اخير ليهم وحقو زميلنا اللحو يغني ليهم كل يوم ده جمال طبيعي والله مامزور تحياتي
نحن مجتمع محافظ اكثر من الجزائر والغرب ولكل مقال مجال عموما اذا فهمنا ماهي الترلة وما هو القندراني فان ذلك لن يكون في غناء خالد وربما الغالب الاعم من غناء الغرب اها نحترم رايكم ونختلف معه مع الاتفاق في امر تجويد الموسيقى لكم دينكم ولي دين
Post: #57 Title: Re: ماذا حدث لفناني سودان راس السنة؟؟ طه سليم� Author: علي عبدالوهاب عثمان Date: 01-02-2018, 05:09 PM Parent: #56
فنانا الجميل .. موصلي أمبس .. أرجو التواصل مع زمراوي لإحياء اغاني وردي النوبية لأن في مهرجان البركل وكل المهرجات الفرعية في البرقيق وحلفا كان الكثير من الضجيج وعبث وصراخ .. قناة الشمالية خالية من هذا الارث الجميل .. سؤال جانبي بلالتود : لماذا ناس جزيرة مراوارتي وهي جزيرتكم قمة في الابداع .. الشاعر جلال عمر أميز الشعراء النوبيين ( أندادي ) سيف الدين حسن شاب موهوب جداً قام بإنتاج وإخراج أجمل فيلم وثائقي عن السودان ( أرض السمر ) لا اريد أن اقصم ظهرك .. وأنت تحمل نفس الجينات ولكن صقلتها بالعلم والمعرفة ..
هيروو ووو بلالتود أمبس ما تنسى موضوع قناة الشمالية .. إتواصل مع قريبك سيف الدين حسن ..
ليه الجماعة المستعربة المسلمة في السودان-كما يسميها ك. الجزولي- بتهتم ب"الشعر" أكثر من الموسيقى في الأغنية؟؟
وبناء على "المحافظة" التي اشرت إليها،
كيف نقيّم "حنان بلو بلو" والراحل المقيم "مصطفى سيدأحمد" في ما يتعلق بالأداء في المسرح؟؟ا
لأولى اشتهرت بالرقص ، والثاني اشتهر بالجمود وعدم الحركة أثناء الغناء...
Post: #68 Title: Re: ماذا حدث لفناني سودان راس السنة؟؟ طه سليم� Author: Asim Ali Date: 01-03-2018, 00:38 AM Parent: #62
استاذ موصلى المبدا السائد حاليا هو السوق/الجمهور عايز كدا ..ودامش فى الفن براهو فى مختلف انشطه المجتمع مثلا التعليم محاوله ارضاء اطالب على العمليه التعليميه وهدفها. لو جينا للغناء كوجه من وجوه الفنون نلقى السائد هو حاله من الهبوط والتردى والتلوث الصوتى وبدل ما يكون الفن خلاف الترفيه وسيله ترقيه للذوق والاحساس حتى ينعكس على السلوك.التعامل اصبح الرائج يؤدى دور مخالف اسلوب والوان الازياء ,طريقه التخاطب و.........وابسط شىء مثلا ماذكره الرسول فى الحديث وهو اماطه الاذى عن الطرق يحدث اذا كانت النفس تحس بالجمال وتحاول تجمل حتى لو كان حجر فى منتصف الطريق.وانظر الى شوارعنا الان فى احيائنا ووسط منازلنا كيف هى؟ .المجتمع يحتاج بشده اعاده احياء الفنون - بكل اطيافها - حتى ينعكس على سلوكنا وذوقنا الى ما قبل 30 او 40 سنه بالعوده الى الزمن الجميل .
Post: #88 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-04-2018, 00:24 AM Parent: #69
شكرا ليك ياسمسم
Post: #72 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-03-2018, 06:03 AM Parent: #68
المجتمع يحتاج بشده اعاده احياء الفنون - بكل اطيافها - حتى ينعكس على سلوكنا وذوقنا الى ما قبل 30 او 40 سنه بالعوده الى الزمن الجميل .
ابصم بالعشرة وأثمن هذا الرائي السديد يا عاصم
Post: #70 Title: Re: ماذا حدث لفناني سودان راس السنة؟؟ طه سليم� Author: محمد حيدر Date: 01-03-2018, 01:25 AM Parent: #62
تحيه للفنان المثقف فنيا يوسف الموصلي و الكرام المتدخلين بخصوص حفل راس السنه الاخير بصاله سبارك سيتي بمدينه بري و الذي نقلته علي الهواء قناه النيل الازرق مشكوره منيت نفسي امالا عراض بحضور حفل سوداني كامل الدسم خصوصا و ان الفنانين المشاركين يعدون سوبر ستارز بمقاييس السودان (طه و اصاف)، و رغما عن ان قناه النيل الازرق قامت بالدعايه قبل فتره للحفل و بشرت بنقله و حشدت كبار مذيعينها للربط بين الفواصل، لكن كات هناك مشكله في الصوت بحيث انني كنت احس بكتمه الصوت و عدم وضوحه رغما عن البهرجه المصاحبه للحفل
بخصوص اداء النجمين جاء مخيبا لامالي و امال الكثيرين، عشوائيه في الاداء و العزف كانما الفنانين و فرقهم الموسيقيه المصاحبه لم يستعدوا لهذا الحفل و لم يقوموا بالبروفات المهيئه للاداء الجيد، و لا توجد حرفيه كامله في التقديم و لا اختيار الاغاني و لا الدقه التي كان يمتاز بها فنانونا العمالقه من امثال وردي و كابلي و ابراهيم عوض.
المطربه انصاف مدني رغما عن شهرتها التي جاءت اصلا من اداءها لغناء البنات المصحوب بالدلوكه الا انها تخلت عنها و ركبت موجه الاداء بفرقه موسيقيه خصمت الكثير من رصيدها، و هذا التغيير لم ينجح فيه الا قله من الفنانين لاصاله موهببتهم كالفنان كمال ترباس، و الاستاذ يوسف الموصلي بموهبته و تعليمه الموسيقي الاكاديمي المميز، و هناك فنانون لم يتخلوا عن لونيتهم الشعبيه رغما عن دراستهم للفن في معهد الموسيقي كالراحل عبدالله الحاج. اعيب علي الفنانه انصاف مدني تقمصها لشخصيه شعبولا الفنان الشعبي المصري و ايحاءها بانها جاءت من بيئه شعبيه و تصر في لقاءتها التلفزيونيه على ابراز العشوائيه و الهمجيه و عدم احترام مقدم اللقاء او الجمهور الذي يحضر اللقاء، رغما عن انني لا انكر موهبتها الجميله و الكبيره، لكن يجب عليها ان تنضبط كمغنيه فالمستمع لا يهمه خلفيه المغني بل يهمه اداءه و جوده الماده التي يقدمها و احترامه لنفسه و لمعجبيه. ارجو من القراء ان يسمحوا لي بايراد هذا المقطع لاحد اجمل اغاني الدلوكه في احد البرامج الفنيه في التلفزيون حيث تقدم الفنانه عوضيه حسين (عذاب) اغنيه (مبروك عليك الليله يا نعومه) و كان الغناء جميلا جدا و اداء فيه روعه و هي اغنيه محفوظه في وجداننا و تغني بكلماتها من قبل فنانين كبار كالاستاذ الكابلي. ما حملني لتقديم هذا المقطع هو التداخل المزعج للفنانه انصاف و ايرادها و تكرراها لمقطع (لفوا رجعوا جونا) و هو مقطع لم يكن ضمن الكلمات الخفيفه التي صاغها الشاعر السر دوليب بعلوا صوتها حتي طغي على الكورس المصاحب للمغنيه و وتّر الاداء و مسخه.
لا نختلف حول صوت انصاف و درجه تطريبها العاليه بس نتمني ان تتجاوز هذه الهنات البسيطه و ستتربع علي عرش مغنيات الدلوكه
بخصوص اداء النجمين جاء مخيبا لامالي و امال الكثيرين، عشوائيه في الاداء و العزف كانما الفنانين و فرقهم الموسيقيه المصاحبه لم يستعدوا لهذا الحفل و لم يقوموا بالبروفات المهيئه للاداء الجيد، و لا توجد حرفيه كامله في التقديم و لا اختيار الاغاني و لا الدقه التي كان يمتاز بها فنانونا العمالقه من امثال وردي و كابلي و ابراهيم عوض.
المطربه انصاف مدني رغما عن شهرتها التي جاءت اصلا من اداءها لغناء البنات المصحوب بالدلوكه الا انها تخلت عنها و ركبت موجه الاداء بفرقه موسيقيه خصمت الكثير
Very well said تسلم يا محمد حيدر فمساهمتك متينة
Post: #71 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-03-2018, 06:00 AM Parent: #62
يا موصلي كل سنة وانت طيب
ليه الجماعة المستعربة المسلمة في السودان-كما يسميها ك. الجزولي- بتهتم ب"الشعر" أكثر من الموسيقى في الأغنية؟؟
وبناء على "المحافظة" التي اشرت إليها،
كيف نقيّم "حنان بلو بلو" والراحل المقيم "مصطفى سيدأحمد" في ما يتعلق بالأداء في المسرح؟؟ا
لأولى اشتهرت بالرقص ، والثاني اشتهر بالجمود وعدم الحركة أثناء الغناء.
وانت طيب يا اسامه تدويد الشعر لم يكن يوما على حساب الموسيقى في السودان ثبات الزول في المسرح لا تعني عدم الابداع فيروز مثالا وحركة الزول في المسرع لاتعني ابداعا صلاح ولي مثالا كل الود
Post: #67 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-03-2018, 00:19 AM Parent: #57
قريبي العزيز بالنسبة لومراوي عندو الايميل بالنسبة لقناة الشمالية ان شاء الله بعد وصولي للسودان اول مارس حيكون لي شغل معاهم كل الود
Post: #73 Title: Re: ماذا حدث لفناني سودان راس السنة؟؟ طه سليم� Author: عبد الباقي الجيلي Date: 01-03-2018, 07:59 AM Parent: #67
أستاذنا وسفيرنا الجميل د. موصلي
إن كان لي من تعقيب ، فهو تثنية حديث صديقي الإعلامي الفاتح ميرغني ..
من أن النجاح الجماهيري للفنان لا علاقة له بجودة ما يقدمه ...
الفنان ليس مرآة للمجتمع ... يعكس حسنه وقبيحه ...
وإنما أداة ترقية لذوقه وأخلاقه وقيمه ....
الفنان حامل رسالة .. وليس عاكس سلوك وذوق ...
وإن لم يرتق الفنان بذوق جمهوره ويساهم في تكوين وجدانه إيجاباً
وإن لم يرتق الفنان بذوق جمهوره ويساهم في تكوين وجدانه إيجاباً
فلا كان الفنان .. ولا كان الفن ...
مع محبتي ....
نعم فهذا رأي سديد
Post: #74 Title: Re: ماذا حدث لفناني سودان راس السنة؟؟ طه سليم� Author: حاتم إبراهيم Date: 01-03-2018, 08:48 AM Parent: #1
Quote: اما انصاف ان غناؤها بالموسيقى مسخ مشوه عكس غنائها بالدلوكة الرائع
أديها فرصة، ما انت كمان بديت بالرق وانتقلت (للأوركسترا) وكان ممكن تكون فنان شعبي رائع جدا.
=========
Quote: اما الفنانة انصاف مدني التي اعشق غنائها عندما تتغنى بمصاحبة الدلوكة فقط, فقد ارتكبت جرما من نوع اخر فقد شوهت احدى اجمل الاغنيات التي عشقتها في شبابي وتغنت بكلمات عبارة عن مسخ مشوه. بدأت اغنية جاز الديوم الشهيرة "براي يا خلا" بنفس المطلع ولكنها بعد ذلك بدأت المسخ المشوه "يا قزازة الكولا الخ" من أين لك هذا زمليتنا المحترمة انصاف ولتنظري الى الفرق
ثم إجابة للسؤال دا
Quote: أخي يوسف ، هل تغنى ما تسميهم فنانين أعنية واحدة من اعانيهم الخاصة؟
يكون الرد
Quote: حبيبنا وزميلنا ترهاقا انا ماعارف انصاف لكن سمعت عدة اغنيات خاصة لطه قبل الشهرة
طيب كنت (تعشق) غناها كيف بدون ما تعرف الخاص بيها من التقليد وانت أصلاً زميل مهنة مطلع؟
============
Quote: بعد شوية دخلت الفنانة أم جلحات . والله يا يوسف اول مره في التاريخ اشوف فنانة عندها جلحات عالمية +++ نفس سؤال الراحل الخالد الطيب صالح من أين أتت أم جلحات ؟ =========== معليش امسحا لينا في وشنا حبيبنا عثمان =========== ناس بتشوه خلقتها الخلقا ربنا ما تشوه غنا الناس بعدين يا استاذ الاساتذه ويا فاهم يا دارس معقول يكونوا ديل فنانيين ؟! =========== اريت العترة تصلح المشي يا اميرة +++ لكن الجماعة ديل حقوا ينعدلو شويه =========== إعتبر هذا نوع من أنواع الكريمات والبواريك الخاصة بالغناء =========== عثمان تعبيرك دقيق "وفي التنك"تحياتي
دا شيء تاني بعد دا، خلاف المسمى (رأي فني) ومن غير اللائق تسمح للآخرين ينتاشوا (زملاءك) الذين تقول أنك تحترمهم وما أظنك يا يوسف توافق يجي زميلك يفتح طاقة هنا عشان الناس تعلق على ملامحك واضح إنو دا غرضك بدليل تشجيعك الحار لكل تعليق سالب وغير مستحب في حق اتنين في عمر أولادك مع (إعلانك) في البداية عن (احترامك) لهما تصرفك دا يسجل ضد فهمك لمبدأ الزمالة والاحترام ويقلل من ثقتنا نحنا في رأيك الفني فيهم.
============
Quote: موصلي الله لا وراك ( عبلانج ) إسمه صلاح ولِّي !!!!!!
Quote: شفتو حتى بالامارة جابوهو في التلفزيون
يبقى مايكل جاكسون وجيمس براون ينطبق عليهم ذات الوصف. وواضح استغرابك من اعطاء الشاب فرصة في التلفزيون! هل يجب أن يكون لك رأي في ظهور الشباب على التلفزيون؟ إذا الإجابة نعم فبنفس منطقك دا يا يوسف كان مفروض يمنعوا خضر بشير وسيد خليفة وأحمد المصطفى، ولا شنو؟
============
Quote: إعتبر هذا نوع من أنواع الكريمات والبواريك الخاصة بالغناء
Quote: عثمان تعبيرك دقيق "وفي التنك"تحياتي
لكنها امرأة!!!؟ ترى ماذا تقولون لو عرضنا فيديوهات لفنانين كبار (رجال) بالكحل وأحمر الشفاه؟
=========
Quote: نحن مجتمع محافظ اكثر من الجزائر والغرب ولكل مقال مجال عموما +++ اذا فهمنا ماهي الترلة وما هو القندراني فان ذلك لن يكون في غناء خالد وربما الغالب الاعم من غناء الغرب اها نحترم رايكم ونختلف معه مع الاتفاق في امر تجويد الموسيقى +++ لكم دينكم ولي دين
غير صحيح، أهل الريف في الدول المغاربية عندهم ذات معايير السودانيين.
+++
انت العليك تشرح للناس شنو فهمك للترلة والقندراني، إذا كانت شيء مرفوض فالمجتمع أولى برد الفعل مش انت ضد زملاءك بالطريقة الفجة دي، انت موجود في السودان، وبالتأكيد عندك اتصال بالمجتمع الفني وما حتعدم حيلة تتواصل بيها مع أي من الاثنين البتقول (احترمهما) لكن في رأيي طالما الأسرة صحبت بنتها وابنها لحفل فلان أو فلانه فهم من يقرر لا أنت، شنو قصة بالمناسبة الترلة والقندراني؟ عشان أجيب ليك ما يقابلها من غناي الراي في الجزائر أو المغرب، وللشاب خالد (الوزعت ليهو) ذاتو بدل تحكي افتراضات.
+++
لا أنا قاعد هنا، وبأي (دين) يعجبك، لمن تنتهي المهزلة دي.
Post: #75 Title: Re: ماذا حدث لفناني سودان راس السنة؟؟ طه سليم� Author: ABUHUSSEIN Date: 01-03-2018, 09:10 AM Parent: #74
لا تُغذّي المتصيّد
في التجارب، أولئك الذين تم الرد على تعليقاتهم من المتصيّدين عادوا من جديد وهم أكثر رغبة في الاستمرار، لذلك ينصح متخصصو علم النفس دائما بألا تُغذّي الترول(11) (Don't Feed The Troll)، أي: لا تتفاعل معه، فإذا تدخلت في أحد الردود من متصيّد لترد بشتيمة مقابلة أو تجريح مضاد فأنت هنا لا تزعجه كما أزعجك، إذا كنت تفكر كذلك فأنت لا تفهم هذا الشخص بعد، إن إثارة غضبك هو هدفه بالأساس، لو قمت بشتمه سوف يستمر بوتيرة أعلى لأنه حقق مراده ويريد المزيد من التلذذ، بل قد يختلق حسابات وهمية للدخول منها وشتمك أكثر من مرة أو لمجرد وضع علامات إعجاب على تعليقه لإثارة غضبك أكثر لذلك فإن أفضل الحلول هو أن تتركه، فقط اتركه، قم بحظره مثلا إن أردت، لكن لا تتفاعل معه فإن ذلك يغذيه، أعرف أن ذلك صعب، وغالبا ما يندمج الكثيرون منا للصد عن ذواتهم خاصة وهم يعرفون أن ذلك يحدث على الملأ، ولهذا السبب فإننا نجد أن ردود المتصيّدين في الأكثر تفاعلا على وسائل التواصل الاجتماعي، لكنه أفضل حل ممكن.
في التجارب، أولئك الذين تم الرد على تعليقاتهم من المتصيّدين عادوا من جديد وهم أكثر رغبة في الاستمرار، لذلك ينصح متخصصو علم النفس دائما بألا تُغذّي الترول(11) (Don't Feed The Troll)،
سلام استاذنا موصلي. اول مرة اعرف انه اغنية التريلا فيها ايحاءات ومعني غير المقصود . مع المعلم انها من الاغنيات السودانية الاكثر اشتهارا عند بعص الشعوب . ليه ما قدمت انتقادك للاغنية دي من زمان . علي الاقل الناس القاعدة تشاكل فى سودانية الاغنية يرفعوا يدهم منها .وانت تعلم الصراع المصري النوبي والسوداني علي احقية الاغنية .
سلام استاذنا موصلي. اول مرة اعرف انه اغنية التريلا فيها ايحاءات ومعني غير المقصود . مع المعلم انها من الاغنيات السودانية الاكثر اشتهارا عند بعص الشعوب . ليه ما قدمت انتقادك للاغنية دي من زمان . علي الاقل الناس القاعدة تشاكل فى سودانية الاغنية يرفعوا يدهم منها .وانت تعلم الصراع المصري النوبي والسوداني علي احقية الاغنية .
سؤال ممتاز جدا يا بدر الدين اولا الاغنية سودانية وبعض اخواننا الفنانين النوبييين دأبو على هذا الفعل الليل الهادي مثالا ثانيا انا لم انتقدها بعد الانتشار لانها تم "تميرهأ واشت سابقا الى ذلك انتقدها الان لانها بثت من قبل فنان سوداني في قناة سودانية مرئية وواسعة الاتنتشار تحياتي
موصلي ..كل سنة وانت طيب ياخ كويسة 2018 لو حنلقاك بي هنا في اولا ... طه .... حتى وردي شاف فيهو شي واداهو اغنية "الدموع دايماً حبايبي" من الحانو و كلمات الحلنقي لو كان مشى على نفس المنوال كان حيكون "خليفة" الناس الكبار بس بجي مرات بيديها حبة "كتمات" لزوم ما يلزم الناس الدايرة جبجبة" يقوم يسمعوهو الناس الاضانا نضيفة زيك تقوم تضرسم ...
Post: #84 Title: Re: ماذا حدث لفناني سودان راس السنة؟؟ طه سليم� Author: علي عبدالوهاب عثمان Date: 01-03-2018, 01:51 PM Parent: #83
أستاذنا الموصلي .. إذا كان المقصود بالتريلا القاطرة قندراني .. مؤخرة المرأة !!
============= فنانا الجميل الموصلي حبيبنا صبري طه
تعرف في الخليج المرأة المكتنزة التضاريس يطلقوا عليها (( مركب الهند ))
موصلي ..كل سنة وانت طيب ياخ كويسة 2018 لو حنلقاك بي هنا في اولا ... طه .... حتى وردي شاف فيهو شي واداهو اغنية "الدموع دايماً حبايبي" من الحانو و كلمات الحلنقي لو كان مشى على نفس المنوال كان حيكون "خليفة" الناس الكبار بس بجي مرات بيديها حبة "كتمات" لزوم ما يلزم الناس الدايرة جبجبة" يقوم يسمعوهو الناس الاضانا نضيفة زيك تقوم تضرسم ...
اذن فعلى طه سليمان وانصاف مدني على اقل تقدير الا يغنسا الاغنيات اياها في القنوات وان يفرقا بين الحفلات ولقنوات الفضائية
Post: #90 Title: Re: ماذا حدث لفناني سودان راس السنة؟؟ طه سليم� Author: علي عبدالوهاب عثمان Date: 01-04-2018, 04:25 PM Parent: #89
فنانا الجميل الموصلي .. اريد أن أسأل سؤال لو سمحت .. الموضوع ده من زمان يدور في ذهني .. حتى الاغاني النوبية بعض الشباب حولها زي اللحن المصري ..
الموضوع هو :
طوال احتفالات عيد الاستقلال كنت متابع في القنوات التلفزيونية الاناشيد الوطنية التسجيل الاصلي رائع جداً ..
فنان أسمه أبوبكر سيداحمد .. يردد الاناشيد مثل اللحن الاصل بدون تغيير وكذلك فنان ضرير مع أحمودي عازف عود .. أيضاً بنفس اللحن الاصل .. غنى ( أفديك بالروح ) لعثمان حسين ( مبالغة)
المشكلة فرقة كورال أول مرة أشاهدها بناتنا وأولادنا .. عندما رددوا الاناشيد الوطنية أشوف اللحن كده زي مصري .. بعض أجزاء الاغنية طبق للحن الاصل هنا يظهر الجمال والطرب ولكن بعد شوية نجد أن الوضع تغير إلى لحن أقرب للاغاني المصرية .. في أغنيات مثل " عزة ، وديل أهلي .. كمان حتى ناس عقد الجلاد يبدأوا كويس ثم يميلوا إلى نفس اللحن ..
كما ذكرت اللون ده إنتقل للاغنيات النوبية أيضاً .. حتى أغنيتك الرائعة ( بلادنا ) في فنانين يمارسوا نفس الطريقة الإمالة إلى اللحن المصري فنانين زمان ما عندهم اللون ده ..
معليش بلالتود .. كده إجابة بسيطة عشان أفهم .. هل من عندهم ؟ أول من ناس الموسيقى ؟ المهم عشان بس عايز أفهم الموضوع ..
كما ذكرت اللون ده إنتقل للاغنيات النوبية أيضاً .. حتى أغنيتك الرائعة ( بلادنا ) في فنانين يمارسوا نفس الطريقة الإمالة إلى اللحن المصري فنانين زمان ما عندهم اللون ده ..
معليش بلالتود .. كده إجابة بسيطة عشان أفهم .. هل من عندهم ؟ أول من ناس الموسيقى ؟ المهم عشان بس عايز أفهم الموضوع ..
هيروو .. ووو بلالتود .
قريبي العزيز ما تسميه انت بالمصرنة سماه البعض قديما بالكورنة فيما يختص بمعالجات معهد الموسيقى سابقا وكورال كلية الموسيقى الان القصة كالاتي عندما تريد استخدام الاساليب الحديثة مثل الهارموني "التوافق الصوتي وتعدد الاصوات او التصويت" فستجد ان هنالك اصوات اجنبية عن المقام الاصلي قد دخلت مما يعطي احساس بالغرابة لاؤلئك الذين لم يعتادو على التعدد الصوتي علما بان قدامى مبدعينا عرف عنهم تاثرهم بالقوالب اللحنية المصرية لملحنين مصريين اخص منهم السنباطي وعبد الوهاب والموجي وكمال االطويل وبليغ حمدي بالطرية ادناه ++++++++ مقدمة طويلة حرة تليها مقدمة ايقاعية طويلة ايضا ثم مذهب "مطلع" ثم كوبليه تكرار للاثنين وقد يحدث تغيير في المنتصف ثم عودة الى الاساس اللحني ولكن ملحنينا ومبدعينا حافظو على خاصية المقام الخماسي اي انهم خمسوا المقام السباعي اذكر منهم الكاشف برعي دفع الله احمد المصطفى عثمان حسين وردي محمد الامين و الجابري على سبيل المثال لا الحصر
الاخوة النوبيين فرع مصر اثرت عليهم ثقافتهم ومجتمعهم المصري فبدأت تظهر الملامح السباعية على الحانهم وهذا شيء طبيعي ارجو ان اكون قد افلحت في الابانةو ارتن هسبي
Quote: عندما تريد استخدام الاساليب الحديثة مثل الهارموني
دا كلام ما ليهو أي معنى.
Post: #93 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-05-2018, 01:51 AM Parent: #92
ابو حسين وجلالدونا ينجدونا ويورونا كيف نعرف ان الامر اضحى هل هو معروف ابو الحسن ام
ملعون ابو البلد وعيييييييك
Post: #94 Title: Re: ماذا حدث لفناني سودان راس السنة؟؟ طه سليم� Author: حاتم إبراهيم Date: 01-05-2018, 07:26 AM Parent: #1
Quote: او لا يعلم ويفهم طه المغزى والايحاء السيئان المختبئان وراء هذا التعبير ويتغنى بهما في احتفال رأس السنة وتنقلها قناة النيل الازرق؟؟؟ لماذا يا طه وانا اعلم بان لك اغنيات راقية كان يمكن ان تتغنى بها بل تغنيت بها في الحفل ولكن أن تتغنى باغنية كده كده يالترلة القاطرا "قندرانو" واصلا الكلمة قندراني سودانية الاصل شوههها ذلك الفنان النوبي. +++ ثانيا انا لم انتقدها بعد الانتشار لانها تم "تميرهأ واشت سابقا الى ذلك انتقدها الان لانها بثت من قبل فنان سوداني في قناة سودانية مرئية وواسعة الاتنتشار
إذن مشكلتك في (تشويه) القندراني إلى "قندرانو" وليس إيحاء سيء كما تدعي! الأغاني السودانية مليانة إيحاءات بمنطقك دا، أمسك من العديل والزين ومر بالحقيبة لغاية تصل للغناء الحالي.
وبنفس المنطق بتاع (المكايدة) في حق زملائك ممكن نتوقع (إيحاء سيء) هنا برضو --- استني شويه اشيل انفاسي والم ياحلوه شتات احساسي --- مش كدة!؟
+++
دا كلام غير مقنع! فكان عليك برضو تنتقد (القمر بوبا) في جملة (البرتكان نهدك مدردم) فنانها سوداني وكان يؤديها في وسائل الإعلام القومية.
=========
Quote: اما الفنانة انصاف مدني التي اعشق غنائها عندما تتغنى بمصاحبة الدلوكة فقط
Quote: إعتبر هذا نوع من أنواع الكريمات والبواريك الخاصة بالغناء
Quote: عثمان تعبيرك دقيق "وفي التنك"تحياتي
(في التنك)!؟ يعني بالكاد نجد شخص عاقل ممكن يوافقك في الشماتة الفوق دي أو حتى يصدق أنك (تعشق) غناء فنانة وتحترمها على ضوء (استعجالك) الظاهر أعلاه فالاتنين الانت ابتدرت الحملة عليهم غير أعضاء هنا ولا يمكنهما الرد عليك.
==========
Quote: ابو حسين وجلالدونا ينجدونا ويورونا كيف نعرف ان الامر اضحى
كلفتهما شططا!!! كان الأجدر بك أن تستغيث بهما في حملتك هذه فهما خير من يجيد هذا النوع من الأفعال بدل أن تفجعنا فيك.
وننتظر منك أن تترفع عن المكايدات وتحصرها في نطاق الوسط الفني، لكيلا نلعن معك أبو البلد.
___ باروكة وتنك يا يوسف!؟
Post: #95 Title: Re: ماذا حدث لفناني سودان راس السنة؟؟ طه سليم� Author: ABUHUSSEIN Date: 01-05-2018, 07:50 AM Parent: #94
الموسيقار الفنان الاستاذ و اخونا و حبيبنا الموصلي علماء النفس قالو لا تغذي المتصيد و بي كدا بتكون حافظت على صحتك و ساهمت في علاج المريض صاح صعبة شديد لكن اتحمل و واصل في طريقك ....
تحياتي يا محترم
Post: #97 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-05-2018, 11:50 AM Parent: #95
الموسيقار الفنان الاستاذ و اخونا و حبيبنا الموصلي علماء النفس قالو لا تغذي المتصيد و بي كدا بتكون حافظت على صحتك و ساهمت في علاج المريض صاح صعبة شديد لكن اتحمل و واصل في طريقك ....
تحياتي يا محترم حبيبنا ابوحسين ما تخاف الحرامي هو المفروض يتلبد عشان ما يمسكوهو تاني انت وجلالدونا ختيتو غي علبو وبقى مسكين صاحبنا وانا افتكرت انو خجل من نفسو وشفت ليهو بوستات ونسة اوسكار شنو ما عارف الخ الخ ارفع قبعتي احتراما لكما اها لو تعبت ياابو حسين سيب لي الفرصة اسجل ركورد معاكم وعندي عنوان جاهز الجدادة الاليكترونية وجدادة الخلا وحاجات ىتانيه في بالي ولو دايرني اوضح موضوع الجدادة ممكن وخاظرك غالي قبل البوست ما ينزل ذاتو خخخخخخخخخخخخخخخخخخخخخخخخ زي ما قال طلحة ههههههه كل الود ياجميل
Post: #96 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-05-2018, 11:01 AM Parent: #94
تصور عاهدت نفسي الا اقرأ كلامك الا اذا اجبت على السؤال اياه يا ذو الشخصيات المتعدة يا ذو الشخصيات المحيرة حاتم ابراهيم علي ماهر اشقر او "اشجار طيبة" اعمل معروف وورينا الحقيقة يا معروف ابو الحسن ان كنت هو ام لا وبطل الفنجطة هنا السرقة حرام والقبر قدام [Read] ملعون ابو البلد [Read]
Quote: الجدادة الاليكترونية وجدادة الخلا وحاجات ىتانيه في بالي ولو دايرني اوضح موضوع الجدادة ممكن وخاظرك غالي قبل البوست ما ينزل ذاتو
أنا الدايرك توضحه! موضوع الجداد دا، الناقصك شنو؟ ماوس؟ أها، تفتح البوست وأنا تلقاني أول زبون صعبة دي؟
____ أحمر = red مش (read) ما ترجف!
============
Quote: خلاس موضوع الجماعة بتاعين الترلة ده قضى اغراضو
وقضى على ثقتنا فيك يا يوسف، وربما حاجات تانية. فنزولك (كُبكُب) لمستوى الجلحات والكريمات والباروكات والعبلانجات لم يترك لنا إلا خيار واحد خيار أن نتهم أولئك الشباب تحديداً بالحسد والغيرة والحقد وعدم امتلاء (التنوكة) وانتهاء العمر الفني الافتراضي، يا لحسرتنا عليهم أنفورشنيتلهم.
============
Quote: تصور عاهدت نفسي الا اقرأ كلامك الا اذا اجبت على السؤال اياه
قصدك ترد على كلامي، فإنت حتقراهو حتى ولو(زعمت) عدم متابعتك لما أكتب، هذا بحسب التجربة الموثقة أنا حاتم إبراهيم، متخصص استعدال العوجات هنا، وعليك تشرح للناس شنو موضوع الجدادة دا لأني كمان عايز أعرف، ونشوف بعدو موضوع (الكبيع) وبعدو موضوع (الإرهاب) انت قايلو موضوع واحد!
_____ ولو لقيت فرقة، حأشوف معاك (الهارموني) أخو الكاونتربوينت المفترى عليه.
طه سليمان ما حصل ليهو اي شيء ياهو طه سليمان زاتو ولو ماغنى كده كده يا الترلة يكون ده الما طبيعي !! طه سليمان اول مرة سمعتو قبل واحد وعشرين سنة !! ولي هسه الناس يقولو ليك ممكن يكون فنان كويس معقولة ياخ! وطبعا" أشهر أغاني طه سليمان والاشتهر بيها هي : قنبلة حلاة الزول في الطول والعلا قنبلة 😊 بالإضافة لي اغنية كلااام يا عوض دكام شوفو ناس كايرو وشوفو ناس الشام 😑
و الاغنية الشهيرة اسمو منو ساكن وين كتمتو نفسو الهوا وييييينو 🤔
ولو قلت اتذكر اغنية لطه سليمان غير ديل مااظن اتذكر حاجة طبعا بالإضافة لي غنا الناس التانيين!
نفسي التلميع اللقاهو والبلقاهو طه سليمان ده يلقاه اي فنان حقيقي تاني وشوفوهو حيعمل شنو .
Quote: تدويد الشعر لم يكن يوما على حساب الموسيقى في السودان ثبات الزول في المسرح لا تعني عدم الابداع فيروز مثالا وحركة الزول في المسرع لاتعني ابداعا صلاح ولي مثالا
شكرا موصلي على ردك.
الناس الاعترضوا على اعجابك بفنانين معينين انطلقوا من انهم أو انها تردد كلمات "هابطة"..
شكلت الحقيبة وجدان المستمع "المستعرب السوداني" بكلماتها المستندة على الشعر العربي الكلاسيكي. وأيضا لضعف الثقافة الموسيقية لعدم تدريس الموسيقى في المدارس، أصبحت "الكلمة" هي المعيار ل"جودة" المغني أو المغنية وتقييمه\ا..
بالنسبة للرقص ، انا اتحدث عن "الاداء " على خشبة المسرح.، وليس الابداع.
اعتقد ان المسالة لها علاقة بخلفية "المغنّي" الثقافية.
فيروز مسيحية شديدة التدين، ولها الكثير من الاناشيد الدينية ؟؟
عموما انظر للمسالة من زاوية سوسيولوجية:
مثلاً لماذا يرتدي المغنون "البدلة الكاملة"، وهي اصلا "لبس رجال اعمال"؟؟؟
هل لنفي الصورة السائدة عن المغني ك"ص ع ل و ك"، واستبدالها بهيبة رجل الاعمال من خلال "الزي "؟؟؟
لماذا يستنكف الكثير من المغنيين والمغنيات الرقص خلال الغناء؟؟
هل لأسباب ثقافية؟ دينية مثلاً، أو أعراف اجتماعية؟؟؟
تاريخياً الرقص مقترن بالغناء...
ام ماذا؟؟
Post: #107 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-06-2018, 00:42 AM Parent: #103
لماذا يستنكف الكثير من المغنيين والمغنيات الرقص خلال الغناء؟؟
هل لأسباب ثقافية؟ دينية مثلاً، أو أعراف اجتماعية؟؟؟
تاريخياً الرقص مقترن بالغناء...
ام ماذا؟؟
الشعب السوداني شعب خجول جدا وحنان بلوبلو اصولها اثيوبية وهنا يكمن الفرق
طه سليمان ما حصل ليهو اي شيء ياهو طه سليمان زاتو ولو ماغنى كده كده يا الترلة يكون ده الما طبيعي !! طه سليمان اول مرة سمعتو قبل واحد وعشرين سنة !! ولي هسه الناس يقولو ليك ممكن يكون فنان كويس معقولة ياخ!
jتتصور يا عثمان طه كان في بداياته يتعاون مع موسيقار متمكن جدا وجتد جدا اسمه اسامة على اسامة كان يقيم بالامارات والان مؤقتا بكندا وسيذهب بعدها للدوحة اسامة اسمعني تسجيلات لاعمال جادة موسيقيا ونصا رفيعة جدا ولكن يبدو انه غير الاتجاه ونجح في كسب الجمهور في زماننا هذا تحياتي
فما هي أصول البعيو وخضر بشير وأحمد المصطفى؟ بل من أي جبل تردى "العبلانج"؟
____ أنا منتظر بوست تتهمني فيهو بأني جدادة يا يوسف، الندفيك في البرد دا.
=============
Quote: ليه الجماعة المستعربة المسلمة في السودان-كما يسميها ك. الجزولي- بتهتم ب"الشعر" أكثر من الموسيقى في الأغنية؟؟ +++ عموما انظر للمسالة من زاوية سوسيولوجية:
مثلاً لماذا يرتدي المغنون "البدلة الكاملة"، وهي اصلا "لبس رجال اعمال"؟؟؟
هل لنفي الصورة السائدة عن المغني ك"ص ع ل و ك"، واستبدالها بهيبة رجل الاعمال من خلال "الزي "؟؟؟
لأن كثير من المبرزين في الشعر من أصول تعود إلى موريتانيا، بلد المليون شاعر.
+++
مافي أي سوسيولوجية هنا مجرد جهل بالأمور، فاهمين إنو الجاكيت والكرفتة للغناء وإنو الببيونة حقت جرسونات بس آخرون لا يملكون إمكانية توفير طقم الملابس الملائم.
Post: #114 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-07-2018, 02:22 AM Parent: #111
اسامة هل شفت سيمفونية الكورالية لبتهوفن؟؟؟ شوف من الدقيقة ٥٦ حتى الساعة ١ وعشرة دقائقالكورال والصولو بهزو الاحساس كيف وواقفين زي العواميد لكن التعبير الفني في الوجوه بكل مقوماتها ياسمسم صلاح ولي بتاع الساعة كم
نعم استاذ اسامة الرقص تعبير حركى لكنه منظم وقد يكون بصورة احترافية ، بالنسبة للراحل مصطفى سيداحمد والسيدة فيروز حتى الوجه جامد لا يحمل اى تعبير لكن التعبير فى نبرات الصوت والمغنى الذى يستطيع ان يعبر بوجهه اثناء الاداء وخاصه العيون يكون اكثر تأثيرا فى مواجهة الكاميرا وبنجح لو مثل
بالنسبة لمصطفى سيد احمد، ليس لدي تعليل. اها وسيمفونية بتهوفن وراها شنو
Post: #117 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-07-2018, 11:54 AM Parent: #112
نعم استاذ اسامة الرقص تعبير حركى لكنه منظم وقد يكون بصورة احترافية ، بالنسبة للراحل مصطفى سيداحمد والسيدة فيروز حتى الوجه
جامد لا يحمل اى تعبير لكن التعبير فى نبرات الصوت والمغنى الذى يستطيع ان يعبر بوجهه اثناء الاداء وخاصه العيون يكون اكثر تأثيرا فى مواجهة الكاميرا وبنجح لو مثل الله يديك العافية يا اميرة هسع فيروزدي الاحساس البتديهو للسامع في مغنيين لو رقصو من هنا لي يوم القيامة ما بجيبو شعرة منو كل الود
هل من قانون أو قوانين تحكم توزّع الفرقة الموسيقية بآلاتها المختلفة على خشبة المسرح؟
وكذلك موقع المؤدّي "المغنّي"؟؟
على اليمين ؟ على اليسار؟ في المنتصف تماماً؟
بالنسبة للاوركسترات الكلاسيكية بما ففيها الاوركسترا السيمفوني الامر نعروف ولكن بالنسبة للمجموعات الموسيقية والفرق فان ذلك له تقاليد يتحكم فيها نوع المسرح ورؤية معندسو الصوت
Post: #125 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-09-2018, 00:19 AM Parent: #122
ياسمسم الاوركسترا السيمفوني بيتكون من مابين ١٠٠ الى ١١٠ عاوف وهو ينقسم الى الاتي الوتريات كمان اول - كمان تاني - فيولا - تشيلو - كنتراباص بالاضافة الى الهارب الات النفخ الخبية مثل الفلوت الخ الات النفخ النحاسية مثل الترومبيت الترمبون الخ ثم الات النقر الايقاعية التمباني والالات المساعدة له وقد ينضم اليها البيانو في كثير من الاحيان وكل هؤولاء يشكلون نصف دائرة تتقدمها الوتريات يلبس العازفون والعازفات غالبا بدل سوداوية اللون وتختلف بدلة قائد الاوركسترا قليلا للتمييز ------------- ياريت يا اسامة تنزل لينا صورة اما لاوركسترا لندن الفيلهارموني او شيكاغو او حتى موسكو كل الود
Post: #135 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-11-2018, 11:29 AM Parent: #133
في زيلرتي انا وعركي ١٩٨٩ لموسكو كان حئنا رائعا ان شاهدنا باليه بحيرة البجع في البولشوي بموسكو تارة ثم قي لينغراد سابقا تارة اخرى وهذت امر نادر تسلم ياسمسم
Quote: في زيلرتي انا وعركي ١٩٨٩ لموسكو كان حدثا رائعا ان شاهدنا باليه بحيرة البجع في البولشوي بموسكو تارة ثم قي لينغراد سابقا تارة اخرى وهذا امر نادر تسلم ياسمسم
عندما ذهبنا لموسكو في مهرجان الشباب العالمي بعد الانتفاضة،
يا موصلي كانت هنالك تجربة لأنشاء فرقة موسيقية من الآلات الشعبية السودانية فقط.
هل تعتقد أنه بإمكاننا تأسيس أركسترا موسيقية شعبية سودانية خالصة،
يمكن أن تحل محل الاركسترا بمفهومها الغربي الراهن؟؟؟؟
وإذا كان ذلك ليس ممكناً، ماهي الآلات الموسيقية الغربية التي لا تتوفر في الآلات الموسيقية الشعبية السودانية؟؟؟
مع خالص التقدير
Post: #139 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-13-2018, 00:16 AM Parent: #138
اركسترا سودانية "خالصة"؟؟؟
يا موصلي كانت هنالك تجربة لأنشاء فرقة موسيقية من الآلات الشعبية السودانية فقط.
هل تعتقد أنه بإمكاننا تأسيس أركسترا موسيقية شعبية سودانية خالصة،
يمكن أن تحل محل الاركسترا بمفهومها الغربي الراهن؟؟؟؟
وإذا كان ذلك ليس ممكناً، ماهي الآلات الموسيقية الغربية التي لا تتوفر في الآلات الموسيقية الشعبية السودانية؟؟؟
مع خالص التقدير
الالات الشعبية السودانية هي الات كل واحدى منها تعبر عن بيئة وثقافة معينة فاذا جمعنا هذه الالات لتكوين فرقة موسيقية منها فنها ستشوه وضع كل منها من ناحية التفرد الابداعي اعتقد ان كبارنا قد انتخبو توليفة مناسبة تتطور مع الزمن فلنترك الشعبي شعبي والحديث حديث ولك التقدير ياسمسم
طبعا ياسمسم مافي زول بيحجر علي زول يعمل اي حتجة ويسميها اي اسم يعني ممكن زول يلملم كل الالات التقليدية السودانية بل لاالافريقية وينطمها بشكل معين ويسميها الاوركسترا الافريقي لكن بشكل عام كثير من الالات الشعبية ادخلت في الاوركسترا الحديث مثلا عالميا السيتار الهندي وغيره بالانسبة للاوركسترا السودانية دخل الطمبور في اغنية الود لوردي توزيع اندرية رايدر كما ان وردي عزف الطمبور في اغنية السقيد المواويل الفاتح حسين عزف الة الكوندي مع اوركسترا السمندل
هذه خمسة عشره أغنية متنوعه من عشرات الأغاني التي لا يذكرها من يكتب عن تجربة طه وفقط يقف في حرامي القلوب وقنبلة وسنتر الخرطوم!!
بعد أن يستمع الأخوة الكرام لهذه النماذج سأعود وأكتب عن فئات المجتمع السوداني والتي تتراوح من المتعلم المثقف أستاذ الجامعة والمهن العليا وحتى أهلنا الفراشه في الأسواق والذين يغسلون العربات فكيف بالله عليكم هاتين الفئتين وما بينهما من فئات تستوعب وتستمع لذات المنتج الفني؟؟!!
والأهم تواتر الأجيال وتحرك المفردة في اللغة وتغيير الحياة كل ذلك يؤثر بشكل كبير على المنتوج الفني ..
دعوني أرجع لكم بمقالي الذي بدأت كتابته أتناول فيه تذوق الفئات المجتمعية لفن الغناء والموسيقى..
وهذا حفل يوم السبت الماضي 27/01/2018 بمعرض الخرطوم الدولي
وكيف لهذا الجمهور أن يحسب تذوقه للغناء والموسيقي!!
أغنية زمن جهلي
Post: #162 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-30-2018, 06:26 AM Parent: #161
الحبيب عزيز لعلك طيب انا اصلا ليس لي اي او ادنى شك في الحس الابداعي الكبير لدى طه بل انني استمعت له في اعمال رفيعة نفذها مع الفنان اسامة علي حتى قبل الشهرة واعجبني واعلم بانه غير ذلك الخط الرفيع الي بدأ فيه برغم جماله ليقينه بان الوقت لم يات بعد فاختار الغناء خفيف الظل ونجح بامتياز لم اسمع اي من هذه الاغنيات بعد ولكنني متأكد بان عزيز خطاب لا ياتي بغناء كشه مشى مشكلتي مع طه سليمان هي ان تتلفز له اغنية مثل "كده كده يالترلة" بمضامنيها غير المحترمة فهي اغنية ايحائية لا تشبه الجميل طه ونرجو ان يبتعد عنها حتى وان مات الجمهور في دباديبها بلغه تحياتي وليعرف بان هذا نقد المحب ولك التقدير وباذن الله اسمع كل هذه الاعمال
أستاذي الجميل الموصلي لك التحية والحب كم تمنيت أن نلتقي في إجازتي كالوعد ولكن ظروفك حالت دون المجئ..
أسمح لي أستاذي وأنتم أهل الفضل في معرفتي الموسيقية أن أدلي بطرحي في حضرتكم بكل إحترام..
وسؤالي أولاً هل الأغنية هي المفردة ؟ أم الأغنية هي عمل فني إبداعي متكامل يبدأ بالفكرة الموسيقية وتحديد أبعادها ثم تنفيذها برؤية منتج الفكرة وشكل التنفيذ الأدائي للتعبير عن الفكرة والكلمات التي تترجم المعنى الحسي والأداء التعبيري للفنان؟؟
هذا السؤال تصدر مقال جاهز الآن للنشر .. وأكيد تتفق معي أستاذي على أن الأجابة تكمن في الشق الثاني للسؤال وهذا ما يتبعه العالم الرأس مالي في إنتاج الأعمال الفنية التي تتبناها مؤسسات وشركات كبرى..
نعود للأغنية السودانية..
إذا ما بدأنا بتاريخ الأغنية الحديثة والتي تحولت من الدوبيت للحقيبة فإن الأغنية كانت تعتمد على المفردة وترنيم المؤدي بصوته ولذلك التركيز كان على الكلمة فقط . لم يتحول الحال حتى عندما دخلت الآلات الموسيقية المصاحبة للأداء وذلك لعدم إنتشار معرفة علوم الموسيقى وخصائصها لذلك أصبح من الموروثات أن الأغنية هي الكلمات التي صيغ عليها اللحن والموسيقى!! منذ الدوبيت وبداية التحول للحقييبة معظم وجل المفردات في الأغنية حسية وتوصف أكثر المناطق حساسية في المرأة وتدعو الى التأمل والتفكر والتخيل في مفاتنها!! ولم يتغير الحال حتى في الحقب اللاحقة حتى تاريخنا هذا!! ولكن.
لابد من تصنيف وفهرست الموروث الغنائي الموسيقي السوداني. لأن لكل أغنية هدفها ومتذوقها.. وإذا قسمنا الأغاني الموسيقية على سبيل المثال وليس الحصر:
فهناك أغاني وطنية لها مدلولاتها .. وأغاني إرشادية لها أيضاً توجهاتها وتدخل فيها الكثير من الفروع مثلاً أغاني لرفع همت الطلاب والحصاد وووو الخ.. وهناك أغاني عاطفية وتتدرج لكل زمانها ومكانها .. مثلاً هناك أغاني للإستماع والإسترخاء والتأمل في المحبوبة ولهذا الضرب زمان ومكان هادي وقد يكون منفرداً أو بصحبة خاصة جداً.. وهناك أغنية للتلفاز والآن أصحبت أغنية مصورة أو بحضور الفنان .. وأغنية للمذياع مع تحديد الفئة المستهدفة من المتلقيين والزمن الذي يناسب البث لتلك الفئة.. وهناك أغنية مهرجانات لها سمات تأليف تناسب التنافس.. ولكل فيما ذكر أعلاه خصائص تأليف مختلفة عن الآخرى في الموسيقى واللحن والكلمة والإيقاع والأداء تناسب الزمان والمكان والحالة. دعوني أرجع الى عنوان هذا البوست.. أغاني الحفلات الخاصة وجزء من الحفلات العامة اللامة أي التي يأمها جمهور الفنان، هناك أغاني خفيفة بسيطة المفردة راقصة تعبر عن كل الفئات الحاضرة للحفل من المتعلم المثقف وحتى الأمي البسيط لأن الإيقاع والموسيقى والرقص هي التي تسيطر على الجو وهي لحظات فرح لا يستمع الناس فيها عادة الى ما يقول الفنان بقدر ما تقوله الموسيقى والإيقاعات الصاخبة المصاحبة وصوت نجمهم المحبب وحضوره الأنيق.
وهذا يقودني للقول بأن ليس كل فئات المجتمع على درجة واحدة من المعرفة والثقافة والتذوق ولا يجدر بنا أن نحرم فئه من حقها في التذوق . لذلك كل من أتيحت له فرصة الكتابة أو الحديث عبر الوسائط الإعلامية فهو من الصفوة الذين يرون الأشياء بمقدارهم ولا يحسبون للعامة حقهم في تلقي الفنون.. ما يعبر عن طموحات وأحلام ومشاعر الأستاذ الجامعي بالتأكيد لا يعبر عن العامة من الذين يفترشون بضاعتهم في الأسواق ولا من يغسلون السيارات أو من لم ينالوا حظهم في الإلتحاق بالمجتمعات المتعلمة والمثقفة ..
وهذا يقودنا لسؤال آخر.. هل الفنان المغني يقوم مقام المعلم والمدرسة؟؟ بالقطع لا. فالفنان مهنته ومهمته الترفيه وإسعاد المتذوق والتعبير عن مشاعره بأدائه وصوته لكل فئات المجتمع صغير وكبير متعلم وغير ذلك.. لكل مكان أغنية ولكل زمان متذوقه وللكل الحق في أن يجدوا المفردة التي تعبر عنهم وعن طموحاتهم وأحلامهم بقدر مستوى معرفتهم وبئتهم التي يتواجدون بها..
الود الجزيل أحبتي وكم يسعدني دوما التعلم والإستفادة منك أستاذي الموصلي لك الحب الذي تعلم. عبدالعزيز خطاب
وسؤالي أولاً هل الأغنية هي المفردة ؟ أم الأغنية هي عمل فني إبداعي متكامل يبدأ بالفكرة الموسيقية وتحديد أبعادها ثم تنفيذها برؤية منتج الفكرة وشكل التنفيذ الأدائي للتعبير عن الفكرة والكلمات التي تترجم المعنى الحسي والأداء التعبيري للفنان؟؟
الحبيب العزيز عزيز شكرا لردك المستفيض اولا دعني اعبر عن اعجابي للباقة المعرفية التي تحدثت بها في مساء جديد فيما يختص بالنقد ولكنهم لم يعظونك الفرصة لتتحدث عن اربعة على الاقل اجتهدو في الموضوع وهم بالترتيب الزمني د انس العاقب والراحل اميقو ثم شخصي واخيرا د كمال يوسف زنعرج الى الموضوع للاغنية في نظري اربعة اركان النص ثم اللحن ثم التوزيع ثم الاداء كلها تتساوى في الاهمية ولكن للنص اهمية خاصة في مجتمع يغلب فيه الجهل والمقارنة بين مجتمعنا والمجتمعات الغربية حيث يعيش كلانا فيه ظلم بائن لمجتمع تسيطر فيه الامية ويرتع فيه الاضطهاد والظلم السياسي فنحن لسنا مجتمع متعلم ديمقراطي مثل هولندا او اميركا لذا للكلمة مقام النار فاما انها انضجت الغذاء الروحي او احرقته حتى فاحت فيه رائحة الفساد الحارق فلا نؤيد ان يكون لمجال الترلة التي يقطرها قندراني متنفس يلهي الناس عما يحيق بهم وبجيك راجع زميلنا الجميل عزيز للرد على جزئيات ردك الضافي مع الحب كله
وسؤالي أولاً هل الأغنية هي المفردة ؟ أم الأغنية هي عمل فني إبداعي متكامل يبدأ بالفكرة الموسيقية وتحديد أبعادها ثم تنفيذها برؤية منتج الفكرة وشكل التنفيذ الأدائي للتعبير عن الفكرة والكلمات التي تترجم المعنى الحسي والأداء التعبيري للفنان؟؟
الحبيب العزيز عزيز شكرا لردك المستفيض اولا دعني اعبر عن اعجابي للباقة المعرفية التي تحدثت بها في مساء جديد فيما يختص بالنقد ولكنهم لم يعظونك الفرصة لتتحدث عن اربعة على الاقل اجتهدو في الموضوع وهم بالترتيب الزمني د انس العاقب والراحل اميقو ثم شخصي واخيرا د كمال يوسف زنعرج الى الموضوع للاغنية في نظري اربعة اركان النص ثم اللحن ثم التوزيع ثم الاداء كلها تتساوى في الاهمية ولكن للنص اهمية خاصة في مجتمع يغلب فيه الجهل والمقارنة بين مجتمعنا والمجتمعات الغربية حيث يعيش كلانا فيه ظلم بائن لمجتمع تسيطر فيه الامية ويرتع فيه الاضطهاد والظلم السياسي فنحن لسنا مجتمع متعلم ديمقراطي مثل هولندا او اميركا لذا للكلمة مقام النار فاما انها انضجت الغذاء الروحي او احرقته حتى فاحت فيه رائحة الفساد الحارق فلا نؤيد ان يكون لمجال الترلة التي يقطرها قندراني متنفس يلهي الناس عما يحيق بهم وبجيك راجع زميلنا الجميل عزيز للرد على جزئيات ردك الضافي مع الحب كله
Post: #166 Title: Re: ماذا حدث لفناني سودان راس السنة؟؟ طه سليم� Author: Elmosley Date: 01-31-2018, 02:37 AM Parent: #163
وسؤالي أولاً هل الأغنية هي المفردة ؟ أم الأغنية هي عمل فني إبداعي متكامل يبدأ بالفكرة الموسيقية وتحديد أبعادها ثم تنفيذها برؤية منتج الفكرة وشكل التنفيذ الأدائي للتعبير عن الفكرة والكلمات التي تترجم المعنى الحسي والأداء التعبيري للفنان؟؟
لا اختلاف بيننا حبيبنا عزيز الا في ان يغني فنان ذو جماهيرية اغنية ليس حسية فحسب ولكنةمدلولها الجنسي لايخفى على البصر والبصيرة نعم في السابق كبار الاساتذة كانت لديهم اغنيات في الجلسات لممعنة الخصوصية ولكن ان يبث مثل هكذا عمل الى عامة الشعب السوداني فان هذا يستحق وقفة من كل حادب حبيبنا عزيز انت اصلا مغني ودارس صوت فهل تسطيع ان تتغني ب كدة كدة يالترلة على خشبة مسرح.؟؟؟
Quote: هذه خمسة عشره أغنية متنوعه من عشرات الأغاني التي لا يذكرها من يكتب عن تجربة طه وفقط يقف في حرامي القلوب وقنبلة وسنتر الخرطوم!!
سلامات الأستاذ عزيز نعم سمعت كل هذه الاغاني المتنوعة وفي لحظة كتابة هذا التعليق لا اتذكر اسم اغنية واحدة منهم ولا لحن رغم اني سمعتهم قبل شوية !!! أغاني تحت المتوسط وأداء عادي لا جديد فيهو لو غناها اي واحد من شباب الحلة لما لاحظت الفرق !! واتمنى أستاذ الموصلي يكون سمعم ويدينا رأيو فيهم بدون مجاملة وانت زاتك لو شلت نظارة العلاقات الأسرية والروابط الشخصية ما اظن تديهو اكتر من خمسة من عشرة!! لو مشيت الشارع وسألت اي زول عن اسم اغنية أو اغنيتين لطه تأكد حيقول ليك قنبلة وعوض دكام لأنو دي الاغاني البجيدا!!
عشان كده مصر على انو التلميع اللقاهو طه سليمان لو لقاهو اي شاب من الشباب الصغار ديل كان أبدع ، تحياتي،،،
المحترم جدا عثمان الامام طبعا لاحظت انني بدأت كلامي وتحليلي الطفيف بعد بوستك وحقيقة انني اقدر طه جدا على جهوده ولكن هذا لا يمنعني من نقده اذا حاد عن الطريق الذي نرجوه له فهو على الصعيد الشخصي شخص محترم جدا وهو على الصعيد الفني طموح ويحاول التجديد فقط نريد له ان يخرج عن الموجة التي هو بالفعل لا يحتاج اليها فلديه قاعدة جماهيرية عريذة الا انني احترم رأييك تحياتي
Post: #177 Title: Re: ماذا حدث لفناني سودان راس السنة؟؟ طه سليم� Author: Elmosley Date: 02-01-2018, 11:17 AM Parent: #156
اتوهجي ياسلام يا سلام شعر والحان محمود ذو النون توزيع وتنفيذ حمادة كايرو شغل جميل راقي بلا ادنى شك اللحن متماسك ومتدرج في التفاعل والنماء والتوزيع اضاف له بعدا خامسا واضح ان حمادة متأثر بالمدرسة التوزيعية المصرية والعربية ومالو ترى هل بيغني طه هذا الغناء الطاعم في حفلاته العامة؟؟
ارجو ذلك فالغناء الرفيع يتاج تكرار على خشبات المسارح والقنوات حتى يستوعبه الجمهور كاملا فيحفظه عن قلب ويردده فيما بعد ويبقى للأبد عزيز خلي بالك من كلامي ده وانت عندك دلال على طه
Post: #176 Title: Re: ماذا حدث لفناني سودان راس السنة؟؟ طه سليم� Author: Elmosley Date: 02-01-2018, 11:06 AM Parent: #155
واحشاني من شعر محمد ديكور تنفيذ وتوزيع عبد الله قباني زلم تتم الاشارة للملحن فان كان هو المتفذ كان يجب ان يشار اليه وان كان شخص اخر طه او غيره كان يجب ان يشار الى ذلك ايضا حتى لا تختلط الامور المهم ان الاغنية نموذج راقي جدا ومتقدم جدا ولطيف جدا في رأيي اهنئ عليه كل المجموعة بما فيها طه والكورال انا كدة مبسوط جدا
Post: #175 Title: Re: ماذا حدث لفناني سودان راس السنة؟؟ طه سليم� Author: Elmosley Date: 02-01-2018, 01:42 AM Parent: #151
سائلين عليك كل العباد اغنية متكاملة نصا لحنا اداءا اوركستراليا وغنائيا اغنية على خشبة المسرح ويتجاوب معها الجمهور بشكل غير عادي اذا ثبت تماما ان الفنان بعد الشهرة يمكنه ان يسوق الجمهور الى الجمال ببساطة لان الجمهور يحبه ويقدره اذا ما الداعي للترلة التي يقطرها قندراني تحياتي لطه على هذا العمل بلا اي مجاملة
Post: #174 Title: Re: ماذا حدث لفناني سودان راس السنة؟؟ طه سليم� Author: Elmosley Date: 02-01-2018, 01:34 AM Parent: #150
hستمعت لي يا قمر وسلطان زمان نعم هي اغنيات جديدة كا ستمرار لسابق الاسالب مع اداء اوركسترالي جيد
نسيت الريدة ما هليت اغنية بسيطة ولكن لحنها مشابه شديد لي "شفنا قمر بين الاوهار مالو الليل بقى ليا نهار" ما مشكلة المهم ماسمعته هنا عفيف ونظيف متفاوت المستوى في المعالجات ولكنه محترم وليت كه يغنيه في حفلاته ويركز عليه
نسيت الريدة ما هليت اغنية بسيطة ولكن لحنها مشابه شديد لي "شفنا قمر بين الاوهار مالو الليل بقى ليا نهار" ما مشكلة المهم ماسمعته هنا عفيف ونظيف متفاوت المستوى في المعالجات ولكنه محترم وليت كه يغنيه في حفلاته ويركز عليه
قلبي البحب في رايي اقل درجة من حيث المعالجة اللحنية من الاغنية الاولى ويبدو ان التنفيذ كله طيبوردي فهي تشبه الالحان التقليدية القديمة برغم حداثة الاخراج
الاحبة عويز وعثمان الامتم بناء على رايي عثمان بديت اسمع الان وحاعلق على كل اغنية بعد السماع اهلا سيد الحلا اغنية في رأيي لاتقل عن اغنيات الجيل القديم مع جودة اداء طه والازركسترا
Quote: سلامات الأستاذ عزيز نعم سمعت كل هذه الاغاني المتنوعة وفي لحظة كتابة هذا التعليق لا اتذكر اسم اغنية واحدة منهم ولا لحن رغم اني سمعتهم قبل شوية !!! أغاني تحت المتوسط وأداء عادي لا جديد فيهو لو غناها اي واحد من شباب الحلة لما لاحظت الفرق !! واتمنى أستاذ الموصلي يكون سمعم ويدينا رأيو فيهم بدون مجاملة وانت زاتك لو شلت نظارة العلاقات الأسرية والروابط الشخصية ما اظن تديهو اكتر من خمسة من عشرة!! لو مشيت الشارع وسألت اي زول عن اسم اغنية أو اغنيتين لطه تأكد حيقول ليك قنبلة وعوض دكام لأنو دي الاغاني البجيدا!!
عشان كده مصر على انو التلميع اللقاهو طه سليمان لو لقاهو اي شاب من الشباب الصغار ديل كان أبدع ، تحياتي،،،
اخي الحبيب عثمان الإمام لك اجمل التحايا والتقدير
الأعمال التي وضعتها هنا كنموذج من عشرات الأعمال لطه لم انتقيها وليست هي الأكمل بين خصائص اعماله. ولكن! نحن يا صديقي نستمع بذائقتنا التي شكلها زمان مختلف التأليف والخصائص ولنطلق عليه الزمن الكلاسيكي للأغنية السودانية من حيث الكلمة واللحن والموسيقى والاداء. الان نحن في زمن مختلف في التأليف والخصائص عن كلاسيكية منتوج الرواد ويجب أن نقر بذلك.. تواتر الأجيال وتحرك المفردة ومباشرتها وايقاعها وموسيقاها تناسب العصر وخصائصه ولهذه الاعمال جمهور كبير تعبر عن مشاعرهم ويحفظونها ويرددونها مع مطربهم ولك أن تحضر اي حفل جماهيري وتسمع الجمهور يغني مع المغني كل حرف وكلمة .. هذا ليس دفاعاً عن صلة قرابتي وعلاقتي بطه وإنما هذا هو الواقع في السودان وبل في الجوار العربي والعالم في شكل الموسيقى والغناء.. وهذه هي الحياة تتحرك وتتغير معها الأزمنة والأمزجة ولهذا اختلفت عصور التطوير الموسيقى وخصائصها من الكلاسيكي إلى الرومانتيك والحداثة والان نعيش في العالم ما بعد الحداثة في الألفية الثالثة. والسودان جزء من العالم والموسيقى والغناء تتشابه خصائصها بعد أن صار العالم منفتحاً على بعضه.
يسعدني جداً الإطراء والتشجيع من أستاذي في محاولة اسهاماتي المتواضعة .. وكان هناك مساء جمعة آخر تحدثت فيه عن جزئية حق المؤلف الملحن والمؤدي في قانون الملكية الفكرية وحاولت التوضيح بأن مؤلف العمل الفني الابداعي المعرف بالاغنية ليس هو الشاعر وليس من العدل أن يكون حق الفنان صاحب الموهبة والصوت والجمهور وراعي الأغنية بإحساسه المتجدد والمعالجات الدائمة المستمرة أن يكون صاحب حق مجاور يمكن للشاعر والملحن الذي لايضع الموسيقى المصاحبة الى اللحن أن يمنعوا المؤدي عن أداء الأغنية متى ما شاءوا !! وهما اصحاب حق أصيل!!
سعدت جداً بتحليلك المعرفي استاذي للنماذج المرفقة وفعلا الأعمال المتقاربه لدكتور كوباني لذلك رددها طه في حلقة من تقدم كوباني وهي اغاني قبل العام 2007.. طه يتعامل مع شباب في الكلمة واللحن والتوزيع وهو يكاد يكون الفنان الوحيد الملتزم بعمل بروفتين في الاسبوع لمراجعة ومعالجة الأعمال القديمة وتوقيع الأعمال الجديدة. وله أعمال عديدة ومتنوعه وهو يعلم تماماً التحديات في المجال الفني لذلك يجتهد جدا من أجل ذلك .. ومازال ينتظر وعدكم استاذي بالتعاون معه.
الأخوة رواد الأغنية الكلاسيكية السودانية بكل ميزاتها التأليفية والأدائية الفنان الشاب طه سليمان قدم عبر برنامج أغاني وأغاني باقة من أجمل الأغاني وأجمل الأداء وقد تفوق على أقرانه في أداء اللون الطربي وهذا لموهبته الكبيرة وإجتهاده..
ولكم أحبتي باقة من تلك الأغاني
ضنين الوعد للأستاذ عبدالكريم الكابلي .. وذكر لي أحد المقربين بأن الأستاذ الكابلي قد قال والعهدة على الراوي بأن الشاب طه سليمان أجمل من غنى أغنياته.
هودج الرياح ( هات يا زمن ) عبقري اللحن والأداء الفنان الكبير الجابري
هذا غيض من فيض من ما قدمه الفنان طه سليمان لرواد الأغنية السودانية الذين شكلوا ذائقة المستمعين بمؤلفاتهم وأدائهم الفني وهو ما يناسب الأجيال التي شبت على هذا النوع الطربي من الغناء.ولذلك ذكرت بأن تواتر الزمن والأجيال تتنجب شباب ذو ذائقة ولون مختلف وهذا ما ينتجه فنانون هذا العصر بما يناسب جيلهم وهم من ينتجوا أعمالهم من شعراء وملحنين ومغنيين ..تقبلوا تقديري
الحقيقة ان مثال الغناء للاخرين قد لا يلفت النظر كثيرا فقد تغنى الكثير من الفنانين والفنانات الشباب اغنيات الاحقيبة والاغنيات الحديثة واجادو كما اجتد طه وانا خصيا سمعته يتغنى لي ب سكة نديه والحب يا ام سماح وطربت له ولكن هذا ليس مقياسنا هنا كل الود
Post: #183 Title: Re: ماذا حدث لفناني سودان راس السنة؟؟ طه سليم� Author: Elmosley Date: 02-04-2018, 04:12 AM Parent: #180
طه يتعامل مع شباب في الكلمة واللحن والتوزيع وهو يكاد يكون الفنان الوحيد الملتزم بعمل بروفتين في الاسبوع عذرا تاخرت الايام الماضية لحزني على زميل المنبر علي محمد بشير واضح جدا يا عزيز من اداء الاوركسترا المصاحبة لطه انه مهتم بدقة التنفيذ وهذا بناءا على خبرتي يكلف مالا ووقتا وجهدا
Quote: الحقيقة ان مثال الغناء للاخرين قد لا يلفت النظر كثيرا فقد تغنى الكثير من الفنانين والفنانات الشباب اغنيات الاحقيبة والاغنيات الحديثة واجادو كما اجتد طه وانا خصيا سمعته يتغنى لي ب سكة نديه والحب يا ام سماح وطربت له ولكن هذا ليس مقياسنا هنا كل الود
استاذي العزيز مساء الخير في الحقيقة الغرض من جلب بعض من أعمال طه حتى يتخطى النقاد حرامي القلوب وقنبلة وسنتر الخرطوم ولطه أعمال كثيرة جدا فيها ما يناسب كل الاذواق وتختلف الاغاني باختلاف مناسباتها واماكن تقديمها.. بالمناسبة اليوم صدرت له أغنية جديدة ساجلبها هنا. اما الغرض من اغاني الحقيبة والرواد وددت أن اوصل معلومة أن هذه السمة والخاصية في التأليف قد تغيرت بفعل الزمن وحركة الحياة وظروفها وهذه سنة الحياة. ايضاً طه أجاد أداء تلك الاغاني وله سهمان الأول إرضاء رواد تلك الاغاني والثاني تحبيب جمهوره من الشباب لتلك الأعمال الجميلة..
موضوع البوست واغنية الترلة وهي أغنية مجهولة المنشأ ويطلق عليها تعميماً تراث الأغنية تسمع كايقاع ومصاحبة موسيقية ولا ينظر لكلماتها الايحائية بل مباشرة الجيل جعلته يتعامل مع الكلمة التي يسمعها وليس أبعادها الايحائية ..
Post: #187 Title: Re: ماذا حدث لفناني سودان راس السنة؟؟ طه سليم� Author: Elmosley Date: 02-05-2018, 02:52 AM Parent: #185
موضوع البوست واغنية الترلة وهي أغنية مجهولة المنشأ ويطلق عليها تعميماً تراثالأغنية تسمع كايقاع ومصاحبة موسيقية ولا ينظر لكلماتها الايحائية بل مباشرة الجيل جعلته يتعامل مع الكلمة التي يسمعها وليس أبعادها الايحائية .. صديقي وزميلي العزيز عزيز, والله ان بدأت اخاف على طه من حبك غمن الحب ماقتل ان صحت وجهة نظرك هذه اذن فلتحذف كل الكلمات وليبدأ المغني يدندن بالاهة او يهمهم النغمة ايعقل هذا لا, الناس تفهم الكلام المغتت وتطرب له وترقص له لانه متنفسها عزيز عليك الله وصل كلامي ده لي طه فهو كفنان واسع الانتشار عليه تقع مسؤولية كبرى كل الود
Post: #188 Title: Re: ماذا حدث لفناني سودان راس السنة؟؟ طه سليم� Author: عزيز Date: 02-05-2018, 09:42 AM Parent: #187
استاذي العزيز أسعدك الله بكل خير
عندما اكتب أو أتحدث يكون في بالي جيل اليوم واغنية العصر .. طه مثالاً ولأنه عنوان هذا البوست.. محبتي واخوتي له لا تنسيني تخصصي فأنا أنظر لأبعاد الأزمنة والمجايلة ومستحدثات العصر وعبق وكلاسيكية الماضي.. الاختلاف أحيانا يكون كبيراً وفي أحيان يحاول الجيل الجديد مجاراة القديم بشئ من إحساسهم... انا لم أقف في أغنية الترلة ولا اود ان اشبهها بالكثير من الاغاني الايحائية وان كانت لغتها رفيعة وأعني الحقيبة.. استاذي أحببنا الفن من الحقيبة والرواد وتتلمذنا على ايديكم واكرمتمونا بعلمكم ومعرفتكم ولم تبخلوا علينا بالنصح والمحبة..ولكن!! هناك زمن آخر وسمع آخر وهذا ليس دفاعا عن اغنية ولا محبتي لفنان وانما هو واقع .. استاذي هناك خط غنائي ما زال يسير تحت خط الإعلام وهم مغنيات ومغنيين الطرابيش والطار والكيبورد..فإذا بق وولع سيحرق الأخضر واليابس في الذوق ..
هناك زمن آخر وسمع آخر وهذا ليس دفاعا عن اغنية ولا محبتي لفنان وانما هو واقع .. استاذي هناك خط غنائي ما زال يسير تحت خط الإعلام وهم مغنيات ومغنيين الطرابيش وا لطار والكيبورد..فإذا بق وولع سيحرق الأخضر واليابس في الذوق ..
الحبيب عزيز انني عندما ارفع قلمي ناقدا لمبدع فان هذا وفق تقديري يعتبر تثمينا له فقد فعلتها سابقا مع وردي عثمان حسين محمد الامين عركي كابلي زيدان مصطفى سيد احمد الخ الخ وطه في نظري يستحق هذه الوقفة لوجود عنصر التجويد فيه والاهتمام والتدقيق لذا فنحن نعول عليه الاسهام في اسقاط "السقوط" ومن هنا نريد له ان يبتعد عن هذا النوع من الغناء بحجة الحداثة والعصرنة فانه بفعله هذا قد "قد عصر" على الجدية التي يتميز بها وعصر على اخرين من زملائه الجادين من الشباب الذين يحاولون مقاومة التيار الجارف للسقوط اما مقولة الحداثة والعصرنة هذه وارجاعها الى العالم قانها بعيدة كل البعد عن السودان وهذا لا يمنع ان بعض شباب السودان يحاول مثل طه والجزار وغيره مودتي وتقديري
Post: #190 Title: Re: ماذا حدث لفناني سودان راس السنة؟؟ طه سليم� Author: حاتم إبراهيم Date: 02-07-2018, 07:50 AM Parent: #1
من الجيد أن يتطور موضوع البوست للنقد الفني إذن فقد خرج (بحمد الله) الحديث من حفرة الباروكة والتنك والكريمات.
==============
Quote: اما مقولة الحداثة والعصرنة هذه وارجاعها الى العالم قانها بعيدة كل البعد عن السودان
ولكن نفس (الحداثة والعصرنة) كانت (قريبة كل القرب) من بتاع النيسانات التلاتة!
ولم تطاله (شواظ) نيرانك وهو صاحب الأعمال التالية: - سجل لي الريدة - بدور لي زميل - تلاتة نيسانات - اللوري القاقا - بتخلع - يازيتونة كم
فهل أضحت قريبة حينها عندما غنى ألحانك؟
+++
Quote: انني عندما ارفع قلمي ناقدا لمبدع فان هذا وفق تقديري يعتبر تثمينا له فقد فعلتها سابقا مع وردي عثمان حسين محمد الامين عركي كابلي زيدان مصطفى سيد احمد الخ الخ وطه في نظري يستحق هذه الوقفة لوجود عنصر التجويد فيه والاهتمام والتدقيق لذا فنحن نعول عليه الاسهام في اسقاط "السقوط" ومن هنا نريد له ان يبتعد عن هذا النوع من الغناء بحجة الحداثة والعصرنة
لكن صاحب العروق والجينات كان أسبق في السقوط، ولم تنصحه بالابتعاد. علاوة على أن رأيي المتواضع جداً في تعليقاتك على الكمطاشر أغنية أعلاه ليست نقداً.
+++
Quote: الحقيقة ان مثال الغناء للاخرين قد لا يلفت النظر كثيرا فقد تغنى الكثير من الفنانين والفنانات الشباب اغنيات الاحقيبة والاغنيات الحديثة واجادو كما اجتد طه وانا خصيا سمعته يتغنى لي ب سكة نديه والحب يا ام سماح وطربت له ولكن هذا ليس مقياسنا هنا
ولكنه كان (مقياسك الأوحد) في حالتين آخريين ويبدو أن (الصعود والحداثة) يرتبطان ارتباطاً وثيقاً بألحانك وتوزيعاتك فقط
على أن المقارنات التي تعقدها من حين لآخر حالما تستشعر خفوت ذكرك يكون ضررها أكثر من نفعها. ____ فما ذنب الباروكة الأخدت في التنك؟
==============
Quote: استاذي هناك خط غنائي ما زال يسير تحت خط الإعلام وهم مغنيات ومغنيين الطرابيش والطار والكيبورد..فإذا بق وولع سيحرق الأخضر واليابس في الذوق ..
هذا يعني أن (الذوق) هو ما تعرفه أنت! في رأيي المتواضع أن مجرد تلميع أغاني الزار وتيسير انتقالها من طور الممارسة الطقسية الخاصة الى سطح الفعل الثقافي العام هو تحول إيجابي ومن الصعب ان تضع للناس (خط عام للذوق) من خلال ما تعرفه فهذا (العرف) تتداخل فيه خلفياتك وتفضيلاتك الشخصية مين عارف مش يمكن تنتشر أغاني الزار عالميا وتبقى (brand) أو (trend) زي السامبا والرومبا!
أمنيتنا يا عزيز أن تسمو أغنياتنا في العالم ولو بالزار، فليست تقتلنا إيقاعاته بل يعيقنا انكفاء الموسيقيين على الداخل وانشغالهم بتصحيح مسامعنا وأذواقنا.
ويحضرني محض تساؤل غريب هنا، لماذا أغلب الحنين للطربوش والحبشي وبشير لومى وليس للعقال؟
ترى هل لو كانت نفس الأغنيات بطرابيشها وطاراتها تؤدى على إيقاع الفالس هل يبقى من حجتك شيء؟
وعلى فكرة، أغاني الراي الجزائري التي اشتهر بها الشاب خالد (حاج إبرهيم) والذي وزع له الأستاذ يوسف أغنية مشهورة أغاني الراي كانت توصف بإفسادها للذوق العام، نفس (رأيك) الحالي عن أغنيات الزار، فانظر أين أين الشاب خالد وأين الشاب طه. ____ واحد في باريس أم الديوم والتاني في سنتر الخرطوم.
Quote: هذا ليس دفاعاً عن صلة قرابتي وعلاقتي بطه وإنما هذا هو الواقع في السودان وبل في الجوار العربي والعالم في شكل الموسيقى والغناء. +++ في الحقيقة الغرض من جلب بعض من أعمال طه حتى يتخطى النقاد حرامي القلوب وقنبلة وسنتر الخرطوم ولطه أعمال كثيرة جدا فيها ما يناسب كل الاذواق وتختلف الاغاني باختلاف مناسباتها واماكن تقديمها.. بالمناسبة اليوم صدرت له أغنية جديدة ساجلبها هنا. +++ أغنية أصدرها طه سليمان اليوم
لم انتبه لطه إلا من خلال القنبلة والسنتر، وجناهو البريدو وبالتأكيد لست اعتبرها هوابط بل مجرد أعمال فنية صدف أن لاقت قبولاً لكن مداخلاتك دعاية لقريبك أكثر من توضيح وتفنيد فكان يكفي إيراد قائمة الأغاني المعنية وليس ربع المية فيديو بما في ذلك (حقت الليلة).
كذلك أراك منهمكاً في إنقاذ قريبك فقط من النار التي أوقدها يوسف الأستاذ في غير داع، ولو كنت مكانك لطلبت من قريبي أن يؤدي المزيد من أغنيات الأستاذ يوسف فتظهر فوراً جينات الحداثة في عروقه وينتهي الإشكال النقدي (القائم) هنا وتبقى لدينا أزمة الباروكة والتنك والكريمات وهذه يسيرة يمكن حلها بالتراضي نظراً لأن ليس كل ما يقال بالضرورة صحيح.
___ أقول، أنتما الاثنان لستما مؤهلين لما تفعلانه هنا باسم النقد الفني.
أقول، أنتما الاثنان لستما مؤهلين لما تفعلانه هنا باسم النقد الفني.
هييييع حاتم يضرب عصفورين بحجر واحد والسبب لا يخفى على متابع ذي بصيرة ورغما يا حاتم من " ختامك المسك من التلابيب" الا انني احترم مداخلتك جدا ففيها قراءات لا املك الا أن احترمها برغم الاختلاف معها بالله يا حاتم واصل هذا الاسلوب ولا تثريب على شوية الشطة والملح البتختهم تحلية واعتقد هنا ان الصديق احمد محمد عمر لن يستطيع ان يسألك مرة أخرى يا حاتم انت عاوز من الموصلي شنو؟ لك التهنئة مني ومن عزيز انابة عنه على هذا التقدم الملحوظ جدا
Post: #191 Title: Re: ماذا حدث لفناني سودان راس السنة؟؟ طه سليم� Author: Yassir Ahmed Date: 02-07-2018, 09:04 AM Parent: #1
استاذ الموصلي حاتم قدم نقد لكلامك ، ما فيه اي مساس بشخصيتك أو فيه اساءة ليك ، الجاب الغباين شنو ؟ كان ممكن ترد ليه رد موضوعي وبس.
استاذ الموصلي حاتم قدم نقد لكلامك ، ما فيه اي مساس بشخصيتك أو فيه اساءة ليك ، الجاب الغباين شنو ؟ كان ممكن ترد ليه رد موضوعي وبس.
زميلنا المحترم ياسر احمد اما قريت ردك فقلت امشي اشوفك اتسجلت كعضو متين لارى ان كنت متابعا ام لا فوجدتك تاريخ التسجيل: 26-07-2017 وعذرتك عزيزي ياسر ده تاريخ طويل مع الشاب ده راجع مكتبته ومكتبتي وانا ما عندي صبرو بتاع الحفر واحضار الللينكات وما فاضي لكن هسع في بوست عن عبد المعين موجود حتلقاهو مساكك لدرجة ان صديقه وصديقي الذي وقف معه كثيرا سأله حاتم انت داير من الموصلي شنو ولكن للامانة مداخلته الاخيرة رائعة وحبة التوم والشمار والمطاعنات ذات التاريخ الذي انت لم تكن حاضر له لم تؤثر على اعتقادي بان حاتم الان يبدو اكثر جدية لك الشكر
استاذ الموصلي حاتم قدم نقد لكلامك ، ما فيه اي مساس بشخصيتك أو فيه اساءة ليك ، الجاب الغباين شنو ؟ كان ممكن ترد ليه رد موضوعي وبس.
زميلنا المحترم ياسر احمد اما قريت ردك فقلت امشي اشوفك اتسجلت كعضو متين لارى ان كنت متابعا ام لا فوجدتك تاريخ التسجيل: 26-07-2017 وعذرتك عزيزي ياسر ده تاريخ طويل مع الشاب ده راجع مكتبته ومكتبتي وانا ما عندي صبرو بتاع الحفر واحضار الللينكات وما فاضي لكن هسع في بوست عن عبد المعين موجود حتلقاهو مساكك لدرجة ان صديقه وصديقي الذي وقف معه كثيرا سأله حاتم انت داير من الموصلي شنو ولكن للامانة مداخلته الاخيرة رائعة وحبة التوم والشمار والمطاعنات ذات التاريخ الذي انت لم تكن حاضر له لم تؤثر على اعتقادي بان حاتم الان يبدو اكثر جدية لك الشكر
ودعني أبدأ معك من حيث بدأت بمسألة أغاني الزار أو الظار كيمفا تنطق!
أنا لا إعتراض عندي على نوع وإيقاعات الزار ولهذا مناسبته وطقوسه ولكن سوف أضع لك هنا نموذج لتقول لي هل هذا غناء الزار المحفوظ في التراث والذي تقام به تلك الطقوس؟؟
رايك شنو في البشلب بجي زي الكلب؟؟؟؟؟؟؟؟؟!!!!!!!!!!!
أما دفاعي عن قريبي كما تفضلت فمصدره أن هذا البوست عنون بإسمه وأعتقد لمتابعتي وقربي لمسيرته فقد أكون أكثر من المداخلين في هذا البوست سماعاً ومعرفة لأعماله وما يقدمه وجلبت تلك الأعمال فقط لكي أقول لمن كتب عن عدم معرفته لأعمال طه،غير سنتر الخرطوم وحرامي القلوب وقنبله بأن لطه أعمال أخرى ولم أنتقدها أو أقيمها أو أقول بأنها أفضل أو أقل من ما إستمع إليه القوم!!
كما أرجو أن أفيدك أخي حاتم بأنني لم أتحدث يوماً عن الكيمياء ولا الفيزياء ولا القانون لأنني لم أنال شرف دراستهم ولكني درست الموسيقى وأعرف خصائصها وأستطيع الحديث فيها ونقدها كما يجب .. كما أود أن أذكر لك بأنني ومنذ أكثر من عشرين عاماً أعيش في الغرب وأستمع وأبحث وأنقب في كل العصور التي نمت وتطورت عبرها الموسيقى وأشكال التأليف والأداء وتربطني صلات مودة قوية ونقاشات حول الموسيقي مع الكثير من المهتمين بالموسيقى والمتخصصين هنا في هولندا من الهولنديين .. ولكن!! لا أعتقد بأن لغة التخصص يخاطب بها العامة ففي هذا تعالي وعدم ومنافي للمنطق. أجتهد أخي أن أتماشى مع ثقافة المطلعين على المنبر الموسيقية ولم أتي يوماً بحديث لا يفهمه العامة ولم يسبق أن حللت عمل فني في تفاصيله العلمية ..
عفواً أخي ولكنني لم أقبل منك ما ختمت به مداخلتك وبيننا إحترام متبادل.. علماً أنني لم أقم بنقد أي من الأعمال الفنية لأن للنقد والتحليل أسس تختلف عن ما ورد مني في هذا البوست.
لا فض فوك ياعزيز فانت التهذيب يمشي على رجلين وبعد قولي هذا اقول ان ما ذكرته اسفله كما أرجو أن أفيدك أخي حاتم بأنني لم أتحدث يوماً عن الكيمياء ولا الفيزياء ولا القانون يستحق المراجعة لان حاتم الذي تم منحة سفير النوايا الحسنة في القوقلة ربما يجد شخصا اسمه عزيز تحدث في الكيمياء او الفيزياء ويجيب ليك اللينك هنا
الاستاذ عثمان الامام انا ايضا لم يرسخ فى ذاكرتى اى شى لاكلمة لا لحن المحترمة جدا اميرة ليست المسألة بهذه البساطة هل تعلمي ان عمالقة مثل الراحلين الكاشف وعثمان حسين وزيدان بالاضافة لطوال العمر محمد الامين وعركي وغيرهم صبروا وقتا طويلا جدا كي يفهم المستمع اعمالهم وكي تبقى تلك الاعمال في ذاكرتهم الموسيقى يا اميرة تدرس في الكليات كتربية فهنالك مايسمى "بتربية السماع" وهنالك مادة تدرس اسمها التذوق الموسيقي لك الود اعتقد انك تحتاجين لمرات سماع عديدة لتحديد عملية الرسوخ هذه
اعتبرونى مستمعة بالفطرة .بلا دراسة علم استماع، المهم أقول ان هنالك أغانى عندما تقدم لأول مرة تحبس أنفاسك من شدة الاعجاب والانجذاب للحن والكلمات والأداء وتظل راسخة فى الذاكرة كلمات ولحن وأداء من اول مرة وتظل كأنها مسجلة تتردد فى مخيلتك لم نكن فى حاجة لكليات تربية لنتذوق اغانى الحقيبة والتراث واغانى حسن عطية واحمد المصطفى وإبراهيم عوض وكابلى و وردى وغيرهم عرفنا الجميل بالفطرة والحس. التربية الفنية شئ اساسى نتعلمه من البيئة والأسرة اما اذا قصدت انو اعجب بالاغنية او العمل بعد التعود عليه بكثرة الاستماع فهذا وارد لكن لا يكون الاعجاب به كاعجابى بعمل انبهرت به من اول مرة
Post: #201 Title: Re: ماذا حدث لفناني سودان راس السنة؟؟ طه سليم� Author: حاتم إبراهيم Date: 02-08-2018, 08:54 AM Parent: #1
Quote: أنا لا إعتراض عندي على نوع وإيقاعات الزار ولهذا مناسبته وطقوسه ولكن سوف أضع لك هنا نموذج لتقول لي هل هذا غناء الزار المحفوظ في التراث والذي تقام به تلك الطقوس؟؟ +++ رايك شنو في البشلب بجي زي الكلب؟؟؟؟؟؟؟؟؟!!!!!!!!!!!
طبعاً منتظر أقول ليك دي (شماشية)!
عزيز،
الفيديو الذي استندت إليه (حفلة خاصة) داخل بيت، ولا أظنني أملك الحق في التعليق عليه ولا أنت كذلك ولا ينبغي أن نتحدث عنه هنا، ربما لو كانت تؤدي في حفل عام لجاز لنا أن نخوض في شأنها.
العبارة التي أشرت إليها لا أظنها جزء من الأغنية بل مجرد تعليق أضافته المؤدية لتحميس بعض من جمهورها، اعتبرها شطة وتوم كما اقترح يوسف (الأستاذ) والذي يضيف الكثير منها تحت حرارة أضواء الأستوديو، وحتى لو كانت جزء من الأغنية لا أظن أن هذا يعيب أداءها، فلتكن إشارتها للكلب سلبية فهذه الإشارة لن تكون أقبح من التوصيف بجدري القيح وحوامة الصقور فوق الجيف والرمم!
وإذا كانت إيجابية فالكلب يعتبر فرد من الأسرة في البلاد التي تعيش فيها ولم يبق إلا أن يمنح حق التصويت، وكونه حيوان ورد اسمه في أغنية فهذا ما يميز طائفة عظيمة من أغاني (السودان) تعج بالطيور والحصين والغزلان والشجر والآلات الميكانيكية بل والنجوم وبعض الظواهر الطبيعية مثل الأعاصير والبرق!
وهذا ما لم تكن تنطلق في نعيك للذوق من (خلفية ثقافية) تشبه خلفية (الأديب) الذي عاش في هولندا ردحاً ثم فاجئنا بترجمة (نفق الكلب)، فنصحناه بالتحلق حول حقول الزهور هناك فيطيب من أعراض بن الجهم المزمنة هذه.
وإذا كنت تلمح إلى السلوك الأخلاقي مثلاً فهذا ليس شأن متخصص في الموسيقى!
هنا فرانك سيناترا يغني في الاستوديو التلفزيوني وهو يدخن السيجار، هذا لم يقدح في أداءه الفني، رغماً أنهم في أمريكا كانوا يعتبرون هذا خروجاً على الذوق المسرحي، علينا أن نفرق بين الأشياء.
وإن كنت تلمح إلى مفارقة الجملة لأدب الكلام فهذا ري شارلز يهمس بجملة (mother-fucker) لكلينت استوود الذي نطقها بوضوح وفي الاستوديو في الدقيقة 5:18
هل يقلل هذا من احترافية أي منهما، كلا ولن يؤآخذهما إلا غير المحترف، وبالطبع تعرف أن الغناء المعاصر المسمى (Rap) لا ينفصم عن هذه السمة، وأعني فحش الكلام طبقاً لمعايير نسبية بمواقيت معينة.
أما إن كانت لديك دوافع أخرى (إثنية مثلاً) للتخويف من (الناس ديل) كما أطلق عليهم زميلنا سيف ثم محاولة إلصاق تهم إفساد الذوق بهم، فعندك مشكلة حقيقية عليك تتعامل معها بطريقة مختلفة ويجب أن تكون مباشر وواضح في طرحك، فإما الأخلاق والذوق وإما الموسيقى.
طيب، إشارتي لسلوك (الحنين) للطربوش والحبشة ولبشير لومى لتذكيرك بأن هذه ثقافة السودانيين منذ القدم، يمكنك أن تتعلق بثقافة موسيقية أوروبية لكن محاولة حصب منزلنا الكبير بالحجارة لن تثمر عن أي احترام نأمل أن يأتينا من الخارج، هذه لمسناها وعايشناها عند (الأستاذ) الذي شمر وجاهد (ليطور) موسيقانا بتقنيات العصور الوسطى، ولم ينجح أحد!
فإذا كانت الحفلة مخصصة للزار فبالتأكيد حنشوف شيء مختلف، فلما قلت ليك إنو خروج العناصر الفنية الموسيقية من إطار الطقس لسطح الفعل الثقافي لم أكن اشترط أن يأتي ذلك مصحوباً بدخان اللبان الضكر أو شرب دم البقر كي نسمي الفعالية (موسيقى الزار).
في مائدة الفن هذه عليك أن تأخذ ما يليك بدون أن تشير بأصبعك لمحتوى لقمة الآخر أو أن تصيح بأن فلان طعامه فاسد أو فيه شعرة أو أنه يمضغ بصوت عالي، فكل يمتع نفسه ولا حجر.
____ الاحترافية مطلوبة.
+++
Quote: كما أرجو أن أفيدك أخي حاتم بأنني لم أتحدث يوماً عن الكيمياء ولا الفيزياء ولا القانون لأنني لم أنال شرف دراستهم ولكني درست الموسيقى وأعرف خصائصها وأستطيع الحديث فيها ونقدها كما يجب .. كما أود أن أذكر لك بأنني ومنذ أكثر من عشرين عاماً أعيش في الغرب وأستمع وأبحث وأنقب في كل العصور التي نمت وتطورت عبرها الموسيقى وأشكال التأليف والأداء وتربطني صلات مودة قوية ونقاشات حول الموسيقي مع الكثير من المهتمين بالموسيقى والمتخصصين هنا في هولندا من الهولنديين .. ولكن!! لا أعتقد بأن لغة التخصص يخاطب بها العامة ففي هذا تعالي وعدم ومنافي للمنطق. أجتهد أخي أن أتماشى مع ثقافة المطلعين على المنبر الموسيقية ولم أتي يوماً بحديث لا يفهمه العامة ولم يسبق أن حللت عمل فني في تفاصيله العلمية ..
هذه نظرة عتيقة وكلاسيكية للأمور! فأنت ينقصك تحديداً علوم الكيمياء والفيزياء لتحترف الموسيقى! والقانون كذلك حتى تعرف متى تجلب للمنبر العام تسجيلاً لحفل خاص في منزل!
على الأقل هنالك حد أدنى للمعرفة من كل ذلك، وحدنا الأدنى هنا كأعضاء أن نحصن نفسنا من ما يعرض هنا على أنه (مجال تخصص) في حين أنه مجرد معلومات عامة حري بكل شخص أن يلم بها.
أقول، أن اطلاعك بفن الموسيقى وخبرتك التي تتحدث عنها تلزمك بإدارة الحوار هنا بأسلوب مختلف سيما وأنك تخاطب أستاذك! فدورك لم ينتهي بحصولك على المؤهل، بل بدأ به، نحن ننتظر المخرجات ومنها تثقيفنا هنا.
لم نجد (نحن العامة) شيئاً مميزاً هنا، توقعت أن يدور حوار متخصص بين خبراء، هذا لم يحدث! فأين إذن سيكون نقاشكما عن النقد الفني إن لم يكن هنا؟ ويقيني أن تأكيد الدراسة أو سرد الأحداث التاريخية أو حتى عرض الورق المقوى
لن يقنع أحداً بأن أياً من الحملة التي ابتدرها يوسف على زملاءه أو معرض الفيديوهات الذي أمعنت في تنظيمه والإنفاق عليه يثبتان تأهل أي منكما للنقد الفني.
____ الذي من المفروض أن يحملكما الاثنان على التصرف بأسلوب مختلف تماماً.
================
Quote: فانت التهذيب يمشي على رجلين
نعم، وعليك أن تحذو حذوه عاجلاً!
لأن الحذو بتاعو دا مفيد لتطوير حوار مثمر هنا بعيد عن (طلعاتك الترباسية) في حق زملاء المهنة.
Quote: لان حاتم الذي تم منحة سفير النوايا الحسنة في القوقلة ربما يجد شخصا اسمه عزيز تحدث في الكيمياء او الفيزياء ويجيب ليك اللينك هنا
للأسف لم أجد لا في الموسيقى ولا في التوزيع مما يحسب نصراً للبلاد والعباد! وأهو (قانع باليسير مما تيسر) وبمارس في عادتي المتعلقة بترقية مستوى بوستاتك التي أضناني البحث فيها عن المصداقية نظراً لولوغك في أمور لاتتعلق بالفن.
سقطت جملة (كما يدعي) من نهاية العبارة (الذي وزع له الأستاذ يوسف أغنية مشهورة) ____ من مداخلتي التي تحترمها.
================
وبعد،
تبدو هلعة جمعية أقرب للصراخ والتحذير من (ثقافة دخيلة) بينما هي الثقافة الأصلية!
ومن ناحية أخرى يأتي (جماعة الشد لأعلى) فهنالك أيضاً من يشتت أفكاره على محاور عدة الهدف منها تلفيق التاريخ فمثلاً يقول أن (غناء الحقيبة) أصله أندلسي! خلاصات البحث حول حقيبة الفن السودانية (الحقيبة أصلها زجل أندلسي)!خلاصات البحث حول حقيبة الفن السودانية (الحقيبة أصلها زجل أندلسي)!
مع أنه المصطلح ذاته مجرد (شنطة حديد بطبلة) حوت اسطوانات لأغاني الوسط سمى بها مقدم البرنامج حلقاته وليس اسماً (لحقبة) يوثق بها للتاريخ الثقافي في دولة بحجم السودان بكل أطيافه، وشنطة الحديد هذه لم تحتوي إلا على شريحة محظوظة من الأعمال توفرت تسجيلاتها في ظروف مكانية وزمانية محددة، بما لا يقاس بحرية وسهولة نشر ثقافة الآخر في وقتنا المعاصر.
في (مشروع توثيق السودان في 200 سنة)! لاحظوا كتب (توثيق السودان).
الحاصل شنو؟
____ ثم من صاحب القول (حتى لا يكون السودان أندلس أخرى)؟
Post: #202 Title: Re: ماذا حدث لفناني سودان راس السنة؟؟ طه سليم� Author: Elmosley Date: 02-09-2018, 01:43 AM Parent: #201
للأسف لم أجد لا في الموسيقى ولا في التوزيع مما يحسب نصراً للبلاد والعباد! وأهو (قانع باليسير مما تيسر) وبمارس في عادتي المتعلقة بترقية مستوى بوستاتك التي أضناني البحث فيها عن المصداقية نظراً لولوغك في أمور لاتتعلق بالفن.
وكيف يستطيع شخص ما ايجاد شئ ما وتمييزه في حين انه لا يعرف عنه شيئا او عن ملامحه حتى
حرامي النت تلب على وزن حرامي القلوب تلب يقرأ التلات بوستات ديل كويس عشان يعرفنا من هو؟؟؟ حاتم ابراهيم ام علي ماهر ام اشجار او "اشقر" طيبة ام المهول " معرووووووووف ابو الحسن" واااااااخجيلتو
Post: #207 Title: Re: ماذا حدث لفناني سودان راس السنة؟؟ طه سليم� Author: أحمد محمد عمر Date: 02-10-2018, 03:46 PM Parent: #206
Quote: واعتقد هنا ان الصديق احمد محمد عمر لن يستطيع ان يسألك مرة أخرى يا حاتم انت عاوز من الموصلي شنو؟
في الحقيقة بعد مداخلتك الأخيرة دي ما عندي وش تاني أسألو بيه
سألته لما لقيتو سايق العدوان وانت ملتزم بالحلم والتجاوز .. وبسبب تحديد مداخلاته في البورد اضطرينا كملنا النقاش في الخاص أما وقد رددت العدوان بعدوان مماثل بعد دة أنا برة .. ليكم الشفتنة ولينا الفرجة
اسامة الحبيب اعتذاري للتأخر لان التطفل شغلني وما كان يجب ان يحدث هذا نخلي التطفل يبرطع بعد ان عجز عن بهان انه ليس معروف او هو معروف وحاركز معاك وارقد عافية
اسامة الحبيب اعتذاري للتأخر لان التطفل شغلني وما كان يجب ان يحدث هذا نخلي التطفل يبرطع بعد ان عجز عن بهان انه ليس معروف او هو معروف وحاركز معاك وارقد عافية
في الحقيقة بعد مداخلتك الأخيرة دي ما عندي وش تاني أسألو بيهسألته لما لقيتو سايق العدوان وانت ملتزم بالحلم والتجاوز .. وبسبب تحديد مداخلاته في البورد اضطرينا كملنا النقاش في الخاصأما وقد رددت العدوان بعدوان مماثل بعد دة أنا برة .. ليكم الشفتنة ولينا الفرجة يعني ياعزيزي انت دير تسأله براك مش كده؟ بمعني ان يكون لك الحق فقط في رد الفعل انت عارف انو انا لا شفت ولا حاجة يا احمد ياخ انا انسان بحس بالملاحقة والمطاردة حقو الحتة دي تديها اعتبارها الزولة ده انا سبتو وهو مصر وهدفو واضح الشهرة والغريبة اشتهر وبقى عندو اسم هنا فما عارفو داير شنو انا ما عندي هدف غير اني احاول ابعدو من التشبث بثيابي وانت عارف كويس وفاهم علي اية حال شكرا جزيلا لمحاولتك المساعدة
Post: #210 Title: Re: ماذا حدث لفناني سودان راس السنة؟؟ طه سليم� Author: حاتم إبراهيم Date: 02-12-2018, 07:29 AM Parent: #1
Quote: الزولة ده انا سبتو وهو مصر وهدفو واضح الشهرة والغريبة اشتهر وبقى عندو اسم هنا فما عارفو داير شنو
غير صحيح! في البوست دا صرحت بأنك حتفتح بوست واتكلمت عن (جداد إلكتروني) فكيف تقول (سبتو)؟
محاولة الاستهبال وتمثيل دور الرايح لا تناسبك هنا! دا المطلوب منك، أعيده للمرة الرابعة:
2- وتوضيح مصطلح (كبعوك) وواضح أن معناه سلبي وقبيح من السياق
Quote: اجزم بانك عاطل وعالة وطبعا اكبر حرامي نت وقوقل وكذاب وما مربى بالتاكيد وفوق ده كلو تجلب الكلام السفيه في موقع ينضح بالنساء كما تنضح السوناتا بالكاونتربوينت واخر اوصافك جبان من المواجهة الظاهر زمان كانوا بكبعوك كتير Re: كاونتربوينت؟Re: كاونتربوينت؟
وكويس إنكم الاتنين هنا، التاني أسامة، مين فيكم أوعز للتاني بأني (كبعوني) أو أني تبع (قوم لوط) أو أني (جدادة)؟
قسموها بيناتكم بالتراضي وأشرحوا لينا معنى (جدادة) و(كبعوك) وطبعاً المفروض تبينوا للناس هنا صحة نعوتكم في حقي! طالما عندكم الثقة في مصداقيتكم بين الناس هنا.
أعتقد دا طلب واضح جداً، فما تحوجني أشرح ليك للمرة الخامسة.
أما العويل والصراخ فغير مبرر، أنا عضو هنا ويحق لي التعليق على (إدعاءاتك) دا الوضع الطبيعي للنشاط في (منبر عام) بحسب المعروف والمتابع وأنت عليك تقبل بالتعليقات والاستفسارات على أي بوست تفتحه هنا.
ولا أظن عندك حصانة تمنع أي شخص من التشكيك في مقولاتك أو توجيه النقد (لسلوكك) تجاه زملاء مهنتك أمامنا، نحنا تهمنا هنا الحقائق والاستفادة من المطروح.
____ يفترض تكون عندك الشجاعة لمواجهة أفعالك وإسناد مزاعمك.
Post: #211 Title: Re: ماذا حدث لفناني سودان راس السنة؟؟ طه سليم� Author: أيمن نواى على Date: 02-12-2018, 09:14 AM Parent: #210
والله كيفتنا كيف ... صراع بين الحداثة وما قبل الحداثة .... انحنا لسع من زمن ابو الهول و الوصيا ام شهادات ورق فى القرن العشرين .... مفروض دا مكانوا المتحف للفرجة والتاريخ .
كيف لا يكون ذلك وتلك النظرة من ملك نقد التحليل ابو وصف شهادات ورق فلتحيا الزيطة والزمبريطة خلي صاحابك يعمل معروف ويحل لينا قضيتو بعدين شهادات الورق هينة
كيف لا يكون ذلك وتلك النظرة من ملك نقد التحليل ابو وصف شهادات ورق فلتحيا الزيطة والزمبريطة خلي صاحابك يعمل معروف ويحل لينا قضيتو بعدين شهادات الورق هينة
الحبيب اسامة حسب النماذج التي سمعتها ومنها هذا فا صيغة الوازا هي اكثر ميلا للكاونتربينتية من الهارمونية لان معظم خطزطها لحنية افقية ولكن ربما عاصم سمع نماذج اخرى لم اسمعها فهو باحث غي هذا المجال لك التحايا ان شاء الله انا متوجه للودان بعد الغد دعواتك لينا بالاستمتاع بدفء الاهل ان شاء الله تسمع "أخبار طيبة" هههههه
الحبيب اسامة حسب النماذج التي سمعتها ومنها هذا فا صيغة الوازا هي اكثر ميلا للكاونتربينتية من الهارمونية لان معظم خطزطها لحنية افقية ولكن ربما عاصم سمع نماذج اخرى لم اسمعها فهو باحث غي هذا المجال لك التحايا ان شاء الله انا متوجه للودان بعد الغد دعواتك لينا بالاستمتاع بدفء الاهل ان شاء الله تسمع "أخبار طيبة" هههههه
Quote: والله كيفتنا كيف ... صراع بين الحداثة وما قبل الحداثة .... انحنا لسع من زمن ابو الهول و الوصيا ام شهادات ورق فى القرن العشرين .... مفروض دا مكانوا المتحف للفرجة والتاريخ .
البيسمع كلامك منو؟ مشكلتنا إنو أخينا يوسف مصر يعيش زمن غيرو بشوية الطقم إياه (النوتة+كاونتربوينت+هارموني)
================
Quote: بعد شوية دخلت الفنانة أم جلحات . والله يا يوسف اول مره في التاريخ اشوف فنانة عندها جلحات عالمية +++ نفس سؤال الراحل الخالد الطيب صالح من أين أتت أم جلحات ؟ =========== معليش امسحا لينا في وشنا حبيبنا عثمان =========== ناس بتشوه خلقتها الخلقا ربنا ما تشوه غنا الناس بعدين يا استاذ الاساتذه ويا فاهم يا دارس معقول يكونوا ديل فنانيين ؟! =========== اريت العترة تصلح المشي يا اميرة +++ لكن الجماعة ديل حقوا ينعدلو شويه =========== إعتبر هذا نوع من أنواع الكريمات والبواريك الخاصة بالغناء =========== عثمان تعبيرك دقيق "وفي التنك"تحياتي
يعني خليت شنو للناس للكشامشا يقولوهوا؟
شوف الشاب الانت بتقول (وزعت ليهو) هنا
البنت أم صلعة الباس يدها في الدقيقة 2:20 دي العازفة بتاعة البيز واسمها Gail Ann Dorsey
وبتشوفها ظهرت هنا في أغنية (عبد القادر) في الدقيقة 1:02 إلى 1:05
المذيع الفرنسي داير (يقوم بينا) في الدقيقة 2:00 قال إنو هيربي هانكوك (أول موسيقار يستخدم السينثسايزر في الجاز) قالا بالإنجليزي وبالفرنسي لكن أنا فهمت حقت الفرنسي طبعاً، طنقعة مني ساكت!
قام طوالي ولدنا هيربي دا، طوالي رفع يدو وصحح المذيع وقال ليهو (لا، أنا من بين الأوائل) يعني ما الأول براي (جدام النيس)
شفت كيف الإثرة واحترام الزملاء يا يوسف !؟ ودا هيربي هانكوك، يعني ما أي واحد صـعـلوك!
ولاحظ الفرق بينو وبين المذيع (المتبلم) الكان قاعد يستمع ليك (ساكت) ومتمحن وانت ترصع فوقو، (استدعوني لتوزيع أغنية تخيل لجون لينون) وبم بم طاخ طاخ، لب لب!
هيربي، ولدنا دا، ذكرني كلامك بتاع (Put up or Shut up) و (push-up)
وصححناك مشكورين، وقلنا ليك غير صحيح، أغاني الحقيبة مليانة تغيير مقام قمت حذفت مداخلاتي كلهن، جت عليهن، ما فضل فيهن إلا ضلهن!
وما اعترفت إلا بالكاشف بدون تديهو الدرجة الكاملة وقلت إنك عملتها (scientifically) يعني الكاشف سواها (بلدي ساكت) وما يستاهل يكون الأول!
____ أخبارك شنو، مالك طولت مننا كدة؟
Post: #223 Title: Re: ماذا حدث لفناني سودان راس السنة؟؟ طه سليم� Author: Elmosley Date: 03-02-2018, 06:21 AM Parent: #222
التحية لكل ضيوف البوست من السودان بما فيهم
حاتم ابراهيم أو علي ماهر أو اشجار "اشقر" طيبة او المهول " معرووووووووف ابو الحسن" احييه فان اهتمامه ببوستاتي يفرحني جدا خصوصا في غيابي يا اسامه ياخي "الرجال ديل كويسين أو بمقولة أخرى الراجل ده كويس هسع شوف الفيديوهات الجابها من قوقل دي اللي انحنا عاجزين تماما عن الاتيان بها برغم الباب الذي فتحه قوقل على قفى من يشيل تسلم يا حاتم علي مهاؤتك واشجارك الطيبة زمعروفك الجميل
Post: #224 Title: Re: ماذا حدث لفناني سودان راس السنة؟؟ طه سليم� Author: حاتم إبراهيم Date: 03-02-2018, 10:25 AM Parent: #1
أووه يوسف! كيفك؟
ياخي أنا (نويت) أخفف عليك شوية! وعندي ليك فكرة كويسة!
أمس بالصدفة بقلب في أرشيف (الإزاعة) لقيت لحن على إيقاع إيقاع الفالس 3/4
كانت مفاجأة لي في البداية، لأني كنت بلقى إيقاعات تانية مشابهة للفالس لكن ما صريحة قدر دا
رأيك شنو انت ومعاك ناس كلية الموسيقى تعملوا مشروع تصنيف لمكتبة الأغاني السودانية، على الويب؟
ما عشانا نحنا القوقلاب ديل، لأنو بدون قوقل بنجيبا، زندية ساكت! لكن عشان فننا يتعرف برة ونقدر نتسلبط ونقول (غنية عازة عالمية) و(راجل المرة) فيها كاونتربوينت
لأنو الملاحظ إنو حالياً أي واحد يجمع ليهو ملفات غنائية ويسميها (مكتبة) ويقول هاكم دا غناء فلان ودا حق فلانة ودا عاطفي ودا وطني ودا اتقال في فلانة ويا سلام داك عروقو جينات والغنية ديك ضبحنا ليها والولد دا قريبنا!