ياخ بشتاق ليك ....

12:54 PM December, 31 2017

سودانيز اون لاين
إدريس محمد إبراهيم-السعوديه - الرياض
مكتبتى
رابط مختصر

ياخ مشتاق ليك

زعلان انا منك ومشتاق ليك..
اتخيلي كيف..
مشتاق للهمس المن جواك
يا كيف الكيف..
يا اجمل طيف
مستني النفس.. الزفره الدافره الهم الفيك..
الريده تتاتي تخاف تتعثر..
الأمل الدابو شتيل ما خضر..
لا فرهد شبا ونور أزهر..
والفرحه بترجف في جواك يا زولي السكر..
والشوق يشتاق ويشيل يديك
والآهه تتاوق راجيه مجيك..
وسهام من نور معطون بالنار
تتغلل في جوايا عذاب..
والشوق يا روح الروع غلاب..
الحب مخلوق من طينة ود وحنان منساب..
والحن العبا الدنيا جمال..
والحس والبوح والحرف السال
هم برجعوا ليك ما دايره سؤال
مين اهدى العطر عبير منثال
مين شذب فيني الروعه مثال
مين الهم شعري سقاهو جمال
غير زولي الفال...
مين غير الحزن الضما عينيك
مين غير الصبر الكامن جوه حنايا الروح
ومسارب الدم حافيك..
وانا ما زعلان بس مشتاق ليك

إدريس محمد إبراهيم