اضحك من الحكومة

06:00 AM December, 31 2017

سودانيز اون لاين
عبدالحفيظ ابوسن-no where
مكتبتى
رابط مختصر

صحف اليوم
شحن الهواتف في المكاتب الحكومية فساد مالي

اقترح
خصم تحت بند
شحن موبايل
و
المطالبة بشهادة توضح نوع موبايلك ومستوي البطارية ونوعها موثقة من فني موبايلات معترف به
وكل من يثبت ان الموبايل المشحون لا يطابق الشهادة سيتعرض للعقوبة
في موبايلات بتاكل كهربا

برضو لازم تحدد عدد موبايلاتك .. الشحن لموبايل واحد
حتكون لجنة لمتابعة الغش
ما يكون زول عندو موبايلين متشابهات يشحن واحد ويشيل بطاريتو ويخت التاني
توصية مدراء المكاتب بعمل قفل وطبلة لي كوبسيهات المكاتب وتعين موظف لذلك
موظف الشحن

في شهادات استثناءات
لو شغلك المكتبي بحتاج لاتصال يرجو اعلام المكتب كتابة وتوضيح ذلك .. سيتم التأكد من خلال مراجعة شركات الاتصالات
مافي تهاون في المال العام
الله بسألنا

واطالب ايضا بمراجعة السخانات ما يسمي بالهيتر
الموظفين ديل شغالين بيهو جبنة وشاي

والله ياهو الفضل
حد بفهم أكتر من الحكومة كمان
تعش رجباً ترى عجباً

مودتي يا مواطن

المختصين ديل محنونا يا ابوعاقلة
بقت علي دي يعني زي فتوى دم الباعوضة

تقتلون الحسين وتسألون عن حكم قتل الذبابة في الحرم

هههههههههه

يا دردر ديل اتبعو سنن ما كان قبلهم حتي ولو دخلو فتوى ما حكم من يحمل قربة فسو في ظهره . لدخلو معه غير مغطين ( نخرينهم )

فى امر تانى خطير جدا بيحصل فى مكاتب الحكومة يا عبدالحفيظ وهو إنه الموظفين والموظفات بيستعملوا المرافق الصحية ملح ,ولابد من وضع لوائح وتعليمات بأنه أى موظف/ة لازم يدفع نقدا قبل الدخول لحمامات الدولة ومافى حاجة اسمها تخصم من المرتب ...
فاكرنها فوضى ؟

الحكاية دي يا أبو ســن من (الـــورع) الشديــد

دا نوع خطاب موجــه للكوادر الـ (بخــمـــوهــــم) في الدورة المدرسيــة

ناس الخطاب الرسالي والمسيرات القاصــدة والســنن الماضيـة

الالعــوبانات القــديمــة الموروثــة من العبلانج الكبيــر

الكلام المزخرف الذي لا يجتهــد أحــد في تفسيره ولا في قياســه على الواقع المزري الأليــم

كلام الخـــم لقليلي الفهــم والنوع الـ أبداً ما بصحى ولا بشـــووووف

(نوعكم دا فات فوقو الفوات .. وبقى غير مرجي منــه (ولا حتى في وفد منافي)

أحمـــد الشــايقي

اشكرك قلقو لحرصك علي المال العام
دة فعلا موضوع ختير !
الشفط براهو بي كم
غير الموية البستعملوها 😷😷😷😷
والنضاف البنضف
وبرضو كويسة ذكرتنا موضوع الوضوء مش برضو استهلاك موية
كلامك صاح الدفع فوري احتمال واحد يكون عندو اسهال دة بنعمل ليهو تخفيض حسب عدد المرات

نحن جيل الهزيمة يا شايقي
مهزومون
كنا نحلم
ولازلنا
لكن نتغش !؟
الله يعلم ما اظن

موضوع الضحك دا مهم شديد وبيفرغ الشحنات السالبة

هو ضحك كالبكاء فرانكلي
ولا ينسي الجرح

شر البلية ما يضحك !!
تلقى الكيزان الحرامية ذاتهم قاعدين يضحكوا على خبث حكومتهم .

النصيحة مسألة أنو الموضوع مضحك لا ينكرها إلا مكابر.

يا نعومة تصدقي بكونو مصدقين
بل ران علي قلوبهم
تلك المضغة التي في جوف الانسان ما عندهم