السلام عليكم القصة دى بقت صعبه جدا زمان كان رفع الصور ساهل لكن الان يا كافى البلا لا بعرف ارفع صورة ولا فيديو
اها بالله العارفين يورونا وياخدو الاجر
وشكرا مقدما
Post: #2 Title: Re: كيف ارفع فيديو من الانترنت لى بوست هنا ؟ Author: Maawya Hussein Date: 12-29-2017, 03:13 PM Parent: #1
ارفع الفيديو في يوتيوب وجيب الرابط هنا
Post: #3 Title: Re: كيف ارفع فيديو من الانترنت لى بوست هنا ؟ Author: امتثال عبدالله Date: 12-29-2017, 03:43 PM Parent: #2
عبد الغفار رفع الصور الى المنب صعب شديد وانا شرحو لي الخطوات هنا خطوة خطوة ونجحت في رفع الصور ونسيت الخطوات ودخلت كورس شهر كامل ولهسع ما بقدر ارفع الصور، اما رفع الفيديو من اليوتوب فساهل زي شراب الموية ، واحتمال شراب الموية اصعب منه لانه كباية الموية ممكن تقع منك والموية تتدفق....لكن رفع الفيديو ما عليك الا ان تفتح الفيديو واثناء ما انت بتتفرج على الفيديو خت الماوس في نص الفيديو واضغط باصبعك على الماوس بالجنبة اليمين وبتظهر ليك شباك ومكتوب فيه اربعة او خمس سطور ، وتعاين للسطور ولمن تلقى اي سطر مكتوب فيه كلمتين copy و embede تضغط على السطر بالجنبة الشمال وطوالي تمشي للبوست الانت عاوز تنزل فيه الفيديو وتضغط باصبعك بالجنبة اليمين وتظهر ليك كلمة paste وتضغط بالجنبة الشمال على كلمة paste ..وبتنزل ليك عنوان الايرل url بتاع الفيديو... اما انزال الصور ، فاسال نور وهي خبيرة في هذا الموضوع. مع وافر التقدير والاحترام
Post: #4 Title: Re: كيف ارفع فيديو من الانترنت لى بوست هنا ؟ Author: فيصل محمد خليل Date: 12-29-2017, 03:59 PM Parent: #3
افتح الفيديو و اقيف بالماوس في اي مكان داخل الفيديو و اعمل كلك بالمين و انسخ copy cod و تعال في البوست نزل المسنوخ في الحيز البنكتب فيهو بس استعمل المتصحف بتاع Explorer
Post: #21 Title: Re: كيف ارفع فيديو من الانترنت لى بوست هنا ؟ Author: Hatim Elmaki Date: 12-30-2017, 07:21 AM Parent: #4
الف شكر
Post: #5 Title: Re: كيف ارفع فيديو من الانترنت لى بوست هنا ؟ Author: Asim Ali Date: 12-29-2017, 04:04 PM Parent: #3
بالنسبه للصور انا شخصيا فاتح اكاونت على موقع العملاق لرفع الصور https://www.0zz0.comhttps://www.0zz0.com ترفع الصوره على موقع العملاق بيظهر ليك 1/رابط مباشر .....و 2/كود المنتديات تنسخ (كوبى) الرابط المباشر ..... ثم تضغط على زر اضف صورة فى البوست ..... تظهر نافذه تلصق عليها الرابط... وتضغط اوكى
Post: #6 Title: Re: كيف ارفع فيديو من الانترنت لى بوست هنا ؟ Author: Maawya Hussein Date: 12-29-2017, 04:14 PM Parent: #5
تقريبا افضل موقع لي رفع الصور
http://imgur.com/
Post: #7 Title: Re: كيف ارفع فيديو من الانترنت لى بوست هنا ؟ Author: عبدالغفار محمد سعيد Date: 12-29-2017, 04:15 PM Parent: #5
شكرا ليك يا معاوية و الله ما قصرت
Post: #8 Title: Re: كيف ارفع فيديو من الانترنت لى بوست هنا ؟ Author: عبدالغفار محمد سعيد Date: 12-29-2017, 04:16 PM Parent: #7
الف شكر استاذة امتثال عبدالله
Post: #9 Title: Re: كيف ارفع فيديو من الانترنت لى بوست هنا ؟ Author: عبدالغفار محمد سعيد Date: 12-29-2017, 04:18 PM Parent: #8
فيصل يا قريبى مشتاقين ياخ
Post: #10 Title: Re: كيف ارفع فيديو من الانترنت لى بوست هنا ؟ Author: عبدالغفار محمد سعيد Date: 12-29-2017, 04:18 PM Parent: #9
الف شكر يا عاصم على
Post: #11 Title: Re: كيف ارفع فيديو من الانترنت لى بوست هنا ؟ Author: Arif Nashed Date: 12-29-2017, 04:23 PM Parent: #3
الاخ عبد الغفار...تحياتي ساحاول شرح طريقتي نقل فيدو وصورة في مشاركة بالمنبر .. اولا . تعفص علي ايقونة اضف رد في حال اردت اضافة صورة او فيديو .. لنقل صورة اتبع الخطوات التالية عندما تعفص علي ايقونة اضف رد تظهر لك ايقونة الرد كالتالي
رابط الصورة كما هو موضح يجب ان تضعه بين ثم تعفص علي اضف رد وتنزل صورتك في المشاركة يمكن استخدام موقع تحميل صور من النت وارشح لك هذا الموقع https://www.0zz0.com/https://www.0zz0.com/ اول خطوة هي رفع الصورة المراد انزالها في موقع الرفع
ارجوا ان اكون قد وفقت في الشرح ..
Post: #12 Title: Re: كيف ارفع فيديو من الانترنت لى بوست هنا ؟ Author: عبدالغفار محمد سعيد Date: 12-29-2017, 04:29 PM Parent: #11
Post: #13 Title: Re: كيف ارفع فيديو من الانترنت لى بوست هنا ؟ Author: عبدالغفار محمد سعيد Date: 12-29-2017, 04:30 PM Parent: #12
شكرا عزيزى عارف ناشد
اخيرا استطعت النجاح فى تنزيل فيديو
Post: #14 Title: Re: كيف ارفع فيديو من الانترنت لى بوست هنا ؟ Author: Arif Nashed Date: 12-29-2017, 04:31 PM Parent: #11
اما رفع الفيديو للمنبر فتتم بالطريقة التالية تفتح الفيديو في اليوتيب وتعمل عليه كليك بزر الماوس الايمن كما قال الاخ فيصل وتعمل نسخ ولصق في مشاركتك وترسل المشاركة (توضيح بالصورة)
Post: #15 Title: Re: كيف ارفع فيديو من الانترنت لى بوست هنا ؟ Author: Asim Ali Date: 12-29-2017, 04:46 PM Parent: #14
استغل الفرصه واسال عن كيفيه وضع الرابط فى البوست بكلمه مثلا (الموضوع دا ) تضغط عليهو يفتح معاك الرابط المقصود . لو فى زول عندو فكره عن الطريقه؟؟؟
Post: #16 Title: Re: كيف ارفع فيديو من الانترنت لى بوست هنا ؟ Author: امتثال عبدالله Date: 12-29-2017, 05:11 PM Parent: #15
اها يا عبد الغفار نقول ليك مبروك النجاح في نقل الفيديو وحننتظر كمان ١٥ يوم عشان تقول ليك مبروك نقل الصورة.. اما اذا قدرت تنقل الصورة في خلال يومين فجائزتك لابتوب ماركة Dell اخر موديل ومضافة اليها جائزة وضاحة اذا اجتزت شروطها ،(وش باسم).. لاني عارفة نقل الصورة زي قيادة البوينج 747 مع وافر التقدير والامنيات
Post: #17 Title: Re: كيف ارفع فيديو من الانترنت لى بوست هنا ؟ Author: nour tawir Date: 12-29-2017, 05:21 PM Parent: #16
امتثال ازيك ؟
انا و الله ما بعرف انزل الصور.. و بستعين بى ناس من وكت لاخر.. فانتى يمكن قاصدة واحدة تانية.. المهم تقطسى و تقلعى.. تجيبى لينا انزال الصور بنفس طريقة الفيديو.. ما شاء الله شرحك مبسط و مفهوم تقول مدرّرسة كمبيوتر.. ثو اشرحى لينا كيفية تغيير صورة البروفايل.. وفى الانتظار....
Post: #18 Title: Re: كيف ارفع فيديو من الانترنت لى بوست هنا ؟ Author: Maawya Hussein Date: 12-29-2017, 05:32 PM Parent: #17
رفع الصور ساهل جدا
من موقع http://imgur.com/ نعمل ابلود للصوره من الجهاز ,... بعد اكتمال رفع الصورة نعمل يمين كليك علي الصوره ونختار copy image address
نجي هنا نضغظ اضف صورة ونخت الرابط المنسوخ
افضل المعاينه قبل اضافه رد
التحكم في حجم الصور قبل رفعها
Post: #19 Title: Re: كيف ارفع فيديو من الانترنت لى بوست هنا ؟ Author: فيصل محمد خليل Date: 12-29-2017, 05:32 PM Parent: #17
صديقتي امتثال اسهل من تنزيل الصورة مافي انا بتكلم عن الصورة الموجدة في النت . تقيفي بالماوس في اي حتة في الصورة و تعملي كلك بالزر اليمين بيفتح ليكي مربع . تقيفي على copy image address و تعملي كلك بالزر الشمال عليهو و تجي في البوست تضغطي على اضف صورة و تروحي تنزلي المادة المنسوخة في المستطيل و تعملي ok . اضغطي على شاهد قبل النشر لو نزلت اضغطي على اضف رد و بس
Post: #20 Title: Re: كيف ارفع فيديو من الانترنت لى بوست هنا ؟ Author: امتثال عبدالله Date: 12-30-2017, 00:11 AM Parent: #19
حنجرب الطريقة الساهلة دي يا فيصل ونديك النتيجة...واذا ما اديناك النتيجة اليوم حنديك النتيجة من السودان، الوطن الحبيب،بكره مسافرة عشان نحضر السنة الجديدة في السودان مع وافر التقدير
Post: #22 Title: Re: كيف ارفع فيديو من الانترنت لى بوست هنا ؟ Author: Hatim Elmaki Date: 12-31-2017, 00:50 AM Parent: #19
Post: #23 Title: Re: كيف ارفع فيديو من الانترنت لى بوست هنا ؟ Author: Hatim Elmaki Date: 12-31-2017, 00:52 AM Parent: #19
