الله الله ..علي عذوبة الصوت الملائكي ...انصاف فتحي ...وجمال كلمات ود الرضي
صوت سابح محلق عاليا ..واداء متغلغل في الكلمات والصور الفي القصيدة...
مرة يا نسيم السحر كلمات: محمد ود الرضي
مرة مره يا نسيم السحر .. هب ليا من شاطي البحر .. طوف الخبا و جيب ليا من .. ام در عبير ذاك النحر ... مثلت غرقان البحر .. أنقذني وابرد عني حر .. لاطف قليبي الانسحر .. وارحم فؤادي الانتحر ... يا سعد بدر الجيل ظهر .. درة عقد جيد الدهر .. حامل الزهور جامع الزهر .. و البدر حولوا اتنين شهر ... في عيون ذاتات الوتر .. الفيها مجبول الفتر .. مثـل ضميري المستتر .. و عيوني بي عيون المتر ... ما نظم شاعر أو نثر .. فيك ماش على أثر الأثر .. القال وصف حسنك جسر .. في جيدك الطائل كسر ... ناموا الخلوق و الليل حكر .. ما صحا فيه إلا من ذكر .. حاكيت سجيع قمري الوكر .. هيجتيني يا قميرية كر ... يا دنيا عنوانك سدر .. معلوم سرورك ما ندر .. نعم العبد طوع القدر .. فراقة يا دار الكدر ...
Post: #2 Title: Re: اعذب صوت في الغناء السوداني ... جيب لي من أ Author: جمال ود القوز Date: 12-28-2017, 05:32 PM Parent: #1
دا الغناء الصاح
Post: #3 Title: Re: اعذب صوت في الغناء السوداني ... جيب لي من أ Author: Awad Omer Date: 12-29-2017, 08:09 AM Parent: #2
شكرا باشمهندسة انصاف علي هذا الاشراق والتالق.. شكرا علي الاتقان مع الموهبة في اخراج هذا العمل.. خليك مواصلة علي طول ..وبنمرة خمسة..واكنسي من طريقنا عاطلي الموهبة ..مفسي الوجدان ..متسيدي الساحة من امثال شكر الله وفرفور وعاصم البنا وشاكلهم...
Post: #4 Title: Re: اعذب صوت في الغناء السوداني ... جيب لي من أ Author: Awad Omer Date: 12-29-2017, 10:59 AM Parent: #3
الله يحفظك.. واصلي..التحليق..
Post: #5 Title: Re: اعذب صوت في الغناء السوداني ... جيب لي من أ Author: حيدر حسن ميرغني Date: 12-29-2017, 11:05 AM Parent: #4
فعلا إنصاف أرقى صوت نسائي في البلد ولاتنازعها في ذلك أياً من بنات جيلها غناء من غير تكلَف .. صوت سنين جدا ما شاء الله ... وتواضع ملحوظ شكرا عوض
Post: #6 Title: Re: اعذب صوت في الغناء السوداني ... جيب لي من أ Author: Awad Omer Date: 12-29-2017, 11:23 AM Parent: #5
شكرا جمال علي مرورك.. اعتقد انصاف تستخرج لالي ود الرضي وشعراء ذلك الزمن الجميل
Post: #7 Title: Re: اعذب صوت في الغناء السوداني ... جيب لي من أ Author: Osman Musa Date: 12-29-2017, 12:17 PM Parent: #5
سلامات اخ عوض الف شكر ليك علي جلب الحلقة وسيرة الشابة البديعة بي الجد أنصاف . أنصاف فنانة دخلت الساحة الصعبة و اتربعت بي قوة . انشاءالله تجد العون من العارفين في حقل الإبداع وانشاءالله تتوفق في المسيرة .
Post: #8 Title: Re: اعذب صوت في الغناء السوداني ... جيب لي من أ Author: Awad Omer Date: 12-29-2017, 12:34 PM Parent: #7
Quote: فعلا إنصاف أرقى صوت نسائي في البلد ولاتنازعها في ذلك أياً من بنات جيلها ..غناء من غير تكلَف .. صوت سنين جدا ما شاء الله ... وتواضع ملحوظ
فعلا..اخ حيدر... راسية جدا...بس من غير تكلف..مع ابتسامة ساحرة جدا..
شوف...الناس الديل قالو... * جمالو كل ما يزيد جسمي يزيد إنحالو *** أما قلبي الضّاع خلّي اليروح في حالو إذا أدار لحظو على جبل دكّالو *** ولو بَسَم أنزل دمع السحاب أبكالو
Post: #9 Title: Re: اعذب صوت في الغناء السوداني ... جيب لي من أ Author: Awad Omer Date: 12-29-2017, 12:54 PM Parent: #8
فعلا انقذتي ماوقر في وجداننا من التصدع والصدا..خاصة بعد الاعتزال الباكر للايقونتين ...اسرار ..و العافية حسن..
Post: #10 Title: Re: اعذب صوت في الغناء السوداني ... جيب لي من أ Author: Ali Alkanzi Date: 12-29-2017, 01:09 PM Parent: #9
هذه الاغنية التي سمعتها بصوت انصاف فتحي في خلال هذا العام إلا دمعت عينيَ شوقاً وحزنا لحبيبي الذي ارتحل حتى انني عدلت المدخل وقلت يا حبيبي القام للرحيل كيف تسيبني دا كلام مستحيل فهذه الغنية تعبر عن الفترة التي عشتها معها ولمن اراد أن يعرف فليذهب لمناحتي لها والغنية تبدأ من الدقية الثالثة ولو لا خوفي من الناس لأنزلتها هناك في مناحتي وها هي الفرصة تواتيني اللهم ارحم حبيبتي سماح وام عيالي وتغمدها برحمتك وعفوك ورضاك انك سميع الدعاء ومجيب لرجاء عبادك اللهم انه قد مضى منا عام اعفر لنا فيه ما اتينا من ذنوب واقبل علينا عام كله تقوى وسعياً لنيل رضاك يا ارحم الراحمين
Post: #11 Title: Re: اعذب صوت في الغناء السوداني ... جيب لي من أ Author: Awad Omer Date: 12-29-2017, 01:26 PM Parent: #10
الاخ.. علي الكنزي
رحم الله رفيقتك وانزلها في منازل النبيين في جنات النعيم ...امين.
مثل صوت انصاف وادائها ووضوح الكلمات والمخارج ...يستدعي عند كل منا شي من الذكري والماضي ...ويشحذ هممنا وينقي وجداننا من الشوائيب والسلبييات...ويعبينا ايجابية وتفاؤل..
Post: #12 Title: Re: اعذب صوت في الغناء السوداني ... جيب لي من أ Author: Awad Omer Date: 12-29-2017, 07:24 PM Parent: #11
سؤال لارباب الشعر والصور الشعرية؛
قال ود الرضي ~ حامل الزهور جامع الزهر .. و البدر حولوا اتنين شهر..
ماهم الاتنين شهر حول البدر؟
Post: #13 Title: Re: اعذب صوت في الغناء السوداني ... جيب لي من أ Author: عمر محمد ابراهيم Date: 12-30-2017, 10:58 AM Parent: #12
Post: #14 Title: Re: اعذب صوت في الغناء السوداني ... جيب لي من أ Author: عمر محمد ابراهيم Date: 12-30-2017, 11:00 AM Parent: #13
شكرا لهذا الجمال عوض وضيوفهوشوفوا التراث والمريود بصوت انصاف شكرا انصاف
Post: #15 Title: Re: اعذب صوت في الغناء السوداني ... جيب لي من أ Author: عثمان حسن المتعارض Date: 12-30-2017, 04:03 PM Parent: #12
ياسلاااااام علي الإبداع والفن الأصيل اتنين شهر التي حول البدر ترمز للحواجب التي في شكل هلال حول الوجه الذي هو البدر في الجمال والوضاءة
7
Post: #16 Title: Re: اعذب صوت في الغناء السوداني ... جيب لي من أ Author: نادر الفضلى Date: 12-30-2017, 07:28 PM Parent: #15
الأخ عوض عمر تحياتى وتقديرى
أشكرط شكرا كثيرا جزيلا وأنت تتيح لنا الإستمتاع بهذا الإبداع الرايق
حقا غناء الحقيبة إعجاز متجدد!
Post: #17 Title: Re: اعذب صوت في الغناء السوداني ... جيب لي من أ Author: Awad Omer Date: 12-31-2017, 08:06 AM Parent: #16
شكرا الاخوان علي المرور والمشاركة .. شكرا عثمان موسي.. شكرا عثمان حسن.. شكرا عمر محمد شكرا نادر الفضلي ..
اعتقد انصاف ..انصفت شعر الحقيبة بتوضيحه ..وبادائها الاخاذ.
Post: #18 Title: Re: اعذب صوت في الغناء السوداني ... جيب لي من أ Author: عبد الصمد محمد Date: 12-31-2017, 11:51 PM Parent: #17
الأخ عوض تحياتي وكل سنة وانت طيب رأيك شنو في ست الطرب أدناه
>
Post: #19 Title: Re: اعذب صوت في الغناء السوداني ... جيب لي من أ Author: عبد الصمد محمد Date: 12-31-2017, 11:59 PM Parent: #18
Post: #20 Title: Re: اعذب صوت في الغناء السوداني ... جيب لي من أ Author: Ahmed Alim Date: 01-01-2018, 00:03 AM Parent: #19
عوض سلامات .. إنصاف صوت تريااااان ومليان محنة وفعلاً من أجمل الأصوات النسائية الآن ..
ـــــــــــــــــــــــــــ
يا عبد الصمد تحياتي .. سميرة دنيا سيدة الطرب والغناء السوداني بلا منازع
Post: #21 Title: Re: اعذب صوت في الغناء السوداني ... جيب لي من أ Author: Awad Omer Date: 01-01-2018, 02:00 PM Parent: #20
شكرا احمد عليم شكرا عبد الصمد..سميرة دنيا ..مغنية رائقة ومعتقة ...لكن انصاف لها ابعاد اخري لحظك الجراح...............
Post: #22 Title: Re: اعذب صوت في الغناء السوداني ... جيب لي من أ Author: عبد الصمد محمد Date: 01-01-2018, 02:56 PM Parent: #21
حبيبنا عوض سنة سعيدة تمتعك فيها وتمتعنا إنصاف بالجديد والجميل إنصاف غناية لكن زي ما قالوا لو إختلاف الأزواق لبارت السلع أنا برى إنه أجمل 3 أصوات غنائية في الفترة القريبة لا تعد إنصاف واحدة منهن وهن حساب سماعي الشخصي حنان النيل في المرتبة الأولى سميرة دنيا في المرتبة الثانية أسرار بابكر في المرتبة الثالثة
Post: #23 Title: Re: اعذب صوت في الغناء السوداني ... جيب لي من أ Author: Awad Omer Date: 01-02-2018, 11:44 AM Parent: #22
حبيبنا عوض سنة سعيدة تمتعك فيها وتمتعنا إنصاف بالجديد والجميل إنصاف غناية لكن زي ما قالوا لو إختلاف الأزواق لبارت السلع أنا برى إنه أجمل 3 أصوات غنائية في الفترة القريبة لا تعد إنصاف واحدة منهن وهن حساب سماعي الشخصي حنان النيل في المرتبة الأولى سميرة دنيا في المرتبة الثانية أسرار بابكر في المرتبة الثالثة
والله برضو راي ..لكن عصرت علي البنت شوية
Post: #24 Title: Re: اعذب صوت في الغناء السوداني ... جيب لي من أ Author: يحي قباني Date: 01-03-2018, 05:29 AM Parent: #23
تحياتي عوض عمر ...
و التحية للزولة الفنانة انصاف فتحي ...
بالمناسبة انا بميل لانه ود الرضي قال
جيب لي من ام در عبير ( ذاك ) النحر ...
خلف الله حمد غناها ( ذاك ) النحر ...
و اعتقد الوصف ب ذاك النحر فيهو جمال و تغطية لمن تكون ...
على أي حال ... انا السلطانة ما ببدلها بي زول :)
Post: #25 Title: Re: اعذب صوت في الغناء السوداني ... جيب لي من أ Author: الزبير بشير Date: 01-03-2018, 08:47 AM Parent: #1
شكرا عوض عمر
انصاف فتحي روعه
يا ريت تشوت لينا واحده للانيقه مكارم بشير
Post: #26 Title: Re: اعذب صوت في الغناء السوداني ... جيب لي من أ Author: Awad Omer Date: 01-03-2018, 07:05 PM Parent: #25
جزيل الشكر استاذ قباني..علي المرور.
طبعا السلطانة مكانها محفوظ..وسمة الروقة والهدوء في اداها للحقيبة لايدانيها
Post: #27 Title: Re: اعذب صوت في الغناء السوداني ... جيب لي من أ Author: Awad Omer Date: 01-03-2018, 07:12 PM Parent: #26
سلام وتحايا اخ الزبير .. ومن بستان مكارم بشير المتنوع ..وجدتها متالقة جدا في هذه المرثية ؛