أدعو "عمر البشير" بتنصيب نفسه ملكا واعلان مملكة السودان ..

10:25 AM December, 24 2017

سودانيز اون لاين
Arif Nashed-
مكتبتى
رابط مختصر

عوضا عن صرف مبالغ طائلة في حملة انتخابات لا جدوي منها محسومة النتائج ..
اقترح تنصيب عمر البشير ملكا واعلان السودان مملكة وتوظيف الاموال التي تصرف في الانتخابات فيما يخدم الشعب ..
كما ان القرار يجنب البرلمان حرج تعديل الدستور لترشيح البشير ..
تغيير البرلمان لمجلس الشوري وبرضو يكون النواب بالتعيين بدلا من الانتخابات ..

يكون هناك ولي العهد ونائبه ومجلس الوزراء وامراء المناطق ..
الانتخابات واللفة الطويلة دي مافي ليها داعي فالبلاد في حوجة الجنيه ..

بعد ذلك انتظروا المكرمات الملكية ..
بلا احزاب بلا مرشحين بلا كلام فارغ ..

يمكن الاختيار بين الاثنين
* مملكة السودان .
* مملكة كوش .

قالوا ليكم مافي راجل بحكم السودان والبشير حي يرزق ..
جماعات ترشح البشير حتي لو اضطروا لاستخدام السلاح ..

تعملوا انتخابات ما تعملوها البشير سيستمر في راس الحكم ..
يعني موضوع الانتخابات موضوع صوري لا اكثر ولا اقل وصرف مبالغ باهظة في الفاضي ..

البشير قاعد ليكم زي مسمار جحا فما تتعبوا ساااااااي ..

كمان زاتو قصة الاحزاب الكتيرة دي مافي ليها اي داعي
اول قرار ملكي يصدره البشير هو حل هذه الاحزاب ومنع اي انشطة حزبية ..
مليون حزب في الفاضي ما قادرين يقودوا الشعب لتغيير النظام فائدتهم شنو ..

اركز يا زول

وبطل بطبطة

وشكرا

الانتهازي النفعي بق بق
يمكن سيدك يعينك امير علي احدي المناطق ..

زاتو بدل عناوينك تكون سيدي الرئيس تكون (قدلة لجلالة الملك)

مسألة الدين وتطبيق الشريعة زاتو بتكون محلولة ..
يحذو حذو المملكة السعودية في هذا الامر (الاسلام المعتدل) ..

الجماعات المتشددة والتكفيرية بقعدوا في علبهم ..
يكون شعار المملكة شجرة الشيطان وسيفين ..

نقطة مهمة عشان ما ننساها وهي الجنسية السودانية تعدل الي تابعية عشان كل الشعب السوداني يكون تابع لملك السودان عمر البشير حفظه الله .
وبكده ننتهي من موضوع العنصرية المطلع زيتنا دا وتنتهي المسميات العنصرية (جلابي ؛ عب ؛ حلبي..الخ) للابد ..

عوضا عن صرف مبالغ طائلة في حملة انتخابات لا جدوي منها محسومة النتائج ..
اقترح تنصيب عمر البشير ملكا واعلان السودان مملكة وتوظيف الاموال التي تصرف في الانتخابات فيما يخدم الشعب ..
...

اقتراحاتك معقولة و مقبولة يا عارف...
بس صرف الاموال فيما يخدم الشعب..
الناس ديل 28+ ما صرفوا الاموال فى خدمة الشعب..
تفتكر حيعملوا كدا فى السنة 29 ؟

شايفة (...)..
ود الباوقة...
حايم حوالينك زى غنماية الاشلاق..

السلام عليكم
عارف ناشد وضيوفه
غايتو
ود الباوقة...
حايم حوالينك زى غنماية الاشلاق
دا نور تاور بالغت فيهو الوصف دا
بيكون كاركتير تحفة لو متعته عينا بيهو
ود الباوقه مع براميل الود

Quote: اقتراحاتك معقولة و مقبولة يا عارف... بس صرف الاموال فيما يخدم الشعب.. الناس ديل 28+ ما صرفوا الاموال فى خدمة الشعب.. تفتكر حيعملوا كدا فى السنة 29 ؟

قد يتأثر الملك المفدي عمر البشير بملوك وامراء الخليج في الصرف علي خدمة المواطن ويكون الحكم الملكي فاتحة خير علي اهل مملكة السودان / او كوش ..
كما انه وحاشيته سيتوارثون الحكم ويضمنوا بقائهم للابد ..
البلد تكون خالية من الاحزاب الكرتونية وولاء كل المواطنين للملك عمر البشير ..
حتي الشعار يكون
( الله ؛ الملك ؛ الوطن) ..
في الحالة دي سوف يعملون بجهد لاطعام الافواه الجائعة (افواه وارانب) وتحسين المرافق الخدمية للمواطن من صحة وتعليم ....الخ .
البلد تنتعش اقتصاديا وتخرج جماهير الشعب عن بكرة ابيه مطالبة بالغاء حكم الجنائية ..
والحاجة التانية تلغائيا يتلغي اسم السودان من قائمة الدول الراعية للارهاب لان الحظر مسجل باسم جمهورية السودان ...

Quote: شايفة (...).. ود الباوقة... حايم حوالينك زى غنماية الاشلاق..

نور تاور اوسكااااااااااار
موبالغة ضحكتيني لامن اتفنقلت من الكرسي
عمر فلنكة كيف ما يتحاوم والموضوع يخص سيده بشبش ..
الله يجازي محنك

Quote: دا نور تاور بالغت فيهو الوصف دا بيكون كاركتير تحفة لو متعته عينا بيهو ود الباوقه مع براميل الود

الاخ Mahamed Eltaze تحياتي ..
يعلم الله كنت متكدر وقافلة معاي
لما قرأت تعليق نور تاور ضحكت لامن عيوني دمعن ..
ده كلامك الفرصة دي لايمكن تفويتها ..
غنماية الاشلاق
هههههههههه