ضبط زوجته تأكل باسطة مع رجل غريب في غرفة النوم !!!

04:08 AM December, 22 2017

سودانيز اون لاين
يحي قباني-فى الدنيا العجيبة
مكتبتى
رابط مختصر

انا عندي مشكلتين هنا ...

الأولى ...

ضبطها مع رجل غريب في غرفة النوم ... ما كفاية ؟ يعني الباسطة هي الجابت آخرهم ؟

مشكلتي الأكبر ...

الزوجة الجابت رجل غريب في غرفتها ...

الباسطة العليهم شنو كمان !!!

كانت جعانة مثلاً و لا الغريب كان محتاج سكريات و لا الفهم شنو ؟

عدم سهولة الحصول على الويسكي و الكحوليات خلى الأشياء تتدهور في السودان ...

وعادت لمنزل الزوجية !!!

والغريب أكل الباسطة ومشى؟ ... ماشة معاهو باسطة !

والفنانة إتجلدت .. فتحللت .. فرجعت لمرتع الزوجية !

او الغريب قال ليها فلمكم هندي و لا ناكل باسطة ؟

طبعا عادت الى منزل الزوجية يا هاني ...

القصة كلها باسطة يعني ...

مش قالو في واحد رجع من السفر لقى زوجتو معاها ( غريب ) في غرفة النوم ...

اتصل على نسيبتو منهار و قال ليها :

عجبك القاها مع زول غريب في غرفتي ؟ و المصيبة الأكبر انو انا رسلت ليها ايميل اني جاي الليلة ...

في جراءة اكتر من كده ؟

جات نسيبتو طايرة و دخلت لي بتها و جاتو مارقة .... و قالت ليهو :

شفت ... ظلمتها ساكت ... المسكينة ما استلمت الايميل ...

و الله يا نادر السودان ده بقى لذيذ خلاص ...

فاتنا المولد ده ... هههههه

باسطة !!!

غايتو حسب العرف القديم ...

اكل الباسطة او التحللية بكون بعد ما تمو صلاتم و سلموا ...

لكن محن الزمن ده ممكن كل شي جايز ...

يا يحيى الباسطة يا لكسب طاقة قبل اللعب أو لتعويضها بعد اللعب


عندنا صاحبنا ى أريكا كل ما يشوف الجكس الأمريكى .. يتحسر ويقول .. آآآخ الما قرينا الثانوى فى أمريكا
هسة .. نقول شنو .. آآخ الما حضرنا زمن خلوات أكل الباسطة فى السودان!

حضرنا زمن ناس عصام باسطة بياكلوها ويجروا تسعين دقيقة فى الملعب .. أولاد العاتى بعد ما يتعشوا
بيضربو الباسطة وبينومو يوم نط ليهم حرامها صحوا وإتمرنوا بيهو اللليل كلو جرى ساكنو لامن وقع

هسة الحرامى (الغريب) دخل بالباب وإضيف وأكل الباسطة ومشى .. وسياد البيت إتجالدوا وتصافوا!

Quote: يا يحيى الباسطة يا لكسب طاقة قبل اللعب

شنو يابن عمي ...

باسطة في الوريد دي و لا شنو ؟ مفعولها فوري كده !!!

هو الغريب ده جاي من بيتهم و مجازف بيت الناس ... و ما جاهز ... داير دفرة بي باسطة ؟

انا افتكر انها باسطة بعدية و ليست باسطة قبلية ...

و ذلك لتحلية خشم الغريب قبيل مغادرته ... آمناً
______________________________

ناس طيبين أوي ... على قولة عادل امام ...

عشان الما يعرف يقول باسطة

مثل جديد

الغريب ماشا معاهو باسطة لا - من شافو .. ولا - من جلدو .. ولا - من دقو ..

بتدقا دي .. في حال يشرب عصير التفاح ..
مش يعديها لينا كلها اكل باسطة .. باسطة براها كدا ما بتعمل حاجة.





---------------------------------------------
خشيت الموضوع قلت يكون فيهو آكشن ..
لقيتو باسطة بس .. حليب ساي ما معاها.




.........
تحياتي الاخ يحي قباني وضيوفه الكرام .

















.

باسطه

الحمد لله ما بقت بليله

يا قبة ما حددت لينا.
كم كيلو بااااسطة.
وهل الباااااسطة كانت Mix
بالسمنة والا بالزيت




عزالدين عباس الفحل
ابوظبي

سلام يا هباني

موش غريبه شويه انو المحاكم تسرب للصحف بي (فضائح زي دي) اكيد لا الزوجه ولا الزوج ولا الغريب السربو الخبر للصحف

ربما ذلك، ليزيدهم الله(باسطة) في الجسم و المال و شيلة الحس و گشف الحال..دي شيلة و زفة بي طبال..قسمتگ با رقيق الحال مگتوب ليگ تعيش( تربال)

من المحزن والمؤسف يا قباني أن تنصب المحاكم
على عجل لرجل وامرأه أكلوا باسطه في غرفة نوم وتغض الدوله الطرف
عن من أكلوا كل خيرات البلد وعلى الملأ لثمانية وعشرين عاما..

من المحزن أن يهرب من العدالة من باعوا خط هيثرو ومؤسسات الدوله
ودمروا السودان رأسيا وأفقيا وتسارع أجهزة الدوله بمحاكمة مرتديات
البناطيل الشريفات حتى بلغ بنا الحال أن يُحاكِم من أوصلوا البلد حال
الكساح بناتنا على مشيتهن ..

أكرر مقولة مظفر النواب لازمتي:
أوشك أن أخلع من وسخ الأيام حذائي.

هسع ياقبانى الباسطه دى داير غرفه نوم
هسع لو اكلو باسطتهم فى الصالون
الحنكوش دا ما كان اشتكاهم

Quote: موش غريبه شويه انو المحاكم تسرب للصحف بي (فضائح زي دي) اكيد لا الزوجه ولا الزوج ولا الغريب السربو الخبر للصحف

المشكلة في تسبب المحاكم للفضائح
ليس في تسريبها للصحف إنما في قبولها أو تعاملها
مع قضايا مثل هذه
والمصيبة الأكبر أن هذا كله يتم باسم الشريعة!!!!!!!!!
التي هي بريئة من هذا براءة الذئب من دم ابن يعقوب
عليهما السلام.
في الشريعة الإسلامية لو أي شخص شهر بعرض مسلم
أو مسلمة أو اتهما بالزنا ولم يأتي بأربعة شهود يقولوا شفنا
بعينا كذا كذا كما هو معلوم المحكمة شرعا مكلفة بجلد هذا
أو هؤلاء ولو كانوا رجال شرطة 80 جلدة
والأهم أن لا يتم هذا بمداهمة البيوت فمداهمة
البيوت جريمة يجب المحاكمة بشأنها
ولو كانوا من الشرطة..
دون فضح لمن كانوا ضحايا لهذا
التجاوز الغير شرعي
ولو وجد رجل زوجته ومعها رجل وراؤهما يزنيان
فلو ذهب للمحكمة يطلب منه الشهود الأربعة
فلو لم يكن معه أحد يخير بين التلاعن أو أن يعفوا
والتلاعن معروف تشهد المرأة على نفسها أنها لم تزني
ولو كانت كاذبة تكون معلونة
والرجل يشهد اربعة على انها زنت
ولو كان كاذب صار ملعونا
أما اكل الباسطة أو البيزا
او حلاة حربا في خلوة
كغرفة النوم هذه مسألة لا علاقة
بالمحكمة بها
فالزوج هو المتروك
له الأمر يجلد يخنق
يجضم يطلق يشلت
هو حر بس ما يكتلها.
هذا ما أفهمه عن شريعة
الإسلام وليس شريعة الأخوان
الذين هم أجهل خلق الله
بشريعة الإسلام

المنتصر سلام..
المحكمة لم تخطئ فهذا واجبها..
نعم، واجبها أن تبت في أي قضية تعرض عليها والشرطه لم تتسور
المنزل كما هدد الراحل نميري في تلك الأيام السوداء.. ما حدث،
وفقا لما قرأت، أن الزوج هو من تقدم بشكوى أنه وجد رجلا غريبا
في غرفة نومه مع زوجته وأنه يرى في ذلك جرما حاق به وبالطبع
تحرت الشرطه وحققت مع المتهمين ، وهذا واجبها، وأقرا بذلك
الفعل ومن ثم أحيل الأمر إلى المحكمة التي قضت في الدعوى فجلدتهما تعزيرا..
نحن لسنا بصدد جريمة زنا كما ترى وإلا لصح قولك في جزئية الإثبات.

قلت أعلاه أنه من المحزن أن تبقى قضايا الفساد الأساسيه حبيسة الأضابير
لقرون دون محاكمات بينما تسارع أجهزة الدوله والإعلام بعدها في قضايا
كموقعة الباسطه رغم أن الزوج هنا له الحق في إبلاغ الأمر للجهات
المنوط بها إنفاذ القانون إن كان لذلك مقتض وألا يأخذ القانون بيده..
أما أن تبقى معه بعد ذلك مكتفيا بالجلد فهذا أمر لايخصنا ..
وهسه يا منتصر أنا أكتب لك من باب كوني قانوني لكنني لو كنت مكان
الزوج لربما تعاملت مع الموقف بطريقة أخرى فكل إنسان يختلف
عن غيره في رد ة الفعل..

شوفوا لينا ملفات المراجع العام الذي بح صوته بشأن الفساد
والنهب يا وزير العدل ويا صحافه..

Quote: عشان الما يعرف يقول باسطة مثل جديد

و الله يا درديري

صحي الماعارف يقول باسطة ...

تحياتي عثمان محمود ...

لا صاحبك ده لا الاشتكى ( المدام ) بكونوا واعين زمن باسطة بيّن ...

زمن قصص زي ده مافي ...

و لو بقت ...

الغريب كان جابوه في نشرة 6 صباحا ...

.

Quote: المشكلة في تسبب المحاكم للفضائح ليس في تسريبها للصحف إنما في قبولها أو تعاملها مع قضايا مثل هذه والمصيبة الأكبر أن هذا كله يتم باسم الشريعة!!!!!!!!! التي هي بريئة من هذا براءة الذئب من دم ابن يعقوب عليهما السلام. في الشريعة الإسلامية لو أي شخص شهر بعرض مسلم أو مسلمة أو اتهما بالزنا ولم يأتي بأربعة شهود يقولوا شفنا بعينا كذا كذا كما هو معلوم المحكمة شرعا مكلفة بجلد هذا أو هؤلاء ولو كانوا رجال شرطة 80 جلدة والأهم أن لا يتم هذا بمداهمة البيوت فمداهمة البيوت جريمة يجب المحاكمة بشأنها ولو كانوا من الشرطة.. دون فضح لمن كانوا ضحايا لهذا التجاوز الغير شرعي ولو وجد رجل زوجته ومعها رجل وراؤهما يزنيان فلو ذهب للمحكمة يطلب منه الشهود الأربعة فلو لم يكن معه أحد يخير بين التلاعن أو أن يعفوا والتلاعن معروف تشهد المرأة على نفسها أنها لم تزني ولو كانت كاذبة تكون معلونة والرجل يشهد اربعة على انها زنت ولو كان كاذب صار ملعونا أما اكل الباسطة أو البيزا او حلاة حربا في خلوة كغرفة النوم هذه مسألة لا علاقة بالمحكمة بها فالزوج هو المتروك له الأمر يجلد يخنق يجضم يطلق يشلت هو حر بس ما يكتلها. هذا ما أفهمه عن شريعة الإسلام وليس شريعة الأخوان الذين هم أجهل خلق الله بشريعة الإسلام

مداخلة رائعة مشكور جدا الاخ منتصر عبد الباسط ..
المحكمة ما عندها شغلة بي منو يقعد مع منو وياكلو شنو ..
رب البيت او صاحب المنزل اطرد الانت ما عاوزو بعد داك لو اقتحم البيت
بالقوة افتح فيهو بالاغ تعدي والمحكمة تفصل في الموضوع ..

لكن الظاهر في الموضوع انو صاحب البيت فتح البلاغ في زوجتو انها تحضر الى
المنزل خلصة اشخاص غير مرغوب فيهم ..
برضو المحكمة ما عندها حق تتدخل في اختيارات الناس المفروض ترجع الموضوع
للزوج انو يحل مشكلتو مع زوجتو حتى لو ادى ذلك الى الانفصال او الطلاق ..

كيف تم محاكمة الزوجة حسب القانون واللوائح الموجودة ..؟ نرجو ان نجد الاجابة من
المتخصصين او من من يملكون المعلومة ..


شكرا للجميع ..

ملاحظات
جلدوها بتهمة شنو؟
* ثبت زنا ؟
العقوبة رجم إنتو الكيزان ديل خايفين من الرجم ليه؟
مافيش رجم ؟ مافيش جلد أو سجن والحالات التي حدثت في صدر الإسلام ولم تكتمل فيها
أركان الزنا ( إعتراف أو أربعة شهود ومرواد في مكحلة) لم يعاقب المتهمون فيها بل عوقب
بعض الشهود !
**
العقوبة سببها شنو؟
أكل باسطة في غرفة نوم؟ جلب غريب في غرفة نوم؟
...بعيدا عن الدين وشريعة الإنقاذ ومحاكمها
القصة بصورتها الواردة في الصحيفة لا تدخل العقل
- الزوج يجد زوجته في الوضع المشار إليه ولايفعل شئيا - الزوج منفعل بطبيعة الحال من المتوقع
أن يثور ويضرب - يأخذ حقه بيده - !
- جلدت المحكمة الزوجة فماذا عن شريكها في أكل الباسطة؟ لماذا يجلد أو يحاسب إن كان
هناك "شبهة زنا" أو تعدي علي حرمة المسكن؟
- تعود الزوجة لمنزل الحياة الزوجية بعد فضيحة وصلت المحاكم والصحف !
*
خلاصتي القصة بصورتها تلك - غير منطقية وغير عقلانية فهي إما مختلقة أو مبتورة أو محرفة !

باسطة !!

يعني لو كانت حلاوة طحينية ،،، لراحوا فيها .

بالله حسي المشكلة في الباسطة أم وجود الرجل الغريب ؟؟؟

ياخي صحافة عجيبة ، والزوج أعجب .

هسع بد الجوطة دي كلها
ماوريتون النان منو ومرتو الفنانة منو منو

يا قباني يا فنان كل سنة انت و ضيوفك طيبين.
ياخي قصتنا كسودانيين مع الباسطة قصة لكن اشهر و اطرف قصة سمعتها و دي مافي زول ممكن يؤكد انها حصلت الا اخونا معاوية ود المدير.. يقال و العهدة على الراوي انه كان في بياع باسطه مشهور في عطبرة، كان دائما بروج لبضاعته بانه بكورك و بقول " بالسمنه و كده" المهم جوهوا ناس الامن و قالوا ليه يا زول احترم نفسك و اوعك تاني تقول كده المهم الراجل استبدل عبارة " بالسمنه و كده" بعبارة " منعونا و كده" ههههههههه و تتواصل قصص الباسطه مع شعب السودان.. شكرا علي البوست اللطيف و خلينا نسمعك صوتك مع تقديري..

القصة دي يا قباني المورال حقها باختصار اننا مجتمع غير ناضج لا يعرف الناس
فيه حقوقهم او انهم لا يهتمون بها أساسا والمساحة التي تنظم العلاقة بين الدولة
ممثلة في اجهزتها المختلفة بما فيها المحاكم وبين حياة المواطنين وشؤونهم فيها تداخل
وعدم وضوح رؤية كبيرين.
بعدين السؤال المهم هو هل لو وجدت امرأة زوجها قاعد يأكل باسطة مع واحدة في غرفة
النوم وجابت ليهو البوليس، هل حيجلدوه؟ ام ان الامر هو اضطهاد النساء التاريخي والنظرة
الدونية لهن كمواطنين من الدرجة الثانية وفاقدات للأهلية؟

يا اخوانا الشكلة فى شنو؟
والباسطة مالا؟
الباسطة حلال والدليل انوالمحكمة ماقالت حاجة والزوجة رجعت لبيت الزوجية ويا دار ما دخلك شر والمياه رجعت لمجاريها وبعد كدة الزوج يجيب ليها الباسطة ويبقو لبن على عسل.. من فوائد الانقاذ... اعادة صياغة الانسان السوداني والمشروع الحضاري ولا تنسوا الهوت دوق .. يتاكل فى الصالون واحيانا فى المطبخ..

Quote: وبعد التأكد من الحالة أدانت المحكمة الزوجة بالجلد

ما عرفنا الحالة الإتأكدت منها المحكمة دي ياتو حالة، هل هي حالة أكل الباسطة؟ أم حالة وجود شخص غريب بالمنزل؟

يبدو أن الأنقاذ قد أهلت القضاة بما يكفي لأن يخترعو نصوص قانونية تسري لمدة جلسة محاكمة واحدة ثم تفقد صلاحيتها.
مبدأ "لا عقوبة بدون تجريم و لا تجريم بدون نص" دي قاعدة معمولة للقضاة التعبانين موش زي قضاة الإنقاذ.

البلاغ ناقص
الباسطة كانت كم كيلو
ولامن قبضوهم كانوا أكلو كم
هل الباسطة بالسمن البلدي ولا زيت . بتفرق كتير
ثم اهم سؤال
الاشتري الباسطة منو
كانت في التلاجة يعني ملك الزوج ولا جابها معاهو الشاب من حر مالو
دي قضية محتاجة ذكاء

والسؤال الاهم والجوهري
اوضة النوم دي سرير دبل ولا سريرين جمب بعض
الاكل تم في اللحاف فوق ولا في تربيزة
في تفاصيل كتيرة غايبة

يا حليلك يا ود اب سن .. بقت الكديسة تاكل باسطتك
وين فراريرك .. كل الموضوع فرّار و الضرب ما بين المفرقين
و تهضم بى عرقى بلح
قال ليك صاحبك عاين من فوق الستارة عشان بشوف الدكتور بعالج مرتو كيف
لقا الطب اتقدّم
والله صحى

يا جلال قال ليك وعادت لمنزل الزوجية ياخ
ما تخليك بتاع قراية نوايا
المشكلة كلها في الباسطة
الظاهر عليك ما قريت اجاثا كرستي زمان
عقدة الجريمة في الباسطة
وتحت تحت سمعت انو الشاب انكر أكل الباسطة . جاب شهادة موثقة انو عندو سكري
ف شنو ركز علي مسرح الجريمة
مسرح الجريمة دة علم واسع وعندو مركز منفصل اسمو
مسرح الجريمة والادلة الجنائية
انا شفت اليافطة
عشان افهمك من الاول
مسرح الجريمة هو غرفة النوم
الادلة الجنايية الباسطة
ركز معاي يا بوارو

طيب نمشى واحده واحده يا ود اب سن
هلللللّ .. بتاعت مولانا شدو ديك ... ملاية السرير كانت مكرفسة مما يدل
على اى نشاط سياسى فوق السرير
هل كانو لابسبين شباشبن ولّ قاعدين حفايا
هل المخدة كانت فى وضعها الصحيح
هل باب الاوضة كان مقفولا و ستائر الشبابيك مسدلة
هل لبس الزوجة كان قانونى و متماشيا مع قانون النظام العام
هل ...
ولّ اخير نسكت
ما ناقصين بلاوى

ايوااااا تيلك يا جلال
كدة جيت عديل
لازم تدرس مسرح الجريمة دراسة علمية وفنية
الملاية زاتا نوعها شنو البتزلق ديك وبعمل شيييط مع كعب الكراع لامن تتمد
ولا ملاية امريكية ولا بولستر مشجر
السريل مستورد ولا مخرطة
الملة حقتو شنو
بتربط بي مسمار 12 ولا مسامير عادية
الخشب شنو تك ولا مهوقني ولا زان ولا دليب ولا
بسكسك ولا صامت
شوف دة انا لسة ما جيت للبس وكدة
القضية دي غميسة غماسة شديدة

مما تقدم يظهر انهم كانوا منزلين الناموسية .. والا لحصل ما لا تحمد عقباه.
لولا الناموسية حمتو الزول كان ناوى على شي.

هللللل منزل الزوجية كلو اوضة واحدة ولا في اوض تانية
المسكن في عمارة ولا ولا
باب الاوضة صيني ولا خشب ولا حديد
في تفاصيل كتيرة غايبة
لاحظ لسة ما جبت لي اللبس والقعدة واشياء اخري
ف شنو
حقو ما نميل للاتهام طوالي ياخ

Quote: و دي مافي زول ممكن يؤكد انها حصلت الا اخونا معاوية ود المدير.. يقال و العهدة على الراوي انه كان في بياع باسطه مشهور في عطبرة، كان دائما بروج لبضاعته بانه بكورك و بقول " بالسمنه و كده" المهم جوهوا ناس الامن و قالوا ليه يا زول احترم نفسك و اوعك تاني تقول كده المهم الراجل استبدل عبارة " بالسمنه و كده" بعبارة " منعونا و كده" ههههههههه

أنا غايتو بأكد ليك
الجزء الأول من القصة لأنو سمعتها بأضاني
زمان في بداية التسعينات في رحلة كلية الفنون
للشمالية وكانت بالقطر فلما نزلنا في محطة عطبرة
كانت أكثر من ساعة ساعتين
وكان في الليل ... فلفت سمعنا
صوت صاحب الباسطة (بالسمنة وكدا)
وكانت الدنيا شتاء في فبراير
فذهبنا وأكلنا من الباسطة لكن بصراحة
لم تنذوق طعم للسمنة ولا حتى رائحة
فطلع بتاع الباسطة ماسورة
لكن كانت متعتتا بطريقة ترويجه
أكثر من مذاق الباسطة.

شوف يا حفيظو حسب خبرتى التراكمية فى مثل هذه القاضايا الغويصة
فاتت على المحقق حاجات كتيرة ليها القدح المعلا فى فك طلاسم القضية
شوف مسألة الملايات و السرير دى
اذا كانت الملاية انزلاقية و فى حالة التناطح دى
المفروص يكون جزء منها متدلل بى طرف السرير
ليه الكلام ده
لانو الملايا الانزلاقية بتىزلق عكس حركة التناطح
و دليلى انو القوائم الحلفية لى احد طرفى الصراع بتكون مثبتة ساعة الهجوم و ترتخى ساعة التراجع و التهيؤ لى هجوم جديد
اما فى حالة الملاية الامريكى فارتكاز الطرف الاخر للصراع و حركته الاهتزازية تساعد على تجمعها فى نص السرير
و هو ما يعرف بظاهرة الكرفسة
الجانب الاخر .. انو الملاية الانزلاقية بتحاكى الملاية الامريكية لو كان السرير ملة
فحركة الملة الرأسية لها اثرها الصاغط على كرفسة الملاية الانزلاقية
بالجد القضية عويصة و معقدة

كلمة ضبط دي تجريمية
يفترض يكون محايد وكدة
وبعدينك يا ابوالريش الناموسية بتدخلك في تزوير وقائع معانا وبندخلك في حيص بيص لكن برضو كويس ذكرتنا ميعاد الاتهام
ودة براهو بند هام في وبخش في مسرح الجريمة
يعني لو الساعة فليل والدنيا صقط بتفرق عن غيرها
يا منتصر عمنا باب سامي كان بعمل الباسطة بالسمن البلدي وعسل النحل ويشارطوك شراط لو اكلت كيلو وشربت العسل يدوك مبلغ من المال
غايتو نفرين حتي ياكلو منها ربع
تنويه هام جدا
لوقت داك كنا لسه ... آي لسة

اهو انت كدة يا جلال ممكن نسمح ليك تكون محقق
لأنو الموضوع وقع ليك تمام
شوف أي تفصيلة مهمة
مسرح الجريمة دة مهم جدا
لاحظ اللبس لسة

أها الجلد كان عشان شنو؟ الخلوة ولا الباسطة الإمكن ترجع ملكيتها للفنان عشان كدا زعلان خاصة لو ما خلوا ليه حاجة. يبدو من القصة وشكل العقوبة إنه ما كان في مرواد ولا مكحل
المهم هل مضت هذه السيدة تعهد بحسن السير والسلوك قبل رجوعها البيت
الفنان دا يظهر عليه حفلاته كتيرة وشاغلاه من أداء واجباته المنزلية...يا فنانين هوي السودان ما أ,روبا . في أوروبا في بدايل بلاستيكية وهنا ماف. ففتحوا عيونكم وركزوا على جذور المشاكل

مولانا مرتضى هسع لو الباسطة الطيب سيد مكي لمن يتم إعادة المعروضات للفنانة ولا الفنان ولا المعزوم ،يا قبة باسطتك دي ذكرتني نكتتين واحدة بتاعة الذي بهت في الدولاب قال للراجل لو قلت ليك مستني الباص ما حتصدقني والتانية ذاك الذي خُلعتاً قام جاري بالخروف كله والزوج وراهو داير الباسم بس قال ليه لو حصلتني حتى باقي العمر شيلوا

Quote: باسطه الحمد لله ما بقت بليله

علي الكرار ...

بليلة شنو ياخوي ...

لازم باسطة ... عشان الراجل لازم ( ينبسَط ) ...

Quote: في أوروبا في بدايل بلاستيكية وهنا ماف. ففتحوا عيونكم وركزوا على جذور المشاكل

كمان ما تبالغ ي عبد الصمد ..
هسع الباسطة دي عوجته شنو !!

يظهر بان القاضي زاتو حنكوش المفروض يصدر حكم بجلد الزوج
اتو الحاصل شنو !!

Quote: المفروض يصدر حكم بجلد الزوج اتو الحاصل شنو !!

عارف ... اوسكار

وعليكم السلام يا اخ محمد المرتضى

Quote: ومن ثم أحيل الأمر إلى المحكمة التي قضت في الدعوى فجلدتهما تعزيرا..

التعزير في القضايا التي تحال للمحاكم
ليس هذه القضية منها.
هنا التعزير من شأن الزوج وليس المحكمة
ويحق للزوج أن يضرب أو يهجر أو يوبخ أو يطلق
قال الله تعالى:((  وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيًّا كَبِيرًا }[8]. ))
وإذا كان الرجل عاجز عن فعل شيء من ذلك
فلا أقل من الستر ...فالفضائح في أمور دون القضايا الحدية
ليس للمحاكم دور فيه
والتعزير للقضايا التي يجوز فيها التعزير وليس هذه القضية
منها
وكذلك لا يجوز أن يتجاوز العقاب للقضايا
غير الحدية على الجلد عشرة جلدات
لما جاء في الصحيحين
عن أبي بردة الأنصاري عن رسول الله -رضي الله عنه - أنّه قال:« ولا تجلد أحد فوق عشرة أسواط إلا في حد من حدود الله»
رواه البخاري ومسلم
أما قضايا كقضايا الخلوة الغير شرعية واللبس غير الشرعي
فالتعزير هنا هو داخل في الأمر بالمعرورف والنهي عن المنكر
بالوعظ والنصح وليس للقاضي شأن بالنواشذ
طالما ان الله عز وجل حصر وقصر مسؤلية العقاب على الزوج
وغير المتزوجة الأمر متروك لولي أمرها
إلا قضايا التحرش التي تحدث في الشوارع والأماكن العامة
هي التي يمكن أن تدخل في القضايا التي يجوز أن تحال للقضاء
ويحكم فيها تعزيرا ..
ثم الشرطة أصلا شيء مبتدع في الاسلام فعلى الشرطة أن
تحصر مسؤليتها في أمن الناس وسلامتهم ...
والأمور المتعلقة بعروض الناس يفضل التعامل معها بحذر دون تدخل
القضاء والشرطة إلا عند الضرورة إذا مس الأمر أمن الناس
وسلامتهم فيما يحتاجون في إلى قوة وسلطان الدولة.

Quote: عمنا باب سامي كان بعمل الباسطة بالسمن البلدي وعسل النحل

يا أخ ود أب سن
انتو لكن يا ناس الصعيد ديل
ما شاء الله ناس عندكم البهايم والخير راقد
وعسل النحل عندكم ما شاء الله
لكن ناس الشمالية ما ناس سعية بمستوى الصعيد
أما بالنسبة لعسل النحل ناس الشمالية إلا كان يسووا
الباسطة بعسل النخل بدل عسل النحل.
لكن في القراصة وأنواعها ما بتلاحقو
عندهم قريب عشرة أنواع ومنها كذا نوع بالتمر
وواحدة زواده بتقعد اسابيع عدة بدون تفسد
وفيها تمر وحامضة شوية
دا بحسب ذاكرتي لما حصل في في رحلتنا تلك
في ذلك الزمان في مطلع التسعينات.

الموضوع برمته.
فبركة صحفية خالية من الإبداع.
وبدون ادني إخراج فني.
هكذا المعارضة البالية.
قال بااااااااسطة.




عزالدين عباس الفحل
ابوظبي

ود الفحل سلام
المعارضة الدخلها غرفة النوم شنو كمان

Quote: هكذا المعارضة البالية

يا قبة .. (الغريب) دا غالباً ما أول مرة يدخل البيت
و(الفنان الشاب) دا عارف وبي رضاه بدليل انه ما ثار لكرامته
لكن تكون زعلته حكاية الباسطة دي
شكلها جديدة في الموضوع وحسّ انه الأمور تطورت

غايتو .. محن

أستاذنا قباني والضيوف
زولك دا جبارتو واقفة
كان حضر زمن المهلاوي: كان لصق ليو مادة إسمها:
الشروع في الزنا
وأستاذنا الموصلي كان لقي إجابة لي أسئلته
و
عرضة وأتفرتقت
_
الحليلة

ههههههههههههه
تذكرت قصة شبهة حصلت فى اواخر السبعينات من القرن الماضى فى الفاشر
رجل رجع من السفر ليلا ووجد زوجته تتناول دجاج مشوى مع رجل غريب فى غرفة النوم
حاول الرجل الغريب الهرب ولكن لم يحالفه الحظ حيث تلقى ضربة على راسه افقده الوعى
ثم قام الزوج بقطع خصيته وذهب بها الى مكتب الشرطة .
وجد الشرطى المناوب نائم لذك وضع الحكاية فوق التربيزة ورجع الى بيته وعاد تانى اليوم صباح الى مكتب الشرطة وجد حيصة والدنيا مقولبة
قال للشرطة بكل برود انا ليقتكم نامين وتركت لكم امانة فوق التربيزة دى عملتو بيه شنوه ؟
سالوه عن الضحية قال لهم ما اعرف انا رميته بره البيت ولكن لما قمت من النوم الصباح ما لقيته

Quote: مولانا مرتضى هسع لو الباسطة الطيب سيد مكي لمن يتم إعادة المعروضات للفنانة ولا الفنان ولا المعزوم ، يا قبة باسطتك دي ذكرتني نكتتين واحدة بتاعة الذي بهت في الدولاب قال للراجل لو قلت ليك مستني الباص ما حتصدقني والتانية ذاك الذي خُلعتاً قام جاري بالخروف كله والزوج وراهو داير الباسم بس قال ليه لو حصلتني حتى باقي العمر شيلوا

معليش نطيت لمداخلة مونتا ...

تعرف يوم السبت الفات مساهرين في البلية صاحبنا جاب من السودان حلاوة مولد من الطيب سيد مكي ...

بالله تحلف تقول حلاوة قطن من شدة ما سمحة و هشة ...
______________________________________

قلت لي عمك ساكي الراجل كايس ( عبد الجليل ) ...

Quote: يا قبة ما حددت لينا. كم كيلو بااااسطة. وهل الباااااسطة كانت Mix بالسمنة والا بالزيت

الحُب في زمن الباسطة ...

سلامات يا قباني وزواره الأفاضل ..
أنا غايتو شامي في الوقائع دي شبهة انتقام واستغلال غاية في الغباء.

هههههههههههه

فتح بلاغ فيها شهر بيها وشهر بضكرنتو قدام البسوى والما بسوى
وبعد دا كلو عادت المبسطنة المسوطة بشرف إلى ذات غرفة
النوم .. خخخخخخخخ.
فن هابط بجدارة ياخ .

Quote: سلام يا هباني موش غريبه شويه انو المحاكم تسرب للصحف بي (فضائح زي دي) اكيد لا الزوجه ولا الزوج ولا الغريب السربو الخبر للصحف

حال النظام ياهو يا معاوية ...

كل ما نقول وصلنا حد الدهشة ...

نلقى الحاوي جرابو ملان ...

الرجل أكل الباسطة وإتخارج ..... والمرأة إتجلدت ...... هههههههههه

طيب يا المحكمة : مبدأ العقاب المتساوي للجرم المتساوي رميتو وين ؟ .........

يا جماعة الزول بكون منتظر القطر.

تحياتي ود الأصيل ...

_________________

مولانا يا صديقي ...

Quote: من المحزن والمؤسف يا قباني أن تنصب المحاكم على عجل لرجل وامرأه أكلوا باسطه في غرفة نوم وتغض الدوله الطرف عن من أكلوا كل خيرات البلد وعلى الملأ لثمانية وعشرين عاما.. من المحزن أن يهرب من العدالة من باعوا خط هيثرو ومؤسسات الدوله ودمروا السودان رأسيا وأفقيا وتسارع أجهزة الدوله بمحاكمة مرتديات البناطيل الشريفات حتى بلغ بنا الحال أن يُحاكِم من أوصلوا البلد حال الكساح بناتنا على مشيتهن .. أكرر مقولة مظفر النواب لازمتي: أوشك أن أخلع من وسخ الأيام حذائي.

لو تابعنا المسألة من ناحية قانونية يا مرتضى بنتعب ساكت ...

الجماعة ما قبضوا غير موضوع الباسطة ...

بس لإنو الود فنان حبوا يأدبوا ليهو المدام ... فجلدوها ...

يعني قرصة اضان بس ...

والله يا قباني الواحد أصبح لا يثق في ما يتم تداوله حتى على الصحف الورقية...


طيب لو قبضوها بيضرب كوارع .... القضية ح تكون كيفن ..؟؟

Quote: هسع ياقبانى الباسطه دى داير غرفه نوم هسع لو اكلو باسطتهم فى الصالون الحنكوش دا ما كان اشتكاهم

ود أبو عاقلة يا جميل ...

يعني يا عمر كان لقاهم بياكلوها في الصالون ... عاااادي ؟

كان امكن عمل ليهم كباية شاي ... و كده ... :)


ناس طيبين أوي ...

يا قبة أفرز ياخ .. الفوق دي مداخلة أخونا عمر دهب
وليس عمر أبوعاقلة
قامت بيك الباسطة وللا شنو ؟

مودتي

يحى
الراجل ده ذاتو باطل ، يشتكي ويرجعها لمنزل الزوجية،
قصة بارودي فيها عبرة كيف نعرف الراجل الما باطل،، ولكن بارودي
ما تم القصة ،،عاوزين نعرف مصير زوجته وعمل فيها شنو .

السؤال الذي يفرض نفسه باقي الباسطة راح وين ؟ هل نام بيها الزوج براهو أم سلموها للشرطة كحرز وبعدين قعدوا في النجيلة قدام مركز الشركة ومزمزوا فيها أم لهطه الزوج وزوجته بعد عودة الزوجة للمنزل مع شاي حليب .. ..؟؟

صحافة الغبرة عديمة الشغلة .. قال باسطة

دي اشارة ذكية يا الشغيل
سوف يتم اضافتك لتيم التحقيق
طلعت مركز في الادلة الجنائية

أنا مشكلتى فى انو الزوج اتصل بالشرطة..
و سّجل بلاغ..
يعنى الرجال البسّلوا السكاكين و رأسا ينّفذوا حكم القانون..
ديل مشوا وين ؟
و لا القاعدين فى السودان هسى دى ما بقوا سودانيين..
قاعدين بدلهم ناس حناكيش كرامتهم و رجالتهم ما بتوجعهم؟

Quote: سلامات يا قباني وزواره الأفاضل .. أنا غايتو شامي في الوقائع دي شبهة انتقام واستغلال غاية في الغباء.

مولانا محمد علي طه الملك

احترامي

هل في رأيّك أن الخبر مسرب إلى الإعلام في إطار حرب اعلامية بين طرفين انفصلا وبدأ كل منهما في إخراج "فضائح الآخر" السابقة - إلى الإعلام بالتقسيط ؟

يحى
الراجل ده ذاتو باطل ، يشتكي ويرجعها لمنزل الزوجية،
قصة بارودي فيها عبرة كيف نعرف الراجل الما باطل،، ولكن بارودي
ما تم القصة ،،عاوزين نعرف مصير زوجته وعمل فيها شنو .
رد على الموضوع

ههههههه
الرجل طلق مرته وتزوج با خرى فى نفس الاسبوع ولكن بعد فترة رجعها على خاطر الاطفال
اما الرجل الذى فقد خصيتيه عند ما افاق من غيبوبته ذهب الى المستشفى بنفسه وتلقى العلاج اللازم
والغريب بانه متزوج من ثلاثة نساء ولديه اطفال كثر
اخوه اشترى له سلاح كلانشنكوف لينتقم منه ولكنه رفض قال
هذه غلطته وسف يتحمل المسؤلية ولكن صرح بانه لم يجامع زوجة الراجل الظاهر كانت الحكاية مقرر بعد العشاء
بس ما ظبطت

يحى ودقباني
والله حاجات محن بقت تحصل في السودان،،،
انا عاوزة اقول ليك كلام ،،البت السودانية دائما في بالها تزوج راجل حمش وذو شهامة وعلى استعداد لحماية العرض والاسرة، على الاقل معظم البنات، راجل زي الفي قصة بارودي مصطفى فاشر،، والمروءة بتاعته ظهرت في ارجاعه لزوجته الخائنة عشان خاطر الاطفال وعشان الاطفال ما يتاثروا،،
،اما صاحب الباسطة فما عنده شغلة،،ما معقولة يسلم الزوجة الخائنة للشرطة وبعدين يرجعها لمنزل الزوجية،،شئ غريب!!!
انا بعتبر اي زوجة تقوم بادخال رجل غريب الى غرفة النوم في المنزل هي زوجة خائنة بلا شك وعلى الزوج ان يطلقها ويرجعها الى اهلها ولكن دون ذكر السبب الحقيقي حتى لا يشنع بها ...
...وهسع الواحدة تعمل شنو مع مثل الراجل في كاريكاتير عارف ناشد!!
..ويا نور ، خوفنا كله ان السودان يكون اتملا رجال من النوع ده...
مع وافر التقدير

وَاللَّاتِي يَأْتِينَ الْفَاحِشَةَ مِنْ نِسَائِكُمْ فَاسْتَشْهِدُوا عَلَيْهِنَّ أَرْبَعَةً مِنْكُمْ ۖ فَإِنْ شَهِدُوا فَأَمْسِكُوهُنَّ فِي الْبُيُوتِ حَتَّىٰ يَتَوَفَّاهُنَّ الْمَوْتُ أَوْ يَجْعَلَ اللَّهُ لَهُنَّ سَبِيلًا

شهد عليها الشرطة والقضاة .. بحكم الجلد .. باقى حبسها فى البيت (دا واجب أهلها بعد طلاقها)
أم العصمة فى يدها؟ والبيت إيجار أم ملك وبإسم منو؟ أو ربما مصلحة مادية فى مشايلة تكاليف المعيشة تسببت فى طأطأة الرجل!
سقوط أخلاقى وسقوط القيم وإنهيار إجتماعى سببه الفقر .. والمتسبب معروف أو معروفين!

الحبيب يحي
(الباسطة العليهم شنو كمان !!!)
موش كفاية البسطة
تحياتي ووافر احترامي

من مصر :

قال ليك صاحبك عاين من فوق الستارة عشان بشوف الدكتور بعالج مرتو كيف
لقا الطب اتقدّم

التحية لصاحب البوست وزواره الكرام

مداخلة جلالدونا دى ذكرتنى قالو فى واحد (مو زى زولنا العميكة دا)
الزول ودا مرتو للدكتور وقام الدكتور دخلها غرفة الكشف داخل الستارة
هنا عمك قام دخل معاهم لكن الدكتور قالو ياخينا خليك بره لامن اكشف
على المره دى .. المهم بعد ملاوه شديدة الدكتور اقنع الزول انو ينتظر بره
قام الزول مرق بره وبقى يعاين من تحت الستارة وشاف كرعين الدكتور
وقال للدكتور بصوت عالى:
(اسمع انا شايف كراعين لكن على الطلاق تنقص كراع واحدة السكين دى
الا تاباك)
قال رجعت البيت قال... الله لاغزا فيك بركة

سلام مربع

أهو خبر الفتاة :


رام الله - دنيا الوطن
أمرت نيابة القاهرة الجديدة برئاسة المستشار وليد السعيد، بحجز فتاة 24 ساعة للتحريات، بعد أن اتهامها قهوجى باستدراجه لشقتها، والاعتداء عليه جنسيا، تحت تهديد السلاح بمساعدة البودي جارد الخاص بها.

وأمام النيابة نفت الفتاة ما نسب إليها من اتهامات؛ فضلا عن نفيها وجود أي صلة أو سابق معرفة بينها وبين القهوجي.

وأوضحت الفتاة بأنها أتت من أمريكا منذ فترة، وأنها تتردد على شقة شقيقها بالقاهرة الجديدة، لعمل بعض الإصلاحات بها فيما بررت الفتاة إدعاء القهوجى ومعرفته بها بالقول بأنه ربما يكون من ضمن العمال الذين استعانت بهم لعمل بعض الإصلاحات بالشقة.

وكان م. ص يعمل قهوجي قد تقدم ببلاغ لقسم شرطة القاهرة الجديدة، يتهم فيه فتاة باستدراجه لمنزلها والاعتداء عليه جنسيًا تحت تهديد السلاح الناري بمساعدة بودى جارد تابع للفتاة، وأوضح المجني عليه، أنه فوجئ أثناء وجوده بمقر عمله بفتاة تتجه نحوه، وتخبره أنها فقدت محفظتها أثناء وجودها على المقهى، ثم طلبت منه البحث عنها وإحضارها لها بمنزلها حال عثوره عليها.

وأضاف أن الفتاة طلبت منه الذهاب معها لشقتها ليتمكن من معرفة عنوان مسكنها لتسهل عليه مهمته في إرجاع المحفظة حال عثوره عليها، وتابع أنه وافق بالفعل على الذهاب معها وركب معها سيارة كان يقودها شخص ظن في البداية أنه السائق الخاص بها إلى أن وصلوا إلى إحدى الشقق فطلبت منه الدخول معها وما إن دخل حتى فوجئ بالفتاة تطلب منه ممارسة الرذيلة معها.

وأكمل حينما رفضت استعانت الفتاة بالشخص الذي كان يقود السيارة والذي اتضح وفقًا لأقوال القهوجي أنه يعمل بودي جارد وأشهر السلاح الناري في وجهه لإجباره على الرضوخ لرغبة الفتاة ولم يجد بدًا من الهروب من المأزق سوى الاستجابة لرغبتها، وقام بالفعل بممارسة الرذيلة مع الفتاة بدافع الخوف على حياته بعد أن عقد العزم على التقدم ببلاغ ضدها.

وتم إتخاذ الإجراءات القانونية حيال الواقعة، والقبض على الفتاة، وإحالتها إلى النيابة والتي قامت بقرارها المتقدم.

البوست دة شايفو انحرف
هسة كمان يجينا واحد ويحكي لينا ويجيب قصة البلابيط

سودانيزاونلاين عالم جميل
واضح انو الناس بتحب تتونس
مافي واحد دقق في الخبر
ولا تاريخ النشر
ولا الجريدة
وهل الخبر حدث في السودان ام منقول من صحف خارجية ام من وحي خيال صحفي
خبر بقول : محكمة جنائية (اي محكمة لم نعلم وفي اي بلد لم نعلم)
والخبر بقول : الشرطة شرطة اي جهة لم نعلم
وفنان وزجه وثالث
كلو مبني للمجهول
ولكن الونسة ما بطلالة بتفرق علينا
الخبر كلام جرائد ليس إلا

عمنا علي الكنزي

تحية واحترامي ليك

ما نتونس ؟ اذا حياتنا كلها والحمد لله 23 ساعة مشاكل ، خلينا ناخد ساعة في سودانيز اون لاين نتونس فيها شوية !

واهو انت بهناك برضو ما قصرت معانا وونستنا وطلبت مننا نسألك وسألناك وما جاوبتنا ، وخليناك براحتك وقلنا ليس منّا من لم يوقّر كبيرنا

فلو سمحت يا عمي - خلينا برضو هنا براحتنا

وبعتذر لو كلامي جرحك او ازعجك

الابن العزيز Hani Arabi Mohamed
سلام عليك
قولك:

Quote: منا علي الكنزي تحية واحترامي ليك ما نتونس ؟ اذا حياتنا كلها والحمد لله 23 ساعة مشاكل ، خلينا ناخد ساعة في سودانيز اون لاين نتونس فيها شوية ! واهو انت بهناك برضو ما قصرت معانا وونستنا وطلبت مننا نسألك وسألناك وما جاوبتنا ، وخليناك براحتك وقلنا ليس منّا من لم يوقّر كبيرنا فلو سمحت يا عمي - خلينا برضو هنا براحتنا وبعتذر لو كلامي جرحك او ازعجك

والله كلامك لا جرحني ولا حاجة من حقك أن تعلق على طرحي حسب فهمك له وتقديرك ولا عتاب عليك
ولكن بكل اسف طرح البوست قائم على قضية افتراضية ونوقشت من قبل المتداخلين وكانها قضية واقعية ونلتم من الرجل السوداني في صورة الحنكوش ما نلتم وكذلك المرأة السودانية العفيفة الحافظة لفراش زوجها، ناسين أن هذا المنبر يطلع عليه كثير من السودانيين وغير السودانيين
وقولي انكم تناقشون وتتندرون بالقضية افتراضية لم تأت فيها اشارة :
ل
١- لصحفيفة الناشرة كمصدر للخبر
٢٠- تاريخ نشر الخير
٣- الصحفي مصدر الخبر
٤٠ المحكمة التي تم فيها الحكم
٥- الشرطة الجنائية التي دون فيها البلاغ٫ دع عنكم اسماء المتهمين والزوج
لهذا فانتم بهذا الحوار تعديتم على عفة المرأة السودانية والتي مهما بلغت بها الخيانة فلا اظن انها تطعم عشيقيها في فراش زوجها
وإن حدث هذا فلا يمكن لأي زوج سوداني ان يقابل هذا الامر بالتصور الذي صوره صاحب الطرح وعلى ضوئه تم الحوار

ولكن ليس من حقي ان اكون وصياً على احد في هذا المنبر
ولكن نيابة عن المرأة السودانية وهي بنتي وامي وزوجي واختي ونيابة عن الرجل السوداني المملوء بالغيرة على شرفه وكرامته
ادين هذا الطرح واطلب من الاستاذ قباني سحبه للعلل التي واردت
مع احترامي لكل متداخل متداخل سخر او لم يسخر
مذكراً اياكم بقول الله تعالى:
سورة الحجرات
يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ ۖ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ ۖ بِئْسَ الِاسْمُ الْفُسُوقُ بَعْدَ الْإِيمَانِ ۚ وَمَن لَّمْ يَتُبْ فَأُولَٰئِكَ هُمُ الظَّالِمُونَ (11)
فها انتم تخضون في امر محصنة للتفكه والتندر ليس إلا ، وقد قال الله فيها:
من سورة النور آية ٤
وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً وَلا تَقْبَلُوا لَهُمْ شَهَادَةً أَبَدًا وَأُولَئِكَ هُمُ الْفَاسِقُونَ
اللهم إني قد بلغت اللهم فاشهد

لا انحرف
اجيب فراري واجي
وابدا بالاسمو منو داك

Quote: ولكن بكل اسف طرح البوست قائم على قضية افتراضية ونوقشت من قبل المتداخلين وكانها قضية واقعية ونلتم من الرجل السوداني في صورة الحنكوش ما نلتم وكذلك المرأة السودانية العفيفة الحافظة لفراش زوجها،

عزيزنا الكنزي بعد التحية ...

بما اني المبادر بفتح البوست فآثرت ان أكون اول من يرد على طرحك أعلاه :

الامر منشور في جريدة يومية ...

هل هو خبر كاذب ام صادق ... لا احد يعلم و لكن علينا بالظاهر ...

المتداخلين ناقشو امرين ...

الأول الناحية القانونية و جوازهما من بطلانها ...

و الثانية اخذ هذه الحادثة كظاهرة ...

اما كون انك تفترض اننا عممنا صفة ( حنكوش ) على أي رجل سوداني فدي تكون سذاجة مننا ... و هو الشئ الذي لا اراه و لم يحدث هنا ...

اما افتراضك انت بتعميم ان كل النساء عفيفات و حافظات على فراش ازواجهن ... فهذه أيضا تندرج تحت مسمى السذاجة لو نحن اعتقدنا ذلك ...

فنحن يا سيدي لا نعيش في المدينة الفاضلة ...

خاصة و ان حكومة الإنقاذ افقرت الناس و أصبحت حاجتها فوق الاحتمال ...

و أصبحت الفروقات الاجتماعية مهولة و انخفضت معايير الاخلاق في مناحي كثيرة ...

رحم الله حميد يا كنزي حينما شبّه ( الفقر بالكفر )
او كما قال الفيلسوف
" إذا لم يكن الله موجود فإن القيم و الأخلاقيات تسقط من نفسها
و يصبح كل شيء مباح ، من أصغر الذنوب حتى ابشع الجرائم "


فرق شتى بين ...

ناساً عيشا دين ...

مجرورة وتجر

تقدح بالأجر ومرة بلا اجر

عيشهم كمهو وديشهم هان قدر

وناساً حالا زين ..

مصنع مصنعين

طين في طين وين

ما مرابا مر بارد همها

لا بعرق جبين ولا وشا يصر

عين والله عين .. كلها كمها وعزها هان قدر

دي الجنة ام نعيم دي الجنة ام قصر يا عبد الرحيم الا ورا القبر

لا تسرح كتر فتاح يا عليم

وان كان الفقر يا عبد الرحيم اشبه بالكفر


فيا كنزي يا عزيزي ... مهلاً

يا الكنزى (باسطة) دى مفردة فى قاموس أى بلد عربى غير السودان؟

الاخ الاستاذ يحي قباني
اولا اشكرك بالتكرم على الرد على مداخلتي معلقاً على طرحكم
واعتبر هذه اول مداخلة بيني وبينكم منذ ان اصبحتُ عضواً بهذا المنبر في 21-03-2017 ولكني بدأت نشاطي متأخر بعد نصف عام اي في سبتمبر ٢٠١٧
ونحن السودانيون وانا اولهم حتى لاتحسب ان الامر هجوم عليك نتميز بنكران الخطأ ونرمي اللوم دائماً على الجهة الاخرى، واضرب لك مثالين وقعا اليوم في الصباح البنت التي تعمل عندنا ارادت ان تفتح مدخل المنزل ودائماً تأخذ المفتاح من غرفتي فأغلغت الابواب ليلة امس وفي الصباح ارادت فتحها لخروج ابنائي لمدارسهم ولم تجد المفتاح في غرفتي فسألتني واجبتها أنني نادراً ما استخدم المفتاح ولم اتجه ناحية مكانة منذ ايام واصرت انها اعادت المفتاح في مكانه ولكني اجبتها أن لا احد دخل غرفتي غيري منذ امس ولكن بقت على اصرارها خاصة وهناك مفاتيح الغرف معه المهم في النهاية وجدت المفتاح خارج غفرتي
ومثال آخراليوم احتجت لتعبئة عداد الكهرباء واتصلت بأخي وفعلاً اشترى لي الكهرباء وهاتفني واملأني الرقم وادخلته مباشرة في العداد ولكن المؤشر لم يستجب وعدتُ إليه وطوالي قال لي واضح انك دخلت رقم خطأ واجبته وليه ما يكون أنت امليتني رقم خطأ؟
هذه الامثلة اوردتها لك بأننا السودنيين في طبعنا لا نقبل أن نتراجع عن مواقفنا خاصة إذا كان فيها مسئولية ستقع علينا على اي مستوى
فيا اخي ودون حجج
لا يوجد اي مبرر لك بنشر خبر بهذاالمعني وانت تجهل مصدره وجهات التحقيق التي قامت بالتحقيق والحكم
فقصتك قائمة على المبني للمجهول في كل شئ في النقاط الخمسة السابقة التي اشرت إليها في مداخلتي
أتفق معك أن الفقر شاع في السودان مما عرض بعض نسائه للمساومة في كرامتهن وهن قليلات لا يمكن أن نجعل منهم مثالاً للمرأة السودانية التي انجبتني وانجبتك فقد تربينا في احضان امهات عفيفات لم يراودهن الشيطان حتى في احلامهن
وكذا نسائنا وبناتنا وابنائنا فهم حملوا الراية التي تناولنها نحن من ابائنا
فود الاصيل اعطى امثلة لتجربة شخصية كيف يعف الرجل السوداني عن المراة المتزوجة ويكون حامياً لها وليس جائراً عليها.
على كل أن قبلت باقتراحي فلك شكري ، وان واصلتم تندركم بحرائر بلادي ورجالة فهذا خياركم وليس خياري
واشكرك مرة ثانية على ردكم المتميز بالحكمة والتؤدة
مع مودتي

Quote: لا يوجد اي مبرر لك بنشر خبر بهذاالمعني وانت تجهل مصدره وجهات التحقيق التي قامت بالتحقيق والحكم Š

وصاية عديل يا كنزي ...

يا اخي الفاضل ... الناس احرار فيما يكتبون ...

و الكتابة مسئولية ... و انا مسؤول عما اكتبه ...

يا كنزي الناس ما لاقيه تأكل ...ناهيك على ان يجدوا بنت تعمل معهم ...

الله يزيدك ياخي و تكرم كل من يعمل عندك ... و لكن الفقر اضر بالكثيرين ...

و نسبة من ضعفوا امام الضغط الاقتصادي زادت في هذا الزمن القبيح

و دونك أطفال المايقوما ...

البوست انحرف
وين بوارو

Quote: أما اكل الباسطة أو البيزا او حلاة حربا في خلوة كغرفة النوم هذه مسألة لا علاقة بالمحكمة بها فالزوج هو المتروك له الأمر يجلد يخنق يجضم يطلق يشلت هو حر بس ما يكتلها. هذا ما أفهمه عن شريعة الإسلام وليس شريعة الأخوان الذين هم أجهل خلق الله بشريعة الإسلام ˆ

منتصر عبد الباسط يا جميل ...

هنا تكمن العلة ...

شريعة الإنقاذ و فقه الضرورة ...

جابوا عاليها واطيها يا حبيبنا ...