مرتضى وابو حسين تحياتي واسمحوا لي ان اختلف قليلا معكم. اداء الولد كان جيد جدا. واداء الموسيقيين لم يكن بذلك السوء سواء وزنة بعض الكمنجات لم تكن جيدا فاظهرت بعض النشاذ. ابو حسين ماتزورنا اهو جينا سكننا معكم في كرش الفيل دي.
يا هندسه موسيقى الأغنيات القديمه الخالده دي حفظنا بالقلب عن ظهر قلب.. اسمع من الدقيقه 7:40 وما بعدها، عبداللطيف خضر الله يديهو العافيه ويطول عمره لو سمعهم تجيهو جلطه.. غايتو لو محمديه عليه الرحمه كان معاهم كان محطهم بالقوس.. ياخ الشغل دا عايز ناسو ، الشباب ديل ما عملوا بروفات كفايه ..
خذلتنا وحالت دون أن نسمع الأغنيه مره أخرى بصوت هذا الشاب.. يا عادل شاب موهوب زي دا يحلم بفرصة ظهور في قناة تلفزيونيه وعندما تتاح الفرصه تقوم الأوركسترا تعمل فيهو العملتو دا..
فنان معروف أثناء أدائه أغنيه كبيره في قاعة الصداقه أمام محفل عربي ضخم ، في منتصف الغناء توقف المايك وصوته راح مما اضطره لوقف الأوركسترا ودخل في حرج عجيب.. سألته عما حدث.. قال لي البطاريه بتاعت المايك الويرلس (كملت) ..
اها يا حبايب الاوركسترا ما خذلت الولد الولد خذل الاوركسترا لان تسليمة السراب الاولى ما كانت صحيحة فالجماعة ما عرفو يسوو شنو ده الوضع الاول ولكن في الاعادة ظبت الموضوع ++++++++++++ مستقبلو كويس محتاج تدريب صوتي لمعالجة القرار بتاعو ومعرفة المقامات الامثل في كل اغنية يغنيها حتى لايظلم نفسه مع الجمهور الذواق ------ خامة طيبة جدا تحياتي استاذ محمد
شغل مجوبك شديد ، الناس دييل صحوهم من النوم وللاستديو عِدل والبرنامج نفسو شنو ؟ مع المواهب وإلا حاجة زي دي؟ على الأقل كانوا يوزنوا آلاتهم
Post: #14 Title: Re: خذلته الأوركسترا .. Author: محمد المرتضى حامد Date: 12-24-2017, 09:23 AM Parent: #9
(شغل مجوبك شديد ، الناس دييل صحوهم من النوم وللاستديو عِدل والبرنامج نفسو شنو ؟ مع المواهب وإلا حاجة زي دي؟ على الأقل كانوا يوزنوا آلاتهم)
الأخ ترهاقا سلام.. حقيقه شغل ما نجيض.. الأخ الأستاذ الموصلي له رأي بأن البروفات مكلفه بالتالي الطبخه تخرج على هذا النحو الشائه.. شاهدت بروفه لوردي في (صالون) أحد المنازل ولأنه لم يرض عن بضعة ثوان في صولو للساكس قام بنقلها للفلوت بعد محاولات استغرقت وقتا طويلا.. بالطبع المقارنه معدومه لكن أعتقد أن أي عمل غير مُجــــوَّد أصحابو يمشوا بيهو القعدات في البيوت الخاصه أو تحت لمبة الشارع ويرحمونا..
Post: #10 Title: Re: خذلته الأوركسترا .. Author: محمد المرتضى حامد Date: 12-23-2017, 10:29 AM Parent: #8
أخي يوسف.. تحاياي يا عزيز.. عندما أشرت إلى الدقيقه 7:40 وما بعدها كنت أعني أن الأوركسترا بلغت سقف الخرمجه في تلك الثواني لكن هذا لايعني أني راض عن أدائها في ما سبق تلك الدقيقه. أنا لست من العالمين بالموسيقى- مثلك - لكن أذني لاتخونني قط سيما في خوالد كالمصير ظللت استمع إليها من طرف الطفوله حتى الكهوله.. ما الذي حدث في الدقيقه 8:20 و 8:50 و8:58 ؟ هل دخول الكمنجه كان في غير محله أم بقية الآلات؟ رغم أن عازف الكمنجه كان الأفضل أداءا في رأييي ..
الشاب دا يا مولاي مفروض كان ينبغي تنبيهه أن الصحيح (ليه تقول "لي" انتهينا) وليس (تقول "ليا" انتهينا).. لكنه ما زال يافعا كما تفضلت يحتاج تدريبا لكن الأوركسترا الله يهديها ..
Post: #11 Title: Re: خذلته الأوركسترا .. Author: حمد عبد الغفار عمر Date: 12-23-2017, 10:59 AM Parent: #10
سلام يا مولانا
كلامك صحيح الشاب دا جيد لكن تحس انو متوتر مسبقا من الأوركسترا وبغني وهو متوجس منها ممكن في البروفات كانت في أخطاء الأوركسترا تقريبا ما عدا الكردفاني شباب شكلهم - والآن الخطأ البقع في كل الأغنيات الخالدة مردو عدم الحفظ الجيد لموسيقى الاغنيات في لزمات كدا مدتها ثواني لكن ليها أثر كبير جدا في اتساق اللحن وفي أداء الفنان البكون حافظ اللزمات دي لما الأوركسترا ما تأديها الفنان بحس بعدم خشوع غنائي
اللزمات دي زي شمبر الزيت لو ما نزلت كويس بتكون في دخنة
(اللزمات دي زي شمبر الزيت لو ما نزلت كويس بتكون في دخنة)
مبالغه يا حمد.. قويه مره..
بالله يا حمد لامن كنت بتغني في الكليه كيف كنت تعالج الموقف دا؟
للعلم، شهدت أحد المغنيين يؤدي ذات الأغنيه وكان بالأوركسترا بعض العازفين من جيل اللنغاز والذين يجيدون حفلات رحلات الغابه وصالات الأعراس مع شبه مغني يؤدي أغنيات بص المديريه ، ناس ابروف سمع وشوف، ناس المسالمه الحور الحالمه ، ناس الأربعين .. دين ..الخ، أها الأوركسترا فشلت في (المصير) فاضطر المغني لإيقاف الأغنيه بغضب وقدم للجمهور الأغاني التي تسمع بالكرعين فأراح نفسه وأراحنا معه.
حبيبنا د محمد السودان بيعاني اصلا من مشكلة الاوركسترا لان العاوفين غير متفرغين للموسيقى غير محترفين السبب ان الموسيقى لا تسد رمق مسؤولياتهم الاسرية مثلا الان في السودان لو عايز تعمل بروفات لسهرة فانت محتاج تاجر صلة ثلاثة ايام لو الناس شاطرين في قراءة النوتة وثلاثة عشر يوما ان لم يكونوا كذاك الموضوع اكبر من كدة كتير السودان لم يتح لمبديعيه خصوصا العازفين الفرصة كي يكونوا محترفين كل الود
Post: #15 Title: Re: خذلته الأوركسترا .. Author: محمد المرتضى حامد Date: 12-24-2017, 10:40 AM Parent: #8
(بس دي ما أوركسترا حتى تلام.)
أخي حاتم سلامي، نسوي شنو ، الناس ديل إتلملموا وكل واحد شغال في آله موسيقيه وفي قناة قديمه نسبيا لها تجارب في استجلاب العازفين المهره ، وكما قال أخي حمد (الخطأ البقع في كل الأغنيات الخالدة مردو عدم الحفظ الجيد لموسيقى الاغنيات ) وحيث أني لست من العارفين بالموسيقى بشكلها العلمي لكن طول الإستماع أوجد في داخلي ميزانا وجهاز تحسس لمواضع الخطأ في اللحون كما عهدتها لا يخطئ ، بالذات الصولو الذي كان يجب أن يتم في الدقيقه 7:40 وكنا ننتظره من كمنجست خطير.. مزعلني جد زي لامن تندفق كباية شاييك في نصها..
بالنسبه لتعريف الأوركسترا رجعت وقوقلتها لتصحيح فهمي للمصطلح فوجدت ما يلي: (أصلها يوناني وتطلق على الساحة الموجودة عادة بين كراسي المتفرجين وخشبة المسرح حيث تجلس عادة الفرقة الموسيقية، أما الآن فهي تطلق على الفرقة الموسيقية الكبيرة). والكبيره هنا يا حاتم قيل أنها التي تفوق 100 عازف ومن ثم يكونوا الشباب ديل ولا عُشر أوركسترا، أما إذا كان مصطلح أوركسترا يرجع لعازفي السيمفونيات فقط فأحسن نرجع لتعريف مسحراتيه ..
للاوركسترا تعريفات كثيرة ولكن التعرف المُجمع عليه وهو يتفق مع ما اتيت به هو مجموعة من الموسيقيين يعزفون الات مختلفة ففي التعريف ليس هنالك تحديد للعدد مثلا في موسيقى الحجرة اوركسترا موسيقى الحجرة تتراوح بين ٢٥ و ٥٠ عازفا وفق رغبة المؤلِف وترتيبه للاسكور الموسيقي الخاص بالمؤَلَف ------------ طيب التعريف السوداني هو سوداني بحت هههه المجموعة الموسيقية التي تعزف مع الفنان أو المغني أما بخصوص النوعية فاتفق بانها ليست باوركسترا ولكن حول العددية ممكن نقول اوركسترا بالثقافة السودانية للوسط الفني السوداني حيث ان هنالك الكثير من المصطلحات التي تم نجرها في الوسط الفني السوداني ويتم العامل بها توارثا
الفوق جه نموذج من موسيقى الحجرة والتحت لاضغر اوركسترا سيمفوني مستحدث
This Munich-Based Ensemble Is the „Smallest Symphony Orchestra in the World“; The Pocket Philharmonic („die taschenphilharmonie“) is made up of just 12 to 19 highly professional musicians. Usually, the ensemble plays only one of each instrument (e.g. flut
عد اقل من العازفين عما يوجد بالفرقة السودانية في موسيقى الهيب هوب وايضا يسمونها اوركسترا اذن فان الثقافة الخاصة باقليم وبلد ما اصبحت تتحكم في التسمبة ولكنني اتفق بان الكواليتي هي التي تحكمت في راييكم لكم الود
Quote: ، بالذات الصولو الذي كان يجب أن يتم في الدقيقه 7:40 وكنا ننتظره من كمنجست خطير.. مزعلني جد زي لامن تندفق كباية شاييك في نصها.
وحاتك انت زي بتزعلني زي كباية الشاي في نصهاو انت موديها لي خشمك تقع فيها ضبانة ....... مشكلتنا مع الاغاني الخالدة اننا حافظنها زي ما هي جرت الحرف لو زودتها جزء من الثانية بتعكر صفانا و لو نقصتها كذلك ....
ياما قال كلام ما لي دخل ( بي ) اني بروح لغيروا بهوا و بصطفي .."
ذكرتني محمد وردي كمان في حتة قريبة من دي .. لمن تسمع اغانيهو بالفصحى ، شفت الزول ده ظابط حركات الاعراب والتشكيل في الالحان بتاعتو كيف؟ ما بفوت لا ضمة ولا كسرة ولا تنوين وكلو جاي في اللحن بتاعو كانوا استاذ عربي مش فنان ، يعني في حاجات كتيرة كان ممكن يفوتا واللحن يكون اسهل ! لكنه لا يفعل حرصا على التجويد سلها تُجِبكَ بأني بَثُثْتُها كلَ مابي فصاغتِ الوجدَ لحناً ووقعتهُ بِبابي .. اسي ديل لقوها جاهزة الواحد ماعايز يقيف على سكون ؟
Quote: مرتضى وابو حسين تحياتي واسمحوا لي ان اختلف قليلا معكم. اداء الولد كان جيد جدا. واداء الموسيقيين لم يكن بذلك السوء سواء وزنة بعض الكمنجات لم تكن جيدا فاظهرت بعض النشاذ. ابو حسين ماتزورنا اهو جينا سكننا معكم في كرش الفيل دي.
ازورك وين يا زول ... ؟؟؟؟
Post: #24 Title: Re: خذلته الأوركسترا .. Author: Osman Musa Date: 12-27-2017, 06:42 AM Parent: #1
الزول اللماح من يومو أخي أستاذ محمد سلامات . الفرقة الشابة ألقامت بروس في دلجة السودان بارك الله فيها حاولت تنسرق من درب الدقداق . وبارك الله فيها بعد ما عدت القوز قدرت تجي في لفة 6 . مافي شك الشاب الفإلح صبوح الطلة و الصوت عجينة تستاهل المساعدة من العارفين الصادقين القلبهم علي مستقبل البلد وفنها . ألف شكر يا فنان . .. ياخ تلفون مالو ؟ يعني الواحد إلا يطلع رأس البيت ويكورك ليكم .