امس فى قناة الشمالية حفل فى مهرجان البركل تجلت الفنانة شادن اطربت وشدت وحلقت بالرقيص الجميل اغانى من تراث كردفان تميز وتفرد فى الالحان تنوع فى الاداء الصوتى غناء وهمهمات وتنغيم عمر احساس غرد باغانى تراث دارفور اجمل فنان يرقص فى السودان ويعرف كيمياء التواصل مع الجمهور دعاش كردفان ودار فور طاف على نخيل الشمال السودان دا لو خلو الناس يرقصو ويغنو مع بعض اصلو ما بتجيهو عوجة
Post: #2 Title: Re: يا سلام يا شادن Author: محمد المرتضى حامد Date: 12-22-2017, 11:46 AM Parent: #1
(السودان دا لو خلو الناس يرقصو ويغنو مع بعض اصلو ما بتجيهو عوجة)
دي حقيقه يا محمد.. كان كذلك منذ الأزل وكان كويس .. شادن بحق لها أداء مائز . بس ما يظهر ليها وكيل نيابه لم ترضعه أمه لبنا سودانيا ..
Post: #3 Title: Re: يا سلام يا شادن Author: محمد المرتضى حامد Date: 12-22-2017, 03:34 PM Parent: #2
كان يمكن أن يكون الأداء أفضل لو كانت هناك بروفات لزوم التجويد مع اكتمال الفرقه.. حقو ياخدو نقله من فرقة تناروين الأمازيغيه
Post: #4 Title: Re: يا سلام يا شادن Author: osama elkhawad Date: 12-22-2017, 04:15 PM Parent: #3
يا محمد سلامات
أشيد بمتابعتك الدقيقة للشأن الفني السودان، كما تقول لغة الميديا..
قلت سيدي:
Quote: السودان دا لو خلو الناس يرقصو ويغنو مع بعض اصلو ما بتجيهو عوجة
المشكلة يا صديقي دي زاتا عايزة ليها "عقد اجتماعي" أو قلْ "مؤتمر دستوري جامع"؟؟:
هل يجوز الرقص أصلاً؟؟؟
مع تحياتي للأسرة
Post: #5 Title: Re: يا سلام يا شادن Author: أبوبكر عباس Date: 12-22-2017, 07:57 PM Parent: #4
فعلا يا محمد يا سلام على شادن
Post: #7 Title: Re: يا سلام يا شادن Author: mohmmed said ahmed Date: 12-24-2017, 06:26 AM Parent: #4
سلام خواض
الرقص عمليا يمارس عند كل القبائل السودانية مختلطا
رقصت شادن فوق المسرح ونزلت ورقصت امام الجمهور وشوف عينى الناس السمان والبيلمعو والبقعدو فى الصف الاول وبيرفعو الصباع مع الله اكبر بشروا وهزوا وكانوا اخر انبساطة
Post: #6 Title: Re: يا سلام يا شادن Author: mohmmed said ahmed Date: 12-24-2017, 06:22 AM Parent: #3
سلام محمد المرتضى ابدت شادن بالغناء والرقص الفديو دا ما حق حفل اول امس الفرقة مختلفة وهى نزلت وشاركت فى الرقص بالقرب من الجمهور
Post: #8 Title: Re: يا سلام يا شادن Author: mohmmed said ahmed Date: 12-24-2017, 06:38 AM Parent: #6
الجميل فى ابداع شادن يا ابوبكر
كانت تلقائية وجريئة وغنت ورقصت زى ما بيرقصو الشباب والشابات فى بوادى كردفان
زمان برنامج من ربوع السودان هو المنبر الوحيد بين نماذج الغناء السودانية المختلفة وامس اهل الشمالية شاهدوا وتفاعلوا مع غناء كردفان ودارفور
دا ما ياهو تشيكل الوجدان السودانى المشترك ذاتو
Post: #9 Title: Re: يا سلام يا شادن Author: الفاتح ميرغني Date: 12-24-2017, 07:43 AM Parent: #8
"دا ما ياهو تشيكل الوجدان السودانى المشترك ذاتو" -- صح لسانك عزيزنا محمد سيد احمد. التحية للفنانة شادن، سمحة الصوت والصورة، وهي تحمل عبء أن تنقل جمال التراث الكردفاني، معنى وصوتاً وصورة! [/url] محبتي
[/url]