الشعر والغناء السوداني ابدع في وصف مشية المرأة خلونا من ناس زمان حقين كما يمشي الوجي الوحل حاولت اتذكر اغنيات وشعر رغم معرفتي له لكن نسيت ممكن نماذج اذا سمحتو اقلاها يعرف الجيل الحالي دة ان هؤلاء ليس من طينة الشعب السوداني
"ممكن نماذج اذا سمحتو" "" غراء فرعاء مصقولٌ عوارضها ... تمشي الهوينى كما يمشي الوجي الوحل".الصادق المهدي وصف ذات مرة الزولة الفوق دي بانها" مريضة". انا غايتو بطرب شديد لمن اسمع ترباس يردد " في مشيهو تقول في وحل مخذول". بتطربني الصورة الجمالية في البيت ده ايم غايات الطرب!
شكرا يا ود ابسن.
محبتي " -- التعديل لخطأ املائي في كلمة مخذول
Post: #5 Title: Re: الناس البعرفو الغنا Author: علي عبدالوهاب عثمان Date: 12-21-2017, 04:26 PM Parent: #4
حبيبنا أبوسن .. قالها كعب زهير في قصيدته التي طلب فيها العفو من النبي صلى الله عليه وسلم وهي البردية :
بانت سعد فقلب اليوم متبول .. متيم في إثرها لم يفد مكبول
حتى وصفها :
غراء مقبلة عجزاء مدبرة .. لايشكو منها قصر ولا طول
وصف مشتيها من من الامام والخلف ..
يا حبيبنا أبوسن .. يكون بنتنا دي جابت خبره .. مسكين
Post: #6 Title: Re: الناس البعرفو الغنا Author: محمد حيدر المشرف Date: 12-21-2017, 06:19 PM Parent: #1
العبادي:- هاك يا سرور وصف البداية زى البـــدور اول بــــــــداية عينيها حور كايدات عـــدايا و سته سطور في الخد نداية و الرشمة فوراً جلبت ردايا تتجلى نــــور زى الــــــــهداية فاقت الحضور ثم البــــداية زى ناس بـدور جاريات هدايا عمرى و جميع ملكت يدايا بى كل سرور لام خـــــد فداية
العبادي :- الجرحة نوسربى غور في الضمير في قلبى خـــــــــلف الكـــــــــــــى يا ناس الله لى كان ما الشئ قسم و انا عقلى مداير ليش عاشق المدلل بيه شن دايـــــر يمشى الكى قبل و ينسف الدايــــــر و الديس الغزير لى قامته يضــــاير و المحى المتل قمر العشا الدايــــــر يتب في عجن و يقول لى شن دايــر رحماك يا العشوق طاش الفكر حاير يا ناس الله لى
Post: #22 Title: Re: الناس البعرفو الغنا Author: سفيان بشير نابرى Date: 12-22-2017, 01:21 AM Parent: #21
كع يا ود قباني كع
Post: #23 Title: Re: الناس البعرفو الغنا Author: عبدالحفيظ ابوسن Date: 12-22-2017, 03:52 AM Parent: #22
تشكروا وكتر خيركم بتان عقبو وتشكر سفيان انت زاتك مدعو ياخ كل الناس الاصيلين يجو امر محزن جدا والله اياهو غناء اجدادنا في مشية حبوباتنا يستفزهم منظر بنت محتشمة وتمشي مشية اهلها . ولا يسؤهم منظر الاطفال والنساء في الشوارع . اولئك المعدمين الذين لا يجدون ما بالكاد يستر اجسادهم . لا يسؤهم منظر الفقر والمرض الذي يسير علي قدمين يجوس في الطرقات
Post: #25 Title: Re: الناس البعرفو الغنا Author: محمد المرتضى حامد Date: 12-22-2017, 05:04 AM Parent: #23
بالطبع أبوصلاح في (خلي العيش حرام ) التي أوردها خالد بشير حسم المسأله بقوله:
هزاز صدره ميل فدع الخصر النحيل ....... و بالرجاج يقلع شبه المهر الوحيل،
والذي شاهد حصانا يحاول الخروج من الطين حايعرف (الحاصل) ..
أما ما أورده قباني من دعاء ودالرضي لها (إن شالله بركت النبي يغلبوك أردافك) فلا تعقيب
.. 6/صفر.
قال لي صديق ..
أيوا، قال لي صديق يعمل بدوله خليجيه أنه كانت تمر يوميا الساعه 8:15 ص بجوار العماره التي توجد بها مكاتب شركتهم واحده من حركة 6/صفر القال عليها قباني أعلاه. وكانت لها مشيه حقتا براها مع رمية يد (تله) مسكره و(فدعه ) ملحده مع مدافع سواحل ووسط برشلونه وتفاصيل أخرى أهمها زاوية إنحراف تذكرك برج بيزا ومضادات أرضيه لا يتسع المنبر لكشفها..أها، قال كل الموظفين والعطالى أصبحوا يداومون الساعه 8 ص تماما بانتظار مناورات النجم الساطع الساعه 8:15 واختفت الشهادات المرضيه من الشركات المطله على الشارع وكان بعضهم لايكتفي بالوقوف على الشرفات بل ينزل الشارع بحجة التدخين مرددين (جيتك بانبساط زولي المتمم كيفي) ... بللنقليزي .. الصايد إفكت الوحيد ل الفي الصبح مرورو كان ازدياد اصطدام السيارات بالشارع المعني وعندما توقفت النجم الساطع عن المرور بالشارع انخفضت ايجارات المباني المطله عليه بشكل ملفت..
أبسن وضيوفو ديل بتاعين مشاكل .. ينسّوك الفرض والنافله ..
Post: #24 Title: Re: الناس البعرفو الغنا Author: Amira Hussien Date: 12-22-2017, 04:29 AM Parent: #1
Post: #26 Title: Re: الناس البعرفو الغنا Author: عبدالحفيظ ابوسن Date: 12-22-2017, 05:18 AM Parent: #24
كتر خيركم بدون فرز جت عليكم ورثة التراث السوداني وليس اولئك الطفيلين المتطفلين يا محمد المرتضي ياخ الشعب السوداني دة شعب مؤدب جدا .. ولا يمارس الازواج حقهم الشرعي والطبيعي إلا مع قيام الليل ! حيث لا كائنات تمر يمارسونه في ظلام دُمس و كُبس اما هؤلاء فلا يرون سوي رغباتهم الدنيئة وهوسهم المرضي اياهن بناتنا واخواتنا وحبيباتنا شوف ود الرضي الرجل الورع التقي العالم ببدع كيف في وصف المرأة وغيرهو وصفوها بتتحن ووصفوها مارقة من الدخان واحد يجيب لينا رغبة ود الرضي الداير يشوفها متحننة من غير قونيلا وتوبها واقع ومتضجعة اتكاءة كأنها مريضة ولا المرقت من الدخان بعد طبقتو
Post: #27 Title: Re: الناس البعرفو الغنا Author: عبدالحفيظ ابوسن Date: 12-22-2017, 05:54 AM Parent: #26
اها يا ود الشيخ ما قال هنجكة قال بتقلب عندو كمان راي في خلقة الله القليب دة زاتو اجدادنا غنو فيهو بدون ريبة ولا سؤ قصد
Post: #28 Title: Re: الناس البعرفو الغنا Author: عبدالحفيظ ابوسن Date: 12-22-2017, 06:13 AM Parent: #27
تشكر الفاتح يستخفنا الطرب جد جد هو الغنا اكان مافي البنات شن طعمو يا علي دة جابت آخرو وشافها ابعد من متناول يده ايوة يا المشرف شوف سوات العاصفة بي ساق الشتيل الني تشكر زكريا و موسي من الاصوات الحنينة وغنا الغرب والشوايقة حنين جننها جن يا خالد والله
Post: #29 Title: Re: الناس البعرفو الغنا Author: عبدالحفيظ ابوسن Date: 12-22-2017, 06:23 AM Parent: #28
آي والله يا حمد ابدع كجراي وابدع وردي وابدعت البت زاتا هههه محجوب كلنا بنقول ديني انا ونتمها اموت ركن سلام عليك قباني انكت لينا من الشيخ العابد ودالرضي تقول لي برضو دقن مرحبا اميرة تشكري
Post: #30 Title: Re: الناس البعرفو الغنا Author: معاوية الزبير Date: 12-22-2017, 09:24 AM Parent: #29
بالله "ويني" طلعت بت أستاذ عمر فرج عليه رحمة الله! كان كده يا ابو سن كبرنا جد لغاية هسع متذكر زواجو المتأخر نسبيا درّسنا في المتوسطة وكان يجمع بين الفكاهة والصرامة والسوط الحار طبعا بجانب إجادته لتخصصه في الرياضيات والعلوم
لما عرفت انها ابنته جاني شعور بواجب تجاهو كأن أقوم بما كان سيقوم به لو كان حيا ما عارف كيف اترجم ليكم الشعور ده الله يرحمه ليهم يوم هؤلاء الأوباش
Post: #31 Title: Re: الناس البعرفو الغنا Author: محمد المرتضى حامد Date: 12-22-2017, 10:28 AM Parent: #30
أبوسن.. بعد مشاركتي أعلاه مررت بعدد من المواضيع هنا وفي وسائط تواصل أخرى أصلو اليوم جمعه بنتفسح في المنبر وغيره فعرفت سبب نزول بوستك.. بقينا نجليها واقفه.. هه.. عموما اكتشفت من خلال تسكعي في عـرصـات المنبر أن ذلك الشقي وقع في القيد ونحر نفسه مهنيا وإلى الأبد.. هسه لو كان بيسمع حقيبه ما كان ليرد تلك التهلكه..
Post: #32 Title: Re: الناس البعرفو الغنا Author: الفاتح ميرغني Date: 12-22-2017, 11:08 AM Parent: #31
ياهو يا معاوية استاذ عمر فرج بنظارته السميكة كان منضبطا جدا ودقيقا تزوج متأخرا فعلا . ولازلت اذكر حفل زواجه في حوشهم بحي الثورة وتخيل حضرت ولادة ويني وكم زرتهم في دارهم وتلك البنية لازالت في مهدها رحم الله استاذ عمر فرج واطال الله بقاء والدتها نوال ابو ادريس فقد توفي زوجها مبكرا وقامت مقام الاب والام لبنتها
شوف يا محمد المرتضي وصلنا وين كنا نعد الكاتب جورج اوريل خيالي جدا بل اوغل في اللامعقول في كتابة 1984 ولكن ديل ورونا من يأتي ذلك الظلام مش بحاسبونا بأفعالنا بل بحاسبونا بما يحسونه تجاهنا وان كان مشوها يعني اهو الشعراء بكتبو الشعر ونحن بعجبنا ولا نتجاوز ذلك إلا طربا اما هم اما ان يمتلكون او بشوهون ذلك اعرف ويني منذ كانت طفلة وهو مشهورة انها تلبس ملابس فضفاضة وساترة . وهذا ما كنا نتدواله غضبا في قروبات كوستي
Post: #36 Title: Re: الناس البعرفو الغنا Author: معاوية الزبير Date: 12-23-2017, 05:02 AM Parent: #35