Post: #2
Title: Re: تحويل الرصيد وخسر المواطن
Author: عبدالحفيظ ابوسن
Date: 12-21-2017, 08:43 AM
Parent: #1
الرسوم في تحويل الرصيد بقت 15%
يعني عندك مية جنية بدوك فيها 85 ج
زمان المية جنية بتبيعها بي 94 ج تزيد او تنقص جنية جنيهين
وبرضو بتشتري رصيد بي اقل يعني بتشتري مية جنية بي 97 ج
محلات بيع الرصيد عندو ما لا يقل عن عشرة شرايح من شركة واحدة . اي شريحة الحد الاقصي لتحويلها مليون ج او ألف بالجديد
عدد شرايحو قدر شغلو
عشرة ولا عشرين شريحة
يعني داير ترسل لي ولدك الطالب تلتمية ج ترسل ليهو تلتمية وخمسة واربعين جنية
تقول لي عشان يمشو البنك ؟
ما بمشو
ولا بعرفو
اضافت الحكومة عبئا جديدا علي المواطن الاصلو تعبان
|
Post: #3
Title: Re: تحويل الرصيد وخسر المواطن
Author: عبدالحفيظ ابوسن
Date: 12-21-2017, 08:49 AM
Parent: #2
15% دة هنا في سوق كوستي الكبير
برة ما معروف كم
لكن ما اقل اظنو
كتجارب شخصية وآخرها اليوم
واحد محول لاسرتو ألف ج . حولها في تلفوني بالليل
لفيت الصباح كل ناس الرصيد رفضو
لفيت كم واحد
اضطريت استلمت 850 ج
الزول راجع ارقامو وحولتها ليهو في رقم
قلنا بدري دة قرار غير مفهوم وليس في مصلحة المواطن البسيط
ديلك بحولو مبالغ ضخمة وبالبنوك
لكن المواطن البسيط داير يحول مبلغ بسيط لغرض محدد
|
Post: #4
Title: Re: تحويل الرصيد وخسر المواطن
Author: عبدالحفيظ ابوسن
Date: 12-21-2017, 10:08 AM
يعني المواطن خسران بالجمبتين
كان بشتري ارخص
وببيع بي اغلي
والشركات المقصودة ما خسرانة شي
|
Post: #5
Title: Re: تحويل الرصيد وخسر المواطن
Author: عبدالحفيظ ابوسن
Date: 12-21-2017, 10:13 AM
Parent: #4
شركات الاتصالات ما خسرت
والسلطة مستفيدة
أي عملية تحويل رصيد عندها فيها 20 قرش
مستفيدة كيف ؟
مثلا تحويل ألفين ج بتم في مرحلتين بدل مرحلة واحدة ورسومو بتكون 40 قرش
|
|