التضخم في السودان يهبط بنحو 8% بنهاية نوفمبر

04:49 PM December, 14 2017

سودانيز اون لاين
Frankly-ارض الله ومعمورته
مكتبتى
رابط مختصر


التضخم في السودان يهبط بنحو 8% بنهاية نوفمبر

الخميس 14 ديسمبر 2017

هبط معدل التضخم السنوي في السودان إلى 24.76% في نوفمبر/تشرين الثاني من 33.08% في الشهر السابق (ما يعادل 8.3%)، وفقا للجهاز المركزي للإحصاء.

تأتي هذه الارقام في الوقت الذي تسعى فيه الحكومة لتطبيق إصلاحات اقتصادية تهدف لإنعاش الاقتصاد.
ويواجه الاقتصاد السوداني صعوبات منذ انفصال الجنوب في عام 2011 مستحوذا على ثلاثة أرباع إنتاج البلاد من النفط، المصدر الرئيسي للعملة الصعبة والدخل الحكومي.
وانخفض الجنيه السوداني منذ أكتوبر/تشرين الأول بعدما رفعت الولايات المتحدة حظرا تجاريا كان مفروضا على الخرطوم منذ 20 عاما مما شجع الشركات على زيادة أحجام الواردات وفرض ضغوطا على العملة الأجنبية الشحيحة بالفعل.
ويبقي البنك المركزي سعر صرف الجنيه السوداني مقابل الدولار عند 6.7 جنيه لكن عدم توافر العملة الأجنبية في القنوات الرسمية يعني أن التجار مضطرون إلى اللجوء للسوق السوداء التي يجري فيها تداول الدولار بثلاثة أمثال سعره الرسمي.
وفي تقرير نُشر هذا الأسبوع، حث صندوق النقد الدولي السودان على تحرير سعر صرف عملته وتشديد السياسة النقدية لجذب استثمارات وإنعاش الاقتصاد.
وبعدما رفعت الولايات المتحدة العقوبات الاقتصادية، أعلن السودان حزمة سياسات تشمل قيودا صارمة على الواردات بهدف دعم عملته.

تأتي هذه الارقام في الوقت الذي تسعى فيه الحكومة لتطبيق إصلاحات اقتصادية تهدف لإنعاش الاقتصاد

في عزومة طهور استلم حاج ابراهيم الجلسة واتكلم كلام كتير عن الفائدة البسيطة والمركبة وعلاقتهما بربا الفضل وربا...لكنه لخبطبط وقال ربب النسيبه...وبكل ادب قال له احد طلبة الجامعة..ياحاج انت قاصد ربا النس وقبل الطالب ما يكمل ..صرخ حاج حسن اول حاجة انت المقعدك مع الاكبر منك شنو..انا بتكلم الكيزان اديل

يا نملة انت فاضي شغلة وما عندك عقلية تناول جاد وموضوعي فاتلهي

حاد وموضوعي التنين مع بعض
تعبان بدرس في الاقتصاد وبفاش واقلب كل وابحث في اسباب انهيار اي اقتصاد وانهيار العملة..وانت بكل بساطة
وفاكرها جدية وموضوعية جليب دراب وعايز تنزل مستوي التضخم 10% مرة واحدة وفي شهر...لو الكلام دا قبل قفلة المولد كان يكون مقنع..
احترم نفسك قبل عقول البشر..
سمعت قصة الشافع في الخلوة

ما عندك موضوع وعقلك طفولي

لو مصدق المعلومة دي تبقي مصيبة
وتكون المصيبة أكبر لو "داير " تصدق أي معلومة أو خبر
من شأنه أن بيبض وجه الديكتاتورية
ولو لدقائق معدودات

خليك من أخبار حكومة السودان الرسمية
(فهي بالنسبة للشعب السوداني هي العدو لا الصديق)
وشد ليك تلفون لأهلك في السودان
وأسألهم عن إرتفاع السلع والخدمات في شهر نوفمبر المزعوم
(وخليك ولو لحظة من إرتفاع أسعار الدولار
وهو المقياس الحقيقي للقيمة في السودان)
بتعرف حاجة

وبالمناسبة أنا برضو قريت إقتصاد وبقري فيهو ما زلت
ومهتم شديد بالوضع الإقتصادي في السودان
(إقتصاد الغلابة لا إقتصاد الكيزان= القطط السمان)

أنا مصدق المعلومة دي بنسبة 100% وما شايف أي مانع أني أرفضها بصورة منطقية

لو عندك إحصاءات أخرى هات أرقامها

أو تبقى مصيبة كبيرة أن ترفض أي خبر لأنه لم يدخل مزاجك

وعشان الخبراء المصريين بتاعين الإقتصاد بنقول دا إحصاء شهري وليس سنوي

الله يهديك ما تتلاعب بالالفاظ...
يا حسب الله...حساب اي شي قبل تعريف الشي فلنفترض عدد المواليد الذكور...يا حسبو السودان ما عندو اي إحصائيات لعدد المواليد لانه ما في نظام يقدر يظبط دا النظام قاصر دا لو افترضنا في نظام من اصله
ربنا يرحم والديك اطلع من الجبة واحترم نفسك..تضخم مين وينزل مين...اقتصادك منهار..وعملتك بح بح...ما فيش انتاج او اي مصدر للصادرات عشان توزن ليك ميزان مدفوعاتك..بتتباكي على بترول الجنوب و فاتح الف بوست عن الموز...
يا حسبو معاك خطوة خطوة..انت ولا مصدرك قاصد ايش بالتضخم...عرفنا قبل ما تقول بينزل...ابسط ليك الموضوع لانك انت وشيعتك حربويات ...اذا قاصد الارتفاع المستمر في زيادة الاسعار..نمسك سلعة واحدة...قول الموز...عمرك سمعت سعر حاجة في السودان نزل...طيب الموز اصحاب مزارع الموز عندهم تكاليف ثابتة ومتغيرة وعلي
يها بيتحدد سعر الموز...يعني صاحب الموز ينزل سعر باي سبب...انت كحكومة دعمتوا عشان ينزل السعر وينزل تضخمك..كمان في شهر 10% معقول بس يافكو..صاحب الموز اول ما يجي يفتح اول حاجة بيحسب في لحظتها كم بيغطي معاه...يعني اذا نزل السوق اليوم وعارف كم السعر البخارج معاه..تاني يوم الدولار بينط من 4 الي 400.. وبالتالي ما بيكون اهبل ومنتظر مركزك دا عشان يصدق...ديل ناس الباوقة شفوت
فكو..خلاص انكشف الغطاء لملم باقي موية الوش وغير الفتاوي..خليك وهابي حربووواي..

هل انخفضت اسعار سلع القياس بنسبة 8.3% او هل زادت القوة الشرائية للجنيه بنفس النسبة ؟
لا اعتقد ذلك ولا اعرف كيف يتم الوصول لهذا الرقم في السودان ..
الشي البعرفو انو الحكومة بتطبخ تقاريرا دي ساي وجهاز احصاء زي الناس زاتو ما عندها

غايتو البعرفو انا حسب نظرية فيثاغورث
انو حساب التضخم مربوط بالاسعار الى الدخل
الليلة علبة الماكنتوش سعرا ارتفع لى 319 ج بنسبة ارتفاع 18%
فيثاغورث غطس تانى لمزيد من الطفو

هل هناك أي عملية إحصائية لنسبة التضخم الشهري والسنوي في السودان غير تلك الحكومية؟

استغرب جداً أن يستشهد الناس بارتفاع التضخم بناءً على إحصاءات حكومية وينكرون انخفاضها لأن مصدرها إحصاءات حكومية

"استغرب جداً أن يستشهد الناس بارتفاع التضخم بناءً على إحصاءات حكومية وينكرون انخفاضها لأن مصدرها إحصاءات حكومية"

ي فرانكلي لموضوع مرتبط بالزيادة المضطردة للاسعار وانخفاض القدرة الشرائية للعملة وزيادة الكتلة النقدية
مش ممكن الحكومة تقولي انو الاسعار انخفضت وانا بشتريها كل يوم بسعر اعلى !
نحن لا نثق في تقارير الحكومة لانها لم تصدق ابدا ولا نثق فيها لاننا نرتاد الاسواق ونرى بام اعيننا
ونعلم تماما ان الكتلة النقدية في ارتفاع لان راتب اصغر عامل الان يساوي راتب وزير عندما وصل البشير للسلطة وبالرغم من هذا لن يكفيه اسبوعا واحدا
دي مسائل ما ممكن الحكومة تتلاعب فيها في الوضع الحالي لانو واضح جدا وكارثي للغاية

يا عبدالله أولاً هذه إحصاءات شهرية وليست سنوية.
ثانياً هناك بالطبع سلع سعرها ينخفض ويعزى ذلك لزيادة العرض على الطلب خاصة للسلع الزراعية في الموسم كما أن الركود في السوق يؤدي لانخفاض أسعار سلع أخرى مثل سوق العقارات والسيارات

وبالتالي يكون هناك انخفاض كلي حتى لو كان هناك ارتفاع لأسعار بعض السلع

الغريبة أن يثق الناس في تقارير الحكومة عندما يوافق ذلك مزاجهم ومرادهم

عندما تنشر الحكومة ارتفاع التضخم وينكرون ذات المصدر إن تحدث عن انخفاض

هذه مزاجية انطباعية ولكن ليس بحال موضوعية

من رأي عدم مصداقية الإحصاءات الحكومية عليه أن لا ينكر إنخفاضها لأن انخفاضها مرتبط بالإحصاءات الحكومية السابقة

وفي هذه الحالة هو ملزم بإدراج إحصاءات غير عشوائية وغير مزاجية للتضخم في السودان


.

نعم عارف انو شهري ، يا اخي الموضوع بيقاس بسلع استهلاكية اساسية محددة لفترة محددة قياسا بالفترة السابقة او فترة سابقة اما بسعر المنتج لو كانت مستوردة او بسعر السوق لدى المستهلك ، السيارات والعقارات ليست سلع اساسية دي مواضيع تانية واي واحدة فيهم سعرها بتحرك بميكانيزمات مختلفة ولاسباب مختلفة.
الموضوع مش غلاط دي قواعد اقتصادية شغال بيها العالم كلو اي دولة عندها مؤشر سلع اساسية consumer prices index تعمل كعينة لقياس التضخم اوتوقع الاسعار وما الى ذلك
فلو اسي اخدت اي مجموعة سلع اساسية وقارنت سعرها الشهر ده مع لشهر الفات حتلقى النتيجة معكوسة سيبك من انو تلقا فيها متوسط انخفاض 8% .. انا ما عارف المؤشر بتاعهم شنو السلع الفيهو لكن كل االسلع الاساسية في ازدياد او ثبات ومن النادر ان ينخفض سعر سلعة اساسية وهذا بالطبع لن يؤدي لاحداث فارق يذكر حتى في حال ثبات اسعار بقية السلع االقياسية ..

استغرب جداً
المرحلة البعدها مرحلة الاستحاء..واحترام العقول..والغريبة فاكر عندك رسالة..كل الحكاية انك مأجور

Quote: انا ما عارف المؤشر بتاعهم شنو السلع الفيهو

في الخالة دي تنتفي مغالطتك للتقرير

هات أنت قائمة السلع الإستهلاكية الشايف فيها ارتفاع وأعمل مؤشرك!!!

غير كدا دا مجرد غلاط غير مؤسس ولا يفضي لشيء لأنه غير علمي وانطباعي بحت

هناك سلع رئيسية كثيرة انخفضت لأنه مرتبطة بالموسم

كلام فرانكلي صحيح
نوفمبر فقط
السبب الإجراءات الأمنية التي اتبعتها الحكومة في ظبط سعر الصرف

يا أبوبكر الإجراءات الأمنية نتيجتها قد تظهر في إحصاءات ديسمبر
شوف دا خبر بداية نوفمبر عن اسعار بعض السلع الزراعية بعضها نزل انخفض لأكثر من 30%

Quote: كشفت جولة الصحافة في اسواق الخرطوم عن انخفاض ملحوظ في اسعار الخضر بجانب زيادة طفيفة علي حد قول التجار في اسعار الفواكه ، حيث بلغ سعر كيلو الطماطم 20 جنيها بدلا عن 30 جنيها ، وعزا التجار في منطقة الازهري جنوب الخرطوم ذلك الانخفاض الي دخول موسم الشتاء وتوفر انتاج الطماطم ، وأضافوا أن الزيادة غالبا ماتكون بسبب عمليات الترحيل من مكان الانتاج اضافة الى مضاربات السماسرة فى السوق، فيما استقر سعر كيلو البطاطس في 25 جنيها ، ووصل سعر الجزر 15 جنيها وسعر الفلفلية 15 جنيها بدلا من 20 جنيها في الاسبوع الماضي ، وقالوا إن هنالك سلعا تباع علي حسب طلب المواطن مثل العجور بلغ سعره من 2 الي 5 جنيهات، بجانب الرجلة والخضرة ، فيما بلغ سعر كيلو الاسود 10 جنيهات بدلا من 15 ، وبلغ سعر البامية 20 ، فيما سجل سعر البامبي ارتفاعا من 10 جنيهات الى 15 جنيها .

كلام فرانكلي صحيح
نوفمبر فقط
السبب الإجراءات الأمنية التي اتبعتها الحكومة في ظبط سعر الصرف

السبب الإجراءات الأمنية التي اتبعتها الحكومة في ظبط سعر الصرف

مستنير مافي اجراء حكومي بخفض سلعة الا بتحديد الاسعار ، السلع بتخفضا سياسات مش اجراءات ، انا عارف انو الموضوع تقرير شهري

السلع الاساسية دي بيدخل فيها الخبز واللحمة والزيت والخضروات والسكر والبترول والدقيق وبعض الدول تدخل حتى ايجارات العقار وتعامله كسلعة اساسية ، كل السلع دي ما فيها انخفاض واضح الا بعض الخضروات لاسباب منها تحقق وفرة نسبية في بعض المواسم ، مثلا الطماطم ينخفض سعرها لحد كبير جدا في موسمها الخ الخ لكنها لا تصلح كسلعة قياس لانها سترتفع في شهر قادم حتى تصل لسعر 50 ج للكيلو وتربك المؤشر للزيادة الكبيرة في سعرها ثم تعود وتنخفض مرة اخرى لسعر اقرب للمجان .. ولو كانت الحكومة تدخل السلع الموسمية فهي تخطيء خطأ فظيع ، لكني لا استبعد ان تستبعد الحكومة سلعة ما من المؤشر عندما يرتفع سعرها في موسم الندرة لان الموضوع سياسي اكثر من اي شيء.

Quote: السلع بتخفضا سياسات مش اجراءات

الإجراءات سياسات

لا يا فرانكلي
الاجراءات لوائح او قوانين فنية يتم سنها procedures من بيروقراطية الدولة لمقابلة ظروف معينة وادارة دولاب العمل الاداري ، السياسات policies هي بتطلع من البرلمان بعد ما يصادق عليها مثل خطط التنمية
يعني مثلا خطة الدولة للنهوض بالزراعة او الصناعة او اي قطاع انتاجي دي سياسة دولة بتكون محدد لمدى زمني معلوم وعندها وسائل قياس وتقييم وهكذا
في سياق الموضوع ده لمن الحكومة تقوم باجراءات لملاحقة التجار فهذا لا يخفض اسعار السلع لانه لا يؤثر سلبا او ايجابا على القطاعات الانتاجية ولا يدعم خطط التنمية
الحكومة لو عايزة تخفض التضخم على المدي الطويل هي عارفة كويس تعمل شنو لكن ما بتقدر لانها مرتبطة بمافيات تجار ومراكز قوى فاسدة

الاجراءات واللوائح و القوانين هي سياسات

يا راعي البوست
كدي تأمل هذه الفقرة مجددا
"هبط معدل التضخم السنوي في السودان إلى 24.76% في نوفمبر/تشرين الثاني من 33.08% في الشهر السابق
(ما يعادل 8.3%)، وفقا للجهاز المركزي للإحصاء."
حتي لو صدقنا تقارير الحكومة
ليس هناك ما يفرح
تقول التقارير أن التضخم من نسبة 33 في المية في الشهر
إنخفض إلي 25 في المية في الشهر برضو
تضخم 33 في المية يعني تضخم 400 في المية في السنة
إنخفض إلي 300في المية السنة!!!!!
يعني شنو ؟؟؟؟؟؟
يعني السلع بدل ما أسعارها تتضاعف 4 مرات في السنة
تتضاعف 3 مرات في السنة!!!!

زي فريق كورة كل مرة مهزوم ب 12 هدف
اها تجي النادي تلقاهم فرحانيين وبيوزعوا في البيبسي
ليه ؟؟
لأنهم أتهزموا ب 9 أهداف فقط
(فقط دي مهمة)

عمر البشير هذا مغتصب للسلطة غاشم ومخرب
إستلم السلطة والدولار كان يساوي 12 جنيه
والدولار الآن 25000 وماشي في إتجاه ال 50000
وقس علي ذلك أسعار الخبز والطعام والمحروقات .....الخ

ورغم ضآلة الفرق أقول لك
برضو ما مصدقين هذه التقارير
لأنه شهر نوفمبر بالذات شهد زيادات في الأسعار مبالغة
فهو الشهر الذي إرتفع فيه سعر صرف الدولار ل 30000
ورجع إستقر في 25000 وماشي
فلو أنك عملت بالنصيحة وشديت تلفونات لأهلك في السودان
كان بيقولوا ليك الحقيقة المرة

بس
السؤال الاكثر أهمية
لماذا هناك تضخم بهذه الدرجة؟؟؟؟
لو عاوز تعرف أسأل الإقتصاديين المشاركين هنا بيقولوا ليك
ولو عاوز تعرف الحل شنو برضو بيقولوا ليك

ونوع كلامهم ما بينفع معاك ولا مع سلطة الديكتاتور مغتصب السلطة
لأنهم حيجيبوا ليك سيرة الفساد والصرف المبالغ فيه علي الدستوريين والقصر الرئاسي
وحيجيبوا ليك سيرة الإنتاج
دي حاجات بتعكر مزاجكم
إنتو ناس الإقتصاد الريعي الرعوي
دايريين تنهبوا البلد وبرضو يستمر إقتصاد في الدوران
كمن يريد أن يأكل الكيكة وتكون لسه قاعدة في يده

Quote: تقول التقارير أن التضخم من نسبة 33 في المية في الشهر إنخفض إلي 25 في المية في الشهر برضو تضخم 33 في المية يعني تضخم 400 في المية في السنة إنخفض إلي 300في المية السنة!!!!!

بصراحة ..... يعني بصراحة دي ما أدونا ليها

كويس إنك سألت عشان نديك ليها
التضخم عند ناس الإقتصاد بيحسب بالشهر وبالسنة
فإذا كان التضخم في الشهر 10 في المية
يعني الأسعار في شهر واحد أرتفعت 10 في المية
إذا عاوز تحسب التضخم في السنة كلها
فتضرب في عدد شهور السنة بيكون التضخم في هذه الحالة
هو 120 في المية .
.
.
يا ناس الإقتصاد لو غلطانيين صححونا

ههههههههههه أنت راميك لوري؟

"ههههههههههه أنت راميك لوري؟"
أنا برضو هههههههههههههههههههههههه
ضححني يا هذا وما تسخر مني

أبيت .. أنا ما فاتحة هنا محو أمية

أمشي شوف عمك قوقل وتعلم

خلاص أنا بشرح ليك
(وإستفدت من قوقل)
إذا مشيت السوق في يناير وأشتريت سلعة بدولار
ومشيت في فبراير أشتريت نفس السلعة بدولار وعشرة سنت
يبقي التضخم (بتاع السلعة دي) 10 في المية في الشهر
إذا مشيت في مارس ولقيتها ب دولار و20 سنت يبقي التضخم في الشهر برضو 10 في المية
لكن في الشهرين التضخم كان 20 في المية
إذا مشيت في أبريل ولقيتها ب دولار و30 سنت يبقي التضخم برضو (حوالي) عشرة في المية في الشهر
لكن التضخم ل 3 شهور كان 30 في المية
وهكذا في يناير بتاع السنة التانية السع حيكون حوالي 2 دولار وأكثر
بنسبة تضخم 100 (أو أكثر قليلا) في المية في السنة وعشرة في المية في الشهر
لو حسبتها بالطريقة المتبعة أكتر
وهي حساب التضخم لكل العام
يعني أشتريتها في يناير بدولار
وفي يناير بتاع السنة البعدها ب دولارين أو أكثر
يبقي التضخم لكل العام هو ما قل من 100 في المية
حوالي 10 (أو أقل قليلا) في المية في الشهر

ولا ما قاصد دي؟؟؟؟

تأكد لي أنك راميك لوري سفنجة ههههه

عافيك من التداخل مرة أخرى

يا مستنير بعد دخولك البوست دا فضلت ليك لمبة واحدة مولعة و ربما تكون حبوبة ونسيني.
معقولة بس تباري ليك زول ما أدوهو الكلام القالو ناصر دا.

__________

سلام يا ناصر
طريقة حساب معدل التضخم السنوي بجمع معدلات التضخم الشهرية لكل شهور السنة طريقة صحيحة.
و لكنها غير دقيقة بسبب إختلاف مؤشر السعر للمستهلك في بداية السنة عن بداية كل شهر.

كلامك صاح يا حافظ
"سلام يا ناصر
طريقة حساب معدل التضخم السنوي بجمع معدلات التضخم الشهرية لكل شهور السنة طريقة صحيحة.
و لكنها غير دقيقة بسبب إختلاف مؤشر السعر للمستهلك في بداية السنة عن بداية كل شهر."

لكن زي ما إنت عارف كل المؤشرات الإقتصادية غير دقيقة وتقريبية
وتعتمد علي المنهج المتخذ وجدية المؤسسة البتعمل الإحصائيات وعوامل أخري لا تغيب عليك

عموما التضخم بيحسب سنويا
لأن التغيير في الأسعار من شهر لشهر ومن موسم لموسم طبيعي
يعني أسعار الخريف ما زي أسعار ما قبله وخاصة في المحاصيل والزيها
عشان كدا حساب التضخم لكل العام أكثر دقة وأفضل
عموما الدولة قاعد تتلاعب بالإحصائيات والمعلومات لأسباب سياسية
ما عندها علاقة بالإقتصاد ولا بالعلم وبا بالناس وحياتهم
(زي ما عملت لجنة من كبار الفرقاء لكبح الدولار ودايرين يوروا إنجازاتهم في الشهر دا)
وطريقة ناس الحكومة في حساب التغيير في التضخم شهريا مضللة

ماذا نفعل إذا كانت الحكومة هي أكبر تاجر عملة (وفي السوق الأسود)
وهي أكبر ناهب لأموال الناس وبالباطل

عموما التضخم بيحسب سنويا

بالضبط يا ناصر
معدل التضخم بيُحسب سنوياً و منه يمكن تقدير المعدل الشهري، لا العكس.

عموماً زادت أسعار السلع و الخدمات خلال السبع سنوات الماضية حوالي 10 مرات.
بما يعني متوسط معدل تضخم سنوي حوالي 15% خلال السبع سنوات الفائتة.
و لكن واضح أن معدل التضخم يرتفع كل سنة أكثر من السنة التي تسبقها.
و الأرقام التي نشرها الجهاز المركزي للإحصاء، حتى لو كانت صحيحة، فهي لا تبشر بخير.

يا مستنير بعد دخولك البوست دا فضلت ليك لمبة واحدة مولعة و ربما تكون حبوبة ونسيني.
يا د. لو عندك تلفون عاطف كامل او محمد احمد عبد المنعم( سيد اللبن) لان حسم البوست دا عندهم
الله يرحم طلحة كان حسم البوست وما احتاج لبخورك لفرانكلي وهو..

عاطف هو سيد الدكان لاكثر من 30 سنة وهو مركز إحصاء وتحليل للاسعار...

في جمعية عمومية تم زنق السكرتير المالي لان اجمالي المنصرفاتة فارق كتير...قام قال انا نسيت اسجل الجرجير...صاحبنا قال ليه قول جبت انقاية...