Post: #1
Title: لندن: انهيار مؤتمر لجذب الإستثمار للسودان بمداخلة يتيمة لمعارض شاب تسلل في اخر الدقائق*
Author: Deng
Date: 12-13-2017, 10:22 PM
Parent: #0
09:22 PM December, 13 2017 سودانيز اون لاين
Deng-
مكتبتى
رابط مختصر لندن: انهيار مؤتمر لجذب الإستثمار للسودان بمداخلة يتيمة لمعارض شاب تسلل في اخر الدقائق*
تمكن أحد الشباب السودانيين المقيمين في بريطانيا من التسلل إلى داخل القاعة التي عقد فيها ملتقى الإستثمار البريطاني السوداني، وبعد ان أوشكت الفعالية على الإنتهاء بعد ساعات طويلة جدا من الخطابات والعروض التعريفية بفرص الاستثمار في السودان، فتحت الفرصة للأسئلة، واذا بالشاب السوداني يمنح الفرصة الأولى (اليتيمة) للسؤال (ولسوء حظ المنظمين) أغتنم الشاب السانحة ووجه خطابه للحضور وطالبهم بعدم الذهاب للسودان.
وواصل حديثه قائلا: ان السودان بلد تتجاذبه الحروب والصراعات القبلية ورئيسه مطلوب للمحكمة الجنائية وحقوق الانسان فيه مضطهدة والسلاح منتشر بطول البلاد وعرضها.
عندها قاطعته المنصة وطالبته بالتوقف عن الحديث، لكن الرجل واصل حديثه وسط دهشة الحضور وممثلي الشركات وأعضاء الوفد الزائر.
بعدها طلب منه نائب السفير السوداني مغادرة القاعة مستخدما طريقة عشوائية لا تشبه رجل دبلوماسي.
وانتهت الفعالية التي بدأت بمظاهرة احتجاجية في الصباح الباكر، حيث تجمع عدد محدود من السودانيين منددين بالاستثمار في السودان.
ثمرة هذا الملتقى كانت زيادة الريبة في عقول البريطانيين، وظلت صورة السودان كما هي في عقول المستثمرين الانجليز (القلة الذين شاركوا في الملتقى).
منقول
|
Post: #2
Title: Re: لندن: انهيار مؤتمر لجذب الإستثمار للسودان
Author: Deng
Date: 12-13-2017, 10:31 PM
Parent: #1
طيب وفد "المستثمرين" الامريكان الزار السودان الاسبوع الماضي أخبارو شنوا؟؟
لأنوا أثناء زيارة الوفد للسودان صدر قرار نقل السفارة الامريكية للقدس، وأصدرت السفارة الامريكية بالخرطوم للمواطنين الامريكان بأن لا يخرجوا إلا للضروروة .
وأكيد الوفد الاستثماري المزعوم قد تأثر بهذا الامر. وده دليل كبير على عدم الاستقرار في السودان. وبالتالي مافي شركة كبيرة ممكن تخاطر وتجي تستثمر في بلد زي السودان حاليا.
|
Post: #3
Title: Re: لندن: انهيار مؤتمر لجذب الإستثمار للسودان
Author: Asim Ali
Date: 12-13-2017, 11:55 PM
سلام
مابعيد يكونو كيزان امريكان من اصول عربيه او وفود شركات مساهم فيها رؤوس اموال عربيه ذات صله بالكيزان - رؤوس اموال قطريه مثلا - ما اظن رجل اعمالامريكان وشركه يديرها عقلاء يكونو من الغفله بمكان حتىيقعو فى فخ مافيا تحار الدين
|
Post: #4
Title: Re: لندن: انهيار مؤتمر لجذب الإستثمار للسودان
Author: Deng
Date: 12-14-2017, 09:57 AM
Parent: #3
يا عاصم علي.
كلامك صحيح.
بعد إنقلاب الاخوان المسلمين المشئوم في السودان، أنشئ بعض السودانين الامريكان الكيزان، شركات خاصة بهم وقاموا بتسجيلها في أمريكا، وفتحوا لها أفرع في السودان.
ولكن بعد أن توترت العلاقات السودانية الامريكية، وتم فرض عقوبات أقتصادية على السودان، فشل المخطط الكيزاني ولم يستيطيعوا تفعيل تلك الشركات.
طبعا تسجيل أي شركة في بلد مثل أمريكا سوف توفر لهم الحماية بواسطة الحكومة الامريكية في أي بقعة على الارض.
الشئ الاخر هو في الوقت الحالي لن تحضر أي شركة كبيرة ذات سمعة محترمة، لكي تستثمر في بلد مثل السودان.
|
Post: #5
Title: Re: لندن: انهيار مؤتمر لجذب الإستثمار للسودان
Author: Abdullah Idrees
Date: 12-14-2017, 10:56 PM
Parent: #4
اتمنى صادقا انو اي اجتماع مماثل في اي مكان على وجه البسيطة يتفرتق ..
مافي استثمار في السودان في بيع اصول وكومشنات وسرقة ونهب
اي شركة محترمة عايزة بيزنس على لمدى الطويل لن تفكر في الاستثمار في السودان لاسباب كثيرة ووجيهة
لكن المغامرين واللصوص والباحثين عن الثراء السريع هم فقط من سيحضر
وبالمناسبة الاستثمارات الاجنبية الحالية عديمة الفائدة هي سبب رئيسي من اسباب انهيار العملة في السودان
|
Post: #6
Title: Re: لندن: انهيار مؤتمر لجذب الإستثمار للسودان
Author: Deng
Date: 12-15-2017, 08:55 AM
Parent: #5
Quote: اتمنى صادقا انو اي اجتماع مماثل في اي مكان على وجه البسيطة يتفرتق ..
مافي استثمار في السودان في بيع اصول وكومشنات وسرقة ونهب
اي شركة محترمة عايزة بيزنس على لمدى الطويل لن تفكر في الاستثمار في السودان لاسباب كثيرة ووجيهة
لكن المغامرين واللصوص والباحثين عن الثراء السريع هم فقط من سيحضر
وبالمناسبة الاستثمارات الاجنبية الحالية عديمة الفائدة هي سبب رئيسي من اسباب انهيار العملة في السودان |
عبد الله ادريس.
حاليا مافي شركة محترمة وعندها اسم ح تغامر في بلد مثل السودان.
موضوع الاستثمار هذا لا يحتمل أي سمعة سيئة للحكومة.
ورائحة فساد الحكومة اليوم يزكم الانوف.
|
Post: #7
Title: Re: لندن: انهيار مؤتمر لجذب الإستثمار للسودان
Author: حيدر حسن ميرغني
Date: 12-15-2017, 09:04 AM
Parent: #6
|
Post: #8
Title: Re: لندن: انهيار مؤتمر لجذب الإستثمار للسودان
Author: حيدر حسن ميرغني
Date: 12-15-2017, 09:04 AM
Parent: #7
ظعمطة شديدة يا دينق 
|
|