Post: #1 Title: ولايه نهر النيل تودع 2017 بانجازات غير مسبوقه Author: Maawya Hussein Date: 12-13-2017, 09:54 AM
🌺🌺 دعوه 🌺🌺🌺
يخاطب اللواء حقوقي حاتم الوسيلة السماني والي نهر النيل ودكتور الأمين محمود وزير الصحة والسكان بالولاية في تمام العاشرة من صباح يوم غد الثلاثاء بمقر المركز التشخيصي بعطبره الإحتفال الذي تنظمه الوزارة بمناسبة وصول جهاز الأشعة المقطعية للمركز واكد دكتور العوض فضل الله احمد مدير عام الوزارة علي ان للاحتفال دلالاته الخاصة بتهنئة مواطن الولاية بوصول الجهاز المهم في ناحية الخدمات التشخيصية واعلان لإستمرارية جهود الوزارة لدعم خدماتها الطبية والعلاجية والدعوه موجهه للأخوة مراسلي الصحف والقنوات الفضائية لحضور فعاليات البرنامج.العلاقات العامة والإعلام.
.
Post: #2 Title: Re: ولايه نهر النيل تودع 2017 بانجاذات غير مسبو Author: Maawya Hussein Date: 12-13-2017, 09:55 AM Parent: #1
Post: #3 Title: Re: ولايه نهر النيل تودع 2017 بانجاذات غير مسبو Author: Frankly Date: 12-13-2017, 10:44 AM Parent: #2
بالجد يا معاوية "الإنجازات" دي بتوضح سقف طموح المواطنين السودانيين وأن السودان دا كله "هامش" حتى الخرطوم
صحيح صورة والي بربر من 2013 لكن لا تخلو من طرافة مع أني شايف في الصورة دي في إنجاز أكبر ولم يلتفت له أحد وهي أعمد الإنارة بالكابيلات الأرضية.
Post: #4 Title: Re: ولايه نهر النيل تودع 2017 بانجاذات غير مسبو Author: Abdalla Hussein Date: 12-13-2017, 11:11 AM Parent: #3
والى الخرطوم برضو ساهم في التنمية وزى ما ظاهر في الصورة دى افتتح مزيرة حديثة دعما للتنمية والاستقرار والناس فرحانين وبيصوروا بالموبايلات
Post: #6 Title: Re: ولايه نهر النيل تودع 2017 بانجاذات غير مسبو Author: Abdalla Hussein Date: 12-13-2017, 11:16 AM Parent: #4
والخبر ده منشور يوم 16 ابريل 2017 في موقع النيلين نقلا عن صحيفة اخر لحظة :
افتتح وزير الشباب والرياضة الأستاذ حيدر قلوكما أبراج إنارة الملعب الاولمبي بمدينة السودان الرياضية مساء أمس من غرفة المحطة الكهربائية. وقال الوزير: إنه يوم تاريخي في مسيرة الرياضة والرياضيين، معرباً عن سعادته بشرف تدشين الإنارة كتتويج لجهود مقدرة. وثمن دور القائمين على المشروع بدءاً برئاسة الجمهورية واللجنة التنفيذية والمصارف الوطنية وبنك أم درمان الوطني التي قدمت اسهامها في المحفظة.. وحيا الوزير الفريق الهندسي، مبيناً أن الالتزام الذي أوفت به شركة تولان في الموعد المحدد لانارة الاستاد يجعل القائمين على أمره اكثر اطمئناناً ويزيد من الحماس لاكماله في شكله النهائي بنهاية العام الحالي.
افتتاح انارة لمنشأة لسه هي نفسها ما قربت تخلص حتى اقرا واندهش الخرطوم: صلاح محمد الحسن
Post: #7 Title: Re: ولايه نهر النيل تودع 2017 بانجاذات غير مسبو Author: Frankly Date: 12-13-2017, 11:23 AM Parent: #4
يا عبدالله أنت حصلت قسم الفضيل ولا شنو؟
الصورة الفوق دي ما لافتتاح مزيرة بل ضمن تدشن غرس الشتول للحزام الأخضر غربي أم درمان.
Post: #8 Title: Re: ولايه نهر النيل تودع 2017 بانجاذات غير مسبو Author: Maawya Hussein Date: 12-13-2017, 11:25 AM Parent: #7
فرانكلي انت حصلت عبد الرحيم ولا شنو
وين معاويه جاب صورة مزيرة
Post: #11 Title: Re: ولايه نهر النيل تودع 2017 بانجاذات غير مسبو Author: Frankly Date: 12-13-2017, 11:48 AM Parent: #8
بعتذر يا معاوية حسين قصدي عبدالله حسين لكن طلعت متابع لصيق لبوستاتك ياأخي أنا صححتها قبل ان يجف حبرها
المهم دي صورة لعبدالله عن افتتاح السفير الياباني مزيرة هههههههههه
Post: #5 Title: Re: ولايه نهر النيل تودع 2017 بانجاذات غير مسبو Author: Maawya Hussein Date: 12-13-2017, 11:11 AM Parent: #3
يا كمال لو شغل الوزير الوالي او المعتمد او اكبر انجاز ليهو انو يفتتح ويوجه مفروض محصصاتو دي اولي بيها شباب او طلاب ممكن يفيدو البلد او المنطقه بي انجازات علي ارض الواقع ( شباب شارع الحوادثمثلا )
Quote: يحتفل والي ولاية نهر النيل حاتم الوسيلة السماني ووزير الصحة والسكان بالولاية دكتور الأمين محمود اليوم الثلاثاء في مقر المركز التشخيصي بعطبرة بوصول جهاز الأشعة المقطعية .واكد دكتور العوض فضل الله احمد مدير عام الوزارة علي ان للإحتفال دلالاته الخاصة بتهنئة مواطن الولاية بوصول الجهاز المهم من ناحية الخدمات التشخيصية
⛔ هل تصدق ان هذا المركز الذي افتتحه البشير في يناير من العام 2009م كان من المفترض ان يكون قد وصل الى مراحل زراعة الكبد والكلي وعمليات القلب مفتوح وليس ان تتداعى حكومة الولاية لمجرد الاحتفال بوصول جهاز اشعة مقطعية الجدير بالذكر ان مدير المركز السابق وهو مهندس متخصص في صيانة الأجهزة الطبية وتفتيت الحصاوي تقدم باستقالته قبل شهرين بسبب مضايقات تعرضها لها من الوزارة و تعاقد حاليا للعمل مع مؤسسة طبية في المملكة السعودية
⛔ جهاز الاشعة المقطعية الذي تحتفل الولاية بوصوله استورده ابن عطبرة رمضان عوض بشير مدير شركة ساماسو وتدعى 4 جهات انها دفعت قيمتة وهي وزارة الصحة الاتحادية ولجنة تطوير عطبرة وزارة المالية نهر النيل وديوان الزكاة
خدمة الاخبار العجيبة من #مونتي_كاروو
⛔ جهاز الاشعة المقطعية الذي تحتفل الولاية بوصوله استورده ابن عطبرة رمضان عوض بشير مدير شركة ساماسو وتدعى 4 جهات انها دفعت قيمتة وهي وزارة الصحة الاتحادية ولجنة تطوير عطبرة وزارة المالية نهر النيل وديوان الزكاة
Post: #9 Title: Re: ولايه نهر النيل تودع 2017 بانجاذات غير مسبو Author: Frankly Date: 12-13-2017, 11:33 AM Parent: #5
يا معاوية أغلب إن لم يكن كل إنجازات الولايات الشمالية هي مبادرات أهليه وشبابية خاصة من أبناء الولايات المغتربين.
لكن في مسؤولين بيحبوا التصوير نعمل معاهم شنو؟
زي معتمد محلية بربر دا اهتمامه بالكاميرا أكبر من اهتمامه بالمريض
Post: #10 Title: Re: ولايه نهر النيل تودع 2017 بانجاذات غير مسبو Author: Abdalla Hussein Date: 12-13-2017, 11:45 AM Parent: #9
صحى يافرانكلى ممكن الصورة تكون في موضوع غرس الأشجار لكن برضو اهتمامات المسؤولين قزمية ولا ترتقى لادنى مستويات الضروريات وبرضو عندك افتتاح أبراج الإضاءة في المدينة الرياضية مثال اخر للبلاهة الرسمية.
Post: #12 Title: Re: ولايه نهر النيل تودع 2017 بانجاذات غير مسبو Author: Maawya Hussein Date: 12-13-2017, 11:59 AM Parent: #10
سلامات يا عبد الله
الافلاس حاصل ..الانقاذ وعلي مدي ما يقارب التلاته عقود كانت سايقه الناس اعلاميا بالحرب والجهاد والحصار الامريكي والقوي الامبرياليه ..فجأة كدا الحاجات دي كلها وقفت براها او بي عامل الزمن والناس بقت ما عندها موضوع غير انها تفتتح مزيره او قسم ولادة ولا اشارة مرور
ما اعدو لليوم المفروض يظهرو فيهو للاعلام بي خطاب جديد
Post: #13 Title: Re: ولايه نهر النيل تودع 2017 بانجاذات غير مسبو Author: ABUHUSSEIN Date: 12-13-2017, 03:10 PM Parent: #12
Quote: جهاز الاشعة المقطعية الذي تحتفل الولاية بوصوله استورده ابن عطبرة رمضان عوض بشير مدير شركة ساماسو وتدعى 4 جهات انها دفعت قيمتة وهي وزارة الصحة الاتحادية ولجنة تطوير عطبرة وزارة المالية نهر النيل وديوان الزكاة
ما لقو ليهم عضة في الجهاز ..... عملو ليه احتفال عشان يضربو ليهم كم مليون من وراه ..... انت قايل بتغلبهم حاجة و ل بخجلو من حاجة و ل بخافو من الله ... ؟؟؟
Post: #14 Title: Re: ولايه نهر النيل تودع 2017 بانجاذات غير مسبو Author: Abdullah Idrees Date: 12-13-2017, 10:52 PM Parent: #13
انجازات رهيبة والله .. ما قصرو تب وانت كمان ما قصرت معاهم .. عقبال الاحتفال بتغيير مفصلات باب مستشفى المتمة الشمال عشان ناس ودحامد وحجرالطير والعالم دي ما يدخلو مجان ..
Post: #15 Title: Re: ولايه نهر النيل تودع 2017 بانجاذات غير مسبو Author: Maawya Hussein Date: 12-14-2017, 10:37 AM Parent: #14
تحياتي ابو الحسين وعبد الله ادريس
Post: #16 Title: Re: ولايه نهر النيل تودع 2017 بانجاذات غير مسبو Author: Maawya Hussein Date: 12-14-2017, 12:10 PM Parent: #15
الفيديو التحت دا بي المناسبه قريب من المستشفي الحا يجو يتعالجو فيها الالمان
Post: #17 Title: Re: ولايه نهر النيل تودع 2017 بانجاذات غير مسبو Author: Mutaz Hussien Date: 12-14-2017, 02:22 PM Parent: #16
الصورة بتاعت افتتاح الخلا ديك موجودة ؟ ياريت لو واحد يتبرع ويتكرم يجيبا لينا في البوست دا
Post: #18 Title: Re: ولايه نهر النيل تودع 2017 بانجاذات غير مسبو Author: احمد حمودى Date: 12-14-2017, 02:41 PM Parent: #17
عقبال الاحتفال بتغيير مفصلات باب مستشفى المتمة الشمال عشان ناس ودحامد
