واتمنيت لو لحظة ﺍكون فى حلمك ﻭﺍﺳكن جوه مدار ﺍﺣﺴﺎﺳﻚ اسرح في دنياك ﻭﺍﺿﻤﻚ وابقى شهيق الريده الفى ﺍﻧﻔﺎﺳﻚ اطمن قلبى انى لقيتك ﻭاقنع دمى انى ﺑﻘﻴﺘﻚ اجدع همى ابقى اصحابك واهلك وﻧﺎﺳﻚ انادى القمرا تحرس حلمك وتانى اضمك احجى عيونك واحلف انى عدم وضياع من دونك الون وش اللحظة القبل ﻧﻌﺎﺳﻚ نبض الفرحة يفرهد ويكبر يبقى حدائق جوه ﺣﻮﺍﺳﻚ ونبع الريد الفينا يدفق يروى الدنيا ويسقى الكون رحيق من كوثر ﻛﺎﺳﻚ
Post: #2 Title: Re: شهيق الريده الفى انفاسك Author: عمر مصطفى مضوي Date: 12-12-2017, 08:45 PM Parent: #1
ابوذر بابكر / غايتو قاعد تكون زي حاجة لطيفة كده بتعدل المزاج وبترص الحاجات من جديد ... وترتب زمن الغربة . وتدوزن فوضى الروح ... كتابة سمحة ولغة اسمح ترجعك تتذكر النيل والنخيل وشهوة الموج للضفاف . وعشق القمرة لوطن القماري ... والاهم من ده كلو بتمرقك مرقة الشعرة من العجين من قصة المنير والدواس و ( الاكشن ) الحايم في المنبر ،،،