Post: #1
Title: ضبط موظف كبير وبحوزته خمور بلدية داخل البرلمان السوداني
Author: زهير عثمان حمد
Date: 12-10-2017, 12:49 PM
11:49 AM December, 10 2017 سودانيز اون لاين
زهير عثمان حمد-السودان الخرطوم
مكتبتى
رابط مختصر ضبطت السلطات الأمنية بالسودان، موظف برلماني كبير وبحوزته خمور بلدية في مكتبه داخل مباني البرلمان.
وأبلغ مصدر موثوق “خرطوم بوست”، ان سلطات الأمن بالبرلمان ظلت تتبع هذا الموظف بيناءا على معلومات الى أن ضبطته داخل مكتبه وبحوزته عدد أثين “قزازة” عرقي.
وأكد المصدر تشكيل لجنة للتحقيق مع الموظف المعني مطلع الاسبوع المقبل.
red]* حسي ديل كان نحن كان دق العيش بس !!!
|
Post: #2
Title: Re: ضبط موظف كبير وبحوزته خمور بلدية داخل الب�
Author: MOHAMMED ELSHEIKH
Date: 12-10-2017, 01:02 PM
Parent: #1
يكون رسل واحد لي سكر(بتشديد الكاف)
جاب ليهو سكر(بفتح الكاف)
============
كسرة
سنة94 واثناء ازمة انعدام السكر(بتشديد الكاف) معانا مراسلة جنوبي ولد صغير في مصنع جميرا للغزل. سألت عن السكر(بتشديد الكاف) , قال لي بلقاء ليك في معسكرات الجنوبيين بالمنطقة الصناعية
والكباية بتلاتة جنيه. قمت اديتوا عشرة جنية لتلاتة كبايات وجنيه لشخصه
االشاب جاني اخر اليوم وفي شنطة وداخلها جركانة بها تلاتة كبايات عرقي!!!!
|
Post: #3
Title: Re: ضبط موظف كبير وبحوزته خمور بلدية داخل الب�
Author: علي عبدالوهاب عثمان
Date: 12-10-2017, 01:06 PM
Parent: #1
حبيبنا زهير .. مودتي
العرقي لسع من التمر أم هناك تكلنوجيا جديدة
الزول ده ما حريف عرقي .. ربع في علبة بيبسي فاضي ..
مش زجاجتين في المكتب ... يستاهل ..
ده زمان كان عندو مواعيد محددة ( كلام الليل يمحوه النهار )
زمن مير المدرسين ..
يستاهل القبض عليه .. لأنه أخل بموروث الاجداد
شكراً على السياحة .. آسف للخروج من السياق ..
|
Post: #4
Title: Re: ضبط موظف كبير وبحوزته خمور بلدية داخل الب�
Author: Asim Fageary
Date: 12-10-2017, 01:10 PM
Parent: #3
ابو الزوز ... كيفك يا صديق
هو الناس لسه بتشرب عرقي في السودان ؟
مع الظروف الصعبة دي وحالة البلد الشاربنلها شنو ؟
مع تحياتي،،،
عاصم فقيري
|
Post: #5
Title: Re: ضبط موظف كبير وبحوزته خمور بلدية داخل الب�
Author: علي عبدالوهاب عثمان
Date: 12-10-2017, 01:56 PM
Parent: #4
حبيبنا عصام أمبس ..
انسب وقت .. عشان ما تموت بالهم ( هههههه )
عصام أمبس .. الواحد يعيش دقائق خارج السياق عشان ما يجيه ضغط أو سكري
ياجماعة كلامي ده ونسة ساكت ( ههههههه )
ليت الشباب يعود يوماً .. صدقني ما كنت آخد ولا كاس ..
يا زهير يا أخي مع عمرنا ده أدخلتنا في حاجات تانية .. إستغفر الله ..
صدقوني ( ونسة ) زي ما يقولوا الخليجيين ( طقطفة )
مودتي للجميع ..
|
|