والله لو عندها علاقة بالفن معناها انا عندي علاقة بانجلينا جولي
الشغلانية مشت معاها باسطة زي ما مشت مع ايمان لندن وغيرهن من الفنانين والفنانات الغزو الساحة الفنية
Post: #5 Title: Re: بهدوء ---- أفراح عصام Author: حمد عبد الغفار عمر Date: 12-07-2017, 06:37 PM Parent: #4
ود الباهي كيفك
شوف معاك ، في زحمة فنانين في زحمة فيهم بعض قيهو رقشة ضاعت وسط الإنحطاط العام الحاصل دا
افراح دي بتأدي الألحان بشكل سليم على غير عادة الشباب البغنو ديل ممكن عندها ضعف طفيف في مخارج الحروف انا بخليك تقارن بينها وبين عصام محمد نور (ليهو 30 سنة بغني ودارس موسيقى) شوف منو المؤدي الجيد مع العلم أغنية أمير الحسن دي من الأغنيات الصعبة في الأداء
يا حمد ما تقييم فنان بعمل او عمليين مهما الانسان صوتو فيهو علل بتلقاهو ممكن يجضم ليهو أغنية او أغنيتين لكن قيم لي أفراح عصام بكذا عمل بعدها حتعرف ضلت طريقها للفن .
Post: #7 Title: Re: بهدوء ---- أفراح عصام Author: حمد عبد الغفار عمر Date: 12-07-2017, 06:53 PM Parent: #6
افراحو متين عصام دا!! ؟ صراحة كده الزولة دي غناء و صوت يخربه وانا من وائل الناس الما بتغطي معاي لكن صراحة اكتر اتعاطفته معاها وبقيت اسمعه بعد اكتشفته انها عندها قطعة و تمتمة و كونها تغني دا مجهود ممتاز منها.
تعرف قريت العنوان و قلت أدخل اقول ليك البت دي غير أغنية أمير الحسن تاني ما غنت شي. لقيتك إنت ذاتك غير أغنية أمير الحسن ما جبت ليها شي.
بمناسبة ناس الأسافير الزولة دي اول ما ظهرت لقت إحتفاء كبير جداً من ناس الأسافير. إحتفاء ببوستات من عمالقة بورداب الرياض، و يجي أبو حسين يقول ليك السعودية ما فيها سقط.
Post: #22 Title: Re: بهدوء ---- أفراح عصام Author: حمد عبد الغفار عمر Date: 12-08-2017, 12:45 PM Parent: #21
بجيكم بس المعايير شنو لزول فنان/ مقلّد عشان يكون جيد
Post: #41 Title: Re: بهدوء ---- أفراح عصام Author: حمد عبد الغفار عمر Date: 12-08-2017, 07:59 PM Parent: #12
شنو يا سوفي ياخ
صراحة كده الزولة دي غناء و صوت يخربه وانا من وائل الناس الما بتغطي معاي
البت دي بتأدي الألحان بشكل سليم جدا ومنضبط ما عندها تخاريف الجيل الناطي في الأغاني عوليق دا بالإضافة للحضور
ممكن صوتها ما مميز لكن ماهو شين
Post: #38 Title: Re: بهدوء ---- أفراح عصام Author: حمد عبد الغفار عمر Date: 12-08-2017, 07:35 PM Parent: #11
ابو حسين كيفك
ما تجمعنا معاه يا معاوية ... الزول دا بتجيه حالات كدا ما مفهومة ...
انا البحتج يلموني معاك تذكر حاجاتك الما مفهومة الكانت قبل عيد الأضحية ديك القربت تفط فيها سطر ديك؟
بعدين الزيك دا مفروض يكتب طلب عشان نخلي يسمع أفراح دي
قوم لف
Post: #36 Title: Re: بهدوء ---- أفراح عصام Author: حمد عبد الغفار عمر Date: 12-08-2017, 07:22 PM Parent: #10
السعوديه بنين ,)
شنو يا معاوية نحن هسه لينا يومين جبنا سيرة لسماحة أفراح دي ؟
دا الجزء التاني من البوست
ننزل ليكم الصور في الصفحة التانية
Post: #37 Title: Re: بهدوء ---- أفراح عصام Author: حمد عبد الغفار عمر Date: 12-08-2017, 07:22 PM Parent: #10
السعوديه بنين ,)
شنو يا معاوية نحن هسه لينا يومين جبنا سيرة لسماحة أفراح دي ؟
دا الجزء التاني من البوست
ننزل ليكم الصور في الصفحة التانية
Post: #34 Title: Re: بهدوء ---- أفراح عصام Author: حمد عبد الغفار عمر Date: 12-08-2017, 07:08 PM Parent: #9
هلا عمر التاج وحات شيخي اب تفة يا حمد نونوي البت دي أخير منه غناي وكان لقيت نص الفرص اللقتها وربع كريماتها كنت مشيت مع البشير لي تشاد ومنها لي شريف نيجيريا.
بالله يا عنمر هسه أمير الحسن دي ما طربتك ؟
تانيا أفراح دي ما كريمات دا جمال طبيعي أصلي ما مزور دي الحتة الوحيدة الما فيها نقاش
Post: #32 Title: Re: بهدوء ---- أفراح عصام Author: حمد عبد الغفار عمر Date: 12-08-2017, 06:58 PM Parent: #8
الفاضلابي حبابك
يا تثبت لينا انك ما حفيض يا كمان بنعتبرك سارق العنوان. :
ياخ أنا وود أبوسن بهدوئين في بوست
ما بيناتنا
تانيا ما بثبت ليك أهو أبو حسين وقاعد تاني في شنو
Post: #33 Title: Re: بهدوء ---- أفراح عصام Author: حمد عبد الغفار عمر Date: 12-08-2017, 06:58 PM Parent: #8
الفاضلابي حبابك
يا تثبت لينا انك ما حفيض يا كمان بنعتبرك سارق العنوان. :
يا حمد ، الزوله دي غنايه ومبدعه وأرى آنها فتح جديد في دنيا الطرب والفن ولا أظن أن (الزمان لو حتى بالغ في يوم يعيدا) فقد تفوقت على السابقين واللاحقين ومكانها أكبر من المليون ميل مكعب ودول الجوار ومنذ استمع إليها العالم العربي المنكوب هجر فيروز .. آوكي؟ بس لي عندك طلب ، وانت رجل فنان ومطرب ، لو عندك ليها وسيلة اتصال قول ليها نحن نعتاش على ما خلًّفه لنا العماليق قبل ١٩٨٩ وأمير الحسن والمستحيل وخاف من الله وأخواتهن هن كل ما تبقى لنا في صوامع ذواكرنا الجميله.. فبالله بالله بالله ابتعدي عن تلك الخوالد..
حتى الانسان العادي ومش فنان .. بيكون عنده غنية بيعرف يجضما .. فهل هذا يا حمدنا بيبقيه فنان ؟ .. التنوع والمقدرة على اداء كثير من الاغاني .. وليس كلها هو الفيصل .. عصام محمد نور زول فنان متنوع .. وعنده المقدرة على غناء الكثير من الاغنيات .. بطريقة جميلة جدا واحترافية .. البغنن بي سماحتن كتار في ساحتنا الفنية .. مش افراح الشعب براها .. غايتو كان جابوا المسؤلات نسوان .. ما يخلن زي افراح دي تمسك ليها مكرفون وتغني .. ههههه .. لكنه قانون الرجال فيهو الجوانب القوية والبوهية مهمات .. عشان تقدر تجيب ليك تسعة بي آتو تعبان ..
ههههههههه .. أحي انت عديل كده .. يا ابوحسين ياخ ما تتصلح معانا ياخ ..
حمد جاب ليكم الجهجه باكاتكم انت ومعاوية اللحو ده ههههه .. وعدمكم المنطق .. قال اللحو قال .. لحو شنو ياخ مع الزيفة المجهجه حمد دي .. هههه ..... غايتو ماف زول جهجه الديبة ده الا العارض داك .. في ناس الدهب يمسكو بي يدهم .. ينقلب ويبقى صاج ومصدي كمان .. كُج ياخ ...... واريتو بعد ده كان طللو طلاله .. خخخخ ..
غايتو انا هين يا ابوحسين .. أمسكوا حمد ده كان يتمسك ليكم ههههه .. حمد والديبة حاجة عجيبة ..
😂😂😂😂 يا أبوحسين أمشي شوف بوستك بتاع الموضوع التعريفي داك و تاني ما ألقاك حايم هنا يقولوا ليك البوست برعاية موجة البرد التي ضربت أطناب البلاد، تقول لي الوش
يا حمد إنت كزول فنان، ألا تتفق معي في إنو البت دي غناها داافي و ذلك بغض النظر عن قدراتها الصوتية؟ 😂😂😂😂
Post: #48 Title: Re: بهدوء ---- أفراح عصام Author: أبوبكر عباس Date: 12-09-2017, 04:39 AM Parent: #47
قبل مدة حضرت ليها حفلة فرح بمدني، ناس مدني الشماشة فضحونا بالسلفي معاها والعريس والعروس رقصوا من غير زحمة. وصف صوتها بأنو عادي فيهو ظلم مشكلتها انو نفسها قصير جدا جدا، لو قدرت تغني بارتياح (بهدوء) زي فاطمة عمر وسميرة دنيا ولقت ليها فني بتاع صوت ممتاز؛ عادي ممكن أختها في المرتبة الثالثة بعد فاطمة عمر وسميرة دنيا
شكراً يا حمد يا فنان، إتّا من زمن شمبات بتحب الفن الجميل وبتتكسر فوقو
Post: #49 Title: Re: بهدوء ---- أفراح عصام Author: سيف اليزل سعد عمر Date: 12-09-2017, 06:08 AM Parent: #48
Quote: الناس عندها رأي في افراح انت تشكر في الشين دا
يا ابوحسين..
افراح ما فيها كلام بس كمان سوفى برضو جميل
Post: #50 Title: Re: بهدوء ---- أفراح عصام Author: عمر الفاروق عبد الله الشيخ Date: 12-09-2017, 09:31 AM Parent: #49
السقط جننكم بالذات مع الفلاش باك غنا شنو ياخ في السقط ده
Post: #51 Title: Re: بهدوء ---- أفراح عصام Author: عمر أبوعاقلة Date: 12-09-2017, 10:11 AM Parent: #42
حمدنا يا حمد موضوع السماحة جلّا ومرقوها ليك زي اللحو وموضوع الغناء أهو شايف براك
حمد أديك رأي مخلوط بالكورة يمكن يوصل وجهة النظر أكثر أفراح عصام من بداية مسيرتها مع نجوم الغد في عمر ستاشر سنة أو أكثر جاءت موهوبة جدا بصوت فريد وكانت تنال تشجيع المحكمين والجمهور حتى وصلت النجومية وبعدها خضعت على ما يبدو لمدربين غير جيدين. مثل لاعب كرة القدم مثال بوسكيتس في برشلونة . خرج من مدرسة برشلونة موهوب جدا بعد ذلك خضع لتوظيف وتوجيهات المدربين وركن موهبته جانبا .فأصبح لاعبا مهما لا تستغني عنه برشلونة لكن بلا طعم ولا وجمهور خاص به لا يمتع ولا يتمتع لكن يؤدي واجبه على أحسن وجه .. وحتى عندما يتمرد على هذا الوضع ويعود لإظهار مواهبه يختار الوقت الخطأ والمكان الخطأ فتصبح تجلياته أشبه بالمغامرة الخطرة. مثلا يحاور لاعب الخصم أمام مرمى فريق برشلونة وبحركة بهلوانية رائعة لكن توقف قلب الجمهور والمدرب وتثير سخطهم. وهذا ما أصبحت تفعله أفراح لتعود لها نجوميتها . تتطاول على أغنيات صعبة لا تتناسب مع صوتها وتحاول تبرز فيها حلياتها الصوتية ..أذكر في أغاني وأغاني الأخيرة أغنية صدفة غريبة لصلاح بن البادية .. هي واضح أنها لا تناسبها لذلك عند منطقة القرار كانت تتمها كلام عادي بلا لحن .
Post: #53 Title: Re: بهدوء ---- أفراح عصام Author: د.محمد حسن Date: 12-09-2017, 10:43 AM Parent: #52
البوست اصلا كتب لينحرف ...... و ما شاء الله لقى اللي يوجهه ..... 😂😂😂😂😂😂😂 غايتو بعد دخول ودنوباوي القوي ... قانون النظام العام زاااااتو ما حا يردعو ....
حمد اخد ساتر و اتبرى منو عديل ... 😂😂😂😂😂
Post: #56 Title: Re: بهدوء ---- أفراح عصام Author: حمد عبد الغفار عمر Date: 12-09-2017, 01:23 PM Parent: #55
يا سيف اليزل
سفيان دا ما تشتغل بيهو اصلو بحب ناس الجزار وشكرالله عزالدين وكان كتّر يقول ليك رمضان زايد
Post: #57 Title: Re: بهدوء ---- أفراح عصام Author: حمد عبد الغفار عمر Date: 12-09-2017, 01:32 PM Parent: #56
كيفك يا حافظ
بوست تمبس كان ق.م ما حضرناه في المنبر لكن أقول ليك ميزة : تمبس دا زول أنا بثق في ذائقتو الفنية شوف الزول دا متفق معاي في الرأي في نانسي وهاجر كباشي ومعتز صباحي فكونو يتفق معاي في فرح الغلابة دي معناها انا ماشي كويس وبوست حبيب نورة والموج دا فيهو رد قوي للفارات معاوية وأبو حسين ب عدين حاجة تانية يا حافظ الزول/ة الصوتو كعب أصلو ما ممكن يغني أغنية مهما كانت بشكل كويس ممكن زول صوتو جيد يتعرض لبعض المشاكل زي رهبة اثناء الأداء ، عدم توافق جيد مع الأوركسترا ، لحت غير مناسب الخ
فكونو تغني أمير الحسن ولو بنسبة 75 % أنا بقول كويسة
Post: #58 Title: Re: بهدوء ---- أفراح عصام Author: حمد عبد الغفار عمر Date: 12-09-2017, 01:45 PM Parent: #57
هلا محمد دودي ياخ ناس جاحدين ساي عشان كدا الفن منحدر
الأغنية دي تبدو ساهلة للوهلة لكن مقدمة الأغنية صعبة جدا لزول ما متمرس أو زول ما عندو حس فني
شوف المسافة بين كلمة من أجلك ----- وكلمة مشيت مشوار معقدة جدا زول زمنو فارق مشيت دي ما بحصلا بسهولة وعادي ممكن يلقة نفسو فارق الأوركسترا
المشكلة أبو سن القال عايز تعويض دا
Post: #59 Title: Re: بهدوء ---- أفراح عصام Author: حمد عبد الغفار عمر Date: 12-09-2017, 01:52 PM Parent: #58
يا قباني مره لقيت صوره لي احمد الملك بي شعار نادي المريخ ومكتوب في الصوره انها اخدت عام 1968وكان احمد الملك من ضمن كوكبه نجوم اشبال المريخ 👀👀👀😱😱 الكلام دا صحي ؟
المريخ في العام 1973م : يظهر أحمد المك وقوفا من اليمين رقم 2 وتضم الصورة دون ترتيب كل من .. كمال عبد الوهاب وعمار خالد والطيب سند وهشام السليني وأحمد سالم وعز الدين خورشيد ومحسن العطا وعادل ابو جريشة وسانتو الخرطوم ومساعد المدرب دقنو
في موسم 74/73 قام المريخ بتسجيل اللاعب الفنان أحمد حامد صالح المك من فريق الخرطوم (3) بعد صراع مع نده التقليدي نادي الهلال والذي كان قريبا من تسجيله لولا حنكة ودهاء وإدارة نادي المريخ التي قامت بتغيير وجهته.
نسبة لوجود دكتور الكرة السودانية كمال عبد الوهاب حينها والذي كان يلعب في نفس خانة أحمد المك (انصايد ساقط) لذا كان من الصعوبة بمكان أن يلعب أحمد المك أساسيا في تشكيلة فريق المريخ وفي نهاية الموسم تم شطبه. بعد اعتزاله اللعب وبعد فترة طويلة اتجه للتلحين وكان قد سبقه شقيقه الاكبر الملحن فتحي المك والذي قام بتلحين عدد من الاغنيات الجميلة للفنان عبد العزيز المبارك منها بتحرمني منك وارخي الرمش والرسالة الحلوة للفنان الراحل مصطفى سيد أحمد.
معقول سنة 73 ود الملك لعب للمريخ وبعد ده وافق يعرسها .. !!! ... معناتها أبو البنية دي في نفس عمره .. ياخ نحن ناس ال 73 كنا في اللفة ديل .. مابنرضى نعرس درفونة موديل 91 زي دي .. يجيبوا ليها بنزين من وين .. هههههههه .. الزول ده طلع معتّق عديل كده .. عموما والله دي ذاتها من البخاته والسعادة .. كونو زول في عمره الكبير ده .. يعرس ليهو برينسة صغمبتوتة زي دي .. الله اداهو .. اللهم لا حسد .. حتى لو تيتسه زي تيستته دي .. برضو أهو خشا الجنة وضاق تفاحا ... الله لينا الماقرينا ... خخخخخخخخخ ...
Post: #67 Title: Re: بهدوء ---- أفراح عصام Author: حمد عبد الغفار عمر Date: 12-09-2017, 05:30 PM Parent: #66
هلا أحمد محمد عمر
سمحة ولبيسة
أها زي دي لو في أوربا أو حتى لبنان القريبة دي
هسه حفلتها كانت تكون بـ 100 ألف دولار ودورها في أي مسلسل أو فيلم بكون 500 ألف دولار فرقها شنو من نانسي عجرم (لاحظ نانسي عجرم عاملة عملية تجميل)
حظها السيء رماها في السودان ويجي أبوحسين يتفاصح
Post: #68 Title: Re: بهدوء ---- أفراح عصام Author: حمد عبد الغفار عمر Date: 12-09-2017, 05:42 PM Parent: #67
كيفك أسامة بابكر
هسه البوست دا فيهو أربعة نماذج غنائية (وعشرة صور) مافي واحد قادر يقول إنو ما غنت كويس في النماذج دي ولسع أنا سمعت ليها كم أغنية لعثمان حسين بأداء جيد الناس دييل عايزين شنو ما عارف
Post: #69 Title: Re: بهدوء ---- أفراح عصام Author: Osman Musa Date: 12-09-2017, 06:37 PM Parent: #68
يا اخ معاوية نعم أحمد المك كان لاعب ممتاز في فريق المريخ والجميع يذكر قون أحمد المك في فريق الأهلي صنعاء في سنة 1982 . وأحمد رجل موهوب مافي كلام .
Post: #70 Title: Re: بهدوء ---- أفراح عصام Author: حمد عبد الغفار عمر Date: 12-09-2017, 06:44 PM Parent: #68
أبوذر بابكر حبابك
الصوت السمح يعنى الصوت المختلف عن اصوات الناس العادية، ويعنى الصوت البطربك ويدخلك فى الحالة الوجدانية الاسمها الطرب والانتشاء
انا قبيل لما قلت ليكم أبعدوا من بالكم حكاية إنو وردي غنى أمير الحسن كنت عارف بتحصل المقارنة الفي غير صالح أفراح
أنا لما سمعت الاغنية دي أزل مرة انتشيت بنفس مستوى الانتشاء الوصلني ليها وردي طبعا بتختلف أدوات التوصيل
Post: #71 Title: Re: بهدوء ---- أفراح عصام Author: حمد عبد الغفار عمر Date: 12-09-2017, 06:56 PM Parent: #70
مولانا المرتضى انا عارف الكلام الزي دا ما بعجبك لكن شوف ناس وردي ديل غناهم قسمين قسم أصلا ما معمول لأي زول تاني عشان يغنيهو مثلا جميلة ومستحيلة والحزن القديم ومرحبا يا شوق ومن غير ميعاد وخاف من الله وبناديها ومافي داعي الخ وانا أي زول يحاول يغني الاغنيات من الشاكلة أعلاه ما بسمعو اصلا عشان اقيموا لأنو النتيجة معروفة سلفاالقسم التاني ممكن تقول عليهو امتحان قدرات للفنانين الناشئين زي ناس نور العين وبيني وبينك والأيام وجربت هواهم الخ الفنان البأدي ديل بنسبة 80 % من أداء وردي ممكن تختو في اعتبارك .أها بتنا الحلييونة دي
قسما عظما ما بعرفها إلا هنا بس وكنت متمني صورة ليها سألت المدام بي فوق فوق كدة جات واحدة تغني اول امس قلت ليها دحين مالها افراح دي اتغيرت كدة نظرت لي شذرا وتوجسا دي مكارم كل ما تغني تقول لي البت دى غناية اقول ليك دي مكارم يعني ما افراح اجي يا راجل افراح شنو !! مكاااااارم قربت اقول ليها اسمح هي ولا مكارم لكن ثبت إلي رشدي سريعا لكن يا حمد عزال وليك حق ياخ فيها بودين يشتغل لي موديل 2030 آمنتو بي الله ود القوز ليهو حق الود دة من زمان عزال تقول جزار زحو لي خلي واحد يقول ما بتعرف ياخ دي بتعرف عرفة فراري برة خلي واحد يجي ينظر سبرانو واضانو سمحة سماحة سماحة هناي وسماحة بتاع الله لا تاجرك يا قباني كان قومت علي وجع النوايط
يا أبو حسين كتبت لي حمد دا فوق انه يشوف ليه مرااااقة من البوست دا أها مصداقاً لكلامك انه البوست دا انحرف عن مساره بكرر لي حمدنا دا تاني يشوف ليه مراااقة لأنه شويتين كدا الموضوع دا ما حيكون موضوع صورة وصوت
Quote: يا أبو حسين كتبت لي حمد دا فوق انه يشوف ليه مرااااقة من البوست دا أها مصداقاً لكلامك انه البوست دا انحرف عن مساره بكرر لي حمدنا دا تاني يشوف ليه مراااقة لأنه شويتين كدا الموضوع دا ما حيكون موضوع صورة وصوت Quote: برضو أهو خشا الجنة وضاق تفاحا ...
وزي ما قالوا الجماعة الله لينا الما قرينا
يا عمر انا كنت خايف البوست ينحرف لكن صاحب البوست زااااتو انحرف ..... 😂😂😂😂😂😂😂
اها عفيتك لكن شرطن تبدل لي بي هدية قباني غايتو يوم بتكتلو ليكم زول يومين حابس التلفزيون واتاوق لي انغام ومن لف لفها السؤال في خشمي لكن ملاوز بي الله يومين ما يجيبوها لي !!؟؟ ناس القنوات ديل ببالغو بودين زي دة اقصد صوت زي دة ما حصل يفترض يجيبوها الصباح والعشية ونصة نهار وبالليل بعد الناس ينومو عندها صوت دافئ في الصقط الزيفة دة
انا اخو الانحراف دحين هو البوست عن شنو يا ابوحسين اخوي
Post: #82 Title: Re: بهدوء ---- أفراح عصام Author: حمد عبد الغفار عمر Date: 12-10-2017, 08:19 PM Parent: #78
مرحب يا عمر وأبوحسين
أنا هدفي من البوست معلن في أول ثلاثة مداخلات ولا زلت مُصر عليهو موضوع الصور ما جديد وهي صور مبذولة في الانترنت لو كتبت أفراح عصام وضغط على صور (images) حتلقى كل الصور دا من ناحية تانيا الزولة دي فنانة بتعتمد على كل ما حباه لها الله من صوت وجمال ومظهر حسن للانتشار. ولا أخفي عليكم ما متشجع لإنزال صور خلاف اليوتيوبات البتغني فيها لأني ما متأكد من وقع الشيء دا عليها لو قرت البوست دا هل حتكون مبسوطة ول زعلانة من الأمر لكن أهو المنبر وقاعدين نفترض حسن النية في أنفسنا والآخرين خصوصا كل الناس الهنا ما ناس صغار ومسألة زول يعبر أنها جميلة ما اعتقد حتكون اتقالت لأول مرة أنا مرة سمعت مذيع قدمها قال الفنانة الجميلة أفراح عصام على العموم انا حأرد على كل الناس وما عندي نية اسحب البوست حتى يصل لمبتغاه
وبعدين يا ابوحسين منو البدأ الكلام في موضوع الجمال ومن الأيدو ؟ كدي أرجع فوق
Post: #86 Title: Re: بهدوء ---- أفراح عصام Author: محمد البشرى الخضر Date: 12-11-2017, 05:43 AM Parent: #85
هلا حمدنا اخوك ماليه في الغنا بالحيل كدا لذا لا تعليق لي النصيحة لله جابتني اللعبة الحلوة, حبيت اشيد بروح الحرفنة الفي البلنتات على شاكلة قد المركب و الهدوئين في الـ صموير :)
Post: #87 Title: Re: بهدوء ---- أفراح عصام Author: MOHAMMED ELSHEIKH Date: 12-11-2017, 05:51 AM Parent: #86
يا جماعة أنا جادي في إنو البت دي لو لقت ورشة جيدة مؤهلة إنها تكون فنانة على الأقل بمقاييس الزمن دا ============================================================
ودو إتا أليق من هيثم صم وير ياخ القد التاني مرق من شبكات الناس كلها فكو ياخ وبعدينك يا حمد جني وجن زول ما يفتح الرابط ويشنفو !! ياخ الرابط كانت فيهو افراح عصام قبل ما تخش صيانة البودين العاجبني في العربات الكورية ممكن تشيل البودن كلو وتجيب واحد جديد بدون سمكرة
Post: #89 Title: Re: بهدوء ---- أفراح عصام Author: الحاج حمد الحاج Date: 12-11-2017, 05:58 AM Parent: #88
ما عندها علاقة بالغناء أبدا !!!! و اهو انت قلتها:
Quote: ممكن صوتها ما مميز لكن ماهو شين
الفرصة التي أتيحت لها كان يجب أن تتاح لشاب صوتو مميز و هناك شباب صوتهم مميز جدا ما لقو 10% من الفرص التي اتيحت لها خلال سنوات.
*** هسه في الصورة اللابسة فيها بنفسجي ديك عندها كم قدم كاذب؟
Post: #91 Title: Re: بهدوء ---- أفراح عصام Author: محمد مجيدو Date: 12-11-2017, 08:07 AM Parent: #89
يا حمد .... افراح دي ... خدمتااا الظروف انها تظهر في الميديا .. فهي لا تصلح ان تكون فنانه .... شفت ليك زول تمتاام ... بقى فنان ؟؟؟ كما لا ننسى الكريمات والميك اب الذي اظهرها انها جميله .. لما عرساا احمد المك .. قلت ليو ان شاء الله ما تنفعك ... انا شايف صاحبتاا .. رماز بتغني احسن منها بكتير ...
عاالم بطاالــــــــــــــــة ,,
Post: #92 Title: Re: بهدوء ---- أفراح عصام Author: MOHAMMED ELSHEIKH Date: 12-11-2017, 09:32 AM Parent: #91
اها يا محمد مجيدو باقي ليك نفعتو؟؟ ولا ربنا استجاب لدعوتك؟
عالم كويسة
Post: #93 Title: Re: بهدوء ---- أفراح عصام Author: حيدر حسن ميرغني Date: 12-11-2017, 11:18 AM Parent: #92
Post: #100 Title: Re: بهدوء ---- أفراح عصام Author: حمد عبد الغفار عمر Date: 12-11-2017, 05:48 PM Parent: #99
قسم الفضيل هلا بيك
قدر ما نشتل ال"أفراح" ..
كلمهم ياخ قول ليهم دعو الأزهار تنمو
Post: #101 Title: Re: بهدوء ---- أفراح عصام Author: حمد عبد الغفار عمر Date: 12-11-2017, 07:13 PM Parent: #100
كيفك يا مستنير
قبل مدة حضرت ليها حفلة فرح بمدني، ناس مدني الشماشة فضحونا بالسلفي معاها والعريس والعروس رقصوا من غير زحمة
السلفي مع أفراح الشعب دي بشغلك شهرين في الفيسبوك
تعرف حكاية العريس والعروس رقصوا بدون زحمة مرة كمال ترباس قال لازم الفنان يكون لابس ووجيه أكتر من العريس عشان ما يفقد شعبيتو
لعّاب ترباس دا
بس افراح دي فيها حماس للغناء أكثر من فاطمة عمر بتغني بي هوشة
Post: #102 Title: Re: بهدوء ---- أفراح عصام Author: حمد عبد الغفار عمر Date: 12-11-2017, 07:20 PM Parent: #101
هلا عمر الفاروق عبدالله
السقط جننكم بالذات مع الفلاش باك غنا شنو ياخ في السقط ده
يا عمر انا متأكد لو جاتك افراح دي زمنك الفي التلفزيون كان احتضنتها بكل رفق وقدمتها للمستمعين صدق عايزة تأني ومساعدة من زول متمكن صوت سوف تكتسح البلد
Post: #103 Title: Re: بهدوء ---- أفراح عصام Author: حمد عبد الغفار عمر Date: 12-11-2017, 07:23 PM Parent: #102
عمر أبو عاقلة كيفك
موضوع السماحة جلّا
انتو بتشوفوا كيف وبي شنو كدي ورونا نشوف معاكم
Post: #105 Title: Re: بهدوء ---- أفراح عصام Author: حمد عبد الغفار عمر Date: 12-11-2017, 07:33 PM Parent: #103
هلا بيك يا درديري
أفراح عصام من بداية مسيرتها مع نجوم الغد في عمر ستاشر سنة أو أكثر جاءت موهوبة جدا بصوت فريد وكانت تنال تشجيع المحكمين والجمهور حتى وصلت النجومية وبعدها خضعت على ما يبدو لمدربين غير جيدين.
مقاربتك دي ممتازة جدا وتصلح ديباجة للتعامل مع المواهب في كل المجالات انا دائما مع ترك الموهوب ينطلق بدون وضعو في قوالب أو تحديد مسارو فقط قليل من التوجيهات في مسائل الصوت والاختيار (للفنانين) ودي كانت واضحة عند الملحنين زمان ناس بشير عباس وودالحاوي وجمعة جابر والمنصوري وكسلاوي وعمر الشاعر كانوا بشوفوا الفنان شنو وطموحوا وامكانياتو شنو وبألفوا ليهو الألحان البتناسبو موش الفي رأسهم هم وبيتدرجوا معاه مستوى إثر مستوى
ودي ممكن تلاحظها عند بشير عباس مع البلابل بدأ باغاني خفيفة وارتقى بهن لحدي رجعنالك
Post: #104 Title: Re: بهدوء ---- أفراح عصام Author: محمد على طه الملك Date: 12-11-2017, 07:27 PM Parent: #100
غايتو يا حمد اتلملموا وجوك .. تعيش وتاخد غيرا.. كلو من ابو حسين دا .. لكين جيب اضانك كلهم مرضرضين.. ما شايف الجاك يتمتم اللحو .. واللندفن واتمرمغ في اللون السابع .. والقعد يقابض في روحو .. والقال ليك ما فارز بين المكارم والأفراح .. بس بيني وبنك البنية منجضه الخمسين في المية الباقي توفيق .. اشهد ليك انت حريف ولعاب.
Post: #106 Title: Re: بهدوء ---- أفراح عصام Author: حمد عبد الغفار عمر Date: 12-11-2017, 07:44 PM Parent: #104
د. محمد حسن
وينك يا مؤمن يا مصدق
البت ناجوضة
ناجوضة الشوية دي ، تبكي بس
Post: #107 Title: Re: بهدوء ---- أفراح عصام Author: حمد عبد الغفار عمر Date: 12-11-2017, 07:52 PM Parent: #106
والله انتا يا عثمان موسى الزول الوحيد الما اتوقعت منك الكلام دا
ياخ تذكر بوست شارابوفا خليت التنس بعيد وقيمتها من ناحية سايكلوجية وقعها على المشاهدين واللاعبة المنافسة
Post: #108 Title: Re: بهدوء ---- أفراح عصام Author: حمد عبد الغفار عمر Date: 12-11-2017, 08:09 PM Parent: #107
مرحبا يحيى قباني
غايتو صورتك دي عملت أوفر لود في فيوزات الجماعة وكهربتهم لطشت (حي أنا)
في فترة ارتباطهم كأسرة ... انا بفتكر ليهو الدور الأكبر في فرض افراح على الساحة الفنية ...
حسب اعتقادي إنو المرحلة دي كانت سبب تراجع أفراح لأنها اعتمدت على أحمد المك كملحن أوحد ليها وبسبب الانفصال المؤسف لقت نفسها في مفترق طرق وعليها البدء من أول معتمدة على نفسها وصعوبة ذلك لفنانة ناشئة
Quote: غايتو يا حمد اتلملموا وجوك .. تعيش وتاخد غيرا.. كلو من ابو حسين دا .. لكين جيب اضانك كلهم مرضرضين.. ما شايف الجاك يتمتم اللحو .. واللندفن واتمرمغ في اللون السابع .. والقعد يقابض في روحو .. والقال ليك ما فارز بين المكارم والأفراح .. بس بيني وبنك البنية منجضه الخمسين في المية الباقي توفيق .. اشهد ليك انت حريف ولعاب.
و انت جيت حكم و ل شنو ...؟؟؟ و ل جابك البنفسجي ...😂😂😂😂 نحن مشكلتنا ناس واضحين و دغريين كعبين البجو باللفة و ديل خطرين ... 😂😂😂 غايتو صاحبكم حفيظ الحقوه قبل ما تفقدوه على قول الكنزي .... شايفو يتمردغ في التراب و شغال حي وب حي وب .... 😂😂😂😂😂😂😂
Post: #110 Title: Re: بهدوء ---- أفراح عصام Author: محمد على طه الملك Date: 12-11-2017, 10:13 PM Parent: #109
ههههههه .. واضحين الساكت دي .. ما فضل إلا تبخو برفانات وتنزلو الصور.
غايتو ياحمد بوستاتك بقت غالباً تنجرف من موضوعها .. نرجع للموضوع .. فى رأيى أن هذه الشابة بتعانى معاناة الولادة حينما تغنى .. هى وعاصم البنا عندهم صرة وجه أثناء الأغنية تكرهك الغنا زاتو .. انت كمستمع ومشاهد تحس بالعنت من شدة صرة الوجه ــ رغم أن عاصم البنا صرته معاها ابتسامة ــ .. ربما هى بتؤدى المقاطع بميلودية سليمة ومتقنة لكن إنشراح الوجه وإنبساطه مهم لراحة المشاهد .. قارن ذلك بمنار صديق ذات الوجه الريلاكس .. بعدين أنا شفتها زمان فى برنامج أيام تحرير هجليج وفى اليوتيوب إسمه أفراح هجليج وكانت مشاركة فيهومع زمرة من الفنانين اللابسين عسكرى ــ يكون البرنامج زاتو مسمينه عليها حيث لفت نظرى الآن إسم أفراح هجليج .. المهم أنها فى الحلقة ديك غنت الفينا مشهودة .. ولكنها ظلت تردد بدون تركيز: بنخون الأمانة السيدها أمننا وو.....
لكين من ناحية سمحة؟ سمحة، بس تخلى الحاجبين على طبيعتها وتسيب التنميص المبالغ فيهو🙄..
مش قالوا يا هيثم النظر يصلح للدفاع عن الوطن ولا نحن حقنا شين يعني نحن ناس الفن ديل عندنا مصطلحاتنا برانا امشي اترزع مع فاضلابي في الكنبة الاخيرة وما تقعدو علي الشباك عشان تزوغو خليكم قاعدين نعلمكم الفنيات
ومن هذا البوست الباحث يتضح أننا شعب يحتفي بحلاوة النجاح ولا يعبأ بنجاح الحلاوة نموذج الأولى نانسي ومزاهر ونموذج الثانية أفراح ولوشي
Post: #120 Title: Re: بهدوء ---- أفراح عصام Author: حمد عبد الغفار عمر Date: 12-12-2017, 07:52 PM Parent: #119
كيفك يا طلحة
سماحة جمل الطين زيها والقاعدات يقدن التلفزيون ومووشاهدوهو اللعزاء ..
أنا غايتو شايفها أفضل من نانسي زولتك على الأقل ما بتلولو خشمها
Post: #121 Title: Re: بهدوء ---- أفراح عصام Author: عمر الفاروق عبد الله الشيخ Date: 12-13-2017, 11:55 AM Parent: #120
اخوي حمد اعتقد في كوبليهات دويتو مع محمد الجزار احسن توظيف هذا الصوت الي حد ما بهدوء برضه
Post: #122 Title: Re: بهدوء ---- أفراح عصام Author: حمد عبد الغفار عمر Date: 12-13-2017, 05:55 PM Parent: #121
هيثم الغالي
من ناحية غناء .. ما غناية ولا شتين ومن ناحية سماحة .. لا سمحة ولا شي
في الغناء ولا شتين في السماحة مالو بقى ولا شيء واحد
الأولى بنمشيها ليك
لكن التانية خالفتا فيها احماع فقهاء الجمال
Post: #123 Title: Re: بهدوء ---- أفراح عصام Author: حمد عبد الغفار عمر Date: 12-13-2017, 06:03 PM Parent: #122
ود البشرى
اخوك ماليه في الغنا بالحيل كدا لذا لا تعليق لي
خلينا الغناء
السماحة دي ما بتعرفا؟
Post: #124 Title: Re: بهدوء ---- أفراح عصام Author: حمد عبد الغفار عمر Date: 12-13-2017, 06:30 PM Parent: #123
مرحب محمد الشيخ
انا معاك يا حمد بتعرف تغني.
جميل جدا أهو لسه الدنيا بخير
فهيم صوتا ما عاجبني
Post: #125 Title: Re: بهدوء ---- أفراح عصام Author: حمد عبد الغفار عمر Date: 12-13-2017, 06:39 PM Parent: #124
هلا الحاج حمد
الفرصة التي أتيحت لها كان يجب أن تتاح لشاب صوتو مميز و هناك شباب صوتهم مميز جدا ما لقو 10% من الفرص التي اتيحت لها خلال سنوات.
لقوا يا الحاج وآخرهم مامون سوار الدهب لما سمعناه قلنا دا ياهو مجدد الغناء أهو في النهاية بقى بتاع عدادات
كدي أصبروا ليها شوية
Post: #126 Title: Re: بهدوء ---- أفراح عصام Author: حمد عبد الغفار عمر Date: 12-13-2017, 06:51 PM Parent: #125
تبلدي سلام
تونا مافي لكن هاك البدايات
Post: #127 Title: Re: بهدوء ---- أفراح عصام Author: حمد عبد الغفار عمر Date: 12-13-2017, 06:55 PM Parent: #126
شنو يا مجيدو
شفت ليك زول تمتاام ... بقى فنان ؟؟؟
اتغيرتا ولا جابو ليك
رمازصوتها كويس لحد ما بس الأداء بتاعها فيهو ميكانيكية
أفراح بتأدي بروح وثّابة
Post: #128 Title: Re: بهدوء ---- أفراح عصام Author: حمد عبد الغفار عمر Date: 12-13-2017, 06:58 PM Parent: #127
الحنين حيدر
شايف في وغد طلب لها عضوية وبكري وافق
يسمع منك ربنا
وبعدين هي ذاتا اعتقد من نواحي الحلفايا بلد الكمرد بكري أبوبكر
يعني مفروض بكري يرسل ليها العضوية مع أي واحد نازل يسلمها باليد
كدي حاول يا بكري
Post: #129 Title: Re: بهدوء ---- أفراح عصام Author: حمد عبد الغفار عمر Date: 12-13-2017, 07:00 PM Parent: #128
ود المدير مالك معاها
يا حمد لبد يبدو إنها عندها شِي كِدا يكاد يكون قريب من الغُنا،
ياخ يكفي إنها خلت أبو حسين يكبشر لنفسو في ظاهرة هي الأولى من نوعها في منبر سودانيز
Post: #130 Title: Re: بهدوء ---- أفراح عصام Author: حمد عبد الغفار عمر Date: 12-14-2017, 08:43 PM Parent: #129
مولانا الملك كيفك
بس بيني وبنك البنية منجضه الخمسين في المية الباقي توفيق ..
الفنان/ة الجماهيري لابد من وجود هبه من الله مجسدة فيهو جمال شكل ، جمال صوت، مقدرة على خلق تواصل جيد بينو وبين الجمهور
جمال أفراح كان حجر الزاوية في ظهورها جماهيريا ، كان ممكن تحلق بجناحين كفنانة شباب لكن السودان النجاح المطلق عايز حظ كبير
Post: #131 Title: Re: بهدوء ---- أفراح عصام Author: حمد عبد الغفار عمر Date: 12-14-2017, 08:44 PM Parent: #129
مولانا الملك كيفك
بس بيني وبنك البنية منجضه الخمسين في المية الباقي توفيق ..
الفنان/ة الجماهيري لابد من وجود هبه من الله مجسدة فيهو جمال شكل ، جمال صوت، مقدرة على خلق تواصل جيد بينو وبين الجمهور
جمال أفراح كان حجر الزاوية في ظهورها جماهيريا ، كان ممكن تحلق بجناحين كفنانة شباب لكن السودان النجاح المطلق عايز حظ كبير
Post: #132 Title: Re: بهدوء ---- أفراح عصام Author: حمد عبد الغفار عمر Date: 12-14-2017, 08:56 PM Parent: #131
هلا منير
غايتو ياحمد بوستاتك بقت غالباً تنجرف من موضوعها .. نرجع للموضوع .. فى رأيى أن هذه الشابة بتعانى معاناة الولادة حينما تغنى .. هى وعاصم البنا عندهم صرة وجه أثناء الأغنية تكرهك الغنا زاتو .. انت كمستمع ومشاهد تحس بالعنت من شدة صرة الوجه ــ رغم أن عاصم البنا صرته معاها ابتسامة ــ ..
كنت متوقع البوست يمشي في اتجاه الجمال بدلا عن الغناء خصوصا انا كتبتو يوم الخميس وهو ظاهرو أفراح وباطنو كنت عايز أعرف معايير مختلف الناس لتقييم أداء فنان ما
المهم كويس إنك أمنت على الأداء السليم ليها، أما صرة الوش دي بسبب صغر السن والتعبير التلقائي عن الحزن في الأغاني بدون ما يتم تصنيفوا لمراحل يتم التعبير عنها بشكل مختلف لكن بالخبرة حتتخلص منو
مثلا تلقى ناس بغمضوا اثناء الغناء شوية شوية بتلقى المسألة اتلاشت عندهم
Post: #133 Title: Re: بهدوء ---- أفراح عصام Author: حيدر حسن ميرغني Date: 12-15-2017, 10:38 AM Parent: #132
=
Post: #134 Title: Re: بهدوء ---- أفراح عصام Author: حمد عبد الغفار عمر Date: 12-15-2017, 10:50 AM Parent: #133
كيفك يا حنين
طيب لو مسكتو مثال الدويتو الجابو عمر الفاروق فوق طبعا أفضل تقييم لصوت غنائي بتم لما يكون سماع بدون ما تشوف لغة الجسد اثناء الغناء الغناء المصور سلاح ذو حدين لما تتركه لغة الجسد من انطباع قد يكون في صالح/ ضرر المغني
انا اعتقد صوت أفراح في الدويتو جيد (برغم وجود مؤثرات)