يعني حضن بي اقل من دولار بالضبط بساوي اليوم 0.036 دولار
Post: #2 Title: Re: أحضن ب 1 جنية سوداني Author: عبدالحفيظ ابوسن Date: 12-06-2017, 07:30 AM Parent: #1
حسب ما شفت وقريت في المواقع هي حملها يقودها بنات و اولاد تحت شعار شتاء دافئ تعجبك بت تدفع جنية وتحضن بت يعجبها ولد تدفع جنية وتحضن في الخرطوم الكلام دة
Post: #3 Title: Re: أحضن ب 1 جنية سوداني Author: عبدالحفيظ ابوسن Date: 12-06-2017, 07:44 AM Parent: #2
في صورة لافة من ناحية دينية الامر محسوم طبعا نناقش الامر دون التطرق للدين . الفكرة دي اظنها من امريكا وليها سنوات . وفي امريكا قبلة اظن الشباب بدوا بالاسهل بالنسبة ليهم العولمة العولمة ليست اقتصاد بس
Post: #5 Title: Re: أحضن ب 1 جنية سوداني Author: عبدالحفيظ ابوسن Date: 12-06-2017, 07:46 AM Parent: #3
الصورة ما جبتها ممكن تكون فوتوشوب وغير كدة هي تعدي علي حريات الآخرين اتمني أن لا يأتي بها احدهم هنا
Post: #4 Title: Re: أحضن ب 1 جنية سوداني Author: حيدر حسن ميرغني Date: 12-06-2017, 07:45 AM Parent: #2
نسأل الله السلامة بقينا نستورد اقبح ما توصلت اليه المجتمعات (البايظة) سبق ان إطلعت على خبر مماثل في احد صحف دولة عربية ( اشارت الى انها ظاهرة غربية) لكن اعتقد ان الغرب نفسه لم يصل لهذه المرحلة المرضية
Post: #6 Title: Re: أحضن ب 1 جنية سوداني Author: عبدالحفيظ ابوسن Date: 12-06-2017, 07:50 AM Parent: #4
الغرب عندو يا حيدر وبنفس الطريقة لكنها قبل .. بوس 😘😘😘 والعائد يذهب لعمل خيري محدد سلفا يعني جمع تبرعات الشباب ديل قالوا سيعود المبلغ للاعمال الخيرية
Post: #7 Title: Re: أحضن ب 1 جنية سوداني Author: أحمد محمد عمر Date: 12-06-2017, 08:30 AM Parent: #6
ما تجيب حاجة
الموضوع دة قديم ومفهوم غلط ما عندي يوتيوب في الشغل لما ارجع البيت بديك الزيت
Post: #8 Title: Re: أحضن ب 1 جنية سوداني Author: أحمد الشايقي Date: 12-06-2017, 08:38 AM Parent: #7
هلا ود اب سن
أنا بصراحة عايز واحـد من الجماعة اياهم يورينا كلنا هنا
المشروع الحضاري دا مودينا ويييييين ؟؟؟
Post: #9 Title: Re: أحضن ب 1 جنية سوداني Author: عبدالحفيظ ابوسن Date: 12-06-2017, 08:57 AM Parent: #8
اووو معلم ظني الصورة فوتو شوب وظني فيها مداعبة سخيفة او مقلب او انتقام او او ولكنها ليست كذلك اقصد ليس كما ظنها الناس حقيقة الواقع السوداني مختلف جدا . مختلف من حيث الملامسة امام الناس . حتي بين الازواج فقط اردت نقاش الامر نقاشه حتي من جانب رؤية من فبركه تشكر احمد
Post: #10 Title: Re: أحضن ب 1 جنية سوداني Author: عبدالحفيظ ابوسن Date: 12-06-2017, 09:01 AM Parent: #9
قادنا نحو ما تراه يالشايقي تطرف علي طرفي نقيض تطرف من الجهتين صرنا جزرا معزولة .. كذئاب كل يبحث عن مصلحته الشخصية المحضة دوني والطوفان نفسي .. نفسي ولكن لازالت جذوة سودانيتنا متقدة في كثير منا رغم محاولتهم لما اسموه تأصيل المواطن ولا إعادة صياغته ولا المشروع الايه ما عارف
Post: #11 Title: Re: أحضن ب 1 جنية سوداني Author: أحمد محمد عمر Date: 12-06-2017, 09:21 AM Parent: #10
الكلام دة كان في 2015 غايتو حاولت اجازف رابط الفيديو .. أكان طلع ما ياهو وجاء بدله واحد تاني بطريقتك
Post: #12 Title: Re: أحضن ب 1 جنية سوداني Author: Osman Mahmoud Date: 12-06-2017, 10:03 AM Parent: #1
اذا كان بي طيب خاطر وبرائة ومحبة ومحنة دي اشياء كويسة ..
---------------------------------- خلو ليهم خياراتهم .. لو حكيتو معاهم الموضوع .. بيمشو لي قدام.
.
Post: #13 Title: Re: أحضن ب 1 جنية سوداني Author: محمد حيدر المشرف Date: 12-06-2017, 10:27 AM Parent: #1
مع التضخم الحاصل ده لمن نمشي الاجازة السودان تكون الحضنه حصلت 10 جنيه :(
Post: #14 Title: Re: أحضن ب 1 جنية سوداني Author: احمد الشيخ Date: 12-06-2017, 10:37 AM Parent: #13
يعني نخليها اديس؟
Post: #15 Title: Re: أحضن ب 1 جنية سوداني Author: عبداللطيف حسن علي Date: 12-06-2017, 10:38 AM Parent: #13
ممكن يا حفيظ توضح طبيعة الحضة ومدتها؟
Post: #16 Title: Re: أحضن ب 1 جنية سوداني Author: يحي قباني Date: 12-06-2017, 10:44 AM Parent: #15
يا صاحب ...
و الله لا في أمريكا لا في كندا ما شفنا كلام زي ده ...
هو يوم واحد في السنة الناس بتتحاضن ... يوم 21 يناير من كل سنة ...
و بدون مقابل ...
بعدين الناس في السودان كانت بتحضن بي ريال زمن عمك ( سمح ) ...
و بعداك حضنت بي طرادة ...
وين المشكلة ؟
Post: #17 Title: Re: أحضن ب 1 جنية سوداني Author: محمد حيدر المشرف Date: 12-06-2017, 10:51 AM Parent: #16
يا يحى ليست كل الذي يُعرف يقال .. هسع في داعي تصحح معلومة انو الحضن السنه كلها ؟!!!
Post: #18 Title: Re: أحضن ب 1 جنية سوداني Author: عبدالحفيظ ابوسن Date: 12-06-2017, 11:05 AM Parent: #17
تشكروا عثمان احمد الشيخ مشرف عبداللطيف قباني بجيكم تب المغتي والمفروش برة والعاملين حرفا
Post: #19 Title: Re: أحضن ب 1 جنية سوداني Author: يحي قباني Date: 12-06-2017, 11:16 AM Parent: #18
انت زعلت يا عمو ؟
يعني كنا نعمل نايمين !!!
Post: #20 Title: Re: أحضن ب 1 جنية سوداني Author: يحي قباني Date: 12-06-2017, 11:19 AM Parent: #19
Quote: يا يحى ليست كل الذي يُعرف يقال .. هسع في داعي تصحح معلومة انو الحضن السنه كلها ؟!!!
Post: #21 Title: Re: أحضن ب 1 جنية سوداني Author: Asim Ali Date: 12-06-2017, 01:33 PM Parent: #20
اب سن وضيوفو - سلام عليكم *مامستبعد يكون فى مجموعه شباب اعادوا تدوير الفكره حتى يكون حضن جد.وبالمناسبه فى الجامعات حكايه السلام بالحضن دى بقت عاديه عند كثير من الشباب من غير مايتحرجو ( انا بنقل واقع لاحظتو بصوره متكرره ...). * اظن بحاولو يقلدو حكايه كشك القبلات فى الحفلات الخيريه فى امريكا. *الشباب بقى تايه داير يعمل اى حاجه من غير مرجعيه اعراف وتفاليد او ثقافه او دين وعندكم قصه مهرجان الالوان اللى كان مفروض يتعمل فى الساحه الخضرا واتمنع ...(بغض النظر ان النظام منعو خوفا من نجاح دعوه لتجمع شبابى ومنعو لسبب امنى ودا الغالب او احتمال صغير لسبب دينى) ...انا متاكد انو الشباب اللى كانو قايمين بيهو ماعارفين انو جزء من احتفالات دينيه لواحده من الديانات الهنديه