Post: #2
Title: Re: المنبر دة كيف كيف
Author: عبدالحفيظ ابوسن
Date: 11-29-2017, 07:29 AM
Parent: #1
مزاجيا وليس تقنيا
لذا لزم التنويه
|
Post: #3
Title: Re: المنبر دة كيف كيف
Author: جمال ود القوز
Date: 11-29-2017, 08:59 AM
فعلا يا حفيظ ..
قلت المواضيع التي تحفّز على الكتابة ..
انا من القى واجهة مواضيع المنبر ما ياها ..
طوالي ببقى مارق وبكسب زمني ..
|
Post: #4
Title: Re: المنبر دة كيف كيف
Author: حيدر حسن ميرغني
Date: 11-29-2017, 09:12 AM
Parent: #3
ابدأ يومك بقراءة بوستات الناس الجميلين ( اصلا ما في ناس شينين - الشين كتاباتهم)
|
Post: #5
Title: Re: المنبر دة كيف كيف
Author: حيدر حسن ميرغني
Date: 11-29-2017, 09:17 AM
Parent: #4
يعني من تلقى المستنير فاتح بوست
اعرف انه مدفوع لذلك دفعا عشان يجمَل سطح المنبر
عشان يفتح نفس ناس امثالك للمتاوقة
|
Post: #6
Title: Re: المنبر دة كيف كيف
Author: عبدالحفيظ ابوسن
Date: 11-29-2017, 11:08 AM
Parent: #5
صدقت جمال
العريس من بشتو
تصدق كم يوم ما اظن تجاوزت العناوين
|
Post: #7
Title: Re: المنبر دة كيف كيف
Author: Frankly
Date: 11-29-2017, 11:27 AM
Parent: #1
فعلاً يا عبد الحفيظ تصدرت المنبر عناوين الشبق الإنحلال الدعارة الجنس النكاح
تصلي على النبي وتتخارج
|
Post: #8
Title: Re: المنبر دة كيف كيف
Author: Khalid Saeed
Date: 11-29-2017, 12:16 PM
Parent: #7
تحياتي أخي الحبيب ابوسن
ومن الذي بيده تجميل المنبر العام
الأعضاء انفسهم ام شخص آخر ؟
ذي ماقالو المكان بالناس
كذلك المنبر بالناس
في جلسة جميلة مع بورداب الخرطوم سنة 2013 دار نقاش جميل عن حال المنبر ..
الجميع يتمنى ان يكون المنبر يعبر عنهم وعن مايحملون من فكر وقضايا
وطرح .. علما أن التيغيير ونشر الوعي يحتاج الى نفس طووووووووووووويل . ونوافذ مفتوحة للحوار والنقاش ..
من خلال بوستك هذا اخي الحبيب ابوسن .. ادعوك وكل الكتاب الى الكتابة الجميلة
وان يتسع المنبر لي كل الأبداع ، ولي كل الحوارات سوى سياسية ، ثقافية .. اجتماعية رياضية ..
حتى الونسة لاتعيب المنبر بشئ ، فهي نوع من التواصل ، وربما التثقيف ايضا ونشر الوعي .
تحياتي لك ولي كل ضيوفك الكرام
أخوك الأرباب
|
Post: #9
Title: Re: المنبر دة كيف كيف
Author: الصادق عبدالله الحسن
Date: 11-29-2017, 12:31 PM
Parent: #8
= | Quote: الواحد غالبو يقرأ .. ولا يكتب .. |
لا أحد ينتظرك أن تقرأ
بل أن تكتب وتكتب وتكتب، بلا كلل ولا امتعاض أو ملل.
خصوصاً وأن ظاهرة المد والجزر التي تعتري المنبر ليست جديدة بل هي شكوى متكررة ومزمنة، ومرض لا علاج له ولا شفاء منه إلا الكتابة.
وكما ذكر الأرباب خالد فإن فعل الكتابة (كتابتك أنت تحديداً يا حفيظ) سوف يعدل كيفه وكيفنا وكيفك، ويُتم مزاجه ومزاجنا ومزاجك، ويُسعد كل جمهور المنبر (أعضاء ومتابعين).
فأنت من الكتاب الجادين أصحاب المواقف الذين لا يلوذون بالصمت في وجه الديكتاتور وزبانيته ومطبليه، وأنت أحد الذين يتوهجون ليضيفوا إلى المنبر أهميته، ويكسونه هيبته، ويضفوا إليه قيمته، وأنت ممن لا ينشغلون بهوامش الأمور وتوافه الأشياء، كما يُشهد لك أنك أحد المبدعين الموهبين والمحبوبين الجميلين.Quote: ومن الذي بيده تجميل المنبر العام
الأعضاء انفسهم ام شخص آخر ؟ |
وهذه شهادة للأخوين الحنين حيدر والأرباب خالد تقول أنك ممن يفتحون نفس الآخرين للمتاوقة والالتصاق بشاشة سودانيزاونلاين.
فكن رفيقاً بنا و"مستنيراً" وأكرمنا بتواجدك الدائم بيننا وبإشعال المزيد من الحرائق في المنبر ليزداد توهجاً من ضياء حروفك ومن شموع بوستاتك.
غالبيتنا نترقب حروفك الناضجة كترقب البعض لحواف زلابية السابعة صباحاً التي كان يقرمشها ود المرتضى.
والتي لا تنافس طعامتها إلا طعمية ليالي أمدرمان المُقمرة في أفناء عبدالله خليل والسيد المكي، والتي تذوقنا لسعتها و"شمارها" وشممنا زكاء رائحتها تعبق في بوستات القباني.
التحية لك وضيوفك ولكل الجميلين
...
..
.
|
Post: #10
Title: Re: المنبر دة كيف كيف
Author: امتثال عبدالله
Date: 11-29-2017, 01:27 PM
Parent: #9
اذا عاد أمثال تبارك شيخ الدين ( المهم) وعواطف إدريس ومحمد احمد الريح البروفيسور إبراهيم وخالد العبيد وواصل شعراء المنبر عبد الإله زمراوي وفضيلي جماع و د. معتز نثر الروائع فربما تجمل المنبر بكل ما هو جميل...ونسيت اسلم عليك يا ود ابو سن ...كيفك ياخي ..وانت كمان واصل ...
مع وافر تقديري
|
Post: #11
Title: Re: المنبر دة كيف كيف
Author: عبدالحفيظ ابوسن
Date: 11-29-2017, 03:11 PM
Parent: #10
تسلم حيدر
وكتر خيرك
بكري دة مرات بقول طالعوني الخلا عديل ياخ
بقا اقعد للناس مرات في الشارع ويحبس الدرب
|
Post: #12
Title: Re: المنبر دة كيف كيف
Author: عبدالحفيظ ابوسن
Date: 11-29-2017, 09:38 PM
Parent: #11
مرحبا كمال
تشكر
غايتو ربنا يحسن العمل
|
Post: #13
Title: Re: المنبر دة كيف كيف
Author: عبدالحفيظ ابوسن
Date: 11-30-2017, 05:42 AM
Parent: #12
مرحبا الارباب
وحبابك
لا خلاف في قولك فالدار تزدان بأهلها
ليكتب الانسان يحتاج لأن يقرأ
يقرأ كثيرا
فالكتابة مهارة عقلية تحتاج للتعليم والمران ويأتي ذلك بالقراءة
و
مزاج
ف مرات بتكون داير تقرأ بس .. تستفيد ولا تمتع نفسك
|
Post: #14
Title: Re: المنبر دة كيف كيف
Author: عبدالحفيظ ابوسن
Date: 11-30-2017, 03:13 PM
Parent: #13
كتر خيرك الصادق لمطايبتك
وحسن ظنك بي
الله يكرمك
|
Post: #15
Title: Re: المنبر دة كيف كيف
Author: ابو جهينة
Date: 11-30-2017, 10:16 PM
Parent: #14
سلام أبو سن
مزاجيا فعلا
|
Post: #16
Title: Re: المنبر دة كيف كيف
Author: عبدالحفيظ ابوسن
Date: 12-01-2017, 04:32 AM
Parent: #15
ومعك اتمني يا امتثال
ان تعود الاقلام الغائبة
وان نبعد نحن من نواصل البعد عن اسلوب
سك سك
|
Post: #17
Title: Re: المنبر دة كيف كيف
Author: حمد عبد الغفار عمر
Date: 12-01-2017, 09:21 AM
Parent: #16
كيفك يا أبو سن
والله أنا قايل براي
حال المنبر زي منطقة مرتفعة الرطوبة وكاتمة تحس جسمك صمغ صمغ
ممكن جو اليومين المتغير دا ضاغط على المزاج بشكل عام
وما تنسى الدنيا كانت آخر شهر والفلسكاب
|
Post: #18
Title: Re: المنبر دة كيف كيف
Author: عبدالحفيظ ابوسن
Date: 12-01-2017, 03:32 PM
Parent: #17
حبابك ابوجهينة
مش كدة بي الله
نقص الكيف
ولا خرب عديل
|
Post: #19
Title: Re: المنبر دة كيف كيف
Author: عبدالحفيظ ابوسن
Date: 12-01-2017, 06:00 PM
Parent: #18
صحي يا حمد الذي ما لبد
في تعسيمة جد
|
Post: #20
Title: Re: المنبر دة كيف كيف
Author: عبدالحفيظ ابوسن
Date: 12-03-2017, 07:37 AM
Parent: #19
قدر ما سجيت ولجيت فيهو
ابا لي
ابو لي
اللبن ابو لي بي
|
Post: #21
Title: Re: المنبر دة كيف كيف
Author: عبدالحفيظ ابوسن
Date: 12-04-2017, 03:22 AM
Parent: #20
باءت كل محاولات اختراق جدار الاحجام المزاجي
رغم ان التداعيات وارهاصات الاحداث تحدثنا ان شيئا ما سيحدث
ظنا تكاد تلمسه لمس اليد
اكاد اصطدم به في مسيري
ولكن عاجز عن خط حرف واحد
تنظر للمنبر وتراه يفارق خط هموم الوطن في لحظته التاريخية هذه
هذا وفقا لما أراه
قيل
المزاج لا يناقش
ولكن اظن له اسبابه الموضوعية التي لو نظرنا عميقا داخلنا لرأيناها
|
Post: #22
Title: Re: المنبر دة كيف كيف
Author: عبدالحفيظ ابوسن
Date: 12-04-2017, 03:32 AM
Parent: #21
لا اقصد تلك المواضيع الثورية الهتافية ابدا
تلك المواضيع التي كفقاعة صابونة تتلاشي بمجرد خروجها لتفرقع دون صوت في الهواء ودون اثر .. لا اثر للصابون ولا الماء .قل وزنها وقل اثرها
ولكن تلك الكتابات المحفزة
تلك الكتابات التي تطرح علينا اسئلة كنا نخشي ان نسألها لأنفسنا
اسئلة تجعلنا نفتح الكتاب من الصفحة من الاولي لنكتشف اننا كنا لا نقرأ بتمعن
|
Post: #23
Title: Re: المنبر دة كيف كيف
Author: Asim Ali
Date: 12-04-2017, 11:40 AM
Parent: #22
ابوسن وضيفه - سلام عليكم
*الناس اعلب طرحها حول الوطن من منطلق استعاده نماذج ناريخيه قديمه من القرن الماضى.ونسوا او تناسو ان نجاحتجارب الديمقراطبه كانت قصيره العمر
تتبعها فتره ظلام اطول من سابقتها.
مع تقدم الزمن والتطور وصراعات دوليه واقليميه الذى اختلفت اقطابه عن القرن الماضى وادواته ) تشكل حضور كثيف من خلال ازمه الوطن.
التاس تعالج تستدعى فكره تغيير على شكل اكتوبر او ابريل دون التفكير فى (كيف ؟) حفاظا على دماء المواطن وتماسك جس الوطن خلال التغيير.
سؤال اخر هو (ماذا بعد التغيير ؟) اتفاق القوى السياسيه وحتى المسلحه على برنامج الحد الادنى لاداره دفه الدوله وتضميد الجراح واعاده تاهيلها
دون معاناه صراعات تاخير حول سوء نيه او حسن نيهاو صراع حول الكراسى فى مرحله الشرعيه الثوريه والانتقال.
انا اسهبت وتقريبا خرجت عن موضوع البوست . لكن لاوضح انو اعلب من يكتب عن القضيه الوطنيه فى ذهنه قيام ثوره وانتفاضه (اكتوبريه او ابريليه او ربيعيه)
دون ان يحسب نفسه فى المواجهه وخط النار ودونك من اتهم المواطن بالداخل انه سبب البلاء عبر استخدام مقطع من مقال علاء الاسوانى.
اذن هناك من يكتب وينتظر قيام الثوره والتغيير وهو يجى على الجاهز ليقطف ثمارها.
*حاجه تانيه لاحظت (كتير) انو مايكتب فى المنبر (كما فى الوسائط الاخرى ) صدى واعاده تدوير لاخبار واشاعات الفيس بوك والواتساب فى الشان الداخلى
وخاصه الاخبار المضروبه وكتير باشوف زى النوع دا لكن باسكت لانو الناس دايره تصدق دون تحرى ويصبحمغضوب على من ينبه الى ذلك او يدعو الى التحرى عن المصداقيه.
.
عذرا عن الاطاله
|
Post: #24
Title: Re: المنبر دة كيف كيف
Author: عبدالحفيظ ابوسن
Date: 12-04-2017, 06:27 PM
Parent: #23
للاسف عاصم معظم ما ذكرته حقيقي
في بعض القضايا تشعل المنابر كلها ولا تهم المواطن البسيط
وتنزوي هموم المواطن الحياتية
الناس دي ما بتطلع عشان قيم انسانية عالية اقلاها في الوقت الراهن . بتطلع عشان قضاياها نفسها .. انعدام الموية .. زيادة الرغيف .. المواصلات
|
Post: #25
Title: Re: المنبر دة كيف كيف
Author: nour tawir
Date: 12-04-2017, 06:47 PM
Parent: #24
يا عبدالحفيظ ...
سيبك من خمة النفس..
و الاكتئاب..
وحتى فرانكلى العايز الحكومة تكتل عيال الناس..
دخل يواسيك..
ويسد نفس المتداخلين زيادة..
أنا عايزاك تدخل فى بوستا لى عن السودان بعد سقوط الانقاذ..
هناك تلقى جرعات من الآمل تقويك..
و رجاءا اقفل صيوان العزا دا..
دا ما وكته..
هسى الناس بتدفر الانقاذ لى برا..
ايدك معانا..
|
Post: #26
Title: Re: المنبر دة كيف كيف
Author: عبدالحفيظ ابوسن
Date: 12-04-2017, 08:04 PM
Parent: #25
تسلمي ستي نور
كتر خيرك
ليس تباكيا بل حسرة
|
|