Post: #1
Title: الغرَّابة حُكَامْ أَلْسُودان..
Author: اسماعيل عبد الله محمد
Date: 11-28-2017, 12:39 PM
11:39 AM November, 28 2017 سودانيز اون لاين
اسماعيل عبد الله محمد-
مكتبتى
رابط مختصر
الذي تولى موضوع جمع السلاح نائب الرئيس حسبو
الذين بيدهم السلاح كردفانيين ودارفوريين
المنفذ للعملية الفريق محمد حمدان - دارفور
الاعلام هذه الايام يدور حديثه حول موسى هلال و حميدتي ,,
الجلابة ناس كلام ووجاهات
بدل وكرفتات
الطاهر التوم مبسوط جداً لعله حميدتي ريحه للاخر ,,
عندما قذف بالسماعة و المايك رافضاً السؤال العنصري الذي طرحه الاعلامي الجلابي المستهبل كعادة رهطه
السودان ومنذ المهدية يمثل اهل غرب السودان فيه اهل الشوكة و الشكيمة و القوة و الحسم ,,
و يمثل فيه عيال حبل القيطان النياصة و الجوعار و البطبطة ,,,
البديل لغرابة الحكومة الحالية:
هم غرابة اخرين
مناوي
جبريل
عبد العزيز
المستقبل القريب سوف يحكم فيه الغرابة سيطرتهم على السودان شاء من شاء وابى من ابى
وهذا بحكم مؤهلاتهم التي لا توجد عند الطرف الاخر ..
ظلمنا الجلابة سايت ..
ديل ناس المي بارد و منطال ناصل ..
اعفو لينا ..
|
Post: #2
Title: Re: الغرَّابة حُكَامْ أَلْسُودان..
Author: مني عمسيب
Date: 11-28-2017, 01:50 PM
Parent: #1
التحية لك اخي سماعين .
البديل لغرابة الحكومة الحالية:
هم غرابة اخرين مناوي جبريل عبد العزيز
لما تجوا تصلوا الحكم بتكونوا كتلتوا اهلكم جلهم والسبب
تحريش الحيكومة ليكم ! وبعد داك ما حا تلقوا غرابي واحد
يقيف معاكم ويدعمكم للحكم ! كدي وقوفوا ابادتكم لي بعض
والحكم ملحوق ! تلاتة مليون غرابي في الخرطوم والحكومة
بتحرش فيكم تقتلوا في بعض ما قادرين تطلعوا تحتجوا عشان
تغيرو النظام قبل ما اهلكم كلهم يموتوا بسلاح الدم واللحم ؟!
يا عيب الشوووووووووووووم !
|
Post: #3
Title: Re: الغرَّابة حُكَامْ أَلْسُودان..
Author: محمد على طه الملك
Date: 11-28-2017, 01:57 PM
Parent: #2
هههههه ..
يا سمعة بعد داك يبقو جلابة امدرمانيين وخرتوميين حبل قيطان ويجو تاني غرابة غيرهم .
|
Post: #7
Title: Re: الغرَّابة حُكَامْ أَلْسُودان..
Author: علي عبدالوهاب عثمان
Date: 11-28-2017, 02:18 PM
Parent: #3
الحبيب إسماعيل .. مودتي ..
زمان سألتك عن أهلنا الدناقلة ضمن الجلابة
كانت إحابتك نعم ومعاهم الجعليين ..
قلت لي أهلنا المحس ليس ضمن الجلابة ..
أيه رأيك أنا بمشي للمحس أهل أبوي ديل .. إيه رأيك .. (هههههه )
===============
دعني أتحدث معك بجدية :
إنت أجمل حاجة فيك واضح جداً يعني الواحد يعرف موقعك من الاعراب
هل هذا رأي الغالبية في دارفور ..
وكمان قبل أيام تواصل معي بالتلفون حبيبنا صديق الغالي كان متواجد في السعودية
==================
حبيبنا الملك .. يا أخي الدناقلة ديل مشاكلهم بقت كثيرة .. نشوف أهلنا المحس
بيتنا في البرقيق على بعد ( 200) متر من كرمة البلد وأنا أجيد المحسية تماماً
عشان نطلع من دائرة الجلابة ( هههههههههههههه )
لكن إنتو ملوك دنقلا ما في طريقة ليكم
تعرف يا ملك أنا رغم ما بلغ بنا مع العمر ما سمعت بي مصطلح الجلابة
إلا تلك القرية التي تقع بالقرب أرقو المدينة جنب الخور ..
من زمان لم نقرأ هذا المصطلح لا في الجرائد ولا في المناهج ولا حتى سمعنا عنها
ربما لأننا كنا معزولين في تلك المناطق النائية وإلى اليوم كثيرين من أهلنا ما عندهم
معرفة بالجلابة .. فقط ( جلابة مار ) بالقرب من ارقو المدينة ..
==============
شكراً اسماعيل على البوست ..
بعدين يا أخي إنت أفصح مني في العامية السودانية ..
هل شرط الجلابي إجادة العامية السودانية
بعدين موقفك شنو من موسى هلال وحميدتي
معليش الحبيب إسماعيل طولت عليك شوية ..
|
Post: #4
Title: Re: الغرَّابة حُكَامْ أَلْسُودان..
Author: جمال ود القوز
Date: 11-28-2017, 02:06 PM
Parent: #2
Quote:
ظلمنا الجلابة سايت ..
ديل ناس المي بارد و منطال ناصل ..
|
منطال ناصل في عينك ...
طيب العدل والمساواة لمن جات الخرطوم ..
الدقاهم وسكاهم منو ؟ ..
برضو ديلاك كانوا ناس حميدتي ..
ماياهو حبل القيطان ده ذاتو ..
والله تقابلوا يبقى ليك حبل سلبة ..
يكتفوك بيها ..
ثم ما عندنا أي اعتراض يحكم السودان ده ..
أي زول سوداني ومن أي مكان في السودان جاء ..
المهم يكون همه الشعب المغلوب على أمره ده ..
عموما انت تجعل المنتدى اكثر مرحا .. 
والله صحي ..
|
Post: #5
Title: Re: الغرَّابة حُكَامْ أَلْسُودان..
Author: كمال عباس
Date: 11-28-2017, 02:07 PM
Parent: #2
لايهمنا - عرق وجهوية من يحكمنا - طالما جاء عبر الديموقراطية ودولة المؤسسات والإختيار الحر- يهمنا بعدها طرحه وؤريته وبرنامجه !
* من الغريب أن يبلع البعض الطعم - الإنقاذ - تعمل بنظرية أضرب الغرابي بالغرابي !
*لمعت موسي هلال ومولته وسلحته وحينما إستنفذ أغراضه لفظته وإستخدمت مرتزق آخر (حميدتي) لضربه وتصفية نفوذه - والإنقاذ التي فعلت هذا هي ذاتها الإنقاذ التي يقودها عمر البشير - حديث الغرباوية ومن يطلق علي- علي الحاج الفريخ وهي ذاتها الإنقاذ التي تحركها عقلية مثلث حمدي !
* هي الإنقاذ التي مزقت النسيج الإجتماعي بغرب السودان وأشعلت فيه الفتن العرقيةوالجهوية - وصعدت فيه وتائر عربة وزرقة !
* لذا من الغريب أن يرتضي البعض بدور مخلب القط والأداة ويطبل لقادة المرتزقة أمثال حميدتي وهلال وهم يدمرون - الغرب !
- ويقف في الضفة الأخري بعض السذج من أدعياء النقاء العروبي - هناك مهللين لحميدتيويضفون صفات المجد والفروسية والبطولة ويصورنه بمظهر حامي الشمال من مخاطر حركاتدارفور - ووهو في حقيقته لايعدو أن يكون مجرد عميل وأداة -في يد البشير !...
|
Post: #6
Title: Re: الغرَّابة حُكَامْ أَلْسُودان..
Author: Arif Nashed
Date: 11-28-2017, 02:15 PM
Parent: #5
سماااااعين غايتو شتارتك دي ما بتخليها ..
اي سوداني يأتي عبر صناديق الاقتراع يحكم اي كان قبيلته ..
ما حدث لهلال يمكن ان يحدث لحميدتي ..
|
|