Post: #2
Title: Re: أصل الحكاية .. وفي ديارهم حجبوا القمر ..
Author: Yasir Elsharif
Date: 11-28-2017, 08:56 AM
Parent: #1
كلمات الشاعر سيد عبد العزيز
جارو اهلك وجورم امر
بالبعاد والامر الامر
في ديارم حجبو القمر
البديع الساحر الفكر
بالجمال والحياء انشكر
حسنو يرمي الزول في وكر
شوفتو تسكر من غير سكر
للقلوب ياصحي احتكر
كي يخلف خالد الذكر
مفخر الاجيال والدهر
حسنو اعجب على ماظهر
في خدودو الحياء ازدهر
والطبيعه تناجي الزهر
تدي منظر جذاب بهر
زي نجوم السماء في النهر
نورو للبدرين احتقر
البهيج النضر الاغر
يزدري البراق بالثغر
المحشم من الصغر
منو كل الناس في بغر
فيه شارد الحسن استقر
من عيونو كيف المفر
كم بأفئده واعيات ظفر
محيو فيه البدر السفر
وجيدو جيد الظبي النفر
كل عهد الحسن الوفر
زول ويوزن مليون نفر
حبي هاك القول الابر
والعيان يغنيك عن خبر
كم نظرت في دهري العبر
نظرة الي الحياة اعتبر
الجزع في الناس والصبر
شفنا طوع القضاء انجبر~
لو بحجبو الامر الصدر
مابحجبوا دمعي اللنحدر
كل شي ان صفا اوكدر
في ايادي القضا والقدر
امادهري ان صد او غدر
البعرفوا الوفاء ماندر
|
Post: #3
Title: Re: أصل الحكاية .. وفي ديارهم حجبوا القمر ..
Author: Yasir Elsharif
Date: 11-28-2017, 09:01 AM
Parent: #2
صديقنا طارق أبو عبيدة "خدر" كان أول مثني في بوست زول..
وهنا الأغنية من أدائه
|
Post: #4
Title: Re: أصل الحكاية .. وفي ديارهم حجبوا القمر ..
Author: عبدالله عثمان
Date: 11-28-2017, 12:36 PM
Parent: #3
Quote: العيان يغنيك عن خبر
|
علا "أمرنا" دة يا غوث/س ولا بغني فيهو عيان عن خبر ولا شيتين ......
قال الأستاذ سعيد عنه
"هو الحقيقة الوحيدة في الوجود الفوق الخيال"
---
|
Post: #5
Title: Re: أصل الحكاية .. وفي ديارهم حجبوا القمر ..
Author: معاوية الزبير
Date: 11-28-2017, 03:43 PM
Parent: #4
شكرا دكتور ياسر والحمد لله نحن بخير ونفتقدكم
أما بادي فهو أعلى من أن يكون مجرد فنان
يغني كمتصوف ومجذوب وهو ليس من أهل الدنيا
وشفتو في سنواته الأخيرة وكان عمليا خارج هذه الدنيا فعلا
وصاحبنا الجميل طارق أبو عبيدة، جميل كعادته
في رأيي هو أفضل فنان ظهر منذ أن حلت فوقنا رؤوسنا الإنقاذ
|
Post: #6
Title: Re: أصل الحكاية .. وفي ديارهم حجبوا القمر ..
Author: علاء سيداحمد
Date: 11-28-2017, 07:09 PM
Parent: #5
شكرا دكتور ياسر
فعلاً بادى محمد الطيب لا يُجارى
لكن ... انصاف فتحى ابدعت بلا شك فى الاغنية المذكورة
شنّف سمعك بهذه الاغنية الجميلة .
|
Post: #7
Title: Re: أصل الحكاية .. وفي ديارهم حجبوا القمر ..
Author: Yasir Elsharif
Date: 12-06-2017, 06:54 PM
Parent: #6
سلام يا علاء وشكرا لك
|
|