بعثة المريخ ذهبت الي شندي بالقطار وقطع شك بيكونو هسع راجعين في لوري بصل
Post: #2 Title: Re: الأهلي شندي يحرم الهلال من ضرب الحمام Author: عادل الباهي عبدالرازق Date: 11-27-2017, 10:21 PM Parent: #1
علي إدارة نادي الحمام تقديم شكوي في فريق الاهلي شندي فريق الاهلي شندي ارتدو تي شيرتات زرقاء ودخلو الخلعة في نفوس الحمام . الجماعة ديل دخلتهم خوفة وخلعة من يوم السبت
Post: #3 Title: Re: الأهلي شندي يحرم الهلال من ضرب الحمام Author: محمد البشرى الخضر Date: 11-27-2017, 10:24 PM Parent: #2
ما بتنفع يا باهي دي شداد برفضها قبل ما يقراها انا اقول يشتكو بسبب انه حميدتي ضرب ودعمه واعتقله ودي ما اخلاق سودانيين كدا يمكن تجيب حاجة من تامزين هههه
Post: #4 Title: Re: الأهلي شندي يحرم الهلال من ضرب الحمام Author: عادل الباهي عبدالرازق Date: 11-27-2017, 10:34 PM Parent: #3
ما بتنفع يا باهي دي شداد برفضها قبل ما يقراها انا اقول يشتكو بسبب انه حميدتي ضرب ودعمه واعتقله ودي ما اخلاق سودانيين كدا يمكن تجيب حاجة من تامزين هههه
والله يا ود البشرى لو الاتحاد العام بيقبل وهم مابيخافو يتزعمطو تاني من الاهلي شندي بنتنازل ليهم يلعبو النهائي يوم الخميس يأخ سنتين الجماعة لا دوري ممتاز لا كأس سودان ولا بطيخة ما دخلت عندهم
لا لؤم علي اللاعبين البتاتا لاعبين سبعة شهور ما قبضو راتب عاوزنهم يلعبو كيف ؟ كردنة الايام دي بهنا أنا بكلمو بدل العمال الصينيين يشغل لاعبي المريخ طلب مؤنة في الجوهرة من باب أولي لك فأولي
من مصدر موثوق قالو صلاح نمر بينوم نوم الديك في الحبل والله صحي ، بيغفو يفتح عيونو يلاقي المهاجم كسح منو يقعد يتجاري
Post: #5 Title: Re: الأهلي شندي يحرم الهلال من ضرب الحمام Author: عادل الباهي عبدالرازق Date: 11-27-2017, 10:38 PM Parent: #4
نلفت نظركم أغنية ثلاثة نيسانات شاعرها بشير علي الحاج من شندي وفنانها حسين الصادق من شندي والدلقون مزعووط في شندي
Post: #6 Title: Re: الأهلي شندي يحرم الهلال من ضرب الحمام Author: عادل الباهي عبدالرازق Date: 11-27-2017, 10:48 PM
يا ناس شندي الحمام الضيف غرقتوهو كيف
الله تعلم من كترة ما حقارين يا ناس شندي انا أفتكرتا القون الثالث شاتوهو من الدامر
Post: #7 Title: Re: الأهلي شندي يحرم الهلال من ضرب الحمام Author: معاوية المدير Date: 11-27-2017, 10:56 PM Parent: #6
غايتو المريخ الختاها رقدت . والله صحي ...
Post: #8 Title: Re: الأهلي شندي يحرم الهلال من ضرب الحمام Author: عادل الباهي عبدالرازق Date: 11-27-2017, 11:01 PM Parent: #7
غايتو المريخ الختاها رقدت . والله صحي
يا ود المدير المريخ ليهو سنين مدعوم من إتحاد اللقيمات وقيل قديما المتغطي بالايام عريان أها اسامة عطا المنان وبقية العصابة كسحو وجمال الوالي الكان بينهب ليهم من خزينة الدولة كسح بعد ما الدولة زاتا بقت في نفسها أها بأن المستخبيء إحتمال بعد سنتين ثلاثة المريخ يهبط لدوري الدرجة الاولي .
Post: #9 Title: Re: الأهلي شندي يحرم الهلال من ضرب الحمام Author: عادل خياري Date: 11-28-2017, 04:33 AM Parent: #8
Post: #11 Title: Re: الأهلي شندي يحرم الهلال من ضرب الحمام Author: حيدر بشير Date: 11-28-2017, 08:55 AM Parent: #10
هو لكن وصيف الجن دا يلقاها من الهلال هنا و و اللا من الاهلى فى شندى
الامل فى احراز الدورة المدرسية بس يستعجلوا لانها قربت تنتهى
سلام و تحايا اخونا عادل و ضيوفك الكرام
Post: #12 Title: Re: الأهلي شندي يحرم الهلال من ضرب الحمام Author: علي عبدالوهاب عثمان Date: 11-28-2017, 09:37 AM Parent: #11
حبيبنا ود الباهي .. مودتي .. عندنا في جدة قهوة كسلا أجمل الجلسات الكروية صدقني أحلى وأجمل الجلسات الاخوانية شاي قهوة ( عكننة ) بعد داك فتة فول ، عديل من مجدي الحلفاوي .. هنا تجد ملح الارض من كل الطبقات أنا مشكلتي عدم اجادة ( العامية السودانية ) عشان كده بخسر المعركة أمام المريخاب ولكن حالياً وجدت دعم قوي من الشباب .. نقاشات الكورة والعكننة ليها طعم خاص في مقاهي جدة فهي تذهب ألم الغربة وتجعلنا نستحضر الوطن .. شكراً الباهي الجميل ,,
