الدلقون إتزعمط ؟؟ صح أبوي العمدة صح

الدلقون إتزعمط ؟؟ صح أبوي العمدة صح


11-25-2017, 08:08 PM


  » http://sudaneseonline.com/cgi-bin/sdb/2bb.cgi?seq=msg&board=499&msg=1511636929&rn=0


Post: #1
Title: الدلقون إتزعمط ؟؟ صح أبوي العمدة صح
Author: عادل الباهي عبدالرازق
Date: 11-25-2017, 08:08 PM

07:08 PM November, 25 2017

سودانيز اون لاين
عادل الباهي عبدالرازق-زي أبن بطوطه رحال
مكتبتى
رابط مختصر


سيد البلد سيد البلد

Post: #2
Title: Re: الدلقون إتزعمط ؟؟ صح أبوي العمدة صح
Author: عبدالعظيم عثمان
Date: 11-25-2017, 08:18 PM
Parent: #1

ود الباهي يا شرير
الصهاينة ديل ما ترفع قلمك منهم كله كله إذا لقوا فرقه كعبين خلاص
أركبهم ركوب الجن

Post: #3
Title: Re: الدلقون إتزعمط ؟؟ صح أبوي العمدة صح
Author: محمد البشرى الخضر
Date: 11-25-2017, 08:19 PM
Parent: #2

للمريخاب (فقط)
أسئلة ليست للاجابة
..
(السمؤال )الاول
دخل القش
وما قال كش
هل ممكن يكون التش؟
...
السمؤال الثاني
اذكر عاصمة انغولا ...
ودولة تصدر الكوكالا ...
وماذا يعني ليك شيبولا
...
السمؤال الثالث
ايه خلي الرماد يتكال
هل اعلامكم الشكال
ام القصة من باسكال

...
السمؤال الرابع
اكتب عن جمال الريف
وكاريكا الرهيف وحريف
وليه طوالي انت وصيف
...
السمؤال الخامس
اذا كان الحكم ظالم
واعلام الفريق حالم
هل يطرد جمال سالم ؟
..
السمؤال السادس
ايه خلي النجيمة تدوخ
هل كان الفريق منفوخ
ولا خلعكم الصاروخ
...
السمؤال السابع
سبعة أسباب بدون تعتيم
عن اسباب تدني التيم
جمعة لعب محل مكسيم
ليه يا ناس اكلتو النيم
؟؟؟

...
اشعار :ود المجذوب

Post: #4
Title: Re: الدلقون إتزعمط ؟؟ صح أبوي العمدة صح
Author: Salah Zubeir
Date: 11-25-2017, 08:58 PM
Parent: #3


Post: #5
Title: Re: الدلقون إتزعمط ؟؟ صح أبوي العمدة صح
Author: عادل الباهي عبدالرازق
Date: 11-25-2017, 09:22 PM
Parent: #4


يا أحباب بجيكم راجع واحد واحد
الف الف مبروك لسيد البلد كأس عن جدارة وإستحقاق



لعناية الدلاقين
قلنا لكم مرارا وتكرارا لا تحلمو أبعد من أرنبه أنوفكم والله صحي

Post: #6
Title: Re: الدلقون إتزعمط ؟؟ صح أبوي العمدة صح
Author: Dr. Ahmed Amin
Date: 11-25-2017, 09:49 PM
Parent: #5



Post: #7
Title: Re: الدلقون إتزعمط ؟؟ صح أبوي العمدة صح
Author: Maawya Hussein
Date: 11-25-2017, 10:16 PM
Parent: #6


Post: #8
Title: Re: الدلقون إتزعمط ؟؟ صح أبوي العمدة صح
Author: عادل الباهي عبدالرازق
Date: 11-26-2017, 03:51 PM
Parent: #7

ود الباهي يا شرير الصهاينة ديل ما ترفع قلمك منهم
كله كله إذا لقوا فرقه كعبين خلاص أركبهم
ركوب الجن



يا عبدالعظيم الصهاينة الدلاقين من زعمطة الامس مختفين
لا هنا ولا في الفيس . عندي أخوي صهيوني بالامس قبل
الكورة شبكني اليوم اتعشا بدري وأول ما المباراة أنتهت
قفل تلفونو كتبت لزوجتو في الواتساب قلت ليها اقسم بالله
راجلك دا مايفتح تلفونو الا ادور هسع اجيكم في البيت واصحي
ليهو الشفع من النوم حتي سمعت صوتو

Post: #9
Title: Re: الدلقون إتزعمط ؟؟ صح أبوي العمدة صح
Author: عادل الباهي عبدالرازق
Date: 11-26-2017, 03:57 PM
Parent: #8

السمؤال الخامس
اذا كان الحكم ظالم
واعلام الفريق حالم
هل يطرد جمال سالم ؟



ياود البشرى غايتو السمؤال الخامس دا عندي ليهو إجابة
الحكم تقاضي عن إحتساب ركلة جزاء وطرد الراكوبة جمال سالم
بيكون جاءتو حنيه علي الدلاقين ، جمهور الدلقون زوطين كسرو الكراسي
ودقو ستات الشاي والتسالي والله لو الحكم حسب الزووط الثالثة كانو أكلو
النجيلة .
حنطبق ليهم الكيه يوم الخميس دا لو ما اهلي شندي فرمهم في شندي

Post: #10
Title: Re: الدلقون إتزعمط ؟؟ صح أبوي العمدة صح
Author: عادل الباهي عبدالرازق
Date: 11-26-2017, 04:00 PM
Parent: #9


صالح الزبير
تصدق وتآمن أنا أول مرة بالامس أعرف مقولة أشبع وأمتع يأخ أنا
من وجبة الافطار تاني ما أكلتا قلتا أطلع آكل بعد نهاية المباراة أها
بعد الزوط الثانية ومتعة اداء الهلال نهاية المباراة حسيت نفسي شبعان
مشيت الثلاجة افتش لشيبولا آسف قصدي الكولا عشان أهضم

Post: #11
Title: Re: الدلقون إتزعمط ؟؟ صح أبوي العمدة صح
Author: عادل الباهي عبدالرازق
Date: 11-26-2017, 04:07 PM
Parent: #10

دكتور أحمد أمين
مبروك لسيد البلد
قبل كم يوم بقيت اعمل إحصائية لعدد مشجعي سيد البلد ومشجعي الدلقون
في اسرتنا الصغيرة والكبيرة والجيران بالله وجدتا مشجعي الدلقون عدد يكاد
لا يحسب ، غايتو النجيضة مافي زول عاقل بيشجع الدلقون والله صحي

Post: #12
Title: Re: الدلقون إتزعمط ؟؟ صح أبوي العمدة صح
Author: عادل الباهي عبدالرازق
Date: 11-26-2017, 04:12 PM
Parent: #11


يا معاوية حسين
الدلاقين ديل اتمني من الله يتخطو اهلي شندي عشان نتقابل يوم الخميس
ونجدد ليهم الاحزءن .
شابكننا التش والدش والغربال والغرنجال فلاحتهم بس في ناس
التريعة .الدلقون وصيف لنا وسيظل وصيف أبد الدهر وهل تعلو
العين علي الحاجب ؟؟؟

Post: #13
Title: Re: الدلقون إتزعمط ؟؟ صح أبوي العمدة صح
Author: علاء سيداحمد
Date: 11-26-2017, 04:13 PM
Parent: #11


Post: #14
Title: Re: الدلقون إتزعمط ؟؟ صح أبوي العمدة صح
Author: عثمان الأمام
Date: 11-26-2017, 07:51 PM
Parent: #13

سلامات ود الباهي واسياد البلد

موضوع الدوري الممتاز ده اصبح لاسياد البلد عبارة عن عادات وتقاليد 😂😂

لو جبت اي ١١ نفر وليسوا شعار سيد البلد بشيلو الممتاز وبأقل مجهود ولو داخلين بي ربع فرصة

Post: #15
Title: Re: الدلقون إتزعمط ؟؟ صح أبوي العمدة صح
Author: Ali Alkanzi
Date: 11-26-2017, 08:45 PM
Parent: #14

لحميع الاهلة
والاً نهيكم بالنصر المستحق والذي عمل له الهلال بارادة الابطال ، وكان جدير به ان يحرز نصراً لا فيه طق ولا شق
ولكن نعيب على الاخوة الهلالاب بأن لسانهم طويل ويخرج عن الاوتوكيت خاصة نحن في منبر سودانيزاونلاين يتوجب علينا أن نترفع في الكلمات التي نستخدمها خاصة وللمنبر قراء كثير بالاضافة لاعضائه
ووصف المريخ ب الدلاقين هذا وصف لا يليق بفريق فقد البطولة بنقطة واحدة كما ان الرياضة نفسها ادخلت لتعلمنا التسامح وقبول الهزيمة وتهنئية المنتصر لهذا كنتُ اول مريخابي يهني الهلالاب على نصر فريقهم
وأتمنى من كل قلبي ان يحرز الهلال في سنة ٢٠١٨ البطولة الافريقية التي هو جدير بها منذ زمن بعيد
وعلى الاخوة الهلاب أن يفطنوا ان المريخ صاحب مجد مثلهم بل مجد يبز الهلال في منافسات آخرى لا داعي للخوض فيها
ولكن هدفي من هذه المداخلة هي ليعرف الاخوة الهلالاب ان هناك مريخاب يقبلون الهزيمة ويهنون الهلال بنصره المستحق
لهذا اطلب من الاخوة المتداخلين الترفع في الكلمة وألا نعكس ما يكتب في بعض الصحف الرياضية من اقلاام تعتبر فاقد تربوي
والى العام القادم في الدوري الممتاز والف مبروك عليكم

Post: #16
Title: Re: الدلقون إتزعمط ؟؟ صح أبوي العمدة صح
Author: Ali Alkanzi
Date: 11-26-2017, 08:54 PM
Parent: #15

هذه هي تهنئتي للهلال في مداخلة اخرى في هذا االمنبر
Quote: صدقت نبوة الاستاذ طلحة
وخسر المريخ وفاز الهلال
ألف مبروك للهلال والهلالاب داخل وخارج السودان
من مريخابي على السكين
بس فوزكم بدقدو براسنا
والكورة نصر وهزيمة
وهارلك المريخ فلم تكن في يومك واعتقد أن المريخ أحرز نتيجة مشرفة لأن الهلال حصل على الدوري الممتاز بفارق نقطة خاصة أن المريخ أصبح مكشوفاً من الناحية الإدارية ومر لاعبوه بمواقف صعبة منها عدم دفع مستحقاتهم
وكذلك ما نتج من اضرار نفسية نتيجة تجميد السودان تضرر منها المريخ ولأخطاء ليس له فيها يد
كما أن المفوضية لم تفت حتى الساعة في رئاسة المريخ واصبح الامر معلقاً لشهور وكل ذلك تحس كأن المريخ مستهدف من جهات محسوبة
واحمل الصدى فهي سبب هبوط حماس اللاعبين لأنهم حتى ولو فازوا فبشرتهم الصدى أن نقاط اهلي عطبرة ستخصم من المريخ وتذهب إليه
وما كان عليها أن تروج لخبر كهذا حتى ولو كان صحيحاً
أنا شخصياً احبطني هذا الخبر فور قرأته منقولاً عن الصدي
اكرر تهنئتي للهلال واثبت انه فريق بطولات ونتمنى له بالفوز بالبطولة الافريقة هذا العام لأنه في النهاية نصر للكرة السودانية

Post: #17
Title: Re: الدلقون إتزعمط ؟؟ صح أبوي العمدة صح
Author: محمد على طه الملك
Date: 11-26-2017, 09:20 PM
Parent: #16

معاوية الله يرضى عليك أصلا ما كان في لازمة للفيديو الفضيحة دا ..
هوووي انا لا إلى هؤلاء ولا إلى أولئك ..
أنا غايتو لا شايف كورة ولا يحزنون ..
استغفر الله شايف كورة بجروا وراها في الآوت والباقي مدافرة وجعير مذيع..
بس لإنكم أحباب وعشان ما نشوه تاريخ جكسا والدحيش بقول ليكم مبروك الكاس..
قديم قديم وأنا يهمني.

Post: #18
Title: Re: الدلقون إتزعمط ؟؟ صح أبوي العمدة صح
Author: عادل الباهي عبدالرازق
Date: 11-27-2017, 08:41 AM
Parent: #17


الأخ علي الكنزي
طابت اوقاتك بكل خير
شائفك علقت بهناك وهنا بتنتقد بعض عباراتنا وهذا من حقك ومن حقنا أيضا
أن نكتب ما نراه مادام ليس فيه ما يمس الشعور العام والادب ودي مناكفات
طبيعية بتحصل حتي في البيت الواحد فما تحمل الموضوع أكثر مما لا يجب
مقدرين روحك الرياضية وتهنيئة الهلال بالفوز لكن مني أنا ما تعشم أهنيء
مريخابي بفوز سواء كان علي الهلال ولو جبتو كأس العالم للاندية اللهم هذا
قسمي فيما املك فلا تلؤمني فيما تملك ولا املك .

Post: #19
Title: Re: الدلقون إتزعمط ؟؟ صح أبوي العمدة صح
Author: جمال ود القوز
Date: 11-27-2017, 08:43 AM
Parent: #18

مبروك للهلال وهاردلك للمريخ ..
والصراحة الغلب المره دي حار زي النار ..

Post: #20
Title: Re: الدلقون إتزعمط ؟؟ صح أبوي العمدة صح
Author: عادل الباهي عبدالرازق
Date: 11-27-2017, 08:47 AM
Parent: #18


يا علاء
هو حلم ساي ، لاعبي الدلقون صدقو ناس مزمز
وكانت الدقا

Post: #21
Title: Re: الدلقون إتزعمط ؟؟ صح أبوي العمدة صح
Author: طاهر بدر
Date: 11-27-2017, 11:16 AM
Parent: #20

مبروك ود الباهي عليكم وهانحن نقولها بكل صدق وتجرد انكم كنتم الاجدر وان الثنائي حجازي-حداثة نجحوا تماما في قراءة طريقة لعب محمد موسى وقاموا بالتعامل وفقاً لنقاط الضعف وهو قلب الدفاع وتكثيف الوسط لعزله عن الهجوم ... نحن في المريخ مشكلتنا انو قدمنا المفروض يتأخر واخرنا المفروض يتقدم ...علاء مكانو النص امير كمال وضفر مكانهم الدفاع يعني في جوباك حاصل اضف الى ان قاعدة الديربي الاجهز يخسرتعرف يا عادل انا عندي ود خالي مواليد السعودية وهسي في السودان حاولت اوصلو المريخ لانو الود فلتة وبدون ذكر اسماء اول سؤال سألوني (حجمو كيف؟؟)قلت ليهم يعني تقريبا زي وليد علاء الدين .... قالوا لي (لالا نحن دايرين لعيبة تاكل عيش مع ناس نزار وابو عاقلة ونمر) ... عشان كدا يا عادل ما حتشوف لا كورة لا حنمشي لي قدام لانو الكورة هسي دايرين ليها "عنقالة" عشان كدا الاولاد الحرفا زي التش وصهيب الثعلب وابراهومة ووليد علاء الدين ما عندهم مجال لانو لو كتروها بحرشوا ليهو واحد يكشو يقطع ليهو الصلايب ويبقوهو مركون للعلاج ويقعد ليهو تلاتة اربعة شهور ولما يرجع خلاص يقولوا عليهو معطوب ويتشطبحتى ادب العكننة الراقي الذي وجد ليكون بديلا لكلمات التعصب تأثرت بالكلمات الخارجة عن النص ...غايتو انت وانا وغيرنا من جيلنا بنشجع بي قوة الدفع القديمة الكان فيها الولاء عالي عشان كدا محافظين على كلمات زي "ولدنا" على المنتقلين للغريم ... ... غايتو بنتونس بي تراث اسمو هلال مريخ بس من جوانا عارفين انو نحن لا عندنا كورة لا حتقوم لينا قائمة مع متلازمة الرياضة السودانية

Post: #22
Title: Re: الدلقون إتزعمط ؟؟ صح أبوي العمدة صح
Author: عادل الباهي عبدالرازق
Date: 11-27-2017, 05:37 PM
Parent: #21

سلامات ود الباهي واسياد البلد
موضوع الدوري الممتاز ده اصبح لاسياد البلد عبارة عن عادات وتقاليد 😂😂
لو جبت اي ١١ نفر وليسوا شعار سيد البلد بشيلو الممتاز وبأقل
مجهود ولو داخلين بي ربع فرصة



عثمان الامام
حياك الله يابن عمي وطابت اوقاتك بكل خير

انا أكتر حاجة مزعلاني ياعثمان قنبلة السمؤال جدعت ليك موية جمال سالم
بعيد الكان مدكنا في الشباك آآآي من حقو السمؤال يحرز هدف لكن الكورة
تشيل معاها موية جيمي انا إستفزاز مابعدو إستفزاز .
هسع إدارة الهلال بتفكر لو المريخ صعد لنهائي كاس السودان نلعب معاهم
بالرديف

Post: #23
Title: Re: الدلقون إتزعمط ؟؟ صح أبوي العمدة صح
Author: عادل الباهي عبدالرازق
Date: 11-27-2017, 05:42 PM
Parent: #22

هوووي انا لا إلى هؤلاء ولا إلى أولئك


مولانا محمد علي الملك
تحياتي لك وللاسرة الكريمة

الشينا منكورة خلاص الليلة بقيت لا هؤلاء ولا أولئك

نعم السودان مافيهو كورة ملاعب فضيحة ولاعبين فضيحة
لكن هلاريخ دي لديها متعة خاصة ، خاصة جمهور الوصيف
لمن يآمل ويآمل وفجاءة يصطدم بواقعهم المرير أنهم وصفاء وسيظلو
وصفاء لسيد البلد .

Post: #24
Title: Re: الدلقون إتزعمط ؟؟ صح أبوي العمدة صح
Author: عادل الباهي عبدالرازق
Date: 11-27-2017, 05:47 PM
Parent: #23

مبروك للهلال وهاردلك للمريخ ..
والصراحة الغلب المره دي حار زي النار .


يا جيمي والله المسمارين ديل عملن عمايل في الدلاقين
لانهم دخلو ومتأكدين سوف يرحلون بالكأس الي ديارهم
القاحلة وفي النهاية الميداليات الفضية ما انتظروها زكروني
بالوفد البيجيب فطور ام العريس بيكونن عينن في الهدايا وخجلانات
لمن يحصلوهن بالهدايا في بيت العروس . تاني يجو المولد

Post: #25
Title: Re: الدلقون إتزعمط ؟؟ صح أبوي العمدة صح
Author: عادل الباهي عبدالرازق
Date: 11-27-2017, 05:55 PM
Parent: #24

نحن في المريخ مشكلتنا انو قدمنا المفروض يتأخر واخرنا المفروض يتقدم

طاهر بدر ياحبوب هسع مافات شيء يوم الخميس آخرو المفروض
يتأخر وقدمو المفروض يتقدم وبرضو حتدقو

مشكلة المريخ لن تنحل بين ليلة وضحاها المريخ عاوز لاعبين في قلب الدفاع
تودو علاءالدين شلاليت قدام وترجعو امير كمال التقيل مابيقدر يجاري شفعنا
ديل ، صلاح نمر قالو بينوم نوم الديك في الحبل ممكن عادي يغفو يلاقي الكورة
جوا الشباك ماعندكم حلل الا تعملو جمعية وتصرفو اول صرفة وتسجلو لاعبين
وتشطبو ناس علاء الدين يأخ علاء الدين دا لمن بداء يلعب في المريخ قبل الانتقال
للهلال انا كنت في رياض الاطفال معقولة بس

Post: #26
Title: Re: الدلقون إتزعمط ؟؟ صح أبوي العمدة صح
Author: جمال ود القوز
Date: 11-27-2017, 05:57 PM
Parent: #24

غايتو ياباهي المريخ كان ما جهز نفسه للمبارة الجاية ..
وجاء اتلخا زي المرة دي بتكون وصمة عار ..
وربما كان تأثير الامر كارثيا على المريخ ..
هسه الغلبة الحارة دي أكلوها على اللبّاد ...
لكن الجاية بتكون في اللحم الحي ...
وربنا تكسر العضم ذاااتو ..