أ-ولا بالتبادي جمع الجماعة الدرسوا في روسيا طلب منهم يعلموه التحية باللغة الروسية, مشى سوق ام دفسو اشترى الشال الكاروهات, ما لقى بالطو مقاسو, الكهرباء قطعت - عشان كدا البدلة ما مكوية, اشترى مركوب جلد نمر لكن بعض الحاذقين العارفين بحزم جمعيات حقوق الحيوان دسوه منه , قعد مع قندور شرح ليهو الكلام المطلوب عمك نام في الطيارة وحلم بانه في الطريق الى لاهاي وبالخلعة نسى كلام غندور , ولما قابل بوتن اتخيل بانه سيخطب في الشعب السوداني , وقال القالو دا كلو من راسو ! مافي تحضير بس الهام ساي ! هسي زولنا مزرور زرة صعبة خلاص ! اتصل بكل روءساء الصحف قال ليهم كلامي القلتو دا كلو قولوا كلام جرائد ساي! وقولوا كمان ديل الحاقدين والمعارضة والطابور الخامس لفقوا لي الكلام دا ! اكتبوا قولوا ان بوتن اتصل في ساعتو بترامب وشاكلو وترامب اعتذر لي لامن بكى , وكمان عشان ناس السعودية ما يزعلوا اكتبوا اني رفضت مصافحة أردوغان والايراني دا اصلا ما عرض على وشي, وقولوا ان بوتن قال حيجيب لينا حقنا من امريكا, وحيدفع لينا ديون الصين , والقمح اتشحن قدام عيني جايي السودان وبوتن حلف طلاق كلو مجان هدية للشعب السوداني خلوا الناس يفرحوا كم يوم لحدي ما اجي دا لو جيت راجع !! لاني شفت بوتن شال التليفون ودخل في مكتب يتكلم براحة انا شاكي يكون كلم لي الزول الجاء بدل أوكامبو . ياربي الروس ديل عندهم حبوب ملاريا ؟؟
ست البنات.
Post: #2 Title: Re: كيف استعد البشير الى رحلة روسيا؟ ( لمحات ف� Author: عرفات حسين Date: 11-24-2017, 08:32 PM Parent: #1
ستنا ست البنات
حديثك اقرب الي الحقيقه
Post: #3 Title: Re: كيف استعد البشير الى رحلة روسيا؟ ( لمحات ف� Author: Elbagir Osman Date: 11-24-2017, 09:09 PM Parent: #2