مصر والسودان، لماذا كل هذه الكراهية؟!

05:32 AM November, 21 2017

سودانيز اون لاين
عبدالعظيم مكى-
مكتبتى
رابط مختصر

سباب ولعن متبادل فى كل مواقع التواصل الاجتماعى.

لمصلحة من؟!

العلاقات المتوترة بين حكومتى البلدين يجب ان لا تلقى بظلالها السالبة على العلاقات المتينة بين شعب وادى النيل.

تحياتى للجميع.
الأخ الأكرم عبد العظيم مكى
ليس هناك علاقة طيبة بين الشعبين كما نتوهم هنا بالسودان، المصريين شعب حقير و قليل الأصل يظهر لؤمهم و قلة أدبهم فى أصغر موقف.
الآن هم يخرجون (عن طريق أفواههم) كل فضلاتهم ، ليس هذا عن طريق إعلامهم و لكن عن طريق العوام من شعبهم.
جاء الآن الوقت لنكيل لهم الصاع صاعين

عليكم السلام الاخ اسامة
لا يمكن ان نوصم شعب كامل اكتر من مية مليون بانه شعب حقير وقليل
الاصل، كل الشعوب فيهم الصالح والطالح.
تحياتى

عليكم السلام الاخ اسامة
لا يمكن ان نوصم شعب كامل اكتر من مية مليون بانه شعب حقير وقليل
الاصل، كل الشعوب فيهم الصالح والطالح.
تحياتى

الأخ عبدالعظيم
تحياتي

نعم أي شعب فيهو الصالح والطالح لكن المصريين الي يومنا هذا
مافي أحقر واوضع منهم ، دا شعب عشان مصلحتو ممكن عادي
تضربو بالحذاء ويقول ليك يا سيدي واول ما مصلحتو تنتهي معاك
اقرب سكين يغرسا في ظهرك . شعب مكروة في كل اصقاع الدنيا
حتي بعض الاوربيين العاشرو المصريين عندهم نفس الاحساس دا
انو المصري حقير ووضيع .
واحد مصري كان شغال مع أردني هنا وطوالي شابكو ليك يا أستاذ أحمد
يا أستاذ الاساتذة قمتا سألتو قلت ليهو أنت يا خالد أحمد دا أستاذ بي شنو
زول بصمجي والله اعطاهو مال قرب ينط في رقبتي ودافع عن احمد دفاع
مستميت تمر السنين واحمد انضرب في البورصة وباع كل ما يملك فالمصري
خالد بقا يقول هذا الاردني الفلسطيني عديم الاصل الاسمو أحمد قمتا قلتا ليهو
قصدك استاذ أحمد ؟ قال لي استاذ مين ما خلاص انا اقتنعت بكلامك زول بصمجي
ساي

حكاية العلاقات بين الشعوب الخ لخ ده كلام بتاع عواطف ساي
العلاقات تكون بين الدول ، يعني شعوب وجغرافيا سياسية وبالتالي مصالح فقط
الكلام الفارغ بتاع الدبلوماسيين ده بينفع في تجنب المشاكل لكن ما بخلق علاقات حقيقية لانها مبنية على المصالح بس
شوف اسي العلاقة بين قطر والسعودية وهم تقريبا شعب واحد لكن لمن حصل الخلاف الاخير ده حتى الفنانين قاموا ينبذو

Quote: دا شعب عشان مصلحتو ممكن عادي تضربو بالحذاء ويقول ليك يا سيدي واول ما مصلحتو تنتهي معاك اقرب سكين يغرسا في ظهرك

مرحب الاخ عادل

اظنك تقصد الغالبية لانو التعميم مخل ولا يعطى حقيقة مطلقة. انا شخصيا لى صداقة مع ٣ مصريين لاكثر من ٥ سنوات و فى بلاد الغربة لم اجد منهم الا كل خير، كرم وشجاعة وشهامة ومروة. التجربة الشخصية لا تحدد سلوك شعب باكمله.

تحياتى

Quote: العلاقات تكون بين الدول ، يعني شعوب وجغرافيا سياسية وبالتالي مصالح فقط

الاخ عبدالله

العلاقات المستدامة تكون بين الشعوب في المقام الاول وخصوصا بين البلدان ذات الجوار المشترك والمصير الواحد. نمسك الحالة السودانية المصرية، تخيل سودانى او مصرى تشرب بالكره والبغض للبلد الاخر ووجد نفسه رڈيسا للجمهورية او حتى مسڈولا موثرا، هل ستكون هنالك علاقة سوية بين البلدين؟!.

تحياتى

يا عبدالعظيم المصريين خليهم ياخ عليك الله شوف غريبة السوداني ده

سلامات أخ عبدالعظيم والإخوة المتداخلين ..
المصريين طبعاً خشم بيوت وطبقات.. فيهم الغلابا المهمشين ، لكن الماسكين المايك هم عديمى الأصل ..
وهؤلاء عندهم نفخة على الفاضى .. وتلاحظ إعلامهم ودرامتهم يركز غالباً على البرجوازية التى ترضى غرورهم .. مثلاً زمان فى نهاية التسعينات كان أحمد حلمى يقدم برنامج تلفزيونى فى القناة المصرية إسمه 'لعب عيال' .. يقوم يعمل مقابلات تعكس ثقافة الأطفال البرجوازيين ويجيب ليك غرفهم الفاخرة وكمبيوتراتهم وتجهيزات ألعاب الفيديو بتاعتهم ومدارسهم ، ولغة الحنكشة والمفردات الأجنبية فى الكلام وووو لغاية ما تقتنع إنو مصر من الدول الاسكندنافية ..
أها يوم كده واحد شليق الظاهر البرنامج كان غايظه .. فقام عمل حلقة وسماها 'لعب عيال جد' .. وقام جاب طفل من الغلابا وبنفس طريقة تقديم أحمد حلمى قعد يسأله ليك عن ألعابه .. فالولد المسكين وصف ليهو طيارتنا الزمان (ماعارف إن كنت أنت من زمان أم لا :)) .. وقال ليهو: أجيب الشوكة وأطعن فيها الورقة وأثبتها ببعرة وأروح طايربها عكس الهوا (دى الطيارة طبعاً)... ههههههه ... أها دى الصورة الحقيقية .. والجماعة غاشين الجمهور ..
آسف على إقحام هذه الحكاية فى هذا البوست الجاد .. لكنها واجعانى من زمان وما لاقى فرصة أبثها فقد ما أظنها تخرب البوست فالعفو..

أجى لسؤالك .. وأقول أننا أصلاً لا نعرف عن المصريين غير ما ألفناه فى الدراما بتاعتهم .. ولم يكن لنا معهم إحتكاك .. وبصراحة على طول العقود الماضية ماشفت لى زول مشى مصر وجاء اشتكى منهم بل دائماً تحس بأن البلد العربى الوحيد الذى ياخد فيه السودانى راحته ولا يتعرض فيه للعنصرية هو مصر .. دى الصورة الشعبية العامة.. أما لو دققنا فى الصورة السياسية والمصالح فإننا نجد أن مصر السياسية والنخب المصرية تعامل السودان بإستعلاء ــ ده أولاً ــ ثم بعدم إعتبار لأى مصلحة للسودان وكأن السودان لا يستاهل التقدم والرفاهية .. والسبب هو الإستعلاء أولاً ثم لأن تقدم السودان واستقراره سيعنى أن يستخدم السودان كل حصته من مياه النيل ، وذلك بالنسبة ليهم كابوس مخيف ..إذ أنهم رغم الموية الزايدة البتجيهم مننا فإن عندهم مشكلة مياه حادة لدرجة عدم الإستحمام والرى بمياه الصرف الصحى .. ولذلك الزوبعة العاملينها دى كلها أنهم صابين جام غضبهم على السودان عشان فقط السودان سيأخذ حصته كاملة وهم يفقدوا العشرة مليار متر مكعب بتاعتنا الكانت بتصلهم فوق لحصتهم .. وحقارة منهم للسودان فإنهم يهاجمون السودان ويغضون النظر عن إثيوبيا التى تقف وراءها اسرائيل فى الضرا .. وحنشوف مستقبلاً أتوقع أن تقوم إسرائيل بالحصول على حصة كبيرة من المياه .. لأنو ماممكن تطلع من المولد ده بدون حمص..
هناك نقطة أخيرة أراها سبب إضافى لإشتعال الكراهية، وهى أعتقد أن هناك جهات أجنبية معادية للشعبين تصب النار على الزيت فى مواقع التواصل الإجتماعى بإستفزاز الطرفين ليشتبكوا مع بعض بأقذع الشتائم والألفاظ.. وهذه الجهات نجحت تماماً فى دق إسفين بين الشعوب بصورة مذهلة ..

بس أخيراً نجى للنقطة الأهم على الإطلاق : وهى جهازية السودان للإستفادة من سد النهضة!!! فهل شققنا الترع؟ هل حرثنا الأرض ؟ هل جهزنا الآليات.. هل كفكفنا الجلاليب والعراريق للزراعة والرى؟؟ .. هل وهل وهل ..
أم ستبقى علينا الجعجعة الفارغة وقصة حشاش بدقنه وزيدان الكسلان وفى الآخر نقول السد فاجأنا زى مفاجئة رمضان ؟؟؟؟!!!!!!

والله أنا خايف أثيوبيا تجيبها لينا مدردقة ونقوم نجليها واقفة .. !!

وما نكرههم ليه؟

Quote: والمصير الواحد

هههههه يا زول إتا بي صحك .... بالغتا فوكا ...

حاولت انزل صور وفشلت لحوار بيني وواحد مصري اساء الينا كشعب لمجرد اني علقت على خبر نازل في قناة rt في تويتر كمية من الاساءة والتحقير وجهل غريب والاغرب حينما تصفحت بياناته وجدته يحمل درجة الدكتوراة في القانون الدستوري!!!تخيل؟لا يفقه حتى تاريخ بلده.انهم يعطوننا كل المبررات لكي نكرههم

سلامات يا عظيم

من وجهة نظري المصريين عنهم صورة مخزنة في ذاكرتهم عن
السودان كدولة " هو جزء من مصر " وأن الملك فاروق هو حاكم مصر والسودان
والصورة عن السوداني هو "عثمان" حارس العمارة البواب ..
ما بين الصورتين يكون رد الفعل المصري
عشان أي موقف مستقل للدولة السودانية عن مصر غير مقبول
وأي تفوق سوداني علي المستوى الفردي لا يتعدي صورة بواب العمارة حتي لو كان يحمل درجة الكتوراة

وما زول بيقبل يختوه في قالب زي دا ويقعد يعمل فيها عاقل وحليم وكاظم للغيظ

وما زول بيقبل يختوه في قالب زي دا ويقعد يعمل فيها عاقل وحليم وكاظم للغيظ
__________________________________________________________

المشكلة هم زاتو ماعايزين يفهموا انوا اعلامهم دا بضيع فيهم

أعتقد أن الأخ منير قرب الصورة أكثر للوضوح
المشكلة ليست في الشعب المصري بشكل عام ...
المشكلة في الإعلام الذي يحاول إعلاميه أن يضخم لعوام المصريين من مشاهديه مصر وشعبها
وأن يقزم الشعوب الأخرى ويتناول أقرب جيران وهم السودانيون ليجعل من السودان خلفية داكنة
يحاول أن يجلي بها أضواء مصر المتوهمة أو التي يحاول أن يصورها الإعلامي المصري لمشاهديه
وفي دول الخليج كالسعودية والكويت إلى حد ما تجد إعلاميين أيضا يحرضوا على من يسمونهم الأجانب
أيضا للكسب الإعلامي...فالمسألة عبارة عن اصتياد إعلامي واتجار إعلامي يمارسه الإعلاميين
وننصح بالمثقفين السودانيين أن لا يعيروا هذه الأمور شيء من اهتمامهم ..ولا يكون هناك أي رد فعل
لأن أي رد فعل سيكون محاكاة لهم ودائما المحاكاة أقبح من الأصل فلا نجل منهم أصل نحاكيه
بل نحاول أن نثبت بالعمل أننا أحسن منهم بأن نركز كل جهدنا في التنوير بأفكار ومشاريع فكرية
وواقعية نبحث من خلالها لسودان أفضل من سودان اليوم ومن مصر اليوم...
ولا مستحيل لمن هو عازم وحريص ومتحد مع من هكذا توجهه وهدفه .

سلام صاحب البوست , لو سمحت خلاص اتجاوز لينا حتة التعميم و الصالح و الطالح فاهمنها كلنا , لكن برضو يظل اغلبية المصريين يحملون حقدا دفينا للسودانيين و يبتئسون اشد البؤس لرؤية سودانى متفوق عليهم , ثانيا , لو عايز تعرف منو الكويس و منو الحقير شوف ردة فعله تجاهك شنو فى ابسط الخلافات , اظنك ما بتشوف السوشيال ميديا و الاساءات من شاكلة عبيد و بوابين فى اقل خلاف سياسي حتى على مستوى الدول وليس الافراد وما حصل فى مباراتهم مع الجزائر فى الخرطوم ليس ببعيد لننساه واساءات قنواتهم و اعلامهم المنحط محفوظة فى اليوتيوب ممكن ترجع تشوفها تانى عشان تلقى الاجابة على سؤالك

يا جماعة عيب عليكم التعميم ، 5 في المية منهم ممتازين جداً، يعني عشان 95 في المية سيئين نقوم نعمم المسائل؟

لا يوجد أحد علي وجه الأرض يهاجم السودان والسودانيين كما يفعل الإعلام المصري
هذا الهجوم هو محاولة تأديبية لخروج السودان كدولة من بيت الطاعة المصري
وإظهار الإستعلاء من تعليقات عوام المصريين لا يمكن فصلها من هذه الحملة
التي يرفعون فيها صوت العنصرية كلما إستقل السودان بموقف بعيدا عن التبعية لمصر
يعني أخرتكم يا سودانيين "بوابين وعبيد"
بطلوا العوارة وبطلوا عدم الإحساس وأصحوا يا مثقفين

الاخ منير

لمست كبد الحقيقة.
عودة باذن الله لجميع المتداخلين.
لكم منى جميعا الشكر.
تحياتي

اذا رددت الاساءة بالاساءة يكون الفرق بينك وبين المسىء شنو؟!.التهذيب كان ما يميز غالبية الشعب السوداني ولكن الردود العجيبة والغريبة فى مواقع التواصل الاجتماعى وبكلمات موغلة في الانحطاط تدل على ان هنالك تغيير هاڈل طرا على سلوك مجموعة كبيرة مننا. بعض الكلمات كنا نختشى ان نذكرها بيننا وبين انفسنا اصبحنا نطلقها وبسهولة في فضاءات واسعة وكمان نفتخر بيها.

سلامات يا عبدالعظيم

معقول تركز علي ردة فعل المعتدي عليه والواقع عليه الظلم
وتطالب أن يتم تهذيب لغة المظلوم وأن يكون مهذبا "عشان يحافظ علي صورة السوداني"
يا أخوي دا كلام شنو دا !
الإعلام المصري يسيء إلي بلدنا ويسخر منا ليل نهار ويمارس الإستعلاء العنصرية
وإنت بتلوم الناس علي إسلوب الدفاع
يعني نعمل شنو مثلا ؟
نقابلهم بالورود وندير خدودنا لتلقي المزيد من الصفعات "عشان نكون مهذبين"
دي سلبية وعواره ساي يا أخوي
الإعلام الوحيد في العالم الذي تخصص في تشويه صورة السودان هو الإعلام المصري
الإعلام الوحيد الذي يهاجم السودان هو الإعلام المصري
معقول أن يصمت الناس عشان نحافظ علي التهذيب

Quote: معقول تركز علي ردة فعل المعتدي عليه والواقع عليه الظلم

يهمنا صورة السوداني ومالنا وما المصري
الذي لا يعنينا تشويه صورته وابتزاله!...الذي يهمنا هو السوداني ..
...ولماذا نحن دائما نضع أنفسنا في وضع المظلوم المستضعف؟!
لو عايزين نرد على أي كلام فارغ يصدر من مصري أو غيره
نرد عليه بكل وقار وفهم وذكاء يفحم الخصم دون أن نضع أنفسنا
في صورة مبتزلة.
ومن لم يملك ردود بهذا الوصف يكون السكوت
له أفضل أو يسب ويشتم ما شاء ولكن بدون تصوير
ونشر .