اسعار المواد الاستهلاكية حاليا

08:19 AM November, 21 2017

سودانيز اون لاين
عبدالحفيظ ابوسن-no where
مكتبتى
رابط مختصر

طلب مني احد الاصدقاء كتابة اسعار المواد الاستهلاكية وهو بالخارج
يقوم بدعم اسرته واسر اخري ويريد معرفة الاسعار حتي يتمكن من تقديم دعمه بشكل جيد
وعلي حسب قوله هو وآخرين يتابعون سودانيز من اجل ذلك
سأجتهد في كتابة الاسعار ويمكن للاخوة الاستفسار او السؤال او الاضافة
ارجو ان اوفق

بالتوفيق يا عبدالحفيظ

لكن هل أسعار كوستي هي أسعار جميع مدن السودان؟

اليوم 21 نوفمبر
سكر عشرة كيلو 135 ج
جركانة زيت 36 رطل فول 570ج
زيت الطيب او صباح او شمس للتحمير 4.5 لتر 145ج
انبوبة الغاز 150ج
شوال الفحم 320ج
شوال البصل 780ج
ربع البصل 60ج
صابونة حمام عادية 7 ج
رطل البن 35 ج
رطل المكادة 40 ج
كيلو فول سيوبر 50 ج
كيلو فاصوليا 40 ج
كيلو عدس 30 ج
كيلو رز 25 ج
علبة صلصة 20 ج
كيس شعيرية مكرونة رز نوبو 7ج
صابون بودرة 2 كيلو 40 ج
كرتونة صابون غسيل 200 جم بي 150 ج
كيلو لبن بودرة 140 ج
معجون سجنال 125 جم بي 25 ج
ملوة ويكة خرطومية 40 ج
ملوة ويكة مفرولة او سارا 80 ج
ملوة حمص 80 ج
رطل كركدي 25 ج
ملوة تبلدي 100 ج
شوال طلح 150 ج
ملوة لوبيا ابيض 60 ج
كروسة كبريت 10 علب 5 ج
قلم رصاص 3 ج
كراس 5 ج
قلم حبر ناشف 5ج
حلاقة الشعر 20 ج
رطل شاي80 ج
كيلو سيقا 12 ج
كيلو دقيق كسرة 12 ج

مرحب فرانكلي
طبعا في تفاوت ولكنه تفاوت ضئيل للسلع
يعني في بضايع بتجي من الخرطوم وواحدة من الغرب و
المكان البتجي منو ارخص من المكان البتمشي ليهو
كيلو الضان 120 ج
العجالي100 ج
البقري 80 ج
بقري جقق جلافيط ساي 60 ج
كيلو الموز 10 ج
دستة برتكان 40 ج
علبة صلصة 20 ج
الدومة الواحدة بي 1 ج ودة موسمو
بالمناسبة الدوم بقو يستعملو دوا ومرغوب
لو في سؤال عن سلعة نسيتها او استفسار ممكن تسألو

ماقصرت يا ود ابوسن
باقى اللحم -الفراخ - البيض -الخضروات والفواكه وتكون كملت جميلك

شكرًا كثير

لو سمحت طلب الفول المصلح في الخرطوم بي كم ؟
وطلب الفول السادة وصل كم ؟
عشان خاطر العزابة والموظفين والطلاب

مشكورين

طبق البيض 60 ج
كيلو الجداد 55 ج
كيلو الجبنة 80 ج
كيلو الفسيخ 60 ج
سجوك وهوت دوق و كفتة 50 ج نص الكيلو
الخضار فلاحة ساي هنا عندنا بالكوم
لكن سلطة خضرا ب 20 ج
رطل زيت السمسم بي 30 ج
شوال العيش زاد بقا 250 ج

البن يا حبيب

شوال العيش زاد بقا 250 ج

400 الف يا حبيب موش 250 الف
مالك داير تصفقني ياخ هههههههههههههههههه

اخوك زارع

سلام ابسن

أسعاركم أحسن من الخرطوم. مثلا

الضأن 140 - 144
عجالي صافي 110 - 120
عجالي 90 - 100
البيض 70
الفراخ 50
علما بأن كل سيوبر ماركت و كل جزارة و كل بقالة اسعارها براها.

طلب الفول مصلح ب 13 ج
طلب فول سادة 10 ج
سندوتش طعمية 3 ج
الاقاشي السلك 4ج
البن حب 35 ج الرجل
بن حامد الرطل 45 ج
طلب الكسرة 10 ج
طلب قراصة 12 ج
طلب عصيدة دخن 12 ج
والملاح شرموط ... ويكة ... لوبيا ... خدرة ... روب
دي اسعار كوستي

موفق يا أبو سن

بن حامد بي كم ؟

يا شيقوق دي اسعار امس
شوال عيش بلاستيك 20 ملوة 250 ج
الشوال نص الاردب 345 ج
وقالو جايب نزول لأنو كان 380 ج

شوال الطلح 150 جنيه ...
ههههه شوف البوره والهمله دي ...
المغترب ممكن يدفعو 150ريال، درهم،
دينار، يورو، دولار بي نفس راضيه بي
امر القوي علي الضعيف ...

والله ياود أب سن ماقصرت تب
بس شوف لينا سعر السمك الكجيك
باقي نحنا ناس خلا ساي وكنابو، جمع كمبو
camp
...
...
هاهاهاهاهاهاهاها

مصطفى بشار

Quote: بقري جقق جلافيط ساي

شنو الـ oxymoron دا يا قريبك!
يا جقق يا جلافيط ساي :)

شكرا يا حفيظ
أها
زي ما سأل الطيب صالح

ودأبنآدم بي كم؟!

السمك عجل الكيلو 80 ج
كيلو بولطي 50 ج
كجيك 60---- 40 ج
يا صلاح في طلح بي 100ج ما سمح
لكن دة طلح ودروت نضيف
يا ودو مافي تناقض في بقر جقق بضبحوها لأنها رزت ولا عاكا ولا مرضانة في جقق دعول
يا عبدالله البني آدم عند الحكومة الدية 330 مليون ج لو ما كتلتو هي . لو هي شوف سعر الطلقة بي كم
ما سمعت ابوقردة قال فيما معناهو خسارة علاج ساي

التمباك

رطل تنباك ناشف درجة اولي بي عطرونو ب 30 ج
درجة تانية ب 20 ج
تنباك ممطر بي 4 ج بكفيك اليوم
علبة البرنجي ب 10 ج عشرة سجارات
علبة لورد ب5 ج عشرة سجارات

رطل تنباك ناشف درجة اولي بي عطرونو ب 30 ج


بالله شوفوا الهملة دي

الجريدة بي كم
البستي كوليا بي كم
باظ الظافر من جنب عكاشة لغاية عوض شلك بي كم
مريخ رابطة بي كم
فيلم ديجانقو شعب بي كم
4 صور باسبورت في ستوديو يحيي بي كم
البنطون لي طيبة بي كم
العنكوليب
طعمية الوينة
قزازة سمن عند ود اب سن
شوال الدردقو بي كم
حلاقة عند عمك بخيت بي كم
ورنيش جنب بار اب نجمة بي كم
شريط تي دي كي من بانوراما بي كم
كوم الليمون في كبري الليمون
كباية شعير عند عبدالرحمن
شاي بي لبن ولقيمات في موقف التاكسي القديم بي كم

---
واضح انها دي نوستالجيا لأيام القرش والتعريفة رحمهما الله
---
لكن يا ود أب سن بس عشان ندي أولادنا وأحفادنا مقارنة بالجد ورينا
المرورو والتسالي وتمر أبونا والداردمة بي كم

يا نعومة اللحم ارخص عندنا منكم عموما
والخضروات برضو
لكن الفواكه بعضها عندكم ارخص عندكم
الايام دي موسم البطيخ
البطيخة من 5 ج لي 15 ج

يعني زول عنده ٣ عيال داير ليه كم عشان يقضي يومو خنق أكل وشراب

هملة شنو يا اسامة
الحد الادني للاجور 420 ج واقل كيس صعوط بي 3 ج ما بتم اليوم
ههه
يا عبدالله التذكرة لي الخرطوم 145 ج
كيلو الباسطة من بابا سامي بي 35 ج
كباية عصير هيلاهوب من محمد عمر ب 10 ج
كاسة الايسكريم الصغيرة جدا ب 5 ج
حلاوة لبان بي جنية
داندرمة بي جنية
البالوظة بالعرديب ب 2 ج
كيس التسالي بي جنية تشيلو في طرف يدك
الشافع داير اقلاها 5 ج للمدرسة مع السندوتش
قزازة البستي كولا ب 5 ج
الجبنة عند حامد ب 3 ج
كباية شاي اللبن عند اخو عبدالرحمن ليمون ب 5 ج
فتح محل مقابل سوق اب زلعة فيهو الليمون وغيرو وشاي لبن ولقيمات
شاي اللبن واللقيمات قبل الصبح جاهزة
وبدور تاني شاي ولقيمات من عصرا هالك
بصلي الصبح وبمشي من بيتي بجيب اللقيمات منو والطير ما نضم ما رسل نغم

ما اقل من 150 ج 200 ج بالكاد يا منتصر
بدون مفاجآت ولا مرض ولا كهربا ولا موية ولا مجاملات

زيادة في البصل
الشوال 850ج
الملوة 35 ج
لناس البندر
الربع = 2 ملوة

just
up

للذكري

سلام يا ابسن

هسه كيف
نفسها ول تغيرت

الرغيف معروف طبعا

يا حمد بعد شهرين بس من البوست دة مافي سعر ثابت
ارتفاع يومي لكل السلع
خلي دي مشيت آكل كوارع حاجة فاطنة وعرجون بتاعين الكوارع قالوا مافي
ليه ؟
الجوز عمل 50 ج ني
وفتشن مالقن
الناس وقعت الكوارع
دقيق سيقا البكت عشرة كيلو الصباح ب 110 ج هسة بي 135

بعد الزيادات الأخيرة دي يا عبدالحفيظ

الرغيف بقى بكم؟
ورطل اللبن بكم؟
علبة الصلصة بكم؟
وكيلو الضان بكم؟
ورطل الزيت طبيخ بكم؟
والمرقة بكم؟
وملوة البصل بكم؟
والتوم بكم؟
ورطل الشاي بكم؟
وطلب الفول بكم؟
وكيلو الجبنة البيضة بكم؟
وحبة الطعمية بكم؟

متوسط الماهية كم ومتوسط الصرف اليومي لوجبتين ومواصلات بكم؟

وماذا عن المسكرات والمخدرات وقيمة الإنسان

صعب يا كمال الاسعار في ازدياد مضطرد
تخيل الا البصل مفروض ينزل لكن ابا ينزل تقول معرج
يا منتصر ودونك يقبضو تجار غرامات وجلد لانهم شغالين وقت صلاة الجمعة او بلعبو ليدو
شفت الدين لامن يكون علي الناس