Post: #3 Title: Re: وزير سوداني يضع العلم المصري في صورة بروف� Author: سيف اليزل سعد عمر Date: 11-20-2017, 08:34 PM Parent: #2
فضيحة والله.
Post: #4 Title: Re: وزير سوداني يضع العلم المصري في صورة بروف� Author: Ahmed Alim Date: 11-20-2017, 08:44 PM Parent: #3
يا أبوالسيوف لو بس خت العلم السوداني جنباً الى جنب العلم المصري، أمكن كان يعتبرها البعض من باب مصر يا اخت بلادي والحنك البيش داك :) لكن علم بلده ذاتو ماف!! صحي الإختشو ماتو
Post: #5 Title: Re: وزير سوداني يضع العلم المصري في صورة بروف� Author: بشير حسـن بشـير Date: 11-20-2017, 08:46 PM Parent: #3
سلام أخونا أحمد
اذا كان هذه الصوره صحيحه فهي فضيحه بكل المقاييس وعدم انتماء وطني لهذا البلد العظيم السودان
ولكني اعتقد والله اعلم انه الصوره ده كانت في اجتماع لدول حوض النيل او سد النهضه علي مستوي الوزراء وكل وزير جنبه علم بلده فالصوره مأخوذه من زاويه حاده تظهر العلم المصري كأنه أمام الوزير السوداني
فقد حضرت لقاء لهذا الوزير مع لميس للحديدي المصريه اللئيمه وحاولت أن تستفزه وتستفز السودان كله
والحق يقال أنه أخرسها وقعدها في العلب الصحيحه لها فهذا الوزير من أفضل الوزراء السودانيين الذين يعرفون كيف يردوا علي لف ودوران وتدليس المصريين
مع التحيات لك ولزوارك
شعب عملاق يتزعمه أقزام
Post: #6 Title: Re: وزير سوداني يضع العلم المصري في صورة بروف� Author: جمال ود القوز Date: 11-20-2017, 08:54 PM Parent: #5
الصوره مأخوذه من زاويه حاده تظهر العلم المصري كأنه أمام الوزير السوداني
Post: #8 Title: Re: وزير سوداني يضع العلم المصري في صورة بروف� Author: Ahmed Alim Date: 11-20-2017, 09:03 PM Parent: #6
جيمي امبس سلامات .. الراجل دا كوزير بتكون عنده الالاف الصور وببدل مختلفة كمان :) .. ليه يعني بس يختار دي عشان تبقى صورة بروفايله في موقع الوزارة!!
Post: #19 Title: Re: وزير سوداني يضع العلم المصري في صورة بروف� Author: جمال ود القوز Date: 11-22-2017, 05:31 PM Parent: #8
Quote:
ليه يعني بس يختار دي عشان تبقى صورة بروفايله في موقع الوزارة!!
أحمد امبس .. في دي أصلو ما بتقدر نقول ليك حاجة .. فعلا اشمعنى اختار الصورة دي بالذات لبروفايله .. واضح انه ممكن تتفهم غلط .. نسبة للحساسية ..
خيرووو ..
Post: #7 Title: Re: وزير سوداني يضع العلم المصري في صورة بروف� Author: Ahmed Alim Date: 11-20-2017, 09:00 PM Parent: #5
أهلين يا بشير ولعلك طيب ياخ..
من ناحية الصورة فأطمئن فهي صحيحة مية بالمية وانا شخصياً جبتها مباشرة من بروفايل الوزير في الموقع الرسمي لوزارة الموارد المائية الري والكهرباء.
صحي الصورة ممكن تكون مأخودة في إجتماع دول حوض النيل أو اي مناسبة إقليمية أخرى ..
لكن السؤال: ليه السيد الوزير في صورة بروفايله الشخصي كوزير وفي موقع الوزارة السودانية يختار صورة تظهر علم دولة أخرى؟؟؟؟
Post: #9 Title: Re: وزير سوداني يضع العلم المصري في صورة بروف� Author: بشير حسـن بشـير Date: 11-20-2017, 09:12 PM Parent: #7
Quote: ليه السيد الوزير في صورة بروفايله الشخصي كوزير وفي موقع الوزارة السودانية يختار صورة تظهر علم دولة أخرى؟؟؟؟
أتفق معك فيما سقته ومن واجبنا تنبيهه بأي طريقه لتغيير هذه الصوره العار علينا .
صدقني لا هو ولا مدير مكتبه ولا السكرتاريا بتاعة الوزاره كلها
يكونوا ما جايبين خبر للصوره ده .
Post: #11 Title: Re: وزير سوداني يضع العلم المصري في صورة بروف� Author: Ahmed Alim Date: 11-20-2017, 09:46 PM Parent: #9
Quote: صدقني لا هو ولا مدير مكتبه ولا السكرتاريا بتاعة الوزاره كلها
يكونوا ما جايبين خبر للصوره ده .
لو دا بقى الوضع فالمصيبة أعظم! معقول ما عندهم مسؤول لموقع الوزارة برفع الصور والأخبار!!
بعدين أنا لأ اثق في الراجل دا نهائياً لأنه كذب على أهلنا المناصير وساهم في إفقارهم .. وهو أيضاً مسؤول مع حكومته عن بيع أراضي الولاية الشمالية للاجانب لزراعة البرسيم وإستنزاف حصة السودان ومياهنا الجوفية وتصديرها للخارج في شكل أعلاف!! لانوا كل أراضي الشمالية تحت تصرفه منذ ان كان مديراً لوحدة تنفيذ السدود بموجب القرار الرئاسي رقم 206/2005 والقاضي بمصادرة اراضي الشمالية وأيلولتها لوحدة تنفيذ السدود. دا غير مسؤوليته الأخلاقية إن لم تكن الجنائية بشأن المجازر التي أرتكبت بحق أهلنا في إمري وكجبار!!
زول بتاريخ زي دا صعب نحسن الظن بيهوا!!
Post: #10 Title: Re: وزير سوداني يضع العلم المصري في صورة بروف� Author: معتصم سليمان Date: 11-20-2017, 09:45 PM Parent: #1
الألم مافي العلم ...الألم في محل الوجع المفروض على أرض الواقع حنضل بس حنضل عدييييييييييييييييييل
Post: #12 Title: Re: وزير سوداني يضع العلم المصري في صورة بروف� Author: Ahmed Alim Date: 11-20-2017, 09:52 PM Parent: #10
معتصم سلامات .. صدقت يأخي فمواضع الألم متعددة في بلدنا .. ولكن غياب علم السودان ووضع علم دولة أخرى أمر كارثي وفضحية بحقه وحق الوزارة!
Post: #13 Title: Re: وزير سوداني يضع العلم المصري في صورة بروف� Author: امتثال عبدالله Date: 11-20-2017, 10:00 PM Parent: #12
فعلا حاجة غريبة بالجد...المفروض اذا في اي روح من الوطنية يطردو الوزير وبنفوهو لمصر.. والحاجة المستغربة ليها صلاح غريبة ما شاف الصورة دي!! اذا فعلا الوزير ما عارف نكلم بق بق ينبه الوزير ..ما دام قالوا وزير كويس .. مع وافر التقدير
Post: #14 Title: Re: وزير سوداني يضع العلم المصري في صورة بروف� Author: Ahmed Alim Date: 11-20-2017, 10:05 PM Parent: #13
مرحبا يا إمتثال ..
لو دخلتي الموقع حتلقى الصورة قااااعدة .. الا يغيروها بعد البوست دا .. عشان كدا انا عملت ليها كابشر .. وياريت يغيروها.
الوزير ما عندو كواسة كلو كلو .. سيرتوا مهببة :)
Post: #15 Title: Re: وزير سوداني يضع العلم المصري في صورة بروف� Author: Frankly Date: 11-20-2017, 10:11 PM Parent: #1
قمة الغباء والبلاهة والسبهللية والهبنقية والفوضوية وعدم المهنية
ما في اي عذر لوضع هذه الصورة المسيئة للسودان وكل سوداني
والأقبح من ذلك كله أنها وضعت في موقع حكومي
Post: #16 Title: Re: وزير سوداني يضع العلم المصري في صورة بروف� Author: Ahmed Alim Date: 11-20-2017, 10:24 PM Parent: #15
Quote: ما في اي عذر لوضع هذه الصورة المسيئة للسودان وكل سوداني
والأقبح من ذلك كله أنها وضعت في موقع حكومي
صحيح لانوا الموقع بمثل حكومة السودان!
Post: #17 Title: Re: وزير سوداني يضع العلم المصري في صورة بروف� Author: Ahmed Alim Date: 11-21-2017, 05:35 AM Parent: #16
يا جماعة انتوا حرف (م.) قبل الاسم مش بيعني مهندس؟؟
الاسم مكتوب في الصورة أعلاه مرتين م. معتز موسى عبدالله سالم
ولما نقرأ سيرته الذاتية مافيها اي شئ بفيد بأنه درس هندسة أو حتى اية دراسة كانت ممكن تجاوزاً يقولوا عليه مهندس!!
Quote: المؤهلات الأكاديمية:
* 1989م تخرج من كلية الدراسات الإقتصادية والإجتماعية بجامعة الخرطوم.
* حاصل على درجة الماجستير في الدراسات الإستراتيجية.
* حاصل على درجة الماجستير في العلوم السياسية.
* حاصل على درجة الماجستير والدبلوم العالي في الترجمة بجامعة الخرطوم.
الجهات التي عمل بها :
* 1990 – 1992م مدير المركز القومي للإنتاج الإعلامي.
* 1992 – 1994م دبوماسياً برائاسة وزارة الخارجية.
* 1994 – 1998م دبلوماسياً “قنصل” بسفارة السودان في بعض جمهورية ألمانيا الإتحادية.
* 1998 – 2013م مديراً للإدارة العامة للإعلام والمعلومات ثم الإدارة العامة للتمويل ثم الإدارة العامة للمشروعات بوحدة تنفيذ السدود.
* ديسمبر 2013 – حتى الآن وزيراً للموارد المائية والكهرباء
Post: #18 Title: Re: وزير سوداني يضع العلم المصري في صورة بروف� Author: بشير حسـن بشـير Date: 11-22-2017, 05:14 PM Parent: #17
السلام عليكم أخ أحمد عالم
أنا ذكرت أنه في فيديو للإعلاميه لميس الحريري وقد ألجمها
خذا المعتز حجرا وأسكتها تماما
ومع هذا فوجود العلم المصري أمامه عار علينا جميعا
إليك الفيديو مع التحيات والتقدير
Post: #20 Title: Re: وزير سوداني يضع العلم المصري في صورة بروف� Author: Suleiman Todi Date: 11-22-2017, 09:52 PM Parent: #18
بالتأكيد الصورة ماخودة من زاوية وزير معتز موسي علي ما اعتقتد وزير معهود له بالكلام الحار مع المصريين
Post: #21 Title: Re: وزير سوداني يضع العلم المصري في صورة بروف� Author: نادر الفضلى Date: 11-22-2017, 10:08 PM Parent: #20
سلام أحمد عالم
ملاحظتك في محلها، فالصورة غير مناسبة، وقد تناسب وضعها مع خبر متعلق بالإجتماع الذى ألتقطت فيه وليس كصورة دائمة لبروفايل الوزير بموقع الوزارة ... ولو العلم إتحرك وإتلف شوية بحيث لا يظهر الصقر ما كان إتعرف علم أي دولة .. السودان .. مصر أو...!! كلها متشابهة
ولكن هل الوزير هو من إختار ووضع الصورة بموقع الوزارة؟ أرجح أن مصمم أو أدمن الموقع هو من إختار ووضع الصورة ويبدو لى أنها صورة مأخوذة من فيديو.
Post: #22 Title: Re: وزير سوداني يضع العلم المصري في صورة بروف� Author: منتصر عبد الباسط Date: 11-22-2017, 10:26 PM Parent: #21
طبعا الصورة اتأخدت جنباوية من جهة اليمين عشان كدا ولأن الذي أخد الصورة كان العلم المصري في قبالة جاره بالجهة يمين الوزير السوداني الذي التفت واستدار يميناً لمن يصوره فظهرت في الصورة لأن الصورة كانت بالجنب وليست مواجهة. ربما الذي التقط الصورة لم يجد مكان في الواجهة ليظهر العلم السوداني بدل العلم المصري لكن هذا ليس عذرا... لأنه يمكن نجد عذر لسبب ظهور الصورة بهذا الشكل لكن لا عذر لوضع هكذا صورة في برفائل رسمي أو حتى شخصي!!
Post: #27 Title: Re: وزير سوداني يضع العلم المصري في صورة بروف� Author: Ahmed Alim Date: 11-23-2017, 01:43 AM Parent: #22
Quote: لكن هذا ليس عذرا... لأنه يمكن نجد عذر لسبب ظهور الصورة بهذا الشكل لكن لا عذر لوضع هكذا صورة في برفائل رسمي أو حتى شخصي!!
بالضبط كدا يا منتصر، مافي عذر .. الحركات دي بعملوها المصريين لما يصورو مسؤولين سودانيين زائرين لمصر، دايما يجيبوا خلفية كبيرة خلفهم فيها خريطة لمصر تدخل حلايب في الحدود المصرية أو اي حنك بيش تاني :) لكن لما تكون في موقع رسمي سوداني ما ممكن تنبلع!!
Post: #23 Title: Re: وزير سوداني يضع العلم المصري في صورة بروف� Author: Frankly Date: 11-22-2017, 10:32 PM Parent: #21
Post: #26 Title: Re: وزير سوداني يضع العلم المصري في صورة بروف� Author: Ahmed Alim Date: 11-23-2017, 01:36 AM Parent: #21
Quote: ولكن هل الوزير هو من إختار ووضع الصورة بموقع الوزارة؟ أرجح أن مصمم أو أدمن الموقع هو من إختار ووضع الصورة ويبدو لى أنها صورة مأخوذة من فيديو.
أخونا الاستاذ نادر الفضلي،، تحياتي وإحترامي ..
من الصعوبة بمكان الجزم بأنوا الوزير نفسه إختار الصورة لتوضع في بروفايله أم لا.. ولكنه ياعزيزي مسؤول عن الفضيحة دي بغض النظر عن المسؤول عن وضعها ،، لانوا ببساطة دا الموقع الرسمي لوزارته!
الحاجة المؤسفة إنوا الصورة حتى هذه اللحظة مازالت موجودة في الموقع!!
غايتوا لو حصل الكلام دا في دولة بتحترم سيادتها غلطة زي دي بتكلف الوزير وظيفته، أو على الأقل الزول المسؤول من وضعها أكان أدمن ولا مصمم أو غيره، لانه بالجد مستفزة جداً ..
Post: #25 Title: Re: وزير سوداني يضع العلم المصري في صورة بروف� Author: Ahmed Alim Date: 11-23-2017, 01:19 AM Parent: #20
Quote: بالتأكيد الصورة ماخودة من زاوية وزير معتز موسي علي ما اعتقتد وزير معهود له بالكلام الحار مع المصريين
أهلين يا سليمان .. المشكلة في إختيار الصورة دي على وجه التحديد لتكون في الموقع الرسمي!!
معقول ما عندو صور تانية :)
Post: #24 Title: Re: وزير سوداني يضع العلم المصري في صورة بروف� Author: Ahmed Alim Date: 11-23-2017, 01:11 AM Parent: #18
أخونا العزيز بشير لك التحية والتقدير ..
شكراً كتير على الفيديو .. موقفه في البرنامج قوي وموضوعي ويستحق الإشادة .. لانوا قلما نجد وزير سوداني يتكلم بندية مع الجانب المصري!!
وزي ما قلت وجود العلم المصري في صورة بروفايله في الموقع الحكومي يعتبر فضحية!
Post: #28 Title: Re: وزير سوداني يضع العلم المصري في صورة بروف� Author: MOHAMMED ELSHEIKH Date: 11-23-2017, 05:52 AM Parent: #24
1989م تخرج من كلية الدراسات الإقتصادية والإجتماعية بجامعة الخرطوم.
* 1990 – 1992م مدير المركز القومي للإنتاج الإعلامي.
الكتراااابة مدير على طول
Post: #29 Title: Re: وزير سوداني يضع العلم المصري في صورة بروف� Author: Ahmed Alim Date: 11-23-2017, 08:49 AM Parent: #28
الراجل تخرج في بدايات عهد التمكين .. عشان كدا وصل سريع يا ود الشيخ :)
طبعاً مفهوم التمكين نصاً ومضموناً هو ليس من بنات أفكار حسن البنا مؤسس تنظيم الاخوان المسلمين انما كان مستلفه من قانون التمكين Ermächtigungsgesetz النازي
