قباني ومعاوية مع سبق الاصرار

02:08 PM November, 16 2017

سودانيز اون لاين
عبدالحفيظ ابوسن-no where
مكتبتى
رابط مختصر

هسي شوف يا قباني لولا سودانيز ده كان ضاعت علينا كم حاجة حلوة في الدنيا!
عشان كده قاعدين نغفر للمنبر قباحاتو
أنا غايتو خاتّي ملاقاتكم اللتنين للتحلية
معاوية الزبير

توقفت كثيرا امام رد معاوية الزبير ل قباني في بوسته الاحتفائي ب محمد المرتضي
التعبير جعلني افكر فيه كثيرا
فهو تعبير يبدو عابرا وعفويا وبه صدق
ثم انه يتجاوز بضع كلماته لأعمق من ذلك
كيف ان المنبر خلق صداقات اسفيرية بداءة ثم تجاوزها لعلاقات حقيقية تلزم كل شروط و متطلبات الصداقة
رغم ان بعضهم قد يعترض علي تعبير حقيقية كون ان تلك الصداقة غابت عنها اللقيا الحقيقية
وكون ان بعضهم لا يعتبر ان خلق صداقات اجتماعية تفسد طبيعة المنبر
تلك الطبيعة التي تبيح لك التصدي دون حساسية ردودا يمكن ان تتحول لعنف لفظي
رغما عن كل ذلك
فالمنبر رغم قبح يتاوره حينا واحاين ولكنه صار تعويضا عن صداقات لأناس صعب تلاقيهم .. تشتتوا في كل بقاع العالم
وهو امر لم يكن متوقعا حسب طبيعة من هم في جيلنا
جلوسا بالكراسي امام البيوت او النوادي او المقاهي او في استك ناصية
فالمنبر اعاد لنا ألق ذلك الدفء الحميم

Quote: توقفت كثيرا امام رد معاوية الزبير ل قباني في بوسته الاحتفائي ب محمد المرتضي

جنس انبثاقات !
طيب ما كان تكتب الكلام ده هناك.
قبانى حاظرك من الكتابة فى بوستاتو؟
ود الزبير كتب بوست ,, جا المشرف
انبثق .
عرفات داك قاعد ينبثِق من نفسه زى خلية الاميبيا
قوم انت يا ابو حسين انبثق من عرفات.

في شنو !،
جِنِس بِزغات !...

Quote: في شنو !،

فى شارع ابـ سِن المتَفَرِّع من شارع ود الزبير المتَفَرِّع من شارع قبانى.

ههههه
يا فاضلابي
الفكرة عامة هنا
وهناك خاصة

فوق لمزيد من الحاجة القال عليها ود المدير دى

الفكرة إنو مساحات (حدوث) الصداقات أصبحت ضيقة
خاصة للناس العايشه في الغربة (ظروف العمل والسكن والاجتماعيات و.. كده)
فلا يبقى أمامنا سوى حدوث الصداقات عبر الكتابات، كل شن يلاقي طبقه
وهذا الوضع يوفره لنا منبر سودانيز
بَس

إنتو يا مونساتية جايين على البوستات العميقة مالكم!
غبيانين من بوستات الونسة المبهولة ديك
قال بثق قال

فاضلابي ياشليق
الإحتفاء بمداخلة وردت في بوست بإفراد بوست خاص لها ... فيها كثير من المعاني
انا ذاتي أعجبت بمداخلة معاوية دي والحمد لله ود ابوسن طوَف بيها أركان المنبر ليعلَي من شانها
مرات مداخلة واحدة تغني عن بوست كامل اسال الله أن يديم المحبة بين الناس ويجعل المنبر الشعرة البتربط بينهم

فهِّم المونساتية ديل يا حيدر
وبالمرة كلّم لينا صاحب المنبر يدينا مكتبة
نشيل ونشكّر في منبرو بلا فايدة

عادى نتيجة لعدم الجدية كل واحد عامل فيها ابو الفهم لكن هو ناسى
انه صفر على الشمال قوموا لفوا لفاكم قطر عجيب يودى ما يجيب
تخريمة
عالم بطالة امشوا شوفوا ليكم مكان شيشة ياهو شبهكم ههها

صديق علي مهدي درق سيدو (امبر عاهة في المنبر) كما قال ود البشرى
انت طارح نفسك شنو بالضبط عشان تجي ترمي كلامك المعفن ده كله مرة في بوست
اهو فاتح ليك بوست يكشف عوارتك وجهلك وعدم موهبتك
فى اقل من ١٠ ثوانى فى اى عام كتب بكرى ابو بكر فى سودانيز
في زول من الشباب المحترمين ديل جاء اتهابل معاك هناك
انعل دين مخك ياخ
يلفك قطر

المقصود (أكبر عاهة)
-
ده البوست الثالث اللي بتعابط فيه صديق ده بمداخلاته السمجة دي
يبدو انك بتراهن على سكوت الناس على هبالتك دي

Quote: الفكرة إنو مساحات (حدوث) الصداقات أصبحت ضيقة خاصة للناس العايشه في الغربة (ظروف العمل والسكن والاجتماعيات و.. كده) فلا يبقى أمامنا سوى حدوث الصداقات عبر الكتابات، كل شن يلاقي طبقه وهذا الوضع يوفره لنا منبر سودانيز بَس إنتو يا مونساتية جايين على البوستات العميقة مالكم! غبيانين من بوستات الونسة المبهولة ديك قال بثق قال

معاوية يا صديقي ...

اب سن عضو كامل في مجمع الرقة و الإنسانية ...

لكن المونساتية ديل ما بريحو ...

عاملين زي الاصحاب الخشو السينما و لقو روحهم شافو الفلم قبل كده *
يقوموا يحكوا الاحداث بصوت عالي قبال حدوثها ... و يبوظوا على الناس متعة الفرجة ...

( غلوتية : للاشبال ...)

كيف لقو روحهم شافو الفلم قبال ده و خشوهوا تاني ؟

كدي بي هدوء كدا ورونا الحاصل شنو؟؟
اب سن دا قال الايامات دي قاعد ينسی
فرارو ویلبس جلابیتو بدون مکوة
الباقين مالهم يا كافي البلاء
،،،
كسرة جديدة:
صديق وعرفات ديل فاكهة المنبر يا جماعة
ما تزعلوهو علينا

عثمان شكرا على الكلام الجميل اها اسع بتطلع من البوست دا بشنو غير عوارة
حيدر حسن ميرغنى البسب فى الدين أمام ناس المنبر اها فرقوا شنو من محمد
ادم ياخ دا رجل أهبل عديل

صدقت يا معاوية
مافي شي بصبرنا غير لطافة الصحاب هنا
و
كل إنا بما فيه ينضح
المجنون لا تآكلو لا تخلي ياكل معاك
بوسخك

يا حيدر حسن ميرغني الفهم قسمة ونصيب لذا احسن ترجع الروضة ههها
عمرك ما كتبت شئ مفيد يا هبنقة هههها

ابن النيل دا رجل داهية يجيك بفوق ههههههه
تخريمة
عوس عواستك الفيك انعرفت هههها

اها الانبزاقة دى كسحت وين

Quote: اب سن عضو كامل في مجمع الرقة و الإنسانية

اها المجمع ده بركبوا ليهو ياتو مواصلات؟ وفيهو شقق للايجار؟
حيدر ميرغنى الدنيا شتا ,, التلِج باير :(

تشكرو

Quote: تشكرو

نَشْكُر منو؟
معاك لى آخر الْمَسُورْ نشوف الْلَّبَقَة الـ فَتحْتَها دى بْتسْقى كم حوض.
الصعايدة ناس رى مطرى ما بعرِفوا الْلَّبَقَة دى شْنِى :(

زولك دا يا الفاضلابى بشكر على شنو ؟ على اساءة حيدر حسن ميرغني لى
هههههه
تحياتى
يا رجل يا ظريف حقو يدوك شياخة المنبر لأنك حكيم يا فاضلابى

كل مداخلة لصديق مهدي تؤكد الفرضية الأساسية في البوست

شكرا معاوية الزبير على هذه المداخلة الزكية
تحياتى
يا معاوية بس انشاء الله ود أب سن دخل عليك من الباب ههههها

يا صديق قبل فترة قلت ليك
ما ح ارد عليك ولا اتداخل معك
مش عشانك لكن عشان نفسي
بدون مزايدة حسن خلق انت بتخليني افارق خطي وهو عدم التناول الشخصي للامور
وانت مصر تحول المواضيع للشخصنة
انا ما بتحدث عن معاوية وان كان هو يستحق الحديث لتمتعه بمزايا انسانية عالية منها عدم التعرض للناس بالهزء والسخرية
ولكن تحدثت عن فهم اتي به كون ان المنبر تحول لواقع حقيقي مفقود ولكنه في الذكرة
البوست دة انا فارقتو برضو لأنك افسدته لسبب في نفسك كون انك يعجبك الحط من قدر الناس
يمكنك ان ترفع نفسك ولكن ليس شرطا من خلال التقليل من آخر
خانة العلا ليست واحدة لتزيح احدهم لمقعدك فهي من السعة بمكان لتحمل كل الناس
اعتذر
ليس لك فأنت تعجز عن استقبال حسن القول
ولكن اعتذر للقراء كلهم
لن اعود وإن عدت

معليش يا حفيض وود الزبير مداخلاتى كانت بغرض المناكفات الاخوانية لاغير

حفيظو الخلوق الجاتك في بوستك سامحتك
العاهة ده دي طريقتو في اي بوست
حاتم ابراهيم فتح بوست بعنوان الرندوق
قام مارس نفس عوارتو
ساط سواطتو وخرج لايلوي على شيء :))

https://www.0zz0.com

https://www.0zz0.com

في ثلاثة بوستات اخرى تداخل فيها بنفس الطريقة
شايفو قلب سراير وعنقاريب .. :))

https://www.0zz0.com

وحالتوا قلب كوز ورجع درق زي الما حصل شيء

حيدر حسن ميرغنى انا لم أكون كوز فى يوم من الأيام لكن عندما لى
انا لوحدى المعارض فى هذا المنبر وبوستاتى تقابل بسخرية شديدة
من قبل الماجورين قولت احسن اعمل شئ من أجل السودان من خلال حكومة الوفاق لكن لم أوفق عشان الثقة اصبحت
غير متوفرة لذا وجدت نفس المعاملة الغير جميلة لذلك رجعت للمربع الأول من جديد ههها
تحياتى
يا حيدر لذا انا مع اى قرار سليم ينقذ السودان واهله

مافي زول عايز ينقذ السودان وأهله انطلاقا من المنبر دا يا صدّيق
الناس هنا ساعيه ترتب نفسها بَس و تكون كويسه.. بالكلمة الطيبة والظن الحسن
لا بأس يا زول

معليش يا حفيض وود الزبير مداخلاتى كانت بغرض المناكفات الاخوانية لاغير

مفهوم يا فاضلابي
كيفك و وينك يا رجل