خبر عن تحرير رهينة سويسرية في الكتم .. يارب تكون مارقريت

07:33 AM November, 15 2017

سودانيز اون لاين
علي عبدالوهاب عثمان-جدة
مكتبتى
رابط مختصر

قوى الامن إستطاعت أن تحرر رهينة سويسرية
=================

قبل لحظات إتصل بي الزول الهميم الاخ / احمد شرفي من أبناء مشو
والذي كان يتقاسم معي هم هذه الانسانة الرائعة ( مارقريت ) التي تم إختطاقها في الفاشر
قبل أسابيع ..
كما أخبرني الاخ شرفي الخبر من موقع النيلين لم يذكروا إسم الرهينة السويسرية المحررة
ولكن إحتمال كبير ( مارقريت ) ..
خلينا نفرح شوية ولو مؤقتاً ..
مارقريت تحب السودان موت .. ربما تلغي الجواز السويسري وتحمل الجنسية السودانية
ولأنها أصبحت هدف أحسن لها أن تسافر سويسرا .. يا ترجع عندما هناك في قريتنا ارتقاشا شمال دنقلا


شكراً الهميم أحمد شرفي .. لهذا الموقف الانساني ..

أرجو التعاون للبحث عن الحقيقة وتأكيد الخبر .. همتكم يا شباب ناس التكنولوجيا

الحمد لله اخونا علي عبدالوهاب حسب صحيفة
السوداني انها السويسريه مارغريت

لحمد لله اخونا علي عبدالوهاب حسب صحيفة
السوداني انها السويسريه مارغريت
===========

ياسلام حبيبنا اسامة .. شكراً كثير
ده أجمل خبر سمعته .. الحمدلله ..
ما في تفاصيل .. ولكن المهم أنها بخير ..

شكراً لرجال الامن .. حتى لو كان الدعم السريع ..

مودتي .. الحبيب أسامة ..

شكراً للاخ الهميم احمد شرفي .. كان متابعاً لكل الاخبار
في منتدى أربعائية دنقلا ( ليلة الجمعة ) إن شاء الله سوف أتناول موضوع هذه
السيدة الرائعة التي وقفت مع أهلنا في أحلك الظروف تقدم يد العون للاطفال والامهات
نعتبرها جزء منا .. كما النيل والنخيل والسواقي ..

ولا بد من إرسال وفد من الشباب للاطمئنان عليها ..

السلطات الامنية السودانية تعلن تحرير الرهينة السويسرية المختطفة في دارفور


التاريخ : 15/11/2017

إطبع

________________________________________
الخرطوم - 15 - 11 - (كونا) - - اعلنت السلطات الامنية السودانية اليوم الاربعاء تحرير الرهينة السويسرية المختطفة في دارفور مارغريت شنكل.
وقال مدير إدارة الإعلام بجهاز الأمن والمخابرات السوداني ان السلطات نجحت في تحرير الرهينة بعد عملية نوعية بولاية شمال دارفور يوم امس الثلاثاء مشيرا الى ان الرهينة ستصل الى الخرطوم في وقت لاحق اليوم.
وعملت مارغريت لحساب منظمة سويسرية غير حكومية في ولاية شمال دارفور قبل ان تختطف في السابع من اكتوبر الماضي.(النهاية).
م
منقول

الحبيب أسامة .. مودتي ..
شكراً كثير يا هميم على هذه المعلومات والتفاصيل
عاجز عن الشكر يا جميل ..
هو هذا الجانب الانساني الذي جعل تلك السويسرية
تعيش في هوامش الوطن مع الكادحين ..

تحياتي أسامة

مبروك حبيبنا علي اطلاق عزيزتك و عزيزتنا..
لازم احتفال كبير

سلام للجميع
عندي قريبتي دكتورة مار قريت كانت تعمل معهم رسلت لي الخبر
حمدالله علي سلامة مارقريت
وشكرا عمنا زول الضهاري علي عبدالوهاب عثمان لاهتمامك ومجهوداتك الكبيرة التي ساعدت كثيرا في حفاظ حياة مارقريت.
تحياتي

مبروك حبيبنا علي اطلاق عزيزتك و عزيزتنا..
لازم احتفال كبير

===============
حبيبنا محمد .. تحياتي يا رائع
مبروك لنا جميعاً ..
يا ريت إحتفال .. نكلم الشباب في الخرطوم ما حيقصروا معاها
دي إنسانة تستاهل كل هذا الاحتفاء

مودتي .. الحبيب محمد

عندي قريبتي دكتورة مار قريت كانت تعمل معهم رسلت لي الخبر
حمدالله علي سلامة مارقريت

============

حبيبنا محمد نور .. الشكر ليك كمان .. كنت متعاطف مع القضية
والتحية لابتنا الدكتورة على الخبر الجميل ..
والحمدلله على سلامة مارقريت

شكراً محمد ..

عاااااجل :-
في الساعات الأولى من صباح اليوم
قوات الدعم السريع تلقي القبض على الجناة الذين قاموا باختطاف المتطوعه الانسانيه السويسريه مارغريت شنكل قبل أسابيع من مقر إقامتها بالدرجة الاولى والآن هي بحوزة قوات الدعم السريع بمدينة كتم من اجل ترحيلها الي مدينة الفاشر.
منقول..
https://www.0zz0.com

حبيبنا خالد .. مودتي
يا أخي والله فرحتنا جداً بصورة مارقريت ..
خلاص كبرت حبيبتنا مارقريت ..
خلتنا نتعاطف مع الدعم السريع ..
شكراً لهؤلاء الشباب .. جزاهم الله خيراً

صورة جميلة حبيبنا خالد ..
يوم جميل ..

حبيبنا خالد .. مودتي
يا أخي والله فرحتنا جداً بصورة مارقريت ..
خلاص كبرت حبيبتنا مارقريت ..
خلتنا نتعاطف مع الدعم السريع ..
شكراً لهؤلاء الشباب .. جزاهم الله خيراً

صورة جميلة حبيبنا خالد ..
يوم جميل ..

.
.
.
تهانينا يا ابو علوة لتحرير الملاك مارغريت ...
والناس الكانوا مختطفنها مفروض يعدموهم ...
وزي ما قلت ليك في البوست الاول حاول ضروري تمشي تقابلها يا علي وفي أقرب فرصة لانه دي فرصة نادرة ما حا تكرر تاني بالنسبة ليك ...
واعمل معاها لقاء صحفي مطول ...
تحياتي ...
.
.
.

هانينا يا ابو علوة لتحرير الملاك مارغريت ...
والناس الكانوا مختطفنها مفروض يعدموهم ...
وزي ما قلت ليك في البوست الاول حاول ضروري تمشي تقابلها يا علي وفي أقرب
فرصة لانه دي فرصة نادرة ما حا تكرر تاني بالنسبة ليك ...

================

حبيبنا قسم الفضيل .. تحياتنا يا جميل ..
مبروك لنا جمعياً كان موقف إنساني نبيل تعاطفكم مع هذه الانسانة الرائعة
ليتني استطيع اليوم أن أذهب إليها .. نحن هنا في جدة كفيل وإجازة سنوية .. خليها على الله
كلفت بعض الشباب في الخرطوم لمحاولة مقابلتها ..

شكراً الزول الجميل .. الحبيب قسم
يوم جميل ..

المهم كما قال أحد الاخوان
هل سيحاكم هؤلاء المجرمين
ليس من الرجولة والشهامة خطف أمرأة عمرها فوق الثمانين
جاءت من أجمل بلاد الله في الكون ( سويسرا) لتقيم عندنا في دنقلا حوالي 20 عام
ثم إلى دارفور من أجل أطفال ونساء درافور
في فترة الاختطاف وفي هذه السن ماذا كانت تاكل وكيف تنام ؟؟
لا صدق أن هؤلاء من درافور حاضنة الشرف والكرامة والرجولة أو حتى سودانيين
ليت الحكومة تكون قاسية مع هؤلاء

مبروك مارقريت

مبروك حبيبنا علي ارتاوي على تحرير هذه الانسانة التي ظلت تقدم للانسانية
اجمل واروع الاعمال من مساعدة للاطفال والنساء والفقراء والمرضي .
عندما قرأنا الخبر فرحنا وقلنا نبشرك ولكن وجدنا اخونا الصمد سبقنا الى ذلك .
تحياتي ..

أستاذنا علي عبد الوهاب.
خبر اجمل من الجميل والف الف مبروك ليك و للسيدة مارغريت...
وان شاء الله اصحابك في الخرطوم يعملوا معاها لقاء صحفي...
اما المجرمين الخطفوها فيجب ايضا نعرف منهم السبب في اختطاف هذه السيدة التي كانت تفعل الخير وتعمل بجد
من اجلهم واجل اطفالهم...وبالله ورينا الأخبار أول بأول

الابنة إمتثال .. تحياتي ..
ظاهرة نادرة في السودان .. رغم أختلافنا ومشاكلنا لم تكن ممثل هذه الممارسة موجودة
شبابنا في الجامعات والروابط ما حيقصروا ..
شكراً كثير إمتثال ونقول الحمدلله ..
مع التحية ..

حبيبنا أحمد صابر .. مودتي ..
شكراً احمد .. دي كانت عندنا هناك آرتاوية عديل بقت بت بلد
حبيبنا أحمد .. الزولة فيها طيبة غريبة جداً وتحب الناس ..
كمان الانسانية قيمة مشتركة بين كل البشر بغض النظر عن الديانات
بالمناسبة دي يا أحمد خلينا نطرح الجانب الانساني في منتدى الاربعائية

بصراحة حبيبنا صمد كمان ما قصر أول واحد نقل لي الخبر وكان متابع الموضوع

شكراً يا رائع .. عارفك زول فيك محنة ولطف

نتلاقي في منتدى الاربعائية غداً مساء

حمد الله ع السلامة ياعلي
اليوم الصبح ورد خبرها في قناة الجزيرة

تصدق بعد سردك الجميل عنها
فرحت وتابعت الخبر باهتمام

حمد الله ع السلامة ياعلي
اليوم الصبح ورد خبرها في قناة الجزيرة

=============

حبيبنا ناصر .. مودتي
المشكلة يا ناصر أنا متأكد إنها ما حترجع سويسرا بسهولة
الزولة دي تحب بلدنا كثير ..
لكن لو مشت عندنا في دنقلا هناك أحسن ليها
قاعدين نتواصل مع الشباب هناك لنعرف المزيد
صدقني الحبيب ناصر .. عشان مارقريت أنا حبيت كثير ناس الدعم السريع
أرجل ناس

شكراً ناصر ..

مبروك عليك الأخ علي تحرير مارقريت وحمداً لله على سلامتها ...
قريت الموضوع اليوم في msn العربية والله طوالي إتذكرتك قلت أجيء أبشرك ...
ليس هذه بأخلاق الفرسان أن يحتجزوا مرأة في عمرها ...
نسأل الله العفو والعافية ...
نص الخبر ...
قال مسؤولون إن قوات الأمن السودانية حررت عاملة إغاثة سويسرية، الأربعاء، بعد أكثر من شهر على اختطافها في منطقة دارفور بالسودان.
وتوجهت مارجريت شينكيل في وقت لاحق إلى العاصمة السودانية الخرطوم جوًا لكنها لم تذكر أي تفاصيل عن محنتها للصحفيين الذين كانوا في انتظارها. وكانت المرأة خطفت في السابع من أكتوبر في مدينة الفاشر الرئيسية بمنطقة شمال دارفور. وتعد المدينة مركزًا لعمال الإغاثة وقوات حفظ السلام التابعة للأمم المتحدة والاتحاد الإفريقي.
وذكر متحدث باسم حكومة ولاية شمال دارفور أن قوات الأمن شنت عملية في وقت مبكر من صباح الأربعاء لتحرير المرأة التي كانت محتجزة في منطقة ريفية خارج مدينة كتم الجنوبية.
من جهته أفاد المتحدث باسم وزارة الخارجية السودانية قريب الله الخضر بأنه تم اعتقال شخصين أحدهما زعيم العصابة التي خطفت المرأة.
وأضاف أن لا سويسرا ولا السودان دفعتا أي فدية. ووجهت وزارة الخارجية السويسرية الشكر للسودان لمساعدته في تحرير شينكيل، التي لم يذكر المسؤولون اسم منظمة الإغاثة التي تعمل معها.

اخونا علي عبد الوهاب
ايه الاخبار الحلوة دي،،،الف الف مبروك،،، والله انا بعتبر جهودك الاعلامية ساهمت
بقوة في لفت النظر واطلاق سراح هذه السيدة العظيمة من الاسر ،
وتبا لهؤلاء الذين كانوا يعتقلونها،،،،،
والف مبروك للسيدة مارجريت....

الف الف مبروك
حمدالله على سلامة مارقريت

الف الف الف مبروك يا ابو علوة ويا تراحيب المطر

شكراً حبيبنا علي عبد الوهاب أن سلطت الضوء على هذه الملاك في بوست سابق!
والف حمدا لله على سلامتها و فك أسرها وعودتها حرة طليقة لأحبابها.

محبتي

.
.
الجماعة الاختطفوا مارغريت ديل انطبق عليهم المثل البيقول ...
(جوا يساعدوهم على دفن ابوهم ... دسوا المحافير) ...
.
.

الف حمد الله على السلامة الانسانة مارغريت
ولكم اخي علي التحية والتبريكات بهذا الخبر الجميل لانك فعلا حسينا بيك زول وفيء ونبيل تجاه الانسانة مارغي

الجماعة الاختطفوا مارغريت ديل انطبق عليهم المثل البيقول ...
(جوا يساعدوهم على دفن ابوهم ... دسوا المحافير) ...

==============
قسم الحبيب .. تحياتي لك ..
تماماً كما قلت ..
لم أكن أتخيل أن في السودان مثل هؤلاء البشر
معقول إنسانة عمرها فوق الثمانين
بالله دي رجالة ..

مودتي .. الحبيب قسم .. شكراً على مشاركتك معنا في قضية مارقريت .. ومبروك ليك كمان

شكراً حبيبنا علي عبد الوهاب أن سلطت الضوء على هذه الملاك في بوست سابق!
والف حمدا لله على سلامتها و فك أسرها وعودتها حرة طليقة لأحبابها.

==========
الاعلامي الجميل .. الفاتح الحبيب
الحبيب الفاتح .. دي إنسانة من طينة أخرى لا تشبه البشر
دي عاشت معنا في قريتنا في ظروف صعبة جداً لاكثر من 20 عام
محبة وعطف وخدمة وتواصل مع الناس الطيبين ملح الأرض

شكرا الفاتح ..

علاء أننقا ..
ما رقريت .. لو تذكر يا علاء في مستشفى البرقيق
أيام الاسهالات القاتلة في بداية السبيعنات
قدمت خدمات جليلة لأهلنا

تحياتي علاء

الحبيب جمال أمبس ..
تحياتي والتهنئة للجميع
الانسانة دي خدمت الناس في منقطتنا سنوات طويلة
المفروض يكرموها ..

مودتي

وتبا لهؤلاء الذين كانوا يعتقلونها،،،،،

==========

حبيبنا السر .. مع التحية
صدقني ديل ما رجال ..
رجل يختطف إنسانة مثل مارقريت .. وفي عمر 80 عام تقريباً

شكراً السر . على المشاعر الطيبة

حبيبنا نزار .. تحياتي ..
شكراً الحبيب ..
صورة مارقريت واضح عليها التعب والارهاق
تهانينا للجميع ..
مودتي نزار

شكراً كثير على الصورة ..

الف حمد الله على السلامة الانسانة مارغريت
ولكم اخي علي التحية والتبريكات بهذا الخبر الجميل لانك فعلا حسينا بيك زول وفيء ونبيل تجاه الانسانة مارغي

============

حبيبنا علي .. لك التحية والتهنئة بلا حدود
حبيبنا علي .. الانسانة دي غريبة جداً ومتفردة في سلوكها وإخلاصها
كانت تزورنا في البيت في ذلك الزمن الجميل أنا كنت معلم لغة إنجليزية في ضواحي الدنيا هناك
كانت تحضر وتجلس في الوحوش مع الوالدة يرحمها الله ..
الوالدة كانت تستغرب .. كيف وحدة في سن مارقريت وما مزوجة ..
كانت تدعو لها بزوج الصالح ..
وأنا أترجم لها بقدر الامكان .. كانت تضحك وتشكر الوالدة
رحم الله الوالدة .. وأطال عمر مارقريت

أستغرب أن يكون في الوطن مثل هؤلاء الذين يختطفون إمرأة فوق الثمانين
إذا إرادوا فدية .. كان يخطفوا الوالي أو المتوالي أو ما شابههم .. من الفاسدين ..

إمرأة برئية تركت أجمل بقاع العالم وجاءت تعيش في ضواحي الدنيا ؟
تستحق جائزة نوبل ..

شكراً حبيبنا علي على شعورك الطيب

الاخ علي عبدالوهاب
حمدا لله علي سلامة مارغريت.
مدينتي "كتم"ذات الهواء الطلق (او كما نسميها بلهجتنا "ذات الهواء التلخ") بضم الكاف و التاء لم تعرف من قبل اختطاف الاجانب و لكن كتم الان ليست في يد اهلها. فالوجوه الغريبة اكثر من وجوه اهلها.
اتت مارغريت لتساعد فقراءها و لكن اعداءه اهل كتم كانو قد قصدو تعطيل عملها و بسبب هذا فأنها ستغادر الي غير رجعة.
في الثمانينات اتذكر استاذ اللغة الانجليزية (مارك) امريكي اتي سائحا ليزور قصرو ضريح السلطان شاو درشيد في عين فرح التي تقع قريبا من كتم المدينة. اعجبته المدينة فقرر ان يبقي فيها اياما فقابله مدير مدرستنا الثانوية التي كانت في حاجة الي معلم لغة انجليزية. تعاقد معه و بقي ذلك الشاب الذي كان يبلغ من العمر 25, بقي عاما دراسيا كاملا.
و للصدفة ايضا في ذات العام اتي الكاميروني سنقور الي المدينة زائرا و لا ادري سبب زيارته و ايضا تعاقد معه المدير ليدرس اللغة الفرنيسة (كان ذلك بعد شهرين من بدء العام الدراسي) و قد اسلم الكاميروني وتزوج و بقي في كتم حتي مغادرتي لها.

حبيبنا محجوب .. مودتي
حمد لله على سلامتها ..
الحقيقة أنها تم إختطافها من الفاشر من حي ( الدرجة الاولى )
وذهبوا بها إلى كتم .. ربما كانوا يريدون من هناك التوجه بها إلى مكان آخر
أؤكد أن هؤلاء ليسوا سودانيين لأن شيم أهلنا في درافور الرجولة والفروسية كما ذكرت سابقاً

شكراً مجحوب .. مجتمع السوداني جاذب وعاطفي
لذا بقيت مارقريت في قريتنا في الشمال أكثر 20 عام
وذهبت إلى دارفور في وقضت سنوات طويلة أيضاً

مودتي محجوب .. لك ولأهلنا في كتم ..

Quote: علاء أننقا .. ما رقريت .. لو تذكر يا علاء في مستشفى البرقيق أيام الاسهالات القاتلة في بداية السبيعنات قدمت خدمات جليلة لأهلنا

تحياتى اخوى على عبد الوهاب

اكيد اذكر تلك الأيام الخوالى حيث ان مستشفى البرقيق كانت تقوم بتطعيم الأطفال ضد "

- الكوليرا ( الاسهالات المائية )
- الجــدرى

واحيانا في أيام الصيف : ضد الحمى الشوكية ( الالتهاب السحائى )
وأيضا ضد : حمى التيفوئيد ..

وهذه الحميات لو تذكر يا على كان هناك في مستشفى البرقيق في اقصى الركن الجنوبى الشرقى غرفة معزولة لمرضى الحميات المذكورة .

بالله ياعلى كنا فين وبقينا وين ؟؟

الف مبروووك لى مارغريت والتحية لاخونا على فتح هذا البوست والتعاطف مع هذه المراة العظيمة

الف مبروووك لى مارغريت والتحية لاخونا على فتح هذا البوست والتعاطف مع هذه المراة العظيمة

===============

حبيبنا أحمد حمودي .. مارقريت إنسانة جميلة ..
صدقني يا أحمد أنا شفت صورتها تألمت جداً سنوات العمر
دي عاشت هناك مع أهلنا الترابلة أكثر من 20 سنة
وسط الغبار ، والنمتا ، والعقارب، وكمان ما كان في كهرباء ..
إنسانة تخلي عاصمة الدنيا ( سويسرا ) وتعيش معانا في ضواحي الدنيا
في ناس من أهلنا كان ضبط أموره في الخرطوم ما يسأل البلد
عشان كده تستاهل الوقفة دي
بعدين الاخوة المسيحيين ديل عندهم حاجات كده في قمة الانسانية

مودتي .. أحمد الحبيب

ألف حمداً لله على سلامة السيدة مارغريت أخونا على عبدالوهاب
كم أفرحنى خبر أطلاق سراحها و هى طيبة معافاة ....
و تانى بقول هؤلاء اللذين خطفوها بلا أخلاق ... أن يرعبوا سيدة فى
هذا السن تركت بلادها و جاءت لتساعد البسطاء و المحتاجين لخدمتها

ألف حمداً لله على سلامتها ...

وهذه الحميات لو تذكر يا على كان هناك في مستشفى البرقيق في اقصى الركن الجنوبى الشرقى غرفة معزولة لمرضى الحميات المذكورة .

بالله ياعلى كنا فين وبقينا وين ؟؟

=================
حبيبنا علاء ..
تلك الغرفة المعزولة كان إسمها ( الكرنتينة )
ومارقريت كانت هناك أيام الاسهالات .. كانت مرابطة 24 ساعة
أذكر أنها كانت تمنع الزوار بنفسها .. من الدخول ..
أهلنا كان يسمعوا كلامها ولا أحد يعترض ..
كانت محبوبة جداً من أهلنا ..
يا ريت يا علاء لو رجعت تاني للبرقيق ..

شكراً علاء

و تانى بقول هؤلاء اللذين خطفوها بلا أخلاق ... أن يرعبوا سيدة فى
هذا السن تركت بلادها و جاءت لتساعد البسطاء و المحتاجين لخدمتها

ألف حمداً لله على سلامتها ...

==============
حبيبنا علي .. مودتي ..
نعم ولا شك أنهم بلا أخلاق ولا رجولة ..
لأنك يا علي تعرف الاصول وزول ود بلد ..
أنا إلى اليوم ما أصدق أن هؤلاء سودانيين
دا ما سلوك أهلنا ..

شكراً حبيبنا علي يا أصيل ..

الف حمد لله على سلامة مارقريت..
هذه المرأة عشقت السودان بمراراته...