شيخ الامين:معتمد امدرمان يصفي حسابات قديمة معي

10:25 PM November, 12 2017

سودانيز اون لاين
زهير عثمان حمد-السودان الخرطوم
مكتبتى
رابط مختصر

الخرطوم: صفاء تاج السر


اتهم شيخ السجادة القادرية المكاشفية الامين عمر الامين معتمد امدرمان مجدي عبد العزيز بإستغلال سلطاته لتصفية حسابات شخصية قديمة بمنعه من الذكر في المسيد.

وقال خلال حديثه لـ(سودان تايمز) إنه سيقابل صلف المعتمد بالقانون بقاضاته حتى اخر مراحل التقاضي. مؤكدا ثقته في القضاء السوداني وتساءل الامين (كيف يمنع الذكر والصلاة بالمسجد في الوقت الذي يدق فيه جرس الكنائس في دولة مسلمة؟). ونوه الامين الى ان المعتمد بمنعه اعادة الذكر في المسيد منع المساكين والفقراء الذين كان المسيد مأوى لهم اضافة الى منعه الشباب المداومين على الذكر به.

في الوقت الذي يدق فيه جرس الكنائس في دولة مسلمة؟).
شيخ الامين أمامه سنين ضوئية حتى يتعايش مع واقعه
اين يقيم هذا الشيخ الأن .. أليس في بلاد تنوم وتصحى على اجراس الكنائس؟

تحية طيبة

هل حقا أن ان هذا الرجل هو شيخ السجادة المكاشفية في السودان أم في حيز جغرافي محدد ؟؟؟

أهل الله الذين نعرفهم هم أناس أتقياء يتقون كل شيء ممكن تفاديه ..فما بال هذا الرجل يناطح
الحكام ويهددهم بالجوء للقضاء ؟؟؟؟

الأمين ده يحسسك كانه البلد ما فيها شيوخ طرق صوفيه ..
ولا خلاوي ولا الشيوخ ديل بيمارسوا ذكرهم ومافي زول بيشتكيهم ولابيوقفهم ..
سكان بيت مال وود البنا تحديدا عانوا ما عانوا من الازعاج وتضييق حيران الأمين عليهم ..
والمشاجرات التي حدثت من بعضهم مع الجيران وغيرهم ..
يبقى الامين ما يحاول يتذاكى على الناس ساي ..
المشكلة الازعاج الازعااااج وليس اعتراض الناس على ذكر الله ..
أو مدارسة القرآن وحفظه وتلاوته واقامة موائد للفقراء والمساكين ..
ان كان الامر لايسبب لهم ازعاج في بيوتهم واثناء ممارسة حياتهم اليومية
فكل هذا لن يتقبله الجيران ان ارتبط بمكبرات الصوت العالية ..
والازعاج المتواصل لان من حقهم يرتاحوا في بيوتهم ..
ان كان فعلا يريد ذكر الله ليه ما يعمل خلوته خارج المنطقة المأهولة حول ام درمان ..
المناطق كثيرة بالذات في محلية كرري .. يعني يدقش خلف اسكان الحارات ..
زول ماش يشتكيه مافي .. منزله يخليه لسكنه وأسرته ولو عايز يقابل ضيوف ..
لكن المكرفونات العالية والنوبة التقيلة امر مزعج جدا ولازم تكون بعيد عن بيوت الناس ..
فيهم المريض وكبير السن وفيهم الطلبه العايزين يذاكروا والناس ظروفها كتيرة ..
حتى الأذان لو بيسبب ازعاج بمكرفونات الصوت العالية المفروض يكون بصوت مقبول ..
القرآن في مكبرات المساجد أمر الكثيرين توافقوا على انه امر غير محبب ومزعج ..
فضلا عن انه الناس كلها ما بتنصت للتلاوة وهذا أمر يخالف ادب التلاوة ..

بعدين شنو حكاية اجراس الكنائس دي ههههه ...
النقطة دي بتجيب ليهو هوا تقيل ..
ومن مختلف الجهات من بره ومن جوه حتجيه كندشة تقيلة ..

جمال سلامات
شيخ الامين مفتكر عبادة الله لازم يصاحبها إزعاج
ياخي عمري ماشوفت لي دين مزعج
وهو محق في زعمه لأنه ماعندو غير الضجيج والبهرجة
قال اجراس كنائس كمان ... ديل في الاسبوع بدقو جرسهم مرتين .. وهو عاوز يربط نصه ويرقص
ناقصين نحن مجانين ياخ
كفاية علينا الكيزان

مرحبتين حيدر ..
الزول ده غلبوا المعتمد ..
قال يقوّم عليه الناس بالعاطفة الدينية .. خخخخخ ..
بيبالغ ياخ هو ذاتو عارف انه زول مزعج جدا ..
وده سبب زعل الناس من وجود المسيد حقه ..
اليذكر الله ويمدح بالطار بدون مكرفونات ..
مااظن الجيران حيمانعوا ..
لكن طريقته دي ما بتنفع خالص ..