Post: #2
Title: Re: مبروك الكابلي
Author: عبدالحفيظ ابوسن
Date: 11-09-2017, 08:00 AM
Parent: #1
عبدالكريم الكابلي فنان امريكي من اصل سوداني
مستقر بأمريكا
غني باللغة العربية
من الذين اثروا الفن في وطنه الام
|
Post: #3
Title: Re: مبروك الكابلي
Author: قصي محمد عبدالله
Date: 11-09-2017, 08:12 AM
Parent: #2
هو البيبقى أمريكي بيباركو ليه؟!
أنا فاكر بيعملو ليهو عزاء... ومرات صلاة الغائب قبل السفر،
وهو نفسو بيكون وسط المصلين، لو ما كان إمام !
......
رد الله غربة كل ناوي رجعة للبلد.
|
Post: #4
Title: Re: مبروك الكابلي
Author: عبدالحفيظ ابوسن
Date: 11-09-2017, 08:31 AM
Parent: #3
قريتها في اقوال الصحف
من العناوين المهمة يا قصي
انجاز
|
Post: #5
Title: Re: مبروك الكابلي
Author: MOHAMMED ELSHEIKH
Date: 11-09-2017, 09:26 AM
Parent: #4
انت يا قصو عشان ما لاقيها
|
Post: #6
Title: Re: مبروك الكابلي
Author: محمود بكر
Date: 11-09-2017, 09:28 AM
Parent: #4
(هو البيبقى أمريكي بيباركو ليه؟!
أنا فاكر بيعملو ليهو عزاء... ومرات صلاة الغائب قبل السفر،
وهو نفسو بيكون وسط المصلين، لو ما كان إمام )
انت عارف ياقصي
ايام عمك نميري كان قانون الجنسية قاسي جدا اذا اراد مواطن سوداني التنازل من جنسيته الى
جنسية دولة اخرى لاالا بموافقة الرئيس وكان عمك نميري يرفض ذلك دائما
ام في حالة الموافقة فعلى الشخص المعني تسليم جواز سفره السوداني للسفار في البلد المعني
وتقوم السفار بتنكيس العلم لان الوطن فق مواطن
الان تغير قانون الجنسية وسمح بحمل جنسيتين
رغم انا مع كابلي في التجنس اولا لان كل اسرته هناك والثاني ان الجنسية ستدخله في التامين الطبي وبقية حقوق المواطنة
عمك الفنان الهرم يحمل الجنسية البريطانية في زيارة للسودان قلت له مذيعة الان ياستاذ بعد السن دي ما تجي تقعد في
السودان عمك قالها ابدا الان لازم اكون هناك
التحية للناظر ابو سن
|
Post: #7
Title: Re: مبروك الكابلي
Author: علي عبدالوهاب عثمان
Date: 11-09-2017, 09:46 AM
Parent: #6
رغم انا مع كابلي في التجنس اولا لان كل اسرته هناك والثاني ان الجنسية ستدخله في التامين الطبي وبقية حقوق المواطنة
=========================
حبيبنا محمود مع التحية ..
أهم شيء التأمين الطبي الشامل .. كل شيء ساهل يمكن أن يحضر إلى السودان
في العمر ده أهم شيء العلاج المجاني ..
التأمين مشكلة حتى في الخليج .. بدأنا نعاني بعد أن مضى العمر
تحياتي للحبيب أبوسن ..
الكابلي المهم صحتو تكون كويسة ويعيش في هدوء .. يستاهل كل خير
الظاهر عمر الجزلي كمان بقى أمريكي ..
مودتي ..
|
Post: #8
Title: Re: مبروك الكابلي
Author: Amira Hussien
Date: 11-09-2017, 10:19 AM
Parent: #7
الموضوع شويه حساس الكابلى بالذات مفروض وضرورى كان لازم يكون فى بلدو وتتوفر ليه كل سبل العيش الكريمة من علاج وخلافو ، لكن نقول شنو أتمنى انو الجواز الأمريكى ده يوفر ليهو ما يحتاجه خصوصا العلاج وما يقولوا ليهو التأمين ما بيغطى وليبدا بالأسنان لانها هى واللسان والحنجرة عماد الصوت السليم ،ان كان فى الكأس باقى
|
Post: #9
Title: Re: مبروك الكابلي
Author: علي الكرار هاشم
Date: 11-09-2017, 11:24 AM
يستاهل الكابلي
وامريكا تتشرف بمثله
هذا العبقري الذي يمتلك ناحية الجمال والتطريب والفن والشعر والابداع
كابلي يشرفنا باسمه وبفنه ويظل سودانيا حتى النخاع
يستاهل كل خير
|
Post: #10
Title: Re: مبروك الكابلي
Author: ياسر السر
Date: 11-09-2017, 11:55 AM
Parent: #9
الف مبروك للدكتور الموسيقار عبد الكريم الكابلي نيله الجنسية الامريكية واتمنى ان ينال منها مبتغاه وما دفعه للتقديم عليها فهو فنان كبير ورجل حساس له شخصيته المعروفة داخل السودان وخارجه وقد يستغرب الكثيرين في طلبه لنيل الجواز الامريكي ولكن لكل انسان ظروفه الخاصة التي لا يعلمها الناس وكما اشار بعض الاخوة لمسالة التامين الطبي الذي سيكلف له تغطية صحية كاملة ف يحال حدوث اي عارض صحي لا قدر الله وهذا بعض فوائد ان يكون لديك جواز امريكي ولكن قد يكون هناك اسباب اخرى ,,, على العموم التحية للموسقار الكابلي وتمنياتي له بحياة كريمه وسعيده في امريكا ...
تحياتي : ياسر العيلفون .....
|
Post: #11
Title: Re: مبروك الكابلي
Author: عبدالحفيظ ابوسن
Date: 11-09-2017, 12:25 PM
Parent: #10
تبا لسلطة تأخذ شبابهم
|
Post: #12
Title: Re: مبروك الكابلي
Author: عبدالحفيظ ابوسن
Date: 11-09-2017, 01:13 PM
Parent: #11
اتذكرت وردي
وردي في ايامه الاخيرة وسخف حسين خوجلي في برنامجه الاذاعي لقاء مع وردي . ويطلب منه ان يغني بصوته الكهل المتهدج
او ان يدعوه اهل النظام ويعرضونه لسهام النقد
ثروة الفنان صوته الذي يتراجع مع تقدم العمر
وغيره من الذين اثروا الساحة الفنية وتداعي الناس لعلاجهم لرقة حالهم
امر مخجل للسلطة التي لا تحفظ او تصون كهولة من قدموا زهرة شبابهم للوطن ابداعا وغناءا
الكابلي كفنان متفرد . وباحث عن التراث ومنقب
من اسسوا لفن الغناء
يبحث عن وطن بديل وهو في هذا العمر
يبحث عن وطن بديل لم يبحث عنه وهو في زهوة شبابه
تتحمل السلطة الجحود .. جحودها
ثم لا تخجل صحافتها ان تحتفي بنيله جنسية بلد آخر
|
Post: #13
Title: Re: مبروك الكابلي
Author: عبدالحفيظ ابوسن
Date: 11-09-2017, 01:32 PM
Parent: #12
تشكر كبر
كتر خيرك
فعلا نجاة عثمان
تاكيت الباب فيها حميمية وصدق
ولغتها محترمة مالها مابياها
تاكيت الباب واستنيتك..
صيفين..وشتا..ورشة مطره
ما حسك كان صاحي وبي خير
والو انك واضحة ومختصرة
وكتين ما جيت …….
ضايرت الخوف..حزمت التوب
وصيت الغيمة تلاوح البيت
وما تسد الباب..جايين راجعين
متيمنة بيك ..وشاردة معاك
حافتش ليك.. برات الضل …جوات الدمْ
ما بين النار و صراخ جمرة
حاجيك…….حاجيك
وبراى ..هل كنت براي قايل ؟
صورتك جواي ……
و الفكرة الخاصة المجنونة..
ونستنا في آخر الليل …
و الليل..
ومشيت عديت كم ساحة
حالقاك..
سجمانة..ورازة..ونطاحة
متعكننةْ ….
بشتنتة الساعات …….
ودقا يق الروح المتراوحات..
والزمن ألما بيكون منحاز …….
ويلمني بيك رحيتو دقيق..
نسوان السوق عاسنو فطير ..
ميتان حيلو
مازمنك ما بقبل غيرو ..
ولا غيرك غير
سكران بالهم..ما وعيتك
مطعون جرحك متسربل دم ..؟
ما داويتك ..
غبيت احترته ..
ومِرّق الصبر الشايل حيلك ….
مال بالحيل ..
ضللت عليك بي قولة الحق ..
ما عارف إني معاك بسواك..
لكن وحدك متغابي وطيب
وغايظني..
عدن كم حول مستني أقول …
يآخي احبك
وأتآمر ضدك . . .
أناْ . . . و . . . الشوق
تسريحة بت الجيران
وغُنا الصِبيان ساعة المطرة ..
وريتم اسمك في الشجرة..
بي خط فرحان منحوت اسمك..
قوسين و … فلان
حاتكسر الليل ولا أفوتك..
الشوق والبيت .
تاكيت الباب..واستنيتك
صيفين .. وشتا ..
و أول مطره. . . .
ذاعت أخبارك في دمي
وانحسرت تواً لفحه حر
كِبرت فجأة ضلالة البيت..
يا هل طليت..
يا هل . . .
طليت..
يا ..
هل ..
طليت…؟؟
|
|