أها يا ترمب البليد..ناوي تعمل شنو المرة دي؟

08:01 PM November, 05 2017

سودانيز اون لاين
سيف النصر محي الدين-
مكتبتى
رابط مختصر

جماعتك ساكتين عن القاتل بتاع كنيسة سان انتونيو هذا الصباح ..لا قالوا اسمه ولا رددوا قصص انه كان بقول
الله اكبر او انو اعلن ولاءه لداعش الخ.
ليه لأنو منكم و لأنو ممن يحركهم خطاب الكراهية الذي تعملون لانتشاره و لأنه من حملة السلاح
الذين تعملون لحمايتهم وحماية حقهم في شراء وحمل السلاح وتخزين الذخيرة.
المهم زولك ده اكيد ما دخل البلد متسلالا او لاجئا او بتأشيرة اللوتري، فماذا انت فاعل الآن ما هو التصريح
الذي ينضح غباء الذي سنسمعه منك لاحقا؟

دا كلام زعل يا دكتور ...😂😂😂😂

لكن يا ابو حسين الزول الاسمو ترمب ده ما بزعل؟
ياخي ده قرب يشقنا بالزعل عديل. 😡

زولكم دا ما بفهم في السياسة زي زولنا البقول تحت جزمتي ...
الله يعينكم و يعينا ...

تحياتي سيف
وابوحسين
ما بعرف سياسة كيف ياخ
ألهب الخليج كلو
سياسة نازية

العزاء لاسر الضحايا
و عاجل الشفاء للجرحى
ترامب يا سيدى فى اليابان
و ده كل ما فتح الله عليه ليقوله

تعرف يا حفيظ ترمب يطلق من التصريحات ما يناسب مزاج قطاع كبير من الأمريكيين
الذين لا نراهم نحن ولا نختلط بهم لأنهم يسكنون بعيدا في رؤوس الجبال وبين الغابات
او في وسط مزارعهم معزولين عن "الأقليات" ومكتفين بمجتمعاتهم المغلقة عليهم.
وحتى سياسته تجاه الخليج والشرق الأوسط يلبي بها رغبات الجماهير المتعصبة دي نفسها
ولكن كما قيل فكل دور اذا ما تم ينقلب ومن يراهن على ترمب في الشرق الأوسط فرهانه خاسر.

طلع تغريده عن الحدث ...علي العموم خبر مؤسف جدا ..

ترمب ومؤيدوه يا جلالدونا ومحب، يعارضون وضع اي قيود على حمل السلاح والنتيجة هي
كما نرى كل مرة ابرياء يفقدون حيواتهم بلا جريرة.حتى الإرهابيين ستصبح مهمتهم
صعبة لو وضعت قيود على حمل السلاح.

أطرف تعليق يا سيف من قارئ أمريكي
قال ليهم أنا ما عايز أتكلم عن قوانين تملك السلاج
لكن قولو لي ليه كل ما يحصل شوتينق من باد جاي
ليه ما بيطلع ليه جوود قاي وينازلوا؟
ما كلو زول عندو سلاح.

ياهم ديل ناس تكساس سقطوا في الامتحان. في كل مرة تكون في مصيبة في مكان ما يجيك
واحد من تكساس يقول ليك لو الحادثة دي حصلت عندنا كنا عرفنا نتعامل معاها كويس لانو
بسلاحنا بنقدر نلقن اي ارهابي او ماس شوتر درسا لن ينساه. الليلة الزول ده دخل شات الناس
وطلع بدون اي ما تحصل ليهو اي حاجة!
وحتى لو قالوا انو الناس ما بتدخل الكنيسة بالسلاح كان في ناس برة و سمعوا صوت الرصاص
بل وشافوا المجرم لما طلع وساق عربيته وما فيهم زول عمل حاجة.
هسه قبل شوية واحد معلق على الخبر كتب:
The only way to stop a bad guy with a gun, is a good guy with a gun
فتأمل

قالوا في زول طلع مسدس جوة الكنيسة وتبادل اطلاق النار مع المعتدي واضطره للهروب..
لكن بعد شنو؟

يا سيد ترمب
كيف دخل هذا المجرم الى البلاد؟
وما هي الخطوات التي ستتبعها لتمنع امثال هؤلاء من القدوم للولايات المتحدة وايذاء المواطنين؟

Texas church shooter previously served in Air ForceFrom CNN's Ryan BrowneA gunman who opened fire on a church in Sutherland Springs, Texas was previously a member of the U.S. Air Force, according to Air Force spokeswoman Ann Stefanek.Devin Kelley served in logistics readiness at Holloman Air Force Base, New Mexico from 2010 until his discharge, she said.The Air Force did not provide a date or condition of the discharge.,,,,,,

,,,,,,,,,,,,,Sources identify Texas church shooterFrom CNN's Shimon ProkupeczA gunman who opened fire on the First Baptist Church in Sutherland Springs, Texas was identified as Devin Patrick Kelley, 26, according to two law enforcement sources briefed on the investigation.

صراحة تصريح ترامب - من اليابان كان باهتا ولايرقي لفداحة الكارثة وفزاعة الحديث !
لم يصف الحادثة بأنها إرهابية ولم يشتم" فاعلها"
ففي حادثة لاس فيقاس وصف القاتل الأبيض بأنه مختل عقليا وهو نفسه الوصف الذي أطلقه
علي مقتحم البيت الأبيض قبل شهور !
** وحينما إحتج رجل أسود غير مسلح أمام منصة ترامب أيام الحملة الإنتخابية وصفه بأنه
thug!! وحرض علي ضربه وقال له! go look for job
ودعي لإلفاء اللوتري لمجرد أن إرهابي نيويورك دخل أمريكا عبر اللوتري في حين إلتحق
الالاف من" اللوتريين" بالجيش الأمريكي وقتل عشرات منهم في الحروبات الخارجية !

انا لا يهمنى كثيرا تصريحات ترامب فهو متسق تماما مع نفسه ولكن بعض بغبغاوات ينتسبون للاسلام يرددون ما يقول، ينسبون اى عمل ارهابى من مسلم وان كان اسلامه قشريا للاسلام ويصموت عندما يكون منفذ العمل الاجرامى غير مسلم.

بوست الربع بلا منازع !
تحياتي

يا سيف إنت متأكد إنو الزول الفي الصورة دا لونه الأصلي وما مستخدم قدر ظروفك؟

معتوه ، مجنون ، حاقد ، مجرم ، دموي ، شرير والخ ...
دا عمل فردي وتفكير فردي حتى ان كان هنالك غيره كثر من المتشفيين
الانتقاميين لمجرد الحقد ان كانو سليمو العقل او مختلي العقل ..
المهم هنا لا توجد افكار ان كانت سياسية او دينية تتبنى مثل هذه الاعمال او تبرر للقيام بها ..
كيف يكون ارهابيا ولا احد يعرف عنه وعن نواياه شيئ مسبقا ..؟


الارهابي المسلم وان كانت له اشيائه الشخصية كالتشفي والانتقام وان كان مختل العقل او
سليم العقل هذا كله غير مهم ..
المهم هو تبريره العقائدي لما يقوم به ونواياه السابقة والمعروفة للكل ..
واسوء ما فيها انه لا يفرق بين الناس الا بالعقيدة الدينية والاسوء الاسوء يستخدم
قتل العزل الابرياء سلاح ضغط وابتزاز للا نظمة والحكومات ..
والفرق الواضح بين الارهابي وبين القتلة الاخرين الارهابي هو في حالة حرب
معلنة حتى لو كانت من طرف الارهابي فقط او كانت معلنة من كل الاطراف ..
الارهابي معلن للكل انه لن يتقيد بقوانين الحرب والقتال ..
ولا حتى الحد الادنى من اخلاقيات "ان جاز لي التعبير باخلاقيات" القتال ..
يعني لا يبحث عن ثغرات في الجيوش لكي يتمكن من توجيه الضربة لها مهما كانت الوسائل ..
ولا يبحث عن منسوبيها خارج قواعدهم العسكرية ..
هذا غير ان هذه العمليات التي يقوم بها قد تكون نفسها هدف وليس غاية او
معركة في الحرب والهدف منها الارهاب جعل الكل في حالة خوف من مجهول
قد يقع او لا يقع لأنه اتخذ من الكل عدو له لسبب اختلافهم العقائدي عنه ومعه
وخاصة الديني وفي حالات الانتقام تحميل هذا وزر هذا ..








.

تمام يا دكتور سيف
ونحيي المتداخلين
قتل الابرياء يجب أن ينظر له نظرة واحدة ويجرم بمعيار واحد بغض النظر عن خلفية القاتل ..
أما النظر الى القاتل إذا كان مسلم فهو ارهابي وإذا كان غير مسلم فهو مختل عقليا .
هذه إزدواجية المعايير التي تولد مزيدا من الحقد وتنبت مزيدا من الارهبابيين .

الحبيب د . سيف مع التحية
حتى دول العالم ومن بينها الدول العربية لم ترسل التعازي
والمساندة لامريكا كما في الحالات السابقة

شكراً سيف على البوست .. موضوع يستحق الوقوف عنده كثيراً
خاصة إخوانا في أمريكا لأنهم أدرى بالموضوع ..
ما رأي أصدقاءكم وأقصد الناس العاديين

مع التحية دكتورنا

وطبعا وكما هو متوقع - ترامب طلع الراجل مجنون وقال إنو "This isn't a guns situation,"!

Trump says Texas shooting result of 'mental health problem' not US gun laws


Tokyo (CNN)President Donald Trump said Monday that he believes the Texas church shooting was caused by a "mental health problem," not an issue with gun laws in the United States.

"Mental health is your problem here," Trump said, noting that "based on preliminary reports" the shooter was "a very deranged individual."
"This isn't a guns situation," Trump said. "This is a mental health problem at the highest level. It's a very, very sad event."
"A very, very sad event, but that's the way I view it," Trump said.

حسي في ضومتك يا دكتور الزول دا الناقصو شنو عشان يعمل عمله جبانه زي دي
دا الشبع البي يعمل بعبع
:
:
:
:
:
:
:
مع التحيات لله الزاكيات

لك عاطر التحية يا دكتور ولضيوفك الكرام ..


يا اخوانا يعني كل مرة تخلونا نضطر للمثل الخليع دا ؟
ولكن كما قيل فكل دور اذا ما تم ينقلب ومن يراهن على ترمب في الشرق الأوسط فرهانه خاسر.
المتغطي بامريكا عريان .

يا اخوانا امريكا شايفة مافي زول بشبها عشان كدا
دي تصرفات زول مصنف نفسه انه مافي زول بشبه !


ومشكور يا دوك .

تحياتي الأخ سيف، وبقية الحضور الطيب.

قوانين الولايات المتحدة الأمريكية مشجعة على ذلك، وممهدة الطريق للقتل ، الفردي والجماعي.
--------
خليك متابع، وملاحظ.

السودان نجح فيما فشلت فيه امريكا !!!!
سلام سيف النصر

http://sudaneseonline.com/board/499/msg/%d8%a7%d9%84%d8%b3%d9%88%d8%af%d8%a7%d9%86-%d9%86%d8%ac%d8%ad-%d9%81%d9%8a%d9%85%d8%a7-%d9%81%d8%b4%...1%21-1509649712.html

If Only Stephen Paddock Were a Muslim
Thomas L. Friedman
Thomas L. Friedman OCT. 3, 2017
Las Vegas, Monday. Credit Hilary Swift for The New York Times
If only Stephen Paddock had been a Muslim … If only he had shouted “Allahu akbar” before he opened fire on all those concertgoers in Las Vegas … If only he had been a member of ISIS … If only we had a picture of him posing with a Quran in one hand and his semiautomatic rifle in another …

If all of that had happened, no one would be telling us not to dishonor the victims and “politicize” Paddock’s mass murder by talking about preventive remedies.

No, no, no. Then we know what we’d be doing. We’d be scheduling immediate hearings in Congress about the worst domestic terrorism event since 9/11. Then Donald Trump would be tweeting every hour “I told you so,” as he does minutes after every terror attack in Europe, precisely to immediately politicize them. Then there would be immediate calls for a commission of inquiry to see what new laws we need to put in place to make sure this doesn’t happen again. Then we’d be “weighing all options” against the country of origin.

But what happens when the country of origin is us؟

What happens when the killer was only a disturbed American armed to the teeth with military-style weapons that he bought legally or acquired easily because of us and our crazy lax gun laws؟

Then we know what happens: The president and the Republican Party go into overdrive to ensure that nothing happens. Then they insist — unlike with every ISIS-related terror attack — that the event must not be “politicized” by asking anyone, particularly themselves, to look in the mirror and rethink their opposition to common-sense gun laws.

مراحب بالشباب والشابات جميعا فردا فردا وشكري العميق لمساهماتكم الثرة.

الواجعني كيف زول متخلف قدر دا يفوز برئاسة أمريكا