Post: #1 Title: انا و النجم و المساء .. بعدك يمسخ الغناء يا عثمان حسين Author: Osman Musa Date: 11-03-2017, 04:29 PM Parent: #0
04:29 PM November, 03 2017 سودانيز اون لاين Osman Musa- مكتبتى رابط مختصر اغنية المصير من الأغنيات البتخم كيمان الإحباط من بطن الروح من جوه . اغنية ما تترك في صباحك إلا سماحة و فرحة عجيبة . يا سلام عليك يا سير عثمان حسين . نعم والله سير . ربنا يرحمك ... أرجو من الإخوان والأخوات التكرم بوضع اغنية المصير مع كثير الشكر
Post: #2 Title: Re: انا و النجم و المساء .. بعدك يمسخ الغناء يا Author: محمد الأمين موسى Date: 11-03-2017, 05:05 PM Parent: #1
فعلا يا عثمان هذه الأغنية البديعة تبدو وكأنها من أغاني الجنة: الكلام عجيب واللحن أعجب.
Post: #8 Title: Re: انا و النجم و المساء .. بعدك يمسخ الغناء يا Author: Osman Musa Date: 11-04-2017, 06:03 AM Parent: #2
استاذ محمد الامين سلامات كل ما يوجعك رأسك و تحاوطك المحن ما عليك إلا تتناول حبة من علاجات عمك سير عثمان حسين . ياريت لو كانت عندنا دولة من زي الدول الفنانة كان تعمل لي السير متحف يجمع حاجاتو البركة . ألف شكر علي المرور الجميل يا اخي
Post: #3 Title: Re: انا و النجم و المساء .. بعدك يمسخ الغناء يا Author: أبوذر بابكر Date: 11-03-2017, 07:16 PM Parent: #1
انت والنجم والمساء بس ؟
والله يا عثمان عثمان ده هو الكون كله
قدر ما تمسك ليك اغنيه عنده تقول خلاص بس ياها دى تلقى التانيه اعجب منها
ياخ اى فنان لازم بكون عنده اغنيه ولا اتنبن مزالفات وما ياهن
الا ابو عفان
داير اعزمك غنوه عجيبه تسمعها بالله و ورينى رايك شنو
نابك ايه فى هواه
كلمات صلاح احمد محمد صالح
كدى ابدا بى دى لامن نجى لى حاجات بازرعه
Post: #4 Title: Re: انا و النجم و المساء .. بعدك يمسخ الغناء يا Author: محمد الأمين موسى Date: 11-03-2017, 08:03 PM Parent: #3
Quote: نابك ايه فى هواه
غايتو يا أبوذر من محلك دا وعِدل لمكان الدهب... يبدو إنك منقِّب كبير! تعرف أبوعفان دا فناني المفضل ولأول مرة أسمع هذه الأغنية... شكرا لك فقد فتحت لنا نفاجا جديدا للإمتاع.
Post: #5 Title: Re: انا و النجم و المساء .. بعدك يمسخ الغناء يا Author: أبوذر بابكر Date: 11-03-2017, 08:44 PM Parent: #4
سمعتها بالله يا محمد ؟ شى ما عادى مش كده
شفت اللحن ده عجيب كيف اللحن بتاع ابو عفان طبعا قبل كم يوم انا كتبت موضوع هنا عن عثمان حسين الملحن
فى كم اغنية تانى احتمال ما تكون سمعتهن
بالله فتش اغنية اسمها
يا ليالى القمر
بعد تسمعها بوريك واحده تانى اخطر منها
انت عارف
انا شغال معاك بالقطاعى كده عشان خايفك ما تستحمل الجمال العثمانى كله حته واحده
ههههههه
تحياتى يا محمد الامين
Post: #6 Title: Re: انا و النجم و المساء .. بعدك يمسخ الغناء يا Author: يحي قباني Date: 11-03-2017, 11:01 PM Parent: #5
يا أبو عفان ...
انا و النجم و المسا ...
و لا المصير ؟
Post: #7 Title: Re: انا و النجم و المساء .. بعدك يمسخ الغناء يا Author: يحي قباني Date: 11-03-2017, 11:26 PM Parent: #6
عثمان حسين السهل الممتنع يا أبو عفان ...
عثمان حسين ذلك الكوكب الدري الذي لم يصل الى سموات ابداعه الكثيرين و لم يستوعب فنه الصعب الكثيرين ...
انا يا أبو عفان تأسرني جميع اغنياته ...
و لكن اغنيتي المدللة هي ( القبلة السّكرى ) ... للبديع بازرعة ...
Post: #10 Title: Re: انا و النجم و المساء .. بعدك يمسخ الغناء يا Author: Osman Musa Date: 11-04-2017, 10:04 AM Parent: #6
عزيز نا الفنان قباني سلامات ياخ عليك ألله بي شدتك في التوثيق دي ساعدني بي جمع الحاجات دي . ياخ انا بين سنة 1979 وسنة 1984 كنت في اليمن وكتبت في دأك الزمان كتير في صحف يمنيةو كويتية و سعودية عن شعراء من اليمن وفنانين يمن ضاعت الحاجات دي بعد زهايمر العولمة وكبر السن والجري بين الناطحات في سبيل لقمة عيش الجينز . ساعدني ياخ في لملمة الحاجات يازول الموت بعد ده زنق . و مافي كتير بقية
Post: #11 Title: Re: انا و النجم و المساء .. بعدك يمسخ الغناء يا Author: Osman Musa Date: 11-04-2017, 02:56 PM Parent: #10
يا شباب يا جماعة الحقونا بي الأغنية الليل ليل .
Post: #9 Title: Re: انا و النجم و المساء .. بعدك يمسخ الغناء يا Author: Osman Musa Date: 11-04-2017, 09:39 AM Parent: #3
عزيز نا الشاعر آب ذر الذي هاجر من أجل الاقامة بين الدخول فحوملي لا من أجل الدراهم . هاجر للجلوس هناك . ساج ولأج و تمتم و كتم الكتير و باح بالقليل . حتي عمك حسين بازرعة يا آب ذر من جنوب ديك إلمكانات الكانت واحدة . لا جوازات للسفر لا كفيل غناء و بس . انا مكتول يا آب ذر في غناء جنوب الجزيرة و بي شعر المجانين من شعراء جنوب الجزيرة كلهم لا حد هم العاش منهم في السودان والقعد بين المكلا والحديدة و حضرموت . . ح انطنط ليك في الكلام وأجوط ليك من أثر حقن مورفين عثمان حسين . حولا .
Post: #12 Title: Re: انا و النجم و المساء .. بعدك يمسخ الغناء يا Author: Osman Musa Date: 11-05-2017, 03:49 AM Parent: #3