أصل كلمة مقنن ( شاي اللبن المقنن ) .

11:06 AM November, 03 2017

سودانيز اون لاين
ايمن الصادق-
مكتبتى
رابط مختصر

سلامات .
ما دفعني لجلب الموضوع هنا ، ومشاركتكم إياه هو تعليق لأحد الأصدقاء ورأيته محفزآ للبحث والنقاش وهو :

Quote: عزيزنا ايمن تحياتى ... انا ايضا مهووس مثل الالاف باحتساء شاى الحليب ( المقنن) واجد صعوبة كبيرة فى احتساء ذلك الشاى ان لم يكن ذلك الحليب ( مقننا ) ... لكن طالما تسالت هل كلمة ( مقنن) هى الكلمة المناسبة لغويا لتسمية ذلك الشاى بالحليب والذى يتم غليه مطولا ليكون ( مقننا) ..لان الاستعمال الخاطىء للغة واشتقاقاتها يوقع فى اخطاء ...لكن للحق لا اعلم هل نستعملها نحن بطريقة خاطئة ام صحيحة لا اعلم ... لان تقنين تنسب للقانون ومواده ... اذن هل هى مصطلح؟ ...من الاخطاء الشائعة ..زمان فى محطات القطار تكتب ( محطة سك حديد) بينما الصحيح هى ( سكة) اما ( سك) تعنى طبع العملة او انتاج العملة المعدنية ... ليت هناك من يفتى لانى فشلت حبيبنا

https://www.0zz0.com

الاخ أيمن سلام,
والله ذكرتنا اماتنا الرحلن الله يرحمهن.
الشاي باللبن المقنن مرتبط بطفولة وذكريات الكثيرين.
أما سك حديد هي ما مكتوبة كدا حبيت اصحح ليك
لاني وانا صغيرة كنت دائما أقف لاقرا ماهو مكتوب على عربات قطارات البضائع.
مكتوبة سكك حديد
تحياتي
ست البنات.

نعم يا ست البنات هو ما تقولين فالكلمة الصاح سكك حديد السودان
أو السكة حديد...فام المدائن هي بلد السكة حديد...
بس لسع ما فهمنا سبب تسمية اللبن المقنن ..لان كلمة المقنن جاية من كلمة قانوني...
ودمت بخير وعافية

نعم يا ست البنات هو ما تقولين فالكلمة الصاح سكك حديد السودان
أو السكة حديد...فام المدائن هي بلد السكة حديد...
بس لسع ما فهمنا سبب تسمية اللبن المقنن ..لان كلمة المقنن جاية من كلمة قانوني...
ودمت بخير وعافية

كيف حالك أيمن الصادق ّ
أنا كنت فاكر انو كلمة مقننة المقصود بيها اللبن
هي انو وضع تحت ظروف محدده ومحكمه لكي تكون مخرجاته وفق ماتهوي النفس


مخرجاته دي عدوى واصابتنا ياحبيبنا

سلام صاحب البوست والضيوف، أدناه محاولة للمقاربة "على وجل"

( المعجم: لسان العرب
اسْتَقَنَّ

اسْتَقَنَّ بالأَمرِ : استقلَّ به .
و اسْتَقَنَّ أَقام مع غنمه ليشرب أَلبانَها.)

المصدر:
https://www.almaany.com/ar/dict/ar-ar/%D9%82%D9%86%D8%A7%D9%86%D8%A9/https://www.almaany.com/ar/dict/ar-ar/%D9%82%D9%86%D8%A7%D9%86%D8%A9/

Quote: سلام صاحب البوست والضيوف، أدناه محاولة للمقاربة "على وجل" ( المعجم: لسان العرب اسْتَقَنَّ اسْتَقَنَّ بالأَمرِ : استقلَّ به . و اسْتَقَنَّ أَقام مع غنمه ليشرب أَلبانَها.)

مرحبا استاذ محمد مدني . مساهمة مفيدة جدآ .
كل الخير لك .

Quote: كيف حالك أيمن الصادق ّ أنا كنت فاكر انو كلمة مقننة المقصود بيها اللبن هي انو وضع تحت ظروف محدده ومحكمه لكي تكون مخرجاته وفق ماتهوي النفس مخرجاته دي عدوى واصابتنا ياحبيبن

هلا اخونا مهلم ، والله بخير ، وغيابك ملحوظ حبيبنا .
والله هو أقرب تحليل أو تفسير للكلام دا .
كل الخير لك .

Quote: بس لسع ما فهمنا سبب تسمية اللبن المقنن ..لان كلمة المقنن جاية من كلمة قانوني... ودمت بخير وعافية

هلا بالنسمة بت الشيخ .
ونحنا في الانتظار ، كل الخير لك .

Quote: الاخ أيمن سلام, والله ذكرتنا اماتنا الرحلن الله يرحمهن. الشاي باللبن المقنن مرتبط بطفولة وذكريات الكثيرين. أما سك حديد هي ما مكتوبة كدا حبيت اصحح ليك لاني وانا صغيرة كنت دائما أقف لاقرا ماهو مكتوب على عربات قطارات البضائع. مكتوبة سكك حديد تحياتي ست البنات.

سلامات يا ست البنات ... صحيح هي سكك حديد السودان ، برضو حبيت اعلق بيها على صديقي المعلق ،،، وأنا كمان القطر في ضهر بيتنا زمان ، ولما يجي هزتو ورزتو بتصحينا ^_^

يا الله من الشاي المقنن دا فاقدنو عديل الايام دي

يا ايمن
مقنن (بفتح الميم والقاف). لاعلاقه لها بالقانون اذا افترضنا ان لها اصل عربى فالعلامات (الكسره والفتحه والضمه)
تجعل الكلمه ذات الحروف المتشابهه تختلف باختلاف وضع العلامات بها
مثلا قطر (بضم القاف) تختلف عن قطر (بفتح القاف).
قد تكون مقنن ذات اصل عربى او اصل فى لغه من اللغات المحليه السودانيه وشاع استخدامها.
.
اما ماذكرت فى مطلع البوست
لتسمية ذلك الشاى بالحليب والذى يتم غليه مطولا ليكون
اللبن المقنن له حله مخصصه تترك لتسخن فاضيه ثم يسكب اللبن فيها. وتاتى رئحه القنانه (بضم القاف) من
عمليه الاحتراق ععند بدايه سكب اللبن .
وتكون حله اللبن المقنن دائما سوداء القاع حتى الناتج من الاحتراق بشكل متكرر ويكون مصدر هذه النكهه.
اتمنى يجى زول يدينا الاكيده فى اصل الاسم اللغوى
تحياتى لك ولضيوفك

ملحوظه :
من ناحيه غذائيه اظن عمليه التقنين نعم بتدى اللبن نكهه لكنها بتفقدو جزء من قيمته الغذائيه وقد بسبب الاحتراق.
زى حكايه البيض (عيون) بفقد من قيمته الغذائيه بخلاف البيض المسلوق
بتمنى ناس التغذيه والطب يدونا راى فى الحته دى.

Quote: يا ايمن مقنن (بفتح الميم والقاف). لاعلاقه لها بالقانون اذا افترضنا ان لها اصل عربى فالعلامات (الكسره والفتحه والضمه) تجعل الكلمه ذات الحروف المتشابهه تختلف باختلاف وضع العلامات بها مثلا قطر (بضم القاف) تختلف عن قطر (بفتح القاف). قد تكون مقنن ذات اصل عربى او اصل فى لغه من اللغات المحليه السودانيه وشاع استخدامها. . اما ماذكرت فى مطلع البوست لتسمية ذلك الشاى بالحليب والذى يتم غليه مطولا ليكون اللبن المقنن له حله مخصصه تترك لتسخن فاضيه ثم يسكب اللبن فيها. وتاتى رئحه القنانه (بضم القاف) من عمليه الاحتراق ععند بدايه سكب اللبن . وتكون حله اللبن المقنن دائما سوداء القاع حتى الناتج من الاحتراق بشكل متكرر ويكون مصدر هذه النكهه. اتمنى يجى زول يدينا الاكيده فى اصل الاسم اللغوى تحياتى لك ولضيوفك

....

Quote: ملحوظه : من ناحيه غذائيه اظن عمليه التقنين نعم بتدى اللبن نكهه لكنها بتفقدو جزء من قيمته الغذائيه وقد بسبب الاحتراق. زى حكايه البيض (عيون) بفقد من قيمته الغذائيه بخلاف البيض المسلوق بتمنى ناس التغذيه والطب يدونا راى فى الحته دى.

مرحبا بالأخ الكريم عاصم على .
ممتن والله ، أثريت البوست ( شغل خبراء مقنن ^_^ )
كل الخير لك وطابت أوقاتك .

Quote: يا الله من الشاي المقنن دا فاقدنو عديل الايام دي

سلامات يا عمر عباس ، أصمد وما تضعف هههههه
بألف هنا وشفاء حال قررت ارتشافه .

تبارو المصطلحات االسودانية دي فى كلام كتير ما حتلقو ليه أصل او معني

يومداك قدر ما فتشت لأصل كلمة براي ..ما لقيت ليها جيهة ..

بس الارجح انه من التقنين والاجادة

بس لو بالعربي الشائع ممكن نقول شاي محمص :) roasted milk

ايمن..حبابك يا صديقي
وحباب الصديقات والأصدقاء هنا..
نعم يا صديقنا عاصم لها معنى في اللغة العربية ، ولو كان صديقنا محمد مدني مشى شوية في نفس القاموس كان وجد المعني..

Quote: • التَّقْنُ : رُسابة الماءِ وخُثارتُه

يعني هي رسابة اللبن وخثارته

غايتو يا ايمن انا زول حريف شاي..وصورة الشاي الجبتها دي هي ما يسمى عندنا في كردفان الشاي الجمبغلي/المغلي وهو الشاي الذي يستعاض في صناعتة باللبن عن الماء..اما اللبن المقنن لو حاولت تغليهو مع الشاي في نفس الماعون ح تحصل على خلطة غير طيبة..عشان كده كلام صديقنا عاصم سليم وهو ان ماعون اللبن المقنن بيكون خاص وفيه رسابة لبن محروقة تستخدم للنكهة..وفعلا يا عاصم قيمته الغذائية قليلة للغاية..!
حصلت جربت لبن مقنن في دوروية (حلة مصنوعة من الفخار)؟
كتبت قبل سنوات موضوع (الى المُلا عمر: رسالة في اللبن) لو لقيت الرابط ح اضيفو هنا..

كلام الأخت ست البنات صحيح ، فالهيئة اصلا اسمها (هيئة سكك حديد السودان)..
والسكة (كسرة على السين) تعرف بانها الطريق ، لكن خصوصية السكة حديد جاءت من معني مقارب في اللغة العربية ..

Quote: • الجمع : سِكَكٌ • السِّكَّةُ : السَّطرُ المُصطَفُّ من الشجرِ والنخيلِ • السِّكَّةُ : الطريقُ المستوي

ودمتم..
كبر

Quote: ايمن..حبابك يا صديقي وحباب الصديقات والأصدقاء هنا.. نعم يا صديقنا عاصم لها معنى في اللغة العربية ، ولو كان صديقنا محمد مدني مشى شوية في نفس القاموس كان وجد المعني.. Quote: • التَّقْنُ : رُسابة الماءِ وخُثارتُه يعني هي رسابة اللبن وخثارته غايتو يا ايمن انا زول حريف شاي..وصورة الشاي الجبتها دي هي ما يسمى عندنا في كردفان الشاي الجمبغلي/المغلي وهو الشاي الذي يستعاض في صناعتة باللبن عن الماء..اما اللبن المقنن لو حاولت تغليهو مع الشاي في نفس الماعون ح تحصل على خلطة غير طيبة..عشان كده كلام صديقنا عاصم سليم وهو ان ماعون اللبن المقنن بيكون خاص وفيه رسابة لبن محروقة تستخدم للنكهة..وفعلا يا عاصم قيمته الغذائية قليلة للغاية..! حصلت جربت لبن مقنن في دوروية (حلة مصنوعة من الفخار)؟ كتبت قبل سنوات موضوع (الى المُلا عمر: رسالة في اللبن) لو لقيت الرابط ح اضيفو هنا.. كلام الأخت ست البنات صحيح ، فالهيئة اصلا اسمها (هيئة سكك حديد السودان).. والسكة (كسرة على السين) تعرف بانها الطريق ، لكن خصوصية السكة حديد جاءت من معني مقارب في اللغة العربية .. Quote: • الجمع : سِكَكٌ • السِّكَّةُ : السَّطرُ المُصطَفُّ من الشجرِ والنخيلِ • السِّكَّةُ : الطريقُ المستوي ودمتم.. كبر

أهلآ وسهلآ بالجمال .
صديقنا كبر كل الخير لك ، وكنت منتظر مساهمتك دي صراحه مع واحد أخونا كدا ننتظر قدومه ^_^ .
تصدق فكرت أعمل جمبغلي ههههه والله رائع ، لأول مره اسمع بيه .
وفي انتظار الرابط ، والفخار دا علاقتي انتهت معاه في زير المويا بس ، لكن رائع أن له استخدامات للنار ، حقآ بإنتظارك .

Quote: بارو المصطلحات االسودانية دي فى كلام كتير ما حتلقو ليه أصل او معني يومداك قدر ما فتشت لأصل كلمة براي ..ما لقيت ليها جيهة .. بس الارجح انه من التقنين والاجادة

مرحبا يا الجبلابي .
فعلآ في حياتنا اليوميه بنستخدم عبارات لو قلنا نفتشها في القواميس ما بتتلقي ، مراقتنا الوحيدة عون الشريف قاسم .

كتر خيرك يا ايمن..

هنا الرابط:


http://sudaneseonline.com/board/102/msg/رســالة-في-اللــبن-%3a-الى-المــلا-عمـر-1134343561.html



كبر

كل الخير لك ... وشكرآ للرابط ، والواضح أنه كان معايدة لطيفه ،،، وأرجو أن يعود الاعضاء الجميلين لمشاركين فيه .
والزيت يا مبدعنا كبر كان في

Quote: و ســـتات الشاي تقول المغلي و الجنبغلي .. و تعني مطبوخ اللبن بالشاي الأسود.. اذا اشتد و غلا .. و فار في البراد و علا .. و فيه قليل من الهبهان و الزنجبيل .. أو القرفة و أم غليل ..

بس ما عرفت أم غليل دي .
هلا أتحفتنا ؟

ايمن..حبابك يا صديق

Quote: بس ما عرفت أم غليل دي . هلا أتحفتنا ؟

ام غليل ، اصلا اسمها (ام غليلة) ، وهي تصغير (غلة/مثل الغلال من دخن وذرة وغيرها) ، وهي عشبة تكثر في الجبال وسفوحها مثلها مثل عشبة المحلب، ويستخدمها اهلنا كنوع من النكهات..لذلك تراها في النص مرتبطة بالهبهان والزنجبيل والقرفة. ثمرتها في شكل حبة صغيرة تشبه حبة غلة الدخن في الشكل والحجم ولونها ايضا.وكذلك تستخدم لعلاج بعض الأمراض. طعمها فيه شئ من المرارة القارصة
Bitter
ويصعب ان تشرب منها مقدار كباية لو تم غليها بصورة منفصلة كما الزنجبيل.
الطريفة في ثقافة الشاي في السودان يتم استخدام التوابل :هبهان ، زنجبيل ، قرفة ،وبكثرة يستخدم النعناع وهذا لم اراه كثيرا في الثقافات الأخرى .

كبر

تحياتي يا أيمن وسلام ومعزة أخي كبر
وهاك من أم غليلة ،شاعر كباشي:
الليلة الهبوب مِنْقَدِّي
وأنحنا بقينا في آية السَّفر والشَّدِّي
الخلاَّني بتلفَّت بدور الصَّدِّي
هم الفوق حويجباتها أم غليلة تندِّي

الأخ معتصم الجبلابي
==========اقتباس===============
يومداك قدر ما فتشت لأصل كلمة براي ..ما لقيت ليها جيهة ..
=============================

أعتقد أنها جاية من كلمة (برأيي) يعني أنا مستقل برأيي أو بنفسي
وفي السودان بقولوا: قاعد لك فوق راي
بمعنى أنك متخذ موقف مختلف عن الآخرين وأنك تكتم سبب هذا الموقف

تحياتي لكاتب البوست بنكهة الشاي المقنن بالهبهان :)

Quote: ( سك) تعنى طبع العملة او انتاج العملة المعدنية

هل هو صك العملة ولا سك العملة أم الكلمتين تحمل نفس المعنى؟ وطيب لمن الواحد يقول سكاهو كلب هل للكلمة علاقة بي سك العملة؟

معنى كلمة صك العملة في القاموس

صَكٌّ : (مصدر)
(مصدر: صَكَّ).
1. حَرَّرَ لَهُ صَكّاً : كِتَاباً، وَثِيقَةً بِمَالٍ أَوْ غَيْرِهِ.
2. دَفْتَرُ الصَّكِّ : دَفْتَرُ الشِّيكَاتِ.
3. صَكُّ الاسْتِلاَمِ : وَثِيقَةُ الاسْتِلاَمِ. 4.صُكُوكٌ بَنْكِيَّةٌ : نَمَاذِجُ مَطْبُوعَةٌ عَلَى نَمَطٍ مُعَيَّنٍ يَسْتَعْمِلُهُ الْمُودِعُ فِي أَحَدِ الْمَصَارِف

تعريف و معنى سَكّ في معجم المعاني الجامع - معجم عربي عربي
سَكّ: (اسم)
الجمع : سِكَاكٌ ، سُكُوكٌ
السّكُّ : لُؤْمُ الطَّبْع
السّكُّ : المسمار
السّكُّ : البئر الضَّيِّقةُ الحفر
السّكُّ : الدَّرْعُ الضَّيقةُ الحَلَقِ
السّكُّ : المستقيمُ من البناء والحفر كهيئة الحائط والجمع : سُكوكٌ ، وسِكاكٌ
ضربوا بيوتهم سِكاكًا : صفًّا واحدًا
سَكُّ النُّقُود : ضَرْبُهَا ، صَوْغُهَا
دَارُ السَّكِّ : مَصْنَعٌ تَابِعٌ لِلدَّوْلَةِ يُعْهَدُ إلَيْهِ بِسَكِّ النُّقُودِ الْمَعْدِنِيَّةِ
فِي طَبْعِهِ سَكٌّ : لَوْمٌ
بِنَاءٌ سَكٌّ : مُسْتَقِيمٌ
ضَرَبُوا بُيُوتَهُمْ سِكَاكاً : صَفّاً وَاحِداً
سَكُّ العَنْكَبوتِ : شُعٌّ ، بَيْتُها
سَكُّ العَقْرَبِ : بَيْتُهُ
قرص السَّكّ : قرص مسطح من المعدن جاهز للطبع كالعملة
سَكَّ: (فعل)
سَكَّ ، يَسُكّ ، اسْكُكْ / سُكَّ ، سَكًّا ، فهو ساكّ وأَسَكّ ، فهو أَسَكُّ ، وهي سَكَّاءُ والجمع : سُكٌّ والمفعول مَسْكوك
سَكَّ الوَلَدُ : صَغُرَتْ أُذُنُهُ وَلَزِقَتْ بِرَأْسِهِ
سَكَّ الرَّجُلُ : صك ، أُصِيبَ بِالصَّمَمِ
سَكَّ النُّقُودَ : ضَرَبَهَا ، صَاغَهَا
سَكَّ أُذْنَهُ : قَطَعَهَا
سَكَّ الشيءَ سَكَّ سَكًّا : سدَّهُ
سَكَّ البابَ أَو الخشبَ وغيرَهما : ضَبَّبَهُ بالحديد ، أَو سمَّرَه بالمسامير
سَكَّ البابَ : أَغلَقه
سَكَّ ما في بطنِه من غائط ونحوِه : قَذَفَهُ رقيقًا
سَكَّ البئرَ : حفَرَها ضيِّقة
سكَّ البابَ أغلقه بالحديد أو المسامير
سكَّه على قفاه : ضربه
سَكَّ : أُصيبَ بالصَّمَم
سُك: (اسم)
سُك : جمع سَكّاء
سُكّ: (اسم)
الجمع : سُكوكٌ ، و سِكاكٌ
السُّكُّ من الطُّرُقِ : الضيَّقُ المنسدّ
السُّكُّ : جُحْر العقرب أو العنكبوتِ ؛ لضيقِهِ
السُّكُّ : الدِّرعُ الضَّيِّقة الحَلَق
السُّكُّ : البئرُ الضيقةُ الخرقِ أَو الحَفْرِ
السُّكُّ : لؤم الطبع
السُّكُّ : ضربٌ من الطِّيب يُركَّبُ من مسك ورامكٍ
سُكّ: (اسم)
سُكّ : جمع أَسَكُّ
سَكّاء: (اسم)
الجمع : سُكٌ
السَّكَّاءُ : مؤَنَّث الأَسكِّ
السَّكَّاءُ من الدروع : الضَّيِّقةُ الحَلَق
ساكَ: (فعل)
ساكَ يَسوك ، سُكْ ، سَوْكًا وسِواكًا ، فهو سائِك ، والمفعول مَسُوك
ساك أسنَانه : دلكَها بالسِّواك لينظِّفها
سَاكَ : سارَ سيرًا ضعيفًا
سَاكَ الشيءَ : دلكَهُ

لا يا شيخ عثمان (صك) العُملة لا وجود لها في لسان العرب.
لكون الصك هو (عقد) بيع أو شراء أو ءإتمان أو ما شابه. وأما
سك العملة فهو صناعة قطعها المعدنية. و أما سكَّاه الكلب فالكلب
ما بسك ليهو زول إلا يكو ن مرعة براهو. و برضو طفشتونا
من حكاية الشاهي المقنن. ما يدل على ضبابية أو عدم وجود
مقابل للمصطلح من من أساسه بلغة (القانون).
و لكن بحكم طفشانا الكتير في بلاد الله الواسعة عندي ليكم
تفسيرخاص و منطقي جدن لحاجة قريبة من شاي اللبن المقنن
ألا و هو الشاي (الكَرَك) عند الهنود. حيث تبين لي أنهم يقصدون
بذلك نطقهم الركيك للفظة ( Correct). يعني شاي مغلي لامن
صاموطي صاح. و لا رأيكم شنو ما صاح كدا بالله؟!!