|
|
|
 Re: المساعدة لمن لديه خبرة فى القروض البنكية (Re: Mahir Mohammed Salih)
|
تحياتي ماهر و ربنا يوفقك ان شاء الله
ما عندي الخبرة لكن بس عايز اشير لبنك السلام المملوك لبنك دبي الاسلامي له سمعة جيدة و يحذو حذو بنوك الامارات ذات الباع و الخبرة الطويلة في أمور التمويل الشخصي على الصيغ الاسلامية المتبعة في السودان حسب قوانين البك المركزي
اي نعم نسبة الفائدة عالية نسبيا لكن مفهومة في اطار عدم استقرار العملة
و بالتوفيق ان شاء الله
| |
  
|
|
|
|
|
|
|
|
Re: المساعدة لمن لديه خبرة فى القروض البنكية (Re: زهير حيدر صديق)
|
السلام عليكم ورحمة الله وبركاته
مقترحي لك طالما تمتلك جزءاً من ال 2 مليون دي أشتغل بيها وربنا ببارك ليك فيها وأبتعد عن التمويل.
ـــــــــــــــــــــــــــــــــــــــــــــــــــــــــــ
وصية هامة أخى زهير ،، ونسأل الله التوفيق لى وللجميع بإذن الله
شاكر لك المرور والوصية
| |
|
|
|
|
|
|
|
|
|
Re: المساعدة لمن لديه خبرة فى القروض البنكية (Re: Abdalla Hussein)
|
اظن موضوع القروض ده ما موجود في السودان عشان كدا مافى معرفة
عنه عند عامة الناس ....انا ذاتى زيك متابع الردود لكن ما اظن فى زول
عندو معلومة ويدسها ....
تحياتى
ـــــــــــــــــــــــــــــــــــــــــــــــــــــــــــــــــــــ
الأخ عبدالله حسين ،، لك الشكر والتقدير
غريبة أنو مافى تمويل مشاريع في البنوك السودانية ،، أعتقد المصارف جزء أصيل
في تحريك عجلة الاقتصاد في أية دولة وبدونها تصعب عملية الإستثمار كثيرا جدا
التجارب مهمة عشان قلت يمكن اللى عندو تجربة زى دى يفيدنا
أكرر شكرى
| |
|
|
|
|
|
|
|
|
|
Re: المساعدة لمن لديه خبرة فى القروض البنكية (Re: Mahir Mohammed Salih)
|
زي ما ذكر احد الأخوة المتداخلين ما دام عندك جزء من القروش أحسن تبدء بالعندك بدل ما تدخل في ديون من البنوك وبعد شوية تلقى نفسك مرمي في السجن
الإستثمار في السودان معقد جدا ويحتاج إلي فقهم دقيق لطبيعة الإستثمار في السودان. فلو عندك الخبرة في السودان ممكن تستلف لكن لو داخل جديد في الإستثمار في السودان أحسن تبدء بالعندك على الأقل لو فشلت بتكون المشكلة بينك وبين نفسك أحسن من ما تلاقي المشكلة مع طرف آخر
طبعا الإستثمار في السودان سلاح ذو حدين يا رفعك فوووووووووق يا دق بيك الواطة دقة قوية وترميك رمية عشان تقوم منها حتتعب تعب شديد, وممكن تاني ما تقوم.
| |
|
|
|
|
|
|
|
|
|
Re: المساعدة لمن لديه خبرة فى القروض البنكية (Re: بكري عباس علي)
|
لا أنصحك باخذ أي قروض من البنوك ..
الفوائد مجحفة جدا ..
وممكن لا قدر الله اذا مشروعك ما مشى كويس ..
حتخسر كل شيء
لانه البنك حيجي يكاوش على كل تعبك وشقاك ..
ابدا بالمبلغ المعاك وربنا حيوفقك ..
حتى لو تخسر شوية زمن ...
اهو أفضل من خسارة قروشك ..
ولاتنسى محقة الربا بتاعة البنك ..
| |
|
|
|
|
|
|
|
|
|
Re: المساعدة لمن لديه خبرة فى القروض البنكية (Re: MOHAMMED ELSHEIKH)
|
صديقي ماهر
ممكن تبدا بما لديك او تدخل في شراكة مع من تثق بهم ويا حبذا من المغتربين وسيروا وعين الله ترعاكم.
المصرفية في السودان لاتشبه اي نوع في العالم.
ـــــــــــــــــــــــــــــــــــــــــــــــــــــــــ
هلا وسهلا الأخ الصديق محمد الشيخ ،، أها دى واحدة من الخيارات فعلا ،، طبعا نحن السودانيين يعجبوك في الحتة دى
يقول ليك : أوعك من الشراكة
علما بأن معظم الشركات العملاقة في السعودية بدأت بشراكات ،، إما أستمروا على شراكاتهم هذه حتى الآن ،، أو أنهم
شقوا طريقهم بقوة بفض الشراكة ( حبيا )
والجميل هنا أننى متخصص في مثل هذه الشراكات طيلة عملى في المملكة
عظيم شكرى
| |
|
|
|
|
|
|
|
|
|
Re: المساعدة لمن لديه خبرة فى القروض البنكية (Re: جمال ود القوز)
|
لا أنصحك باخذ أي قروض من البنوك ..
الفوائد مجحفة جدا ..
وممكن لا قدر الله اذا مشروعك ما مشى كويس ..
حتخسر كل شيء
لانه البنك حيجي يكاوش على كل تعبك وشقاك ..
ابدا بالمبلغ المعاك وربنا حيوفقك ..
حتى لو تخسر شوية زمن ...
اهو أفضل من خسارة قروشك ..
ولاتنسى محقة الربا بتاعة البنك ..
ـــــــــــــــــــــــــــــــــــــــــــــــــــــــــــــــــــــــــــــــــــــــ
أخى العزيز جمال ود القوز ،، لك خالص الشكر على هذه التوصيات الغالية ،، والله سمعنا كثيرا عن بعض
خيرة الناس في سجون السودان بسبب مثل هذه القروض ،، وده أصلا اللى مخوفنى شديد ،، فنخرج من سجن
الغربة إلى سجن الوطن .
لك شكرى وتقديرى
| |
|
|
|
|
|
|
|
|
|
Re: المساعدة لمن لديه خبرة فى القروض البنكية (Re: بكري عباس علي)
|
نصيحة لوجه الله ابعد من البنوك بالذات في السودان الفوائد عالية والمخاطر كبيرة
اقتراح ممكن تبيع واحدة من الشقق اذا ممكن تغطي ليك المبلغ الناقص ويا دار ما دخلك شر
وربنا يغنيك عن البنوك والربا
ــــــــــــــــــــــــــــــــــــــــــــــــــــــــــــــــــــ
أخى بكرى ،، لك الشكر الجزيل على المرور
وشكرا على النصيحة التي إتفق عليها الجميع تقريبا ،، فكرة أبيع شقة ترن في زهنى كثيرا وربما إلجأ أليها عند الإضطرار
مع التحية أخى بكرى
| |
|
|
|
|
|
|
|
|
|
Re: المساعدة لمن لديه خبرة فى القروض البنكية (Re: aosman)
|
زي ما ذكر احد الأخوة المتداخلين ما دام عندك جزء من القروش أحسن تبدء بالعندك بدل ما تدخل في ديون من البنوك وبعد شوية تلقى نفسك مرمي في السجن
الإستثمار في السودان معقد جدا ويحتاج إلي فقهم دقيق لطبيعة الإستثمار في السودان. فلو عندك الخبرة في السودان ممكن تستلف لكن لو داخل جديد في الإستثمار في السودان أحسن تبدء بالعندك على الأقل لو فشلت بتكون المشكلة بينك وبين نفسك أحسن من ما تلاقي المشكلة مع طرف آخر
طبعا الإستثمار في السودان سلاح ذو حدين يا رفعك فوووووووووق يا دق بيك الواطة دقة قوية وترميك رمية عشان تقوم منها حتتعب تعب شديد, وممكن تاني ما تقوم.
ـــــــــــــــــــــــــــــــــــــــــــــــــــــــــــــــــــــــــــــــــــــــ
شكرا جزيلا أخى عثمان على المرور والوصية القوية ،، أرى أن الجميع متفقون على عدم المخاطرة مع البنوك
للأسف ليست لدى خبرة في السوق السودانى ،، ولكن قلنا نبدأ تجربة جديدة في شيء ذو عائد مضمون
أها دق الواطة دى الخايفين منها ،، ولكن ناس الاقتصاد يقولوا ليك اللى ما بيخاطر ممكن يعيش ولكن لا ينجح أبدا ههههههه
شكرا لك مرة ثانية وكما قلت معظم المتداخلين متفقين في عدم التورط مع البنوك
| |
|
|
|
|
|
|
|
|
 Re: المساعدة لمن لديه خبرة فى القروض البنكية (Re: Mahir Mohammed Salih)
|
الأخ ماهر
تحياتي ليك ولضيوفك
بعيداً عن قناعاتي - التي لن تكون في صالحك فيما يخص الإستثمار في السودان -
أؤكد على فكرة عدم الإقتراض من البنوك السودانية التي تقوم على الربا تحت غلاف إسلامي كاذب!
القروض عادة - لو تمت - إمضوك على مية المية من قيمة القرض وتستلم 75 في المية
النظام دا معمول بيو حتي عهد قريب
لو مصر على فكرة الإقتراض خليك مع مقترح ود البشرى
لو لم تكن لك فكرة سابقة في التجارة بصفة عامة أنصحك بلبس جلابيتك والسوق جاك زول
أنصحك بملاقات صديقنا محمد قاسم - ود قاسم - زميل البورد
محمد قاسم إنسان طموح وهو متعلم مستنير
لديه أفكار عبقرية - ضرسته الأيام فأنتجت منه إنسان ناجح
صقل تعليمه الأكاديمي بخبرة عملية ممتازة
إداري محنك وذو تجارب ميدانية في السودان
فوق ذلك أخ مؤتمن وخدوم ولا يألوا جهداً في تقديم أثمن ما عنده من نصايح
أقول الكلام دا ولو كنت أنا شخصياً مكانك لما كانت لي أي خيارات أخرى
لكن برضوعلي قول الخواجات:
احتفظ لنفسك بي بلان بي
يا قول عمنا الطيب الأغبش
الوصية بالمهلة: لا تقترض من البنوك
ممحقة للمال وتورثك الفقر
أها
تعقبك بيضا وتختمك بيضا
وما تشوف شرور لا من ديكا أو من ديلا
و
وداعة الله عند الرسول
___
الحليلة
| |
|
|
|
|
|
|
|
|
|
Re: المساعدة لمن لديه خبرة فى القروض البنكية (Re: Abureesh)
|
لا تقترض من البنوك خاصة التى تسمى اسلاميةولا تخاطر باكثر من 20% من مالك الخاص.
ـــــــــــــــــــــــــــــــــــــــــــــــــــــــــــــــــــــــ
لك الشكر والتدقير أخى أبو الريش ،، النصيحة الغالية رسخت تب في نافوخى ،، فيما يخص التجنيب كانت هي الفكرة أصلا
أن أدخل في مشروع بنظام Equity/Debt وأخت بعض قروشى جانبا
ولكن طالما الوصية حسب الأجماع الفوق خلاص بعدنا
أكرر شكرى وتقديرى
| |
|
|
|
|
|
|
|
|
|
Re: المساعدة لمن لديه خبرة فى القروض البنكية (Re: elhilayla)
|
الأخ ماهر
تحياتي ليك ولضيوفك
بعيداً عن قناعاتي - التي لن تكون في صالحك فيما يخص الإستثمار في السودان -
أؤكد على فكرة عدم الإقتراض من البنوك السودانية التي تقوم على الربا تحت غلاف إسلامي كاذب!
القروض عادة - لو تمت - إمضوك على مية المية من قيمة القرض وتستلم 75 في المية
النظام دا معمول بيو حتي عهد قريب
لو مصر على فكرة الإقتراض خليك مع مقترح ود البشرى
لو لم تكن لك فكرة سابقة في التجارة بصفة عامة أنصحك بلبس جلابيتك والسوق جاك زول
أنصحك بملاقات صديقنا محمد قاسم - ود قاسم - زميل البورد
محمد قاسم إنسان طموح وهو متعلم مستنير
لديه أفكار عبقرية - ضرسته الأيام فأنتجت منه إنسان ناجح
صقل تعليمه الأكاديمي بخبرة عملية ممتازة
إداري محنك وذو تجارب ميدانية في السودان
فوق ذلك أخ مؤتمن وخدوم ولا يألوا جهداً في تقديم أثمن ما عنده من نصايح
أقول الكلام دا ولو كنت أنا شخصياً مكانك لما كانت لي أي خيارات أخرى
لكن برضوعلي قول الخواجات:
احتفظ لنفسك بي بلان بي
يا قول عمنا الطيب الأغبش
الوصية بالمهلة: لا تقترض من البنوك
ممحقة للمال وتورثك الفقر
أها
تعقبك بيضا وتختمك بيضا
وما تشوف شرور لا من ديكا أو من ديلا
و
ــــــــــــــــــــــــــــــــــــــــــــــــــــــــــــ
الحليلة صاحب القلم الأزرق ،، لك عظم شكرى وتقديرى على المداخلة المهمة
قصة الجلابية والحوامة ساكت كده ينتفق فيها معك شقيقى ،، قال لى بالحرف :
ـلبس ليك عراقى وسروال وراقب السوق براك لمدة لا تقل عن 6 أشهر بدون فعل أي شيء
ومن ثم قرر بعد ذلك ،، يا إما رجعت السعودية وهو المرجح أو تكون أستفدت وعرفت الحاصل
شنو بالظبط في السوق السودانى الذى ( لا يشبه ) أسواق بقية العالم
كلامك جميل جدا عن الزميل ود قاسم وقطعا بإذن الله سأسجل له زيارات وخاصة في فترة المراقبة
اللى قلناها فوق دى
جزيل الشكر على النصائح الغالية
| |
|
|
|
|
|
|
| |
محمد البشرى الخضر
Abdalla Hussein
aosman
بكري عباس علي
جمال ود القوز
MOHAMMED ELSHEIKH
elhilayla
Abureesh
محمد مجيدو
Ahmed Tuhami
الطيب عباس
فيس بوك
تويتر
انستقرام
يوتيوب
بنتيريست