فلنتحد جميعاً لتحريك دعوى ضد حكومة الخرطوم لجلدها شاب كندي

10:51 PM October, 27 2017

سودانيز اون لاين
النذير حجازي-بلاد الله الواسعة
مكتبتى
رابط مختصر

كتب البروف المعز أبو نورة:
قضيه حقوق الانسان قضية واحده لاتتجزأ. حسب المكتوب هذا الشاب لم يرتكب جريمه ليتم عقابه بهذا الشكل. . مهم كتابة اسمه كامل لتتم للمنظمات ذات المصداقيه مثل منظمة العفو الدوليه الدفاع عنه.
عليه ايضا الاتصال بسفارته الكنديه فى الخرطوم لمساعدته قانويا فى
رفع دعوى ضد الحكومه السودانيه. والمطالبه بتعويض من جراء الاضرار التى لحقت به.
اكثر شئ ازعجنى هو العنف المجتمعى و كراهية الاخر وتعرضه للطرد و التبليغ عنه من حضور حفل الزفاف الذى تمت دعوته له وشارك فيه كضيف.

عشان كندي ... ؟؟؟؟
و ل عشان مثلي ... ؟؟؟

https://www.0zz0.com

Quote: عشان مثلي ... ؟؟؟

نعم علشان مثلك يا ابو الحسين كإنسان
ومشتاقين

لو مشتاق حقيقة ما تزوغ ... 😂😂😂😂
مثلي دي ما زيي يعني ...
يعني متشبه بالنساء زي ما جاء في الخبر ...

و الشوق بحر يا النذير ياخ ...

الدعوى حا ترفعوها لى منو؟

شكرا يا ابو الحسين وعبد العزيز
ياريت يا شباب تمدونا بتلفون المحامي شمس الدين شطر

مناضلون من أجل نشر المثلية وسط الشباب السودانى..... هذا شأنكم لكن عليكم ان تتحملوا ما يترتب على نشر مفاهيمكم....جلد جلد....غرامة غرامة

شاطر يا النذير

تحياتي تذير
يا ابو حسين من قال ان هذا الشاب مثلي؟ الخبر لم يشر لذلك
و مسألة التشبه بالنساء دي نسبية, الولد دا جاي من ثقافة تعلي من قيمة الحرية الشخصية جدا, ممكن يعمل شعره بوب او يلبس ما يشاء لا أحد يحق له مساءلته

البلد بقي مافيها

البلد بقي مافيها رجال

Quote: يا ابو حسين من قال ان هذا الشاب مثلي؟ الخبر لم يشر لذلك و مسألة التشبه بالنساء دي نسبية, الولد دا جاي من ثقافة تعلي من قيمة الحرية الشخصية جدا, ممكن يعمل شعره بوب او يلبس ما يشاء لا أحد يحق له مساءلته

😂😂😂😂😂😂😂😂
خبر شنو يا ود البشرى ...؟؟؟؟
اصحابو (او زي ما بقولو صاحباتو) سمعتهم(هن) بشمتو(تن) عليه(ها).....😂😂😂😂
ناسنا بقولو تشبه بالنساء بدلا عن مثلية يعني ما تشبه في المنظر فقط ... في كل شي ....

الخبر المنشور في الجريدة اعلاه يا ابو حسين
كدي رسل لي شماتتة اصحابه النشوفها بقت دليل على مثليته كيف؟ ثم هل القانون بحاكم المثلي ساي كدا بشهادة اصحابه ولاّ بالتلبّس؟

نذور صباح الفل ..


الشئ المحيرني ! اول مرة اسمع متشبه للنساء يجلد !
المتشبهين كتر وبقي عندهم محل مخصص اشمعن ..
يجلدوا دا ؟

دا الشئ البخلينا نردمهم الخيار والفقوس البعملوا فيه دا !

عمومآ انا ضد الجلد ومع الحريات الشخصية اللازمة حدودها
وحدود سلوكها الشخصي .

الولد ده مفروض من الاول انو يتمسك بحقه في الاتصال بسفارته أو ممثل دولته
في السودان قبل ايقاع الحكم وتنفيذه.
هل في القانون السوداني في مادة اسمها التشبه وعقوبتها ٤٠ جلدة والغرامة؟
وهل لو كان الولد ده خواجة عيونه زرق كان اتجلد مباشرة بعد إصدار الحكم وللا
كان أتحاكم من اساسه؟
الان فعلا عليه ان يرفع دعوى ضد حكومة السودان لانتهاك حقوقه القانونية ومحاكمته
بنصوص قانونية وهمية وحرمانه من استئناف الحكم الصادر ضده .. الخ.

فى منح تأشيرة الدخول اعتقد انو فى بند يتعلق بى احترام قوانين البلد المانح للتأشيرة
اثناء تواجده فىه .. ده من ناحية عامة
اما من ناحية مخالفتها لحقوق الانسان دى قصة تانية

يعني يا جلالدونا في مادة في القانون الجنائي السوداني بتجرم التشبه بالنساء؟
امددنا بها إذن بارك الله فيك.
ثم اذا احد المهاجرين السودانيين اصبح ترانسجندر أو ما شابه يعني تاني ما يزور السودان؟

يا سيف ما تستبعد يكون فيهو
فيهو الشروع في الزني
وما فيهو الشروع في السرقة !
الحاجة العارفها ناس النظام العام ديل لو قبضوك بتدقا

Quote: يلبس ما يشاء لا أحد يحق له مساءلته

الكلام ده في بلده كندا يا ودالبشرى .. لكل بلاد قوانين وعادات وأعراف يجب أن تحترم

الأخ النذير
والجمع الكريم
سمعت أن القائم بالأعمال الكندي في الخرطوم أفاد سابقاً - وليس تحديداً في هذه الحالة -:
"أصحاب الجنسية المزدوجة يسري عليهم قانون البلدين"**
دا من ناحية
الناحية الأخرى كلام دكتور سيف:
هل يوجد نص في القانون أو تكييف قانوني بما أدين به هذا الولد؟
النقطة دي ممكن تكون أكثر جدوى
يا النذير
الولد دا مظهره غير مريح كلو كلو
وطريقته في الزي والمظهر العام لا تناسبنا كسودانيين
حتى لو كنا في كندا أو مونتريال أو حتى في القرية التي تسمى
قرية المثليين (حي في مونتريال)!
* ليس لي أي علاقة بالحكومة السودانية – أظن دا معلوم للجميع هنا في المنبر -
** نقلاً عن أشخاص سودانيين يحملون الجنسية الكندية سألوا عن مواضيع في هذا السياق
____
الحليلة

يا د/ سيف النصر
المنطق بقول طال ما الموضوع عرض على محكمة و صدر حكم
اذن توجد مادة قانوية استند عليها القاضى فى اصدار الحكم
اتفاقى و اعتراضى عليها ما مهم
المهم عندى
حريتك الشخصية طالما تناقضت مع سلوك مجتمع اخر
الاجدى و الانفع احترام سلوكيات هذا المجتمع
الا و يعتبر تعدى على خصوصية هذا المجتمع

بصراحة الولد ده مفروض يجلدوهو ٨٠ جلدة بدل ٤٠ جلدة، ،،
وبما انه يحمل الجنسيتين الكندية والسودانية فالقانون السوداني ايضا ينطبق عليه
وبعدين حريته الشخصية دي كزول مثلي حدها عند الوصول لحرية الاخرين،، فالاخرين
وهم السودانيين الذين يعيشون داخل السودان يؤذيهم ان يروا شابا يتشبه بالبنات،،
...وعشان كده مفروض اساسا يكون في قانون يسموهو قانون العيب ،، وعيب عليه
يمارس شذوذه في المجتمع السوداني،،،،
وكفاية علينا كده ،فالمصائب كترت في السودان،،
ودمتم بخير وعافية

الولد غالباً تمت محاكمته بموجب المادة 152(الأفعال الفاضحة و المخلة بالآداب العامة) من القانون الجنائي السوداني

1.من ياتي في مكان عام فعلاً او سلوكاً فاضحاً أو مخلا بالآداب العامة او يتزيا بزي فاضح او مخل بالآداب العامة يسبب مضايقة للشعور العام يعاقب بالجلد بما لا يجاوز اربعين جلدة او بالغرامة او بالعقوبتين معاً 2.يعد الفعل مخلاً بالآداب العامة اذا كان كذلك في معيار الدين الذي يعتنقه الفاعل او عرف البلد الذي يقع فيه الفعل.

القوانين لا تخضع لجنسية مرتكب المخالفة و لكن تخضع لمبدأ إقليمية القوانين ما لم ينص القانون صراحة على إستثناء.
المقصود بمدأ إقليمية القانون هو أن القاعدة القانونية تسري على كل فعل يقع داخل إقليم الدولة سواء كان مرتكبه مواطن او أجنبي.
مبدأ إقليمية القانون أقرته المادة 5 من القانون الجنائي السوداني

الحكم الصادر في حق الولد صحيح بموجب القانون الجنائي السوداني ما لم يكن هنالك خطأ في الإجراءات.

المشكلة في القانون الجنائي نفسه و في مثل هذه المادة التي تعطي النيابة و القضاء سلطات تقديرية واسعة في تعريف الزي الفاضح.
في وقت من الأوقات كان القميص و البنطلون في بعض مناطق السودان يعتبر زي فاضح.

الإسلام يمنع هذا السلوك ويجرمه
ولكن بحسب علمي
أن الحد الوحيد الشرعي لهذا السلوك هو النفي
قال الله تعالى(أو ينفوا من الأرض)
يعني يطردوه ويعيدوه لبلده أو ينفوه
لأن النبي صلى الله عليه وسلم نفى من المدينة
من صدر منهم التشبه بالنساء
ويمكن يستعاض بالنفي السجن
وقبل ذلك وأثناء ذلك الأمر بالمعروف
والنصح بالتي هي أحسن لأن تقويم السلوك
بالحسنى هو من افضل مطلوبات الدين
أما الجلد فليس هناك حد
بالجلد لمثل هذا السلوك
أما الغرامة فيحرم على القاضي
أن يأخذ مال الناس بلا دليل شرعي
ولا يجوز له أخذ أموال
الناس ولو كانوا فاسقين
إلا إذا كانت الغرامة لجبر ضرر
أصاب شخص معين يدفع له كتعويض

في وقت من الأوقات كان القميص و البنطلون في بعض مناطق السودان يعتبر زي فاضح.
ـــــــــــــــــــــــــــــــــــــــــ
(مستهجن) أصحّ من فاضح

Quote: (مستهجن) أصحّ من فاضح

تمام يا عليش
الحكاية نسبية
إنتو في حلتكم او مناطق السودان البتعرفها كنتوا بتشوفوهوا مستهجن ساي كدا بس او عشان قندفة مافي محلها
و نحن في حلتنا كنا بنشوفوا فاضح و لا تجوز الصلاة به.
و ناس تانين بشوفوهوا حرام لأنو تشبه بالنصارى
و غيرهم بشوفوا لبس اولاد مثليين بلغة اليوم و كلمة تانية بلغة ذلك الزمان و المكان.

تعرف يا حافظ الناس ديل حاكموا سلوك الشاب ده وليس لبسه، واتفق معك في ان صياغة القانون
معيبة وتترك للقاضي مهمة تفسير القانون وده ما شغله.
ثم حكاية تنفيذ العقوبة وقتيا بدون اي إجراءات استئنافية برضو انتهاك خطير لحقوق الناس
طبعا ده بالاضافة الى عدم إنسانية عقوبة الجلد نفسها.

شكرا ليكم كتير يا شباب فردا فردا لإثراء النقاش

سؤال للإخوة الجمهوريين
هل إذا طُبقت قوانين سبتمبر على من حكم عليه متشبه بالنساء
فهو حدث لا يهم الجمهوريين؟
ما دعاني لهذا السؤال هو انكم دائماً سباقون
لإدانة أي حكم مبني على قوانين سبتمبر
ولكن في موضوع هذا الشاب لم أسمع لكم ركزاً
ياريت نسمع منكم ونستفيد

المحترم جدا الحليلة...

* ليس لي أي علاقة بالحكومة السودانية – أظن دا معلوم للجميع هنا في المنبر -
.....

طبعا ليست لديك أى علاقة بالحكومة السودانية..
و من يستطيع أن يقول غير ذلك ؟

صحيح الفايق يهمز امو

اها دعوتكم وصلت وين ولا لسه داخل حوش بكرى ؟؟؟

صحيح الفايق يهمز امو

اها دعوتكم وصلت وين ولا لسه داخل حوش بكرى ؟؟؟

لم يتم جلدها سافرت الي كندا بسلام

lموضوع التشبه دا نسبي
زمان كان لبس البت بنطلون تشبه بالرجال.

اذن

ماهو الحد الفاصل بين الزي الرجالي والنسائي؟
وهل اسدال الشعر تشبه بالنساء ؟
البلد مليانة بالمسدلين ورابطنو بي بانتا كمان وما في زول بيسأل .

اعتقد ان ما حدث هو تجاوب غبي من ناس النظام مع ردة فعل بعض ناس الحفلة.
ثم القال مثلي وما مثلي منو يا ابو حسن؟؟؟؟؟

الإنتقائية في العقاب في حد ذاتها جريمة
كم من متشبهون بالنساء يزرعون شوار البلاد
شاهدنا كذا فيديوهات افراح يستعرض فيه هؤلاء الناس مهاراتهم في الرقص
على طريقة النساء ويحوم حولهم المعجبين والمعجبات
لما لم تطالب السلطات بالقبض عليهم بعد انتشار صورهم
لست ضد حماية المجتمع من العادات الضارة
لكن في المقام الاول يجب وضع معيار لهذه العادات وتجنب الازدواجية

Quote: قال الله تعالى(أو ينفوا من الأرض) يعني يطردوه ويعيدوه لبلده أو ينفوه لأن النبي صلى الله عليه وسلم نفى من المدينة من صدر منهم التشبه بالنساء

طيب رأيك شنو يا منتصر في البمسكوهوا المسلمين (راجل) ويقوموا يخصوهوا؟

بالغتيا يا النذير
يعني خلاص بقت عليهو هو
في ملايين مضطهدين وبنجلدو لا سباب واهية


اعتقد ان الدعوة غير موفقة
ينجلد ما ينجلد لايهمني امره

Quote: لم يتم جلد (ها) سافرت الي كندا بسلام

تحياتي
يا محب استخدامك لضمير الغائب المؤنث هل مقصود من جانبك ؟

وهل هى "انثى" أم "ذكر" ؟

اي ضمير يستخدم في المخاطبة هنا؟

.......


مع كامل اعتراضي على عقوبة "الجلد" فهى عقوبة غير انسانية ومهينة للكرامة

Quote: طيب رأيك شنو يا منتصر في البمسكوهوا المسلمين (راجل) ويقوموا يخصوهوا؟

تحياتي يا حتومة

تعرف واحدة من الحقائق التاريخية المرعبة التي مرت بي بمنطقة الحجاز (تحديدا مكة والمدينة) والتي لا يجروء احد على فتحها او الحديث حولها...مايعرف بطائفة "الاغوات" ودي طبعا واحدة من كوراث الدولة العثمانية
تصدق ديل عبارة عن طائفة من "الخصيان" لحد وقت قريب كانت بتخدم في الحرمين الشريفين
"قريب" دي يا حاتم معناها ان بعض من هؤلاء الخصيان لا يزالو احياء وموجودين بمكة والمدينة

Quote: تحياتي يا حتومة تعرف واحدة من الحقائق التاريخية المرعبة التي مرت بي بمنطقة الحجاز (تحديدا مكة والمدينة) والتي لا يجروء احد على فتحها او الحديث حولها...مايعرف بطائفة "الاغوات" ودي طبعا واحدة من كوراث الدولة العثمانية تصدق ديل عبارة عن طائفة من "الخصيان" لحد وقت قريب كانت بتخدم في الحرمين الشريفين "قريب" دي يا حاتم معناها ان بعض من هؤلاء الخصيان لا يزالو احياء وموجودين بمكة والمدينة

هولاء موجودين قبل الدولة السعودية وعندما استلم الملك عبدالعزيز الحكم اقر قانون الاغوات الذي كان موجود منذ زمن الدولة العثمانية وكان عددهم اكثر من ثلاثة الف في خدمة الحرمين في عهد الملك فهد رحمه الله تم الغاء قانون الاغوات وتقاعدوا للمعاش ولديهم اوقاف باسمهم ومتتلكات ولديهم وراث متي اثبتوا النسب اليهم .. انا مهتم بهم واعرف الموجودين الان بالمدينة المنورة حوالي سبعة اشخاص كبار السن اصولهم من اثيوبيا سالتهم عن من الذي فعل بهم ذلك قالوا الايطالين كانوا يقطعون الذكر مع الخصيتين من سلم منهم هرب الي الحجاز ومن مات مات وذكر انه قبل اكثر من 50 عام كان يوجد اغوات سودانيون ولكنهم قليلون وانهم كان يحضرهم السلطان علي دينار وكان وفق شروط معينة ان الذي اصابهم ليس مقصود منه الخدمة في الحرمين .. الان الدولة السعودية تحفظ لهم الجميل لديهم غرفة خاصة جوار الروضة الشريفة ولديهم مفاتيح بيت النبي صلي الله عليه وسلم ويقومون بالتنظيف في بيت النبي ويعتبر العمل الان منهم تطوعي سالت احدهم انهم يحفظون القران والفقه وسعيدين بتلك الفترة من خدمة الزوار ونظافة بيت النبي صلي الله عليه وسلم

سلامات يا عزيزي النذير وشكرا لك

Quote: سؤال للإخوة الجمهوريين هل إذا طُبقت قوانين سبتمبر على من حكم عليه متشبه بالنساء فهو حدث لا يهم الجمهوريين؟ ما دعاني لهذا السؤال هو انكم دائماً سباقون لإدانة أي حكم مبني على قوانين سبتمبر ولكن في موضوع هذا الشاب لم أسمع لكم ركزاً ياريت نسمع منكم ونستفيد

طبعا الإخواسلفيين ديل يحيروا إبليس ذاتو. من الذي عذب السودانيين واغتصب النساء والرجال في بيوت الأشباح؟ وهل نسي الناس ما أذاعه الترابي من قول البشير عن "الجعلي والغرابية"؟؟
وأنا أتفق مع ما كتبه الأخ حافظ بشير:

Quote: الولد غالباً تمت محاكمته بموجب المادة 152(الأفعال الفاضحة و المخلة بالآداب العامة) من القانون الجنائي السوداني 1.من ياتي في مكان عام فعلاً او سلوكاً فاضحاً أو مخلا بالآداب العامة او يتزيا بزي فاضح او مخل بالآداب العامة يسبب مضايقة للشعور العام يعاقب بالجلد بما لا يجاوز اربعين جلدة او بالغرامة او بالعقوبتين معاً 2.يعد الفعل مخلاً بالآداب العامة اذا كان كذلك في معيار الدين الذي يعتنقه الفاعل او عرف البلد الذي يقع فيه الفعل. القوانين لا تخضع لجنسية مرتكب المخالفة و لكن تخضع لمبدأ إقليمية القوانين ما لم ينص القانون صراحة على إستثناء. المقصود بمدأ إقليمية القانون هو أن القاعدة القانونية تسري على كل فعل يقع داخل إقليم الدولة سواء كان مرتكبه مواطن او أجنبي. مبدأ إقليمية القانون أقرته المادة 5 من القانون الجنائي السوداني

وأنا أختلف مع الأخ حافظ في قوله:

Quote: الحكم الصادر في حق الولد صحيح بموجب القانون الجنائي السوداني ما لم يكن هنالك خطأ في الإجراءات.

الحكم غير صحيح لأن القانون غير صحيح. وقد لاحظت أن حافظ عاد وقال هذا:

Quote: المشكلة في القانون الجنائي نفسه و في مثل هذه المادة التي تعطي النيابة و القضاء سلطات تقديرية واسعة في تعريف الزي الفاضح. في وقت من الأوقات كان القميص و البنطلون في بعض مناطق السودان يعتبر زي فاضح.

وبتقديرات بعض السلفيين تعتبر بدرية سليمان متبرجة ومستحقة للمعاملة بالمواد التي ذكرها حافظ.


وطالما جلدت النساء بسبب البنطلون. بس المسائل ماشية للنهايات المنطقية. فمنذ أن استقبل الملك سلمان الرئيس الأمريكي دونالد ترامب وزوجته وهي لابسة بنطلون، ومنذ شاهدنا قبل أيام قلائل ولي العهد السعودي محمد بن سلمان تستضيفه مذيعة قناة فوكس الأمريكية لترويج "نيوم" وهي تلبس البنطلون، فلن يطول الزمن بنا ونشوف الجماعة ألغوا القوانين ورموها، ويا روح ما بعدك روح. وحكاية "دنا عذابها" تبقى بالمقلوب. والسووهو في السودانيين يلقوهو بدون شك.

ياسر

يبدو أن عقوبة الجلد لم تتم.. الجماعة ما دايرين شوشرة وشغب، الفيهم مكفيهم.

Quote: يبدو أن عقوبة الجلد لم تتم

لا ياااخ .. معقول يا دوك
لكن برضو الدعوى تقوم, كانوا عايزين يجلدوه :)

فتلت البوست ياخى
انتا مالك اليومين ديل

سلامات يا ود البشرى

أنا أخذت معلومة أن الجلد لم يتم من مداخلة محب. ثم قرأت في موقع آخر أن العقوبة لم تتم في المكان المخصص لها وإنما تمت في نفس القاعة التي فيها القاضي.

أما بخصوص قولك:
لا ياااخ .. معقول يا دوك
لكن برضو الدعوى تقوم, كانوا عايزين يجلدوه :)

أفتكر النذير يقصد دعوى في السودان. ولكني أرى أن ذلك غير مجدِ.. يعني ماكو فايدة.

ياسر

غايتو ناسنا ديل ما مضمونين (اعني الكنديين). كل ما يزعلو ليهم من زول و ما قادرين يلقو فيهو فرصة بالقانون يقومو يدردقوهو عشان يزور بلد الاصل و يتصلو بمخابرات بلد الاصل عشان يفسحوهو بيابة عنهم.
الغريبة لغاية الان الحكومة دفعت لـ 5 منهم (اي الضحايا) ما يفوق الـ 50 مليون دولار (اي 10 مليون لكل واحد). 3 سوريين و واحد مصري و واحد سوداني.
زولكم ده قولو ليهم لما يجي راجع يتصل بمحامي كارب و يقول ليهم ده شغل مخابرات

هيثم هواري

حسب المصادر

ر ح خارج السودان بتعرف نفسها كبنت واسمها الحقيقي يمكن استخدامه مع الانثي او الذكر وانا بعرف بنات لديهم نفس الاسم
وهو نوعيه الاسماء التي يمكن ائ جنس استخدامه

لو سالتها في كندا لن تقول لك ولد

لم يتم الجلد لان حصل اتفاق في داخل القاعه

ودوما يتم جلد الناس بره القاعه خصوصا للتشهير بهم وهنالك
كمثال
محمود عبد العزيز واخرين

ولكن في هذه الحاله تمت اعتبارات لانها اجنبيه


حسب المصدر

وانا اصدق هذا الكلام حتي اري كلام مخالف اكثر واقعيه

تم لم الموضوع مع القاضي وسافرت ر ح
يسلام وهنالك صور لها في المطار مفادره الخرطوم


وانا شفت الصور
ولن تصدق بانها رجل اذا لم تعرف القصه من قبل او من البدايه

في الحقيقه في صورها في المطار في الطائره لبست ملابس يكمن القول بانها ملابس انثويه و واضحه
ومن حقها تلبس ما تشاء وانا ايضا ضد الجلد والتدخل في شؤن الناس

في الحقيقه في الطائره كانت لابسه بلوزه نسائيه محشيه في البنطال لتظهر شكلها بكل فخر
والناس صورتا داخل الطائره المغادره
وبعضهم نشر الصور في الفيس


وانا شاهدث مقطع لها في داخل الحقل ولم تكن تلبس ولم اري فستان ولكن رايت انسان مندمج مع الموسيقي

وفي ظني هنالك سؤ تفاهم حصل
ورايت اكثر من شخص اخذ سلفي معها ولا ادري كيف تدخلت الشرطه

السودان بلد فيه فوضي ومافي تطبيق للقانون بالطريقة الصحيحه
واى شئ بقي فيهو مغيب وغير واضح و
الولد ده قال انو ما انجلد وده كلام جرايد ساي
سهل جدا في السودان تضيع الحقيقة...

يا حاتم ابراهيم خصي الرق جريمة شنيعة
والحكم الشرعي الإسلامي لمن يخصي مملوكه
أن يخصى هو مثل ما فعل هو بمن بمملوكه

قال رسول الله صلى الله عليه وسلم:(من خصى عبده خصيناه)
رواه أحمد وأبو داود والنسائي والحاكم
وصححه الحاكم ووافقه الإمام الذهبي
يعني الحكم الشرعي تخصي عب يخصوك
ومن لميقع عليه الحكم الشرعي في الدنيا
فعذاب الآخرة أشد وأمر

ومع ذلك وبالرغم من النهي الشرعي عن الاخصاء الا أن عشرات الآلاف خضعوا
لعمليات الاخصاء في ظل الخلافات الاسلامية المتعاقبة. الخصي كانوا يخدمون
في قصور الخلفاء والامراء وفِي فترة العثمانيين كانوا بالمئات يخدمون في الحرمين.

تعرف يا حافظ الناس ديل حاكموا سلوك الشاب ده وليس لبسه، واتفق معك في ان صياغة القانون معيبة وتترك للقاضي مهمة تفسير القانون وده ما شغله. ثم حكاية تنفيذ العقوبة وقتيا بدون اي إجراءات استئنافية برضو انتهاك خطير لحقوق الناس طبعا ده بالاضافة الى عدم إنسانية عقوبة الجلد نفسها.

سلام دكتور سيف

ماذا نتوقع من أجهزة تشريعية ضعيفة يتم تعينها من قبل سلطة فاسدة غير قوانين مليئة بالعيوب ليس فقط من ناحية المحتوى و لكن أيضاً من ناحية الصياغة.
و ماذا نتوقع من أجهزة عدالة هي في تكوينها لم تراعى أبسط قواعد العدالة في التوظيف و التدريب و الترقيات، ماذا نتوقع منها غير تنفيذ مشوه لقوانين مشوهة.

I. سلام اخ حافظ بشير
قوانين النظام العام / الجنائي /وقانون جهاز الأمن : يفترض وبموجب دستور نيفاشا. مفترض ان تعدل لتتماشي مع دستور نيفاشا وقد رفض النظام الانصياع للدستور وابقت علي القوانين المناقضة للدستور !! وبعض القوانين تتناقض مع المواثيق الدولية التي وقعت عليها الدولة ؟!!
** تطبيق قانون التظلم ألعام فيه خيار وفرس وتسيس باين !! راجع محاكمة. أميرة. /الطرحة / ولبني البنطلون. تجد النظام عطل محاكمة وجلد أميرة وأعفي لبني. من الجلد بينما جلدت وصوبحباتها !!ودا كلو للاعتبارات السياسية !! ممارسات متنفذي النظام لأبطالها القانون !!
** القانون الجنائي. لاعتبارات سياسية لم يتم تطبيق حد الردة. ولنفس الاعتبارات. لم يطبق حد الرجم. واستبدلت عقوبة المحصن. بالجلد / الحكومة تقترض ربويا بل حسيب أو محاسب /!
فساد محسوبية واستهداف. للضعفاء!
* وتمني. ان نري دولة القانون والمؤسسات. والتشريعات العادلة التي تطبق علي الجميع. _ونتمني سيادة مبدأ الشفافية وارساء قيم. العدل وتنتهي الاستهداف والمحسوبية والتسييس