Post: #1
Title: وبت اخت الملك البشير
Author: عرفات حسين
Date: 10-27-2017, 12:56 PM
12:56 PM October, 27 2017 سودانيز اون لاين
عرفات حسين-لندن
مكتبتى
رابط مختصر
يطل فساد الانقاذ بصوره القبيحة ،
هذه المرة حينما قام المقدم عبد الله من شرطة مكافحة المخدرات ،
بمداهمة كوافير بشارع الوادي بامدرمان ،
و ذلك بعد مراقبة و متابعة لما يدور خلف الكواليس من تجارة للمخدرات و دعارة .
تم إلقاء القبض على صاحبة الكوافير
و التي اتضح فيما بعد ان ظهرها محميا من جهات عليا في الدولة .
فتم نقل المقدم عبد الله من موقعه فورا .
و هذا هو تسجيل صوتي لوالدة صاحبة الكوافير المشبوه
و هي تفاخر بأن لها جهات عليا داخل القصر ،
و انها قد تلقت وعدا بفصل المقدم عبد الله من عمله ،
و ان ابنتها ستستمر في عملها ،
بل و سيشاركها اهل السلطة فيما تقوم به من عمل نبيل في ترويج المخدرات و تدمير المجتمع .
هل يعقل هذا يا وزير الداخلية !!!!!!؟
هل يعقل هذا يا ريس الوزراء !!
هل يعقل هذا يا رئيس الجمهورية !!!!؟
هل يعقل هذا أيها الشعب السوداني !!!!!!؟؟؟
اين النخوة أين الرجولة أين شرف المهنة !!!!؟؟؟
|
Post: #2
Title: Re: وبت اخت الملك البشير
Author: عرفات حسين
Date: 10-27-2017, 12:58 PM
Parent: #1
المقدم عبدالله ضحية فساد اسرة البشير
عشان تشوفو الفساد والتفسخ والقرف وصل ياتو مرحله في السودان..
في زول سوداني اسمو عبدالله سليمان عبدالله .. مدير ادارة مكافحة المخدرات بمحلية كرري وهو برتبة مقدم
.. قبل فتره جاتو معلومات انو في كوفير اسمو (قصر الملكه) في منطقة الثوره شارع النص
فيهو نشاط غير اخلاقي بيتم فيه من دعاره وتجارة مخدرات وكده ..
وكاي ضابط شرطه وقبلها كاي سوداني غيور علي بلدو وجعو الموضوع جدا
ولانو هو رجل قانون سيطر علي عواطفو وحاول يتحري صحة الخبر اول
وعمل كل المجهودات للتاكد من الموضوع وارسل بنات تبع المباحث للمكان واتاكد من صحة الخبر
ووفق المعلومات الاتوفرت قام شكل كمين للمكان
وساق قوه وداهم المكان وللاسف لقي كل الاتقال صح
وضبط معروضات ومشي دون بلاغ علي اساس الوقايع دي للمتهمه صاحبة الكوفير ..
لحدي هنا تبدو القصه عاديه.. صح؟؟
|
Post: #3
Title: Re: وبت اخت الملك البشير
Author: عرفات حسين
Date: 10-27-2017, 01:00 PM
Parent: #2
لحدي هنا تبدو القصه عاديه.. صح؟؟
واي زول حيقول طيب ما خلاص قضيه مكتملة الاركان وبي معروضاتا كمان تاني المشكله شنو؟؟
للاسف المشكله اننا في بلد بحكموها الكيزان واسرة الرئيس الفاسده البقت عندهم قناعه تامه انو البلد حقتم
وارثنها ابا عن جد واطلاقا ما خاتين انهم كانو قبل اربعين سنه قاعدين في بيت كان لازم تدنقر عشان تقدر
تخشو في اخر محطه كوبر وابوهم كان شغال حلاب مع عزيز كافوري وانو نسيبم كان شغال بياع بيض في
اخر محطه وانو قبل ده ابوهم الراجل الشريف العفيف كان شغال في مشروع الجزيره حرات ورباهم بالحلال
بس هم بعد بقي اخوهم رئيس سرو بي نفسهم وكل اهلهم سريان من حوش بانقا لي كافوري مربع 9 و11
وامتلكو فيهم ما يزيد عن 217 قطعة ارض وعملو استثمارات ممكن تكون نص راس المال الموجود في السودان كلو..
يالا ديل بعد طغيانم ده حسو انهم بقو اسياد الناس ومالكنهم وبقو حماة للفساد والمفسدين وعلي رؤس الاشهاد كمان عينك عينك..
|
Post: #4
Title: Re: وبت اخت الملك البشير
Author: عرفات حسين
Date: 10-27-2017, 01:02 PM
Parent: #3
يالا الزوله صاحبة الكوفير اتصلت بي صاحبتا وشريكتا بت اخت سعادة الرئيس المبجل
السيده بلقيس
وقالت ليها الحقيني
تقوم طوالي تلحقا وتتوعد المقدم شرطه عبدالله بالويل والثبور
وتعمل اتصالاتا وتتدخل قوه نافذه و يجيبو البت وامها للقياده العامه
ويوعدوهم بانهم حيورو عبدالله ده
الطفا النور منو.. ده
علي حسب كلام ام صاحبة الكوفير القالتو في تسجيل حاااايم في كل الوسايط
وكمان بي كل قوة عين '' وطوالي يتم نقل المقدم الشريف النزيه عبدالله من موقعو الي مكان اخر
وبشكل غريب ومفاجئ ' وادارة الشرطه تبلغو انو في خطر علي حياتو
لانو الجماعه اسيادنا غضبانين عليهو و انها ما قادره تحميهو ' '
ايوه والله ادارة الشرطه قالت ليهو كده ما تستغربو ..!!
وبت اخت الملك المجرم البشير توعد صاحبة الكوفير انو ما بتجيها اي عوجه
لطالما انهم اسياد البلد دي وانها حتادب ليها الزول ده
ويمشو يعملو كرامه و حفله بي قونه والقونه تغني غنا مطاعنات تقول فيهو
( بتدقا يا عبدالله ) و (البهبشنا بنجننو '' البقدر علينا منو)
ده كلو يحصل لي زول مقدم في الشرطه يعني بعتبارو ضابط عظيم!!!
بالله في اسوء من كده يا ناس؟؟؟
عشان بس تعرفو الوسخ وصل لياتو مرحله في السودان في ظل اقزام الانقاذ مدعي الاسلام والاخلاق
|
Post: #5
Title: Re: وبت اخت الملك البشير
Author: عرفات حسين
Date: 10-27-2017, 01:04 PM
Parent: #4
للاسف في ظل نظام القتله المجرمين الشرطه ورجالا اوالجيش ورجالو بقو مرات كتيره بدل
ما يحمو الشعب بكونو دايرين اليحميهم وبقي انتمائهم للشرطه براهو لو ما معاهو انتماء
لحزب الفاسدين الموتمر الوطني ما بوفر ليهم حمايه وما بكون عندهم قيمه ..
يعني رجال الشرطه الما كيزان بيكون ياهو ده حالم زي حال عبدالله ..
ومش كده وبس لا اكتر كمان . ياخي ضابط الشرطه الما كوز ممكن يكون مقدم او عقيد
او عميد ويكون ما عندو عربيه وراكب ترحيل عااااادي
وساكن في بيت اجار او ساكن في اشلاق .. لكن الملازم او مرات الرقيب زاتو لو كوز ممكن
عادي يكون عندو عمارتين وتلاته عربات وما قصة الملازم اول غسان بتاع التحلل زول مكتب
والي الخرطوم الفاسد عبدالرحمن الخضر ببعيده عن الاذهان ..
''
ده الوضع وده الواقع فماذا انتم فاعلون يا ايها الشعب السوداني؟؟
هل حنقعد نتفرج علي عبدالله ده يدفع تمن نزاهتو وحمايتو للمجتمع كده برااااهو؟؟؟
محمد حسن بوشي
|
|