ما أثير حول مصادرة رواية ابن اليهودية، نون النزوة أولى به.

07:40 PM October, 26 2017

سودانيز اون لاين
حبيب نورة- النرويج
مكتبتى
رابط مختصر

على الأقل ابن اليهودية لا تناقش قضايا سودانية.

رواية نون النزوة تدخل في مؤخرة الوزّة، وتخرج منها بحمد وخوجلي، وتكشف الكثير من الخبايا، وتبعثر أوراق المسكوت عنه.

بدون تنقيح، كتبت على صفحتي في الفيس بوك مقدماً لها:

ــــــــــــــــــــ

ابن اليهوديّة، تجربة جديدة كليّاً، مناخات سرديّة غير مألوفة في أعمالي السابقة، رحلات ومغامرات داخل العمق الألمانيّ، محاولات لتفكيك دولة الرايخ النازية وسبر أغوار عرّابها المتخم بالأسرار،
ربما توجهوا له لعناتكم المباركة، أو تهتفوا: "هايل هتلر هايل هتلر. مثلما هتف فتيان حركة الشبيبة في برلين، كل هذا قبل وبعد الحرب العالمية الثانية.
تقدّم الرواية شطائر موسيقيّة ساخنة، كونشيرتات وتجريب وتنظير عاصف وجامح الخيال.
تسافرون مع أبطالها إلى قلب الجحيم، في معسكر أوشوفيتز داخل العمق البولنديّ، وتشاهدون حفلات الشواء البشرية لليهود والشيوعيين والسفلة، حسبما يرى أصحاب المشروع النازيّ.
تقتحم الرواية العديد من المدن الألمانية والتركية والفرنسية،عبر سيرة بطلها المصاب بالتوحّد {عماليا} أو عمل الشيطان كما يروق للسيدة {آبيجيل} والدته الموقّرة.
تعالج الرواية سير الشعوب المطحونة، كالأرمن الذين أصبحوا بلا وطن، بعد أن سلبهم التُرك وطنهم.
العديد من الأسرار يقدمها أبطال ابن اليهودية، حسب وجهات نظرهم. ستكون في المكتبات قريباً عبر شراكة ذكية وطموحة مع دار رفيقي للنشر، وإمتداد روحيّ مع أخوتنا في دولة جنوب السودان. أتمنى أن يكتب لها التوفيق.

ربما ابن اليهودية مولود في نوري ولذا تم مصادرتها


ابقى قدام
لك التحية من شمال دارفور

سلام استاذ ياسين

أمر مؤسف ان تصادر الكتب من داخل المعرض .

ساقرأ رواية " إبن اليهودية ًً غدا ، حصلت عليها قبل المصادرة

من دار رفيقي . و لم أوفق في الحصول على رواية"نون النزوة"

و " الحب من طرف ثالث ". حتماً سيأتي يوم تصان فيه حرية التعبير.

ساقرأ رواية " إبن اليهودية ًً غدا ، حصلت عليها قبل المصادرة
ــــــــــــــ
نعمتات
أقري وأكتبي رأيك للناس كلهم، مش كتاب أشتريتيهو بي قروشك؟

ربما ابن اليهودية مولود في نوري ولذا تم مصادرتها
ــــــــــــــــــ

ذو اليد

وين يا صاحبي؟

والله فعلا مسالة مؤسفة ..
عرفنا مصادرة الصحف والمقالات كمان الموضوع وصل الاصدارات التاريحية والأدبية !؟

الناس ديل ما اظن بقرو يا حبيب
غالبا
بياخدو تقرير وتوجيه واشارة
وغالبا فردية .. رؤية ولا انطباع شخص واحد
ابن اليهودية بكون قايلنك بتنابذ فيهو زي ابن الكلب وما تنسي التقارب اليهودي الحالي
داير تخرب ليهم الشغل الدبلوماسي

سلام حبيب نورا،
هل عندك افادة بصحَّة موضوع المصادرة دا؟
ولّ دي حركة لزيادة المبيعات؟

Quote: سلام حبيب نورا، هل عندك افادة بصحَّة موضوع المصادرة دا؟ ولّ دي حركة لزيادة المبيعات؟

فايدة مافي ... ستظل صغيراً حتى تتلاشى ...

عليك الله يا ابوبكر ده هسي الكلام الربنا فتح عليك بيهو ؟

بدل نظريات المؤامرة دي ... امش حاول اكتب ليك سطرين امكن تبقى كاتب ...

فايدة مافي ... ستظل صغيراً حتى تتلاشى ...
ـــــــــــــــــــــــــــــــــــــــــــــــــــــــــــــــــــــ

ما بعرف ذنبي شنو بالضبط يا الحبيب!
تتذكر لمن قلت إنو البورد ده بحس فيهو بغرابة شديدة؟
أها: كلو بي جنس الحاصل ده!

سلام حبيب نورا،
هل عندك افادة بصحَّة موضوع المصادرة دا؟
ولّ دي حركة لزيادة المبيعات؟
ـــــــــــــــــــــــــ

كان عندي وقت كبير عشان أعمل كده، على الأقل قبل عشرة سنوات من يوم جيت بيجاي!

لناس ديل ما اظن بقرو يا حبيب
ـــــــــــــــ
عشان كده قلت أولى يصادروا نون النزوة.

والله فعلا مسالة مؤسفة ..
عرفنا مصادرة الصحف والمقالات كمان الموضوع وصل الاصدارات التاريحية والأدبية !؟

ــــــــــــــــــ
والله ما بقول صُودرت، ده ما حصل، ولكن حسب الناشر لم تعرض حتى الحصول على إفادة.

Quote: فايدة مافي ... ستظل صغيراً حتى تتلاشى ... ـــــــــــــــــــــــــــــــــــــــــــــــــــــــــــــــــــــ ما بعرف ذنبي شنو بالضبط يا الحبيب! تتذكر لمن قلت إنو البورد ده بحس فيهو بغرابة شديدة؟ أها: كلو بي جنس الحاصل ده!

يا حبيبها ...

ما عليك ... ناس ابوبكر ديل عايشين على جنس ده بقو ....

بكري ابوبكر الله يسامحه بس ...

بكري ابوبكر الله يسامحه بس ..

ــــــــــــــ

مخلينها ليهو مخضرة

بوست يلخّص كل شيء ومن ثم السلام.

لا يا حبيبها ...

كده يكونوا نالوا المرام ...

الجماعة ديل ما بتحملوا وجود كتاب كاملي الدسم مثلكم ...

وجود امثالكم يخفت على امثالهم الاضواء ...

رجاء و طلب ...

خليك هنا خليك و بلاش تفارق ...

Quote: ، مش كتاب أشتريتيهو بي قروشك؟

عزيزي الاستاذ حبيب نورة

يشرفني إقتناء كتب روائي بحجم مقدرتك.

المعرفة و الإلهام و المتعة التي توفرها الكتب لا يمكن شرائها بأي مبلغ.

علما بأن أسعار الكتب بمعرض الخرطوم زهيدة جدا للأسف.

رجاءا يا أستاذ ياسين لاتذهب و خليك منور المنبر، ما لحقنا نفرح

بعودة كبار الأدباء و المفكرين و الباحثين .

Quote: تتذكر لمن قلت إنو البورد ده بحس فيهو بغرابة شديدة؟

إنك لن تدخل "النهر " مرتين،

وكذلك "المنبر العام"...

عزيزنا يس
فعلا المصادرة فعل غير حضاري خاصة اذا كان القائمون على امر المعرض لاتربطهم اي صلة بالابداع
سبق ان صادروا روايات بركة ساكن بل منعوا نشرها ايضا
--
حبيبنا ابوبكر عباس مبدع على طريقته
اتمنى ألا تعتبر مداخلته مجرد مناكفة

يا حليب، مداعبة ساكت، لأنو الكتاب موجود بالمعرض
إلا يكون المعروض خلص
بعدين أنا زول مت القرّاء المفيدين
رواية الحب من طرف ثالث اشتريت منها عشرين نسخة وقشرت بتوزيعها لمعارفي والاصدقاء

الحديث عن ابن اليهودية
يا مستنير

وأنا أتحدث عن ابن اليهودية

سمح

طولو بالكم يا جماعة
ان لا تأخذو الامور لحد التطرف
يسن من الشخصيات التي تخلق الطرفة والطرفة وتجيدها
بكري اطلق طرفة لعلها لم تكن مناسبة لأمر جدي بالنسبة لي يسن
امر جدي جدا
فمصادر كتاب ليس امرا بسيطا . فهو جهد مضني وعصارة فكر ثم يمنع من الوصول
اتمني ان المبدع يسن يري الامر من زاوية مداعبة الاصدقاء
ويا حبيب نورا
راجينك ياخ تنير بعض الظلام تشيل فانوسك وتمشي
بحق الريدة خليك معنا

موضوع البوست مصادرة الكتاب من المعرض
أنا بقول الكتاب لم يصادر
كل زول يجيب بينتو
حصل غالطتكم في حاجة، كلامي طلع غلط؟

لا مافى مصادرة للمعنى الحرف للكلمة
لكن فى اثارة للكلمة فى اخفائه عن العرض
و بس

سلام
حبيبها لي نورا

الغريبة أنا فهمت من البوست إنه في كلام أثير
حول (مصادرة الرواية) وما فهمت انه الرواية الصادرات فعلاً

سألت واحد من الخرطوم قال لي اشتراها من المعرض

فهل تمت مصادرتها بعد ذلك ولا الحاصل شنو ؟

كدي فهمونا

كما منعت روايات الطيب صالح عندما اتو لتصحيح
إسلامنا فى بداية المشروع الخرب .
الحفيان ...الشوق بحر

يا حبيب نورا،
إتّا ما قاعد تقرأ؟!
نعمات قالت ليك اشترتها من المعرض
تجي بعد مداخلتها تكتب:
حسب الناشر لم تعرض
دا كلام شنو؟!

ناس المنبر دا ما بعرفوا تسلسل الحوار
مداخلة نعمات بتنقل البوست مربع جديد والمفروض تنفي لصاحب البوست قصة أنها لم تعرض،
يقوم يصر يكتب انو الناشر افادو بأنها لم تعرض
ويجي قباني المباري السيرة يرشني

ما عندكم مقدرة تستوعبو المشاركات مع فكرة البوست ونتحول من نقطة لنقطة؛ أنا بمشي منكم وبخليكم مع بيوت بكياتكم دي

المنبر بقى غريب
المنبر ما بتجيهو مرتين
وعليك الله ما تمشي
ودا حاقد

ممكن تدينا معاك فرقة يا بكري
عنوان البوست ما أثير
ممكن يكون تقصي ويطلع ما اثير ما صحيح
او
ممكن تكون عرضت ثم منعت
ولا
منعت ثم عرضت
شراء نعمات ليها من خارج المعرض
ف شنو
ياخ
انت زاتك خليك هنا تنير بعض الظلام

كما منعت روايات الطيب صالح عندما اتو لتصحيح
إسلامنا فى بداية المشروع الخرب .
الحفيان ...الشوق بحر:

ألف شكر على الإتصالات والإهتمام الجميل.

لغريبة أنا فهمت من البوست إنه في كلام أثير
حول (مصادرة الرواية) وما فهمت انه الرواية الصادرات فعلاً

سألت واحد من الخرطوم قال لي اشتراها من المعرض

فهل تمت مصادرتها بعد ذلك ولا الحاصل شنو ؟:

لم تعرض بالشكل الرسمي المعروف، ولديّ ما يدعم أقوالي.

ألف شكر على الإهتمام.

لا مافى مصادرة للمعنى الحرف للكلمة
لكن فى اثارة للكلمة فى اخفائه عن العرض
و بس:
هذا ما حدث، وهناك ما ينبغي على الناس معرفته.

[Uويا حبيب نورا
راجينك ياخ تنير بعض الظلام تشيل فانوسك وتمشي
بحق الريدة خليك معنا:

تحياتي يا حبيب
شكراً لحسن الظن
والله ما أدس عليك، جيت بنفس مسدودة، لكن لازم أقوم بتوضيح بعض الأمور.

عزيزنا يس
فعلا المصادرة فعل غير حضاري خاصة اذا كان القائمون على امر المعرض لاتربطهم اي صلة بالابداع
سبق ان صادروا روايات بركة ساكن بل منعوا نشرها ايضا:

سأقوم بتوضيح ما صار بالصور، في نهاية الردود.

أشكرك يا سيدي

إنك لن تدخل "النهر " مرتين،

وكذلك "المنبر العام"...:

وهذا ما كنت أعلمه، ولكن نحاول أن نحاول.

عزيزي الاستاذ حبيب نورة

يشرفني إقتناء كتب روائي بحجم مقدرتك.

المعرفة و الإلهام و المتعة التي توفرها الكتب لا يمكن شرائها بأي مبلغ.

علما بأن أسعار الكتب بمعرض الخرطوم زهيدة جدا للأسف.

رجاءا يا أستاذ ياسين لاتذهب و خليك منور المنبر، ما لحقنا نفرح

بعودة كبار الأدباء و المفكرين و الباحثين . :

تشكري يا نعمات، ده من لطفك بالتأكيد.
بنحاول أن نقدم إسهامنا في مسيرة البورد، رغم الظروف والحاصل الكعب.

(المساخة) اعيت من يداويها!!
المساخة واللزوجة واشياء أخرى.

حبيب نورة لم يجزم بشيء وإنما كانت اشارته المثبتة في العنوان (ما أثير حول مصادرة رواية ابن اليهودية) ..

اليست مسألة بديهية أن المصادرة يمكن أن تحدث في اي وقت؟!
ليس هناك نقطة انطلاق واضحة ومحددة للمصادرة. فان لم تحدث عند ذلك الوقت فانها لن تحدث مطلقا.

كاتب وردت اليه أخبار حول مصادرة روايته ..
فكتب حول تلك الاخبار بمدخل مختلف .. وكيف أن رواية أخرى من رواياته هي الأولى بالمصادرة لو صدقت مزاعم المصادرة هذه.

يجد (احدهم) الفرصة سانحة لممارسة (المساخة) هنا كوجبة مُشبِعة جدا لجوع الذكاء والالمعية فيكتب منتشيا ان كتابة المؤلف هذه لا تعدو اكثر من حملة تسويقية لمؤلفاته في مساخة (أمها بت عم أبوها)

المهم أتمنى أن (يعصر) يس ليمونه للتواجد هنا ...
ولا أظنه سيفعل ذلك!!

يا ابسن انا فاهم احتمالية العنوان
الخلاني أدخل هو التضليل الحصل لمحمد طه الملك
صحي مداخلتي ما عاطفية، لكنها أهم مداخلة بعد مداخلة نعمات

تتبع المداخلات

يا مشرف يا كيشة،
الزول دا عندو افادة من الناشر انها لم تعرض فتح على اساسها البوست
بتعرف لم تفيد شنو؟
جات نعمات قالت ليهو اشترت الكتاب من المعرض

طوالي المفروض يعرش البوست
قعد يجرجر
مداخلتك مترية، لكنها خالية

ههههههههههه
يا جماعة والله مداخلة المستجير ما فيها أية حاجة تزعل (حسب وجهة نظري)
زول بستفتسر لازالة لبس حصل ليهو بين الواقع والإفادة
ما عمل أكتر من أنو عبر عنو .. فاااا هدوا اللعب شوية .
دا مع التاكيد انو المستجير أهوج وبتاع قشرات شترا
من النوع البشيل البطارية في القمرا ..
يا مستجير كلمتك خشرمية مرة قلتا ليك بطل المقابضة البتعمل فيها دي
ما ممكن ياخ كل ما نلف بزقاق في المنبر نلقي الناس مقبقبينك .
شلاقة مبالغة ياخ .. خخخخخخخخ

داير أشيد بمداخلة الناقد الكبير اسامة الخواض
فهي بالجد مداخلة عميقة
!!!

البحر بشيل عوامو زى ما بقول المثل .مأ بحب اللفحى وعندي رأى فيما يكتب فى السوشال ميدياكثير منه سفحى ولفحى ولكن قرأت فى مداخله للأخت نعمات وفهمت انو الروايه بعد ما أدخلت المعرض صودرت لانها ذكرت بانها اشترت نسخه قبل المصادره والحاجة الزى دى مزعجه ومن هذا المنطلق تداخلت ولحدى الآن ما فاهم حاجة ياريت الحفيان يلحقنا ويفزعنا بالحقيقه. والتحيه والاحترام لكل الأخوه المتداخلين

با أبو بكر ...

كما اسلفت ...

ستظل صغيراَ حتى تتلاشى ...

بعض الدايشين هنا عملوا ليك راس و قعر ما باقي ليك الا تحلف بي الطلاق ...

يا حبيب نورا،
يا أخي، والله أسف جدا لو في مخاشنة
نوعدك في معرض الشارقة الأيام الجاية نساهم في توزيعها تكفيرا للعكننة السببتها ليك هنا.
أنا شخصية خطيرة في التوزيع ومثقف كبير كل يوم بكون في المعرض،
وعندي مقدرة كبيرة على الدعاية

خلاص صافية لبن

يا ريت الناس تعرف إنو الكلام الجارح لا يرجع بعد إطلاقه.
وتأثر الناس بالكلام الجارح يتفاوت ... فمنهم من يهزه حد التدمير.

إحتمال يكون في أكتر من واحد خطر بباله أن هذا البوست ما هو إلاّ ترويج للكتاب. لكن ليس كل من يخطر هذا الخاطر بباله يطلقها بشكل جارح.

يا حبيب نوره، إنت إنسان محبوب وسط الأعضاء والزوار ... أرجو أن لا تعاقب الكل بالإبتعاد.

لك كامل الحق في أن تتألم ... لكن اعتبرها ضريبة ما تقدمه.

سلام استاذ ياسين و الضيوف

كلامك صاح، الرواية إتصادرت!

أناأشتريتها قبل 10 أيام . كانت معروضة ليومين تقريبا

فكتب أحدهم تعليقا مسئيا عن دار عرض " رفيقي" و

عن الرواية . الشابة المهذبة المسؤولة عن جناح دار رفيقي


أخبرتني قبل ساعة ان موظف الرقابة يمر عليهم يوميا

ليتأكد من إلتزامهم بقرار المصادرة .

أحي أخوتنا الجنوب سودانيين على المشاركة رغم المصاعب.

ما زلت أبحث عن ( نون النزوةو الحب من طرف ثالث).

شكرا دكتور نعمات على توضيح الصورة

يا حبيبها ولا يعهمك ياهو حال البلد, المشاركة في معرض كتاب ليست بالصدفة بالتأكيد هناك اتفاقيات و اجراءات ولسته تقدم باسماء الكتب المعروضة كان يمكن رفض عرض الرواية من البداية وتجنيب الناشر الخسارة المادية لكن تقول شنو بس ياها نفس العقلية البسبب مقال يمكن سحبه قبل الطبع ينتظر الأمن حتى طباعة الصحيفة ثم يصادرها بغرض "التأديب"

جميلة جدا ابن اليهودية.. اسعدني ان قرأتها قبل نشرها.. شكرا حبيب.. المصادرة لا تصادر المعنى سيظل لكنها تصادر الورق فحسب لو يعلمون. . اضف تضامني معك مع المتضامنين يا صديق

جميلة جدا ابن اليهودية.. اسعدني ان قرأتها قبل نشرها.. شكرا حبيب.. المصادرة لا تصادر المعنى سيظل لكنها تصادر الورق فحسب لو يعلمون. . اضف تضامني معك مع المتضامنين يا صديق:
شكراً على الدعم المعنوي يا فنان
جهز حالك إذا بتريد، عشان نجيكم في أمستردام قريب.

تحياتي للجميع
كتبت البوست ده مستغرباً من الأخبار الواردة عن عدم السماح بعرض الرواية في المعرض، وكتبت أن نون النزوة لو في منع، كانت
أولى بالحاجة دي. وده يجب ألا يقرأ من باب موافقتي على مصادرة الحريات بأي حال. في اليوم الأول أعلنت للقراء عن وجود الرواية
في صالة رقم 1 جناح دار رفيقي، ولكن تلقّيت رسالة من صديقة ذكرت أنها وجدت صعوبة بالغة في الحصول على الرواية. دفعت بالسؤال
إلى صديق وكاتب مرابط بالمعرض، ولديه رواية تعرض بنفس الجناح، وأكد لي أنهم في دار رفيقي لم يقوموا بعرض الرواية لأن المصنفات
لم تسمح بذلك. لهذا قمت بمراسلة مدير دار رفيقي، وردّ على برسالةٍ سأقوم ببذلها هنا. ومساء يوم الجمعة هاتفني مؤكداً من جوبا.
أتفق معظم الذين تمكنوا من الحصول على نسخة، بالمعاناة البالغة التي تكبّدوها. وهذا الأمر لا يسعدني بالطبع، حتى أن الأخ والصديق ناصر الأمين
أخبرني بأنه أشترى نسخته ودفع مبلغ 70 جنيه سوداني، وحين ذهب في المرة الثانية وجد أن سعرها قد بلغ مئة جنيهاً، والزيادة نتيجةً للمخاطرة.
فيما يلي بعض الصور التي تؤكد صحّة ما ذكرته.


من مراسلتي مع الصديق دينق مدير رفيقي.



وهذا الصديق أيمن بيك كتب على صفحته على الفيس بوك

الصديق وزميل البورد ناصر الأمين!

الدكتورة ناهد معلقة على منع عرض كتابها أسوةً بابن اليهودية!

قارئة وصديقة راسلتني على المسينجر الخاص بالفيس بوك!

حبيبها ولا يعهمك ياهو حال البلد, المشاركة في معرض كتاب ليست بالصدفة بالتأكيد هناك اتفاقيات و اجراءات ولسته تقدم باسماء الكتب المعروضة كان يمكن رفض عرض الرواية من البداية وتجنيب الناشر الخسارة المادية لكن تقول شنو بس ياها نفس العقلية البسبب مقال يمكن سحبه قبل الطبع ينتظر الأمن حتى طباعة الصحيفة ثم يصادرها بغرض "التأديب":


نعم نعم يا ود البشرى، دي ممارسات معتادة. يعني كان ممكن من لحظة إرسال الكشف بأسماء الكتب المشاركة، يقولوا
ليهم الكتاب الفلاني ما عايزنوا يتعرض. ويكفّوا الناس شر الخسائر المادية.

[Uما زلت أبحث عن ( نون النزوةو الحب من طرف ثالث).
:

تشكري مرة أخرى
في نفس الصالة، جناح دار أوراق
تسألي أستاذ سعد عنهما.

يا حبيب نوره، إنت إنسان محبوب وسط الأعضاء والزوار ... أرجو أن لا تعاقب الكل بالإبتعاد.
:

ده تاج على رأسي!

[Uيا مستجير كلمتك خشرمية مرة قلتا ليك بطل المقابضة البتعمل فيها دي
ما ممكن ياخ كل ما نلف بزقاق في المنبر نلقي الناس مقبقبينك .
شلاقة مبالغة ياخ .. خخخخخخخخ:

كاتب وردت اليه أخبار حول مصادرة روايته ..
فكتب حول تلك الاخبار بمدخل مختلف .. وكيف أن رواية أخرى من رواياته هي الأولى بالمصادرة لو صدقت مزاعم المصادرة هذه.

يجد (احدهم) الفرصة سانحة لممارسة (المساخة) هنا كوجبة مُشبِعة جدا لجوع الذكاء والالمعية فيكتب منتشيا ان كتابة المؤلف هذه لا تعدو اكثر من حملة تسويقية لمؤلفاته في مساخة (أمها بت عم أبوها)

المهم أتمنى أن (يعصر) يس ليمونه للتواجد هنا ...
ولا أظنه سيفعل ذلك!!:


الحبيب والصديق المشرف
شكرأ لك وأنت تفوق حسن ظني دائماً بأجمل وأنبل

في نهاية هذه المداخلات سأرمي بعصاي.

خلاص يا حبيب،
بختك في لستة الناس البطلت أتداخل معاهم هنا
عدد الناس اديل بلغ 43 مدعو
ما بتفرق معاي
ما ح أشتغل الشغلة بروياتك في معرض الشارقة
بس صديقي بركة ساكن

هذا فراق بيني وبينك

قبل أمشي خليني أذكرك بأفضالي عليك:
لمان جيت عملت تدشين لرواية الحب من طرف ثالث بالعين،
ركبت عربيتي من دبي وجبتا معاي معاوية الزبير وهاشم الحسن
ديل الإتنين مثقفين، لكن مفلسين (فلس قروش)
البترول من قروشي
القهوة التركية من قروشي
إشترينا عشرين نسخة من قروشي
بس العشا دفعو ود البشرى

خيرا تعمل
شرا تلقى

وعسى ان تكرهو شئ وهو خير لكم
في كثير من الاحيان منع النشر بزيد في
انتشار واقتناء الناس للرواية ودا يمكن لخير ليك

اي حاجة بتتحصل عليها عن طريق الاكشن
وبي تحت تحت زي العرقي والمخدرات بتكون لذيذة
هههههه
احسد الناس الذين تحصلوا على الرواية والروايات الاخرى داخل السودان
وفي انتظار الحصول على تلك الروايات ما علينا الا الصبر


شكرا يا كاتب

حبيبنا ياسين ..
لاتبتئس ربما لخير قادم وتتباع الرواية وتتوزع بشكل أكبر ..
ياهو حال بلدنا المايل البقوا مسيطرين عليه اجمالا ..
وعلى حركة الآداب والاشراف عليها وتنظيم المعارض ..
بعض المتهجّمين على الادب وحركته من ناس الترسو ..
هسه تلقى القاعد يعمل الحركات بتاعة المنع والمصادرة دي ..
زول فرد واحد لاغير وتلقاهو حاقد وحاسد وفاشل ..
ساءه ولم يرضيه أن تلقى روايتك وبعض الروايات الاخرى ..
النجاح والقبول فأبت نفسه المريضة الا وان يصادرها ..

تتعوّض لي قدام باذن الله ...

هوي يا مستنير الحاجات دي بتبقى تاريخ ينكتوها ليك بعد عشرة سنبن
أنا ما دفعت - للدقة ما دفعت براي, اخوة كرام يملو (العين)
غايتو لولا ايماني بيك كان قلت الباسويرد عند اخوك !!
ما عهدناك سمج كدا

يا بشرى، بحرك في البوست ومعه الرواية.
مشاركات حبيب نورة والمتداخلين باردة
قدر الحيوية الفي البوست أكسبتها ليهو مداخلاتي

هههه لا كان كدا باكا انت ! داك ابلد من أن يلقى تصريف لرقبته كدا

الاخ حبيب نوره
وزواره الكرام
لكم التحيه
ذهبت الى المعرض في اليوم الثاني للافتتاح ولم اجد ابن اليهوديه
ودا بخليني اعتقد انو الروايه لم يتم عرضها علناً بواسطة دار رفيقي
وانو الحصلو عليها يكون من تحت الطاوله
رغم اني اشتريت الحب من طرف ثالث وبنات الداون تاون
من جناح دار اوراق
وخلينا نقول انها خطوه للامام وصول الاثنين
واكيد القادم احلى وينكسر مقص الرقيب الاحادي
وكل الابداع يدخل للبلد علناً وعبر الباب
نتمنى رؤيتك في معرض الرياض الدولي للكتاب في مارس القادم ان شاء الله
ابوبكر عباس بطل تتظارف لانو ظرافتك لزجه

يا حبيب نورة أنت مش قمة!!!
ياخ القمم مش مستهدفة !!!


دى شنو الجرس البتسوى فيها دى ما تركز ياخ!!!!

عهدنا بيك صنديد وااااااااااسع الأفق

حبيبا يا صديق،
بركة بالشوفة يأخ ؤ خليك هنا .
قيل قديماً، لا تعدم الحسناء زآم، عليه فلا تكترث
للسخفاء البؤساء أمثال الفارة ابو بكر هذا ...

مداخلة من الأخت نعمات عماد في بوست تاني تحسم كل شئ:

Quote: سلام ابو الريش المداخلة كتبتها بعد ما مشيت المعرض و قابلت الشباب المتواجدين في جناح دار رفيقي. سألت المسؤولة :-- -- صحي رواية أبن اليهودية إتصادرت؟ ردت بخوف : -- -- أيوة إتصادرت، و موظف الرقابة حايم و ممكن يجينا في أي لحظة . لا أكذب عليك أنا فهمت ان عندها نسخ مخفية لأني لما أشتريت نسخة في يوم 18 أكتوبر نفس الشابة ناولتني نسخة من تحت الطاولة، ربما دي الطريقة الوحيدة لأن تباع الرواية في السودان . اتساءل لماذا منعوا او صادروا الرواية ؟ ما عرفت مغزى السؤال يا ابو الريش لكن صدقني المسؤولة كانت خائفة و المصادرة ممكن تتحول لمنع اذا وجدت شخص يتعاطف أو إذا دفعت. المهم من هنا أقول اصدق الأستاذ ياسين تماما خاصة و ان الشابة قالت انها لم تتواصل معه، وهو قال ان المعلومات وصلته اولا من زوار المعرض ثم لاحقا من صاحب دار النشر المتواجد في جوبا.