Post: #1
Title: استفسارات بخصوص اللوتري 2019
Author: الطيب عباس
Date: 10-25-2017, 07:10 AM
07:10 AM October, 25 2017 سودانيز اون لاين
الطيب عباس-ناوي للبلد الامين
مكتبتى
رابط مختصر سلام للجميع
وحمد لله علي سلامه المنب
ر
هل اذا كررت الايميل في عده طلبات يلغي الطلب ؟ ام انه اختياري ؟
هل الصورة لو خلفيتا ما بيضا مع قبول الطلب واعطائي (الكموفرميشن نمبر) يستبعد من الفرز ؟
كم هي حصة السودان من كوته 2019 ؟
كم العمر الازم للتقديم اقل من 18 ما بنفع صح ؟
|
Post: #2
Title: Re: استفسارات بخصوص اللوتري 2019
Author: الطيب عباس
Date: 10-25-2017, 10:22 AM
Parent: #1
0
|
Post: #3
Title: Re: استفسارات بخصوص اللوتري 2019
Author: Basamat Alsheikh
Date: 10-25-2017, 12:14 PM
Parent: #2
تكرار نفس الايميل في عدة طلبات لاشخاص مختلفين ما بيلغي الطلب ، لكنه بيلقي
شكوك لناس الهجرة الامريكية عند الفرز،،،
وبعدين انت ليه تكتب نفس الايميل بتاعك في طلبات الناس التانين،،، اعمل ليهم ايميل
كل واحد ايميل براهو!!
..بالنسبة للصور، ارسال الصور اهم حاجة ولازم تكون بالضبط طبق الشروط المطلوبة،،،
لكن اذا انت استلمت الكونفيرميشن معناهو الصورة صحيحة،،،لان المواصفات غير مطابقة
ما بتستلم تاكيد الاستلام،،،
..اقل من ١٨ سنة اظن ما ممكن ، لكن اولادك ممكن يكون معاك في الطلب ،،،،
.....وكويس نحن برضه نسالك::
ليه بتسال عن لوتري ٢٠١٩م،،هل لوتري ٢٠١٨ انتهى،،،؟؟
واذا لوتري ٢٠١٨انتهى، متين لوتري ٢٠١٩ حينتهي؟؟
ودمت بخير وعافية
|
Post: #4
Title: Re: استفسارات بخصوص اللوتري 2019
Author: الطيب عباس
Date: 10-25-2017, 03:52 PM
Parent: #3
شكرا بسمات مابيلقي بيلغي دي مافهمتا ههههه
اللوتري بدا ٢٢-١٠ وبيقفل ٢٢-١١
الطلبات القديمه من يوم ٥-١٠ لي ١٠-١٠ اتلغت بسبب عطل في السستم
دي ترجمه للكلام
بسبب مشكلة فنية، تم إغلاق فترة دخول دف-2019 التي بدأت في 3 أكتوبر. الإدخالات المقدمة خلال 3-10 أكتوبر غير صالحة وتم استبعادها من النظام. فإنها لن تعد بمثابة إدخال مكررة. تم حل المشكلة الفنية وستبدأ فترة دخول كاملة جديدة ظهرا، التوقيت الصيفي لشرق الولايات المتحدة يوم الأربعاء 18 أكتوبر 2017، وستستمر حتى الظهر بتوقيت شرق الولايات المتحدة يوم الأربعاء الموافق 22 نوفمبر 2017. وستكون الإدخالات المقدمة خلال هذه الفترة فقط المقبولة والنظر في اختيار في اليانصيب. يرجى التخلص من أي رقم تأكيد أو وثائق أخرى لديك إذا قمت بتقديم إدخال خلال 3-10 أكتوبر. لن يتم قبول المشاركات من خلال الخدمة البريدية في الولايات المتحدة.
بعد قراءة التعليمات، انقر فوق الزر "بدء الدخول" أدناه لدخول اليانصيب دف.
دا الرابط للتقديم
https://www.dvlottery.state.gov/(S(vl1w25lq3a3bjducij1nnyia))/default.aspx
|
Post: #5
Title: Re: استفسارات بخصوص اللوتري 2019
Author: Basamat Alsheikh
Date: 10-25-2017, 05:47 PM
Parent: #4
الطيب عباس
شكرا كتير على المعلومات المفيدة،،،
انا يا الطيب مواطنة امريكية ١٥٠ في الميه وعندي جواز سفر امريكي ،،،،
واذا انت ما اختاروك في اليانصيب ،ممكن اعمل معاك بيزنيس ، وبصفتي مواطنة امريكية
ممكن اقدم ليك من هنا على اساس انك زوجي(بالكضب( كضبة بيضاء) وانت تدفع لي
رشوة ٣ الف دولار مقدم وبعد تصل امريكا وتشتغل تدفع لي مرتب شهرين متتاليين( وجه ضاحك)..
طبعا د ه في امريكا بيسموهو زواج البيزنيس....
وانا عاوزة اقدم لبنات عطبرة،،، فكلهن سمعن باللوتري ورسلن لي صور جوازات السفر عشان اقدم
ليهن..وعندي قدامي ١٥ جواز سفر...وما عارفة اقدم كيف ولا عارفة الخطوات...
وردك ساعدني كتير في فهم التفاصيل وخاصة الموقع الالكتروني بتاع التقديم،،،
بس في حاجة واحدة ما عارفاها .....ارفاق الصور الفوتغرافية كيفن والخطوات شنو ..وكيف تظبط
المقاسات وهل ممكن من الصور الفي جوازات السفر ولا كل واحدة من البنات ديل لازم ترسل صورة.فوتغرافية
بالمقاسات المكتوبة في الموقع الالكتروني؟؟
ونحن يادوب اتعلمنا تنزيل الصور في المنبر العام،، يعني حتعرف نرفق صور اللوتري!!
مزيد من الشرح لو عندك فكرة في كيفية ارفاق الصور في طلب اللوتري،،،
اما حكاية يلغي ويلقي ددي، فيلغي الاولى تابعة لعبارة ما بيلغي الطلب،،،ويلقي الثانية بالقاف فتابعة لعبارة
يلقي شكوك ، من القاء الشكوك،،،ههههههه،،،
وشكرا مرة ثانية وفي انتظار ردك ورد اصحاب الخبرة في التقديم لليانصيب،،،
ودمت بخير وصحة وعافية
|
Post: #6
Title: Re: استفسارات بخصوص اللوتري 2019
Author: أيمن الفاضل
Date: 10-25-2017, 06:09 PM
Parent: #5
يا بسمات كلامك سمح بس رسليهو في الخاص للطيب
عشان ما يجيب ليك هوا
|
Post: #7
Title: Re: Re: استفسارات بخصوص اللوتري 2019
Author: Basamat Alsheikh
Date: 10-25-2017, 06:20 PM
Parent: #6
ايمن
يعني في النهاية حيحصل شنو!!
اذا طردونا ام المدائن منتظرانا بلهفة ، واساسا بنفتش لسبب . واي سبب
عشان نغادر،،،
( لكن بيني وبينك با ايمن نيويورك دي فعلا عاصمة العواصم وام المدائن زيها وزي عطبرة،،،
ودمت بالف خير وصحة وعافية
|
Post: #8
Title: Re: Re: استفسارات بخصوص اللوتري 2019
Author: Dr. Ahmed Amin
Date: 10-25-2017, 06:52 PM
Parent: #7
بسمات بت عطبرة بالغتي لكن ... أنا وضعتك من ال Consultants في موضوع اللوتري ..
أنا حصلت برنامج ممتاز يساعدك في تقييم الصور بصورة محترفة للوتري خصوصاً
https://www.greencardphotocheck.com/ar/https://www.greencardphotocheck.com/ar/
|
Post: #14
Title: Re: Re: استفسارات بخصوص اللوتري 2019
Author: الطيب عباس
Date: 10-26-2017, 05:47 AM
Parent: #8
مرحب د. احمد
ومرحب محب
اللوتري يا شباب مفروض ناس أمريكا ديل يكونو شاربنو شراب ويقدمو ومغمضين صح هههههههه
تحياتي ومودتي للجميع
|
Post: #9
Title: Re: استفسارات بخصوص اللوتري 2019
Author: Muhib
Date: 10-25-2017, 07:13 PM
Parent: #5
بسمات الامريكيه (( ياخي والله عجبتنا ليك الامركه ابو 150 في الميه دي ههه)
اها بتين اخدتي جوازك الكحلي دا ..جنس شوفونيه غايتو ههههه
عندي سؤال جادي حول الاقامات في السودان للاجانب وما عايز افتح بوست ..ممكن تجاوبي في ال مسنجر لو المسننجر شغال .
مشيتي السودان بجوازك الامريكي من قبل ؟ هلي لديك اقامه سودانيه علي اساس انك اجنبيه من اصول سودانيه
كيف الاجراء والخ ..
|
Post: #10
Title: Re: استفسارات بخصوص اللوتري 2019
Author: Basamat Alsheikh
Date: 10-25-2017, 08:55 PM
Parent: #9
محب
اقرا الماسينجر
واذا ما استلمت حارد ليك هنا في البوست
ودمت بخير وصحة وعافية
|
Post: #11
Title: Re: استفسارات بخصوص اللوتري 2019
Author: Basamat Alsheikh
Date: 10-25-2017, 09:58 PM
Parent: #10
. د. احمد امين
شكرا كتير للويب سايت بخصوص ضبط الصور،،،لكني في الحقيقة في تكنلوجيا رفع الصور يادوب
في سنة اولى،،وما بعرف اعمل upload للصور كيف ،،بعد املا اورنيك التقديم....وقدامي صور
جوازات سفر ل١٥ من صديقاتي بنات عطبرة بفكرن يسيبن ام المدائن وبهاجرن امريكا ..لكن في
الحقيقة معظمهن بفكرن في القراية،،،،
عاوزة الخبراء يجونا بهنا ويورونا خطوة بخطوة كيفية ملء الاورنيك وارفاق الصور الفوتغرافية
....زي شرح فردوس لانزال الصور في البوست
ودمت بالف خير وصحة وعافية
|
Post: #12
Title: Re: استفسارات بخصوص اللوتري 2019
Author: Basamat Alsheikh
Date: 10-26-2017, 01:23 AM
Parent: #11
لحين ميسرة ومسرة
ودمتم بخير
|
Post: #13
Title: Re: استفسارات بخصوص اللوتري 2019
Author: الطيب عباس
Date: 10-26-2017, 05:36 AM
Parent: #5
بت الشيخ سلام مربع شكرا لاثراء البوست يخ ناس عطبرة ديل من زمن الجامعه انا بقول ليم انتو اطيب ناس .. اها استفساري هنا بخصوص صحبي اسمو عمر الحسين من عطبرة قدمت ليو اللوتري بس ختيت نفس الايميل بتاعي ..
Quote: ممكن اقدم ليك من هنا على اساس انك زوجي(بالكضب( كضبة بيضاء) وانت تدفع لي
رشوة ٣ الف دولار مقدم وبعد تصل امريكا وتشتغل تدفع لي مرتب شهرين متتاليين( وجه ضاحك)..
طبعا د ه في امريكا بيسموهو زواج البيزنيس.... |
هههه يلا دي انا شاهد عليا لمن كنت صغير في وحده صحبة اخواتي عملتا ومشت زي الترتيب واتصورت بالزفاف واسع دكتورة هناك هههه
Quote: بس في حاجة واحدة ما عارفاها .....ارفاق الصور الفوتغرافية كيفن والخطوات شنو ..وكيف تظبط
المقاسات وهل ممكن من الصور الفي جوازات السفر ولا كل واحدة من البنات ديل لازم ترسل صورة.فوتغرافية
بالمقاسات المكتوبة في الموقع الالكتروني؟؟ |
يلا دي من الموقع اول ماتخشي الموقع لازم صورتك تكون خلفيتا بيضا تكون محملة في الكمبيوتر او لاب توب بتاعك ( سلفي عادي بس خلفتو بيضا ويكون راسك ووشك كلو ظاهر ولو محجبة زاتو ما مشكله حسب ما قريت ) تفتحي التبويب رقم 2 اسمو photo tool تحملي الصورة وتضبطيا بالتكبير والتصغير حدي ما يقبلا وتحفظيا في الجهاز وتجي تملي الفورم وتحمليا تاني في الطلب ..
تابعي الفيديو دا
https://youtu.be/884yhUOQ6YYhttps://youtu.be/884yhUOQ6YY
|
Post: #15
Title: Re: استفسارات بخصوص اللوتري 2019
Author: أيمن محمود
Date: 10-26-2017, 07:49 AM
Parent: #13
Quote: ارفاق الصور الفوتغرافية كيفن والخطوات شنو ..وكيف تظبط
المقاسات وهل ممكن من الصور الفي جوازات السفر ولا كل واحدة من البنات ديل لازم ترسل صورة.فوتغرافية
بالمقاسات المكتوبة في الموقع الالكتروني؟؟ |
يا بسمات كل واحدة مفروض ترسل ليك صورة حديثة بمقاس 600x600 بيكسل
لو كانت الصور اكبر ممكن تصغريها ببرنامج PIXresizer برنامج مجاني وسهل الاستخلام للناس الزيك
|
Post: #17
Title: Re: استفسارات بخصوص اللوتري 2019
Author: Basamat Alsheikh
Date: 10-26-2017, 07:30 PM
Parent: #16
الطيب عباس
اذا كان صاحبك عمر ده مولود في عطبرة خلاص اعتبره وصل امريكا لان الامريكان البيفرزوا الطلبات
لمن يشوفوا مكان الميلاد عطبرة ما بيدخلوهو القرعة، لكن بيختاروهو بدون اي قرعة...
وهسع ال١٥ الرسلن لي صور جوزاتهن ١٣ منهن مولودات في عطبرة واثنين مولودات في بركات،،،قلت
لل ١٣ خلاص من هسع ستفن الشنط وخليكن جاهزات للسفر...اما بنات بركات قلت ليهن الصبر طيب..
ودمت بخير وعافية
|
Post: #18
Title: Re: استفسارات بخصوص اللوتري 2019
Author: Basamat Alsheikh
Date: 10-26-2017, 08:38 PM
Parent: #17
اها يا ايمن وبعد ما يرسلن الصور ، اعمل شنو ...واصل ..وورينا كيف ندخل الصور في الكمبيوتر
خطوة بخطوة...
هل اعمل اسكانر للصور الفوتغرافية دي....
ودمت بخير وعافية
|
Post: #19
Title: Re: استفسارات بخصوص اللوتري 2019
Author: قسم الفضيل مضوي محمد
Date: 10-26-2017, 10:03 PM
Parent: #18
.
..
تم سحب المداخلة ...
..
.
|
Post: #20
Title: Re: استفسارات بخصوص اللوتري 2019
Author: عبدالحفيظ ابوسن
Date: 10-26-2017, 10:09 PM
Parent: #19
تحياتي الطيب
وضيوفه
مثل هذه البوستات تحزنني جدا جدا
|
Post: #21
Title: Re: استفسارات بخصوص اللوتري 2019
Author: Basamat Alsheikh
Date: 10-26-2017, 11:54 PM
Parent: #20
ود ابو سن
الله لا جاب الحزن في طريقك..
بس ليه تحزن من البوستات الزي دي؟؟
..انا بعتبرها بوستات بتاعة معرفة وثقافة في التكنلوجيا وكيفية استخدام تكنلوجيا الكمبيوترات
في تقديم الطلبات وايضا فن كتابة السير الذاتية ورسائل التغطية،،،بس الموضوع عاوز صبر..
ودمت بالف خير وصحة وعافية
|
|