Post: #1
Title: مبدع رايق *Unknown */ لرائعة ابوصلاح..قلبى هام مالو..
Author: Awad Omer
Date: 10-23-2017, 01:17 PM
12:17 PM October, 23 2017 سودانيز اون لاين
Awad Omer-
مكتبتى
رابط مختصر
بهدوء شديد ...هل يمكن ان نستمع الى هذا اامبدع ..
قلبى هام مالو...
الشاعر / ابوصلاح
قلبى هام مالو....اه خديدك وجمالو
معذب فى هواك مالو
بدر حسنك لاح والقلوب مالو
لي هواك وشوق قلبي عمالو
يا فريع ياسمين متكي في رمالو
قول لي عاشقك وين ضاعت امالو
شعرو حاكي الليل حاجبو هلالو ..
فر بسمو الغيم والبروق لالو ..
مافي مانع لو قتلي حلالو ..
افدي جوز تفاح صدرو لولالو
الجوهر الفردي ما اتلقى مثالو ..
قلبي ليهو يلين وقلبو يقسالو ..
حبو صابحني و حسنو مسّالو ..
غير وسيم خدو دموعي ما سالو
الشادن المكحول قلبي يصبالو ..
واخشى من لحظو ومن رمي نبالو ..
كم جريح بي سهام عينو ضاربالو ..
و بيها لا يدري ولا على بالو..
خصرو ناحل وزاد جسمي إنحالو ..
طرفو ناعس نام وطرفي يصحالو
الفريع السيل دمعي سحالو ..
يا نسيم ارجوك شوفو كيف حالو ..
شوف لحاظو سيوف حاجبو هدالو ..
حرسو حولوا يدور إستعدالو ..
الخديد يلصف حسنو يندالو ..
البدر لو غاب يضوي في بدالو
* * * *
|
Post: #2
Title: Re: مبدع رايق *Unknown */ لرائعة ابوصلاح..قلبى هام
Author: يحي قباني
Date: 10-23-2017, 09:52 PM
Parent: #1
Quote: قلبى هام مالو...
الشاعر / ابوصلاح
قلبى هام مالو....اه خديدك وجمالو
|
سلامات عوض ...
رايق الأداء ... و ما عرفت المؤدي ...
الأغنية فلبي ( همّالو ) و ليس هام مالو ...
همّ أي تاق ووثب من مكانه اشتياقاً ...
فهي همّ له ... او همالو ...
و ليست هام من الهيام ...
تحياتي و سأبحث عن اسم المؤدي ...
|
Post: #3
Title: Re: مبدع رايق *Unknown */ لرائعة ابوصلاح..قلبى هام
Author: Awad Omer
Date: 10-27-2017, 06:25 PM
Parent: #2
٩Quote: سلامات عوض ...
رايق الأداء ... و ما عرفت المؤدي ...
الأغنية فلبي ( همّالو ) و ليس هام مالو ...
|
شكرا استاذ قباني...شكرا للمرور..
واسف للتاخر في الرد..
غايتو الدنيا الفانية دي لاعبة بينا لعب
|
Post: #4
Title: Re: مبدع رايق *Unknown */ لرائعة ابوصلاح..قلبى هام
Author: Bashasha
Date: 10-27-2017, 09:28 PM
Parent: #3
قباني خرتوك!
خليك جاهز ناوي انزل معاك في مباراة اختيار للاغاني، ماعندي مانع كبر يكون الحكم...
|
|