اسمو منو وساكن وين

06:22 AM October, 23 2017

سودانيز اون لاين
عبدالحفيظ ابوسن-no where
مكتبتى
رابط مختصر

قالوا اسمك
يا علمك الهبالة
يا علمك الغتاتة

تحية للاخ عبدالحفيظ حسن
سمي

حتي انت يا شيقوق
الناس دي بتخش شايتة بس

مبدئيا كدة انا ما كنت بوليس ولا شرطة ولا امن
هنا شامة وهنا نقطة

اسمي تسعة حروف
في الامضاء عوير عوارة
طويل ومركب
اولادي بعولقو لي وهم صغار
وهو آخر اسم بحفظو
واغلبهم بعد يتعلمو الكلام بفطو
هسة علا الفي الصورة بقول
علاء الدين ابتن

طيلة مراحل تعليمي ما لاقاني زول اسمو زي اسمي
ولا في حلتنا
وفي كوستي ممكن احسبهم بالحساب

اهلنا برضو متعلمين يسموك حسب الحالة
قشير
قشار
قشرية
قشورة
وهكذا
الا انا
اسمي المنابيذي بخش مع اسماء الاخرين وبزوغ بالحجة . كنت محجاجي
اها
ما ممكن يقولو لي عبدالقشير
دي بتحشرهم في حلال وحرام

سلام عبدالحفيظ
اكيد الحنان كان بيقول ليك عبودى احلى دلع

والحنان ديل اقصد بهم الوالده والخالات

تزوغ بالدو يا دهب
الدو مرات كرت فتوح
ولا كرت عدم
يا زول عندي كترت اسما اسكت ساي
بعضها يخص ناس محددين
لكن تخيل قدرت ما اتذكرت ما لقيت اسم مميز
كلها القاب مربوطة بي مواقف حقتي انا في البيت والاسرة
غايتو اولادي بدلعوني بابا

ود عمي عندو سبعة بنات
جاب ولد
سماهو علي
وقفت ألف احمر يغيرو
طويل وفي الاساس بغلبو يكتبو
وهو ابا
اصريت
الولد هسة عندو اسمين وبشهادات ميلاد اصلية
بقا راجل عديل

اسمو منو
وساكن وين
جنسو شنو
كتمتو نفسو

.



( تحية للاخ عبدالحفيظ حسن
سمي )

أيه رأيك يا سمي ....... أنا مولود في كوستي ؟




.

يا سلام ياخ
كوستي وين
شكلو الاسم كوستاوي
نتعرف ياخ

تحياتي ياوريف
أب سن
والشيخ حياتي
والله أي إسم فيك بي نفلو خايل
وماتنسي كمان العمدة عبدالحفيظ

سلام عبد الحفيظ و ضيوفك الكرام

يا ابسن أكيد انت من الشرطة، يعني انت ح تعرف

أكثر من الحكومة؟ ☺ 😄😃

📢 ود الباوقة و الزبير بشير تعالوا بجاي سريع .

.


والدي أصلا من الدويم ومن اوائل خريجي بخت الرضا
عمل معلما بمدرسة كوستي الأهلية الوسطى وكان من بين
تلاميذه المرحوم الفريق شرطة ابراهيم أحمد عبد الكريم
الذي كتب عنه بعض المقالات في الصحف .....
عمل ايضا معلما في مدارس الأحفاد مع الشيخ بابكر بدري
ولكن لنضاله ومناكفته للإنجليز تم ابعاده من العمل بالتدريس
فعاد الى كوستي وعمل مقاولا بها حيث ولدت .
كنا نسكن في الحلة الجديدة شمال مدرسة شيخ جبور ....
وبعد الإستقلال تخلى عن العمل بالمقاولات وتنازل عن مكتبه
بكل معداته للصبي الدي كان يعمل معه .... والذي احسن استغلال
هذا المكتب واصبح لاحقا من الشخصيات المرموقة والثرية بكوستي.
وعاد والدي للعمل مرة أخرى بالتدريس ولكن بمدينة الأبيض حيث
ارتحلنا اليها واصبحت لنا موطنا ثان.
لدي خالة لم تغادر كوستي إلى أن توفاها الله قبل بضعة أعوام ....
وأولادها مازالوا مقيمين بكوستي.



.

العبيد !!
حرم جيتك تستاهل الضبيحة
وريني زول نتكي ليك في المنبر دة ونضبحو جخخخ
ههه
اسماء ناتجة من شقاواتي ومقالبي للاخرين
امي عندها لي اسم
وابوي
وحبوبتي
وهسة اخواني مسميني
الفكي
ههه

هجموني يا نعومة هههه
قلت الناس ديل واصلين
تخيلي فكرت انا وود عمي نخش الكلية الحربية .. عندنا واسطة كبيرة في الحسبة عمنا
كلمناهو بالدس قبل الامتحانات زاتا
كان عندنا ميول ثورية .. تخش وبعد كم سنة نقلبها
لكن اهلنا اخدو خبر
ههههه
مجرد فكرة لم تنفذ
الوقت داك بوب مارلي وجيفارا وسلفادور اليندي و بابلونيرودا وايييييك
جو رصاص بس

اها يا سمي
عشان ما يجيبوهو ليك قوالة وتقول خصوصية وانتهاك
ببحت عن والدك .. جبور ما شيخ ولا فكي ولكن كان مدير المدرسة .. مدرسة جبور . من اقدم المدارس ولازالت بذات الاسم والهيئة !
محل بيتكم عرفتو تب
الاهلية قريت فيها . ابراهيم عبدالكريم بيتهم في المرابيع جمب المدرسة لازال اخوانه يسكنون بالمنزل .. حلة عبدالله عثمان عضو المنبر
معلومات والدك واضحة
بأتركم

.


زمان يا سمي ..... الأستاذ و المعلم بيقولو ليهو (شيخ)


عبدالله عثمان بيعرف والدي حق المعرفة لأن والدي كان
صديقا ورفيقا للأستاذ المرحوم محمود محمد طه.



.

اخونا عبيد مساهو الله بالصحة و العافية
كان زولن كويس و مبروك
مالو !!! الحصل عليهو شنو

.
..
...
قبل ثمانية شهور تقريبا فتح الاخ عبد الحفيظ حسن بوست وقال فيه انه فقد بوست على ما اعتقد ...
كنت راكب حافلة في الخرطوم حوالي الساعة 8 مساء وبتصفح في الموقع من الجوال ...
ففتحت بوست الاخ عبد الحفيظ حسن على اساس انه بوست عبد الحفيظ ابو سن ...
بسبب نشاط ابو سن الزائد في المنبر فمجرد ما تقرا عبد الحفيظ وتلقى في اسم الاب حرف السين طوالي بتبادر ليك انه دا عبد الحفيظ ابو سن ...
بالاضافة الى الدقداق في الحافلة وحركة الكمساري وغيره اتداخلت في البوست وقلت (عبد الحفيظ ابو سن) يستاهل مكتبة كاملة الدسم ...
اتداخل ود البشرى وقعد يضحك وقال الناس دي مهودة وين ؟؟؟
لم اتمكن من الرجوع للبوست المعني نسبة لظروف الجري والاعتذار عن اللبس الحصل ولا قدرت ارد على ود البشرى برضه ...
فااااااااااا دا يا عبد الحفيظ × 2 اعتبروه اعتذار بأثر رجعي عن ذلك اللبس ...
..
..
.

حبابك قسم
تشكر والله
وكتر خيرك

العبيد دة يا جلال من الناس الرزينين ومليان علم بتراث بلدهم
زول ركازة

اى نعم و اقر بذلك و ابصم بالعشرة يا ود اب سن
الحبيب عبيد يمتلك ناصية من ثقافتنا يندر من يمتلكها فى هذا الزمن
بس وقفتنى كلمة يا وريف دى
علاقة الورافة مع زول الاحتطاب شنو
يعنى زول فؤوس و فرارير كيف يكون وريف
اها دى ما يقنعى بيها الا تربيعة دوبيت
___
التحية للعبيد و عساهو فى احسن حال

كيفك يا ود الناظر ؟

والدي أصلا من الدويم ومن اوائل خريجي بخت الرضا

ما شاء الله اتاريك ود افندية زمان زي صاحبك محمد المرتضى حامد ؟ نان ما ظاهرة فيك نغنغتهم يا العشاء ، غايتو المرتضى ظاهرة فيهو لحدى هسه

ياخ تحياتي لجميع سكان الحلة الجديدة في كوستي خاصة عمك الزين ان كان حيا يرزق و ان قضى نحبه فله الرحمة و المغفرة
تحياتي عبركم للمناضل الرشيد على عمر و الأستاذة التومة الجاك وهاشم بلول و المنتكس عبد الرحمن هارون و جميع الازملاء القانونيين بكوستي

عليك الله ارمي تلفون الأستاذ عبد الرحمن هارون في الخاص لو عندك

تقبل تحايا الزعيم كمال معاذ من مدينة صلالة الجميلة ودكتور الخير كمان

اووو شيقوق
حبابك يابا
كمال معاذ من اصدقاء الطفولة ولازال والخير سيد بشير
كمال زول وناس وقراي ومثقف
الخير عينة حقيقية لناس كوستي بكل ذكرياتهم
سلم لي عليهم ياخ
الرشيد السكري والمرض عامل فيهو عمايل هو بخير ببلغو تحاياك ومكتبو قريب لي .. وعلاقتنا تغلفها الذكريات الجميلة
التومة الجاك موجودة وبشوفها مرات ومرة !
هاشم صديق عزيز ببلغو سلامك
عبدالرحمن هرون جاري في الحي ومكتبو قريب من بيتي . زوجته جارة كمال معاذ قديما
ما عندي تلفون ليهو لكن سهل الحصول
رسل لي في الخاص يا عمك

يا سلام يا حفيظ

كمال معاذ اخ وصديق و كل يوم سبت نتلم في بيتي فهو رجل مثقف جدا و لا تمل الاستماع اليه فهو حديقة متنوعة الثقافات
يكثر حديثه عنكم و عن اشراقة مصطفى و امال عبد الرحمن الشيخ بلندن

ربنا يشفي اخانا الرشيد على عمر و التحايا عبركم لجميع من ورد ذكره من الأصدقاء

برسل ليك في الخاص لو امكن ذلك فنيا

حاولت ارسل ليك في الخاص وتعذر ذلك ربما لسبب مشكلة في المنبر

تلفوني 0098692543361

(اى نعم و اقر بذلك و ابصم بالعشرة يا ود اب سن
الحبيب عبيد يمتلك ناصية من ثقافتنا يندر من يمتلكها فى هذا الزمن
بس وقفتنى كلمة يا وريف دى
علاقة الورافة مع زول الاحتطاب شنو
يعنى زول فؤوس و فرارير كيف يكون وريف
اها دى ما يقنعى بيها الا تربيعة دوبيت
___
التحية للعبيد و عساهو فى احسن حال)
تحياتي القلبية الأخوة جلالدونا وأب سن
وسلام مطبوق لأخوي الطيب ودشيقوق
عليك الله ياجلالدونا زول من عُمَّار الريف وبنقاء ودأب سن
وريف ذاتها شوية عليه
أها خليهو "الورافة" ودأب سن وودشيقوق وشخصك بنطبق عليكم
قول سيدي الهلالي( الضُّل الرَّهين)
وهذا مشروع بحث عندي إسمه(عبقرية التراث)
أها عن سؤالك عنَّا وسؤالي عن ربيع الزينة الطيب ودشيقوق وسماحة اللواء عمر والمستشار يحي ودعبدالكريم وآخرون كُثر.
هذه أيضا من عبقرية التراث(الربعة الزينة)
أهديك هذا النفل، وربما افتح به بوست إن سمح زمنا العَصُر
الشاعر الرائع مُحمد ودفضل الله ودبلل (القوقاي) النورابي الكباشي وسمي بالقوقاي لبراعته في الغنا
(مربوع وجالسة وتوية وغنا جراري ومطولات) وإن كان برع جدا في غنا الجراري، ،محمد ودفضل الله "رابَع " أهله الربيقات وهم من السماحة بمكانٍ وكذا الفنجرة ،وأيَّامٍ نشوغ فارقهم مدة قليلة،وذات صباح خريفيِّ ،نيله مد البصر، صاح هاتفا في أسرته:
(أهدموا البيت وأدنوا المطايا للرحيل)
الليلة خبارك ...وراحلين وين!؟
ليرد وبسرعة وبفرحة من القلب ومن غنا الجراري:
البارح شوف عيني
لاقيت أهل زيني
حُدب مافيهُن فيني
ولِضاض لي الكلمة الشِّيني
مربوع ملان إبداع ومن مدح البوادي ،حد الوكاء
هذه العبقرية،عبقرية التراث والتضاريس،والنفل السمح
معزتي للجميع

خالي العبيد

ألف مليون حبابك في مدرسيب ود اب سن - طمئنا علي صحتك و جناك و جميع عولك في ربوع كردفان



قول سيدي الهلالي( الضُّل الرَّهين)

يا سلام عليك وعلى نضميك الطاعم ديمة

الضل الرهين
و سمح الاتر
و حلو الزاد
وما عيش الا تغرف وما رجال تعرف

حبابك يا بريقع ابقى علينا جاي

بالمناسبة بريقع من اسماء والدتي رحمها الله لي
مسمياني بريقع
ابوزيد قال لي بريقع احسب لي زبد البحر
قال ليهو
بشوف الجايات اكتر من الرايحات
حبابكم

صحي يا العبيد
حدب ما فيهم فيني
لكن بدور اسأل ليه اهلنا بشكرو الزول القدامي بالاحدب
والحدبة عيب خلقي
للشيل يعني ولا شنو

تحياتي شيقوق
رسلت الرقم ل كمال معاذ واتس