Post: #1
Title: "الأكيدة" ليس من رأي كمن سمع او قرأ ،،
Author: Arif Nashed
Date: 10-23-2017, 07:19 AM
06:19 AM October, 23 2017 سودانيز اون لاين
Arif Nashed-
مكتبتى
رابط مختصر ي جماعة المعارضة بكافة أطيافها وبما فيها المعارضة الاسفيرية ماسورة من العيار الثقيل..
النظام متوهط بكل راحة واريحية فليس هناك ما يعكر صفو بقائه في السلطة..
كنت في الخرطوم أمضيت بها قرابة الشهر والنصف واحتكيت بأغلبية من طوائف المجتمع السوداني واستمعت لها..
من يحلم بسقوط هذا النظام عبر ثورة شعبية فهو واهم..
|
Post: #2
Title: Re: andquot;الأكيدةandquot; ليس من رأي كمن سمع او قرأ ،،
Author: Arif Nashed
Date: 10-23-2017, 07:24 AM
Parent: #1
هناك من سيأتي ويقول بأن معارضين المنابر مهمتهم فضح فساد النظام.
28 عاما وانتم تكشفون عورات النظام فهل سقط النظام؟؟؟؟
|
Post: #3
Title: Re: andquot;الأكيدةandquot; ليس من رأي كمن سمع او قرأ
Author: Arif Nashed
Date: 10-23-2017, 07:28 AM
Parent: #2
هناك إجماع تام بسوء النظام ووجوب ذهابه كما يقابله إجماع تام بعدم اتخاذ أي رد فعل وكأن حال الجميع يقول نفسي نفسي..
ليس هناك اي نشاط لأي معارضة أي كانت نوعها والكل مستسلم في خنوع ومذلة..
|
Post: #4
Title: Re: andquot;الأكيدةandquot; ليس من رأي كمن سمع او قرأ
Author: Arif Nashed
Date: 10-23-2017, 07:34 AM
Parent: #3
طبعا الكلام موجه للطرور الفارات من أمثالنا معارضين الاسافير والمهاجر فهذا النظام لن يسقط عبر كتابات وانتقادات كتاب الاسفير الذين يعيشون في عالم اخر من الاحلام بعيدا عن الواقع والمعاناة..
|
Post: #5
Title: Re: andquot;الأكيدةandquot; ليس من رأي كمن سمع او قرأ
Author: Hatim Alhwary
Date: 10-23-2017, 07:54 AM
Parent: #4
تحياتي يا عارف وحمد على السلامة
| Quote: فهذا النظام لن يسقط عبر كتابات وانتقادات كتاب الاسفير الذين يعيشون في عالم اخر من الاحلام بعيدا عن الواقع والمعاناة.. |
طيب ماهو المطلوب من كتاب الاسفير بخلاف الكتابة والانتقاد؟
|
Post: #6
Title: Re: andquot;الأكيدةandquot; ليس من رأي كمن سمع او قرأ
Author: ناصر حسين محمد
Date: 10-23-2017, 08:02 AM
Parent: #5
هههههه
وقت بنقول كده انت يا عارف واحد من الناس المد لسانو وبقي يصنف فينا
|
Post: #7
Title: Re: andquot;الأكيدةandquot; ليس من رأي كمن سمع او قرأ ،،
Author: محمد مجيدو
Date: 10-23-2017, 08:25 AM
Parent: #1
عارف ... حمديلا على سلامة الاسفار ..
وان شاء الله تكون قضيت اجازة سعيدة بين الاهل والاحباب ..
تعرف اكتر شي خلى النظام دا يقعد سنين ويتمكن اكثر في السلطة
هم العاملين نفسهم معارضة وما عندهم شغلة غير النبز والشتائم من وراء الكيبورد ..
عمر الردحي في الاسافير تسقط ليها نظام ...
والغريبة الواحد فيهم يمشي السودان عاادي ويتفسح في النجايل
ومايقدر يفتحو خشمو بكلمة .. بس يسافر .. يرجع للردحي تااني ..
دا كلام دا ؟؟؟؟
عااالم بطااالـــــــــــــة ,,
|
Post: #8
Title: Re: andquot;الأكيدةandquot; ليس من رأي كمن سمع او قرأ
Author: مني عمسيب
Date: 10-23-2017, 08:32 AM
Parent: #7
التحية لك اخي عارف وحمد الله الف علي السلامة .
كتب الصديق مجيدو المدهش !
عمر الردحي في الاسافير تسقط ليها نظام ...
طيب يا مجيديو وقت نساءنا بالداخل بطلعن بظاهرن وبتجلدن
وطلبتنا وطالباتنا بعتقلوهم وبنكلوا بيهم وبهددوهم بالتفه الالفاظ
المبتذلة وغيرها ! وكل يوم والتاني ومازالوا طلبتنا المسلحين
بالاقلام بواجهوا في هذه العصابات الماججة بالاسلحة التقيلة
تجاه طلبتنا ! انت بالتحديد دورك شنو ؟ ممكن نعرف وتوضح
دورك شنو ؟ ولو الوطن ما بهمك كلمنا عشان نسيبك !
|
Post: #9
Title: Re: andquot;الأكيدةandquot; ليس من رأي كمن سمع او قرأ
Author: مني عمسيب
Date: 10-23-2017, 09:31 AM
Parent: #8
ردآ علي الصديق مجيدو .. ويا ريت يجي يرد علي كلام
الفات ودا .
تعرف اكتر شي خلى النظام دا يقعد سنين ويتمكن اكثر في السلطة
البنعرفه وخلي النظام يقعد كل هذه السنين هو قوة السلاح والقبضة
الامنية الخلتكم انتوا ديل خارج وطنكم المفروض تعمروه بدل تعمروا
اوطان الاخرين ! لانهم شالوا حقوقكم ومستحقاتكم ادوها للملشيات
المسلحة النتحمي ليهم نظامهم وكراسيهم وممكن ببساطة تترصصكم
زي ما قتلت شهداء سبتمبر ! وممكن تعتقلكم وتنكل بيكم زي ما دايرة
لانهم خارج القانون والقيم الانسانية !
رد آخر :
انتوا لانكم في دول لاتقل عن نظامكم حاجة من دكتاتورية واقصاء وتخلف
ما بتعرفوا مدي النضال عبر التواصل الاجتماعي ومن ضمنها الكيبورد ..
لانكم مهددين باي اراء حرة تقال ! اريد ان اضيف اليكم لولا نضالنا في
هذا المنبر ونضالاتنا في الدول الحرة من تظاهرات ومطالبات ليل نهار
من الدول الكبري لو كانت امريكا او الاتحاد الاوربي لما وصل هذا النظام
الكهل الي ما وصل اليه من اذلال وانبطاح وبداية تفتت لهولاء المجرمين
المتاسلمين وكل هذا يرجع للضغوط الخارجية التي سعي اليها جميع الشرفاء
والحرصين علي وطنهم وشعبهم بالخارج وما زالوا يطالبون بالمزيد حتي يتحقق
كل ما لديهم من اجندة باذن الله وما خفي اعظم والايام القادمة حا تشوفوا المزيد
والمثير .... وغدآ لناظره قريب .
ولكم وافر الشكر .. ولوطننا وشعبه العزة والكرامة .
وشوشة :
ما تفتكرونا قاعدين ساكت لو برا او جوا
ولكن السواي مو حداث . وبداية الغيث قطرة .
|
Post: #10
Title: Re: andquot;الأكيدةandquot; ليس من رأي كمن سمع او قرأ
Author: محمد مجيدو
Date: 10-23-2017, 10:33 AM
Parent: #9
بت نفيسة ... اززززيك .....
الظاهر كلامي ... اكل معاك جنبة .....
Quote:
انت بالتحديد دورك شنو ؟ ممكن نعرف وتوضح
دورك شنو ؟ |
شايفك طوالي اي زول بتساليو السؤال دا ...
وانا ما شرط وريك دوري شنو ....
ما كفاية دورك انتي الواضح للعيان...
| Quote: لكن السواي مو حداث |
حقو المثل يكون الحداث مو سوااي ..
يعني البجعج كتير .. ما بعمل حاجة ( براميل فاضية )
ولك من الود براميل .... خخخخ
عااالم بطاالـــــــــــــــــــة ,,
|
Post: #11
Title: Re: andquot;الأكيدةandquot; ليس من رأي كمن سمع او قرأ
Author: مني عمسيب
Date: 10-23-2017, 10:44 AM
Parent: #10
مجيدو \ يديك العفية يا خيي ..
والله سؤالي ما استفزازي لكن حقيقة بتسأل
بالنسبة للناس البنتقدو تعب الاخرين واهو قدر
قدرتنا البنعمل فيهو لكم كونكم تجوا بمنتهي السهولة
تبخصيهو دا شئ انا شخصيى بستغرب ليهو !!!
اقول ليك حاجة الحيكومة دي لولا ترصدنا ليها كانت
باعت الوطن باناسو يعني اسه تبيع نصه برضو كويس
هههههههههه وكتر خيرها باعت الجنجويد ما طلبتنا
الجامعيين كمرتزقة !
شايفك طوالي اي زول بتساليو السؤال دا ...
وانا ما شرط وريك دوري شنو ما كفاية دورك انتي الواضح
للعيان...
وبتمني القي اجابة الوطن دا ما وطنا برانا وطن للجمييييييييييع
عشان كدا لازم تورونا دوركم شنو ؟ عشان ما تكونوا فعلآ .
عالم بطاااااااااااااالة خخخخخخخخخخخخخخخخخخخ
مشكور يا فردة علي الرد .
وشوشة جيب اضانك :
اوووعة تستهون بالكيبورد امانة ما عامل بلاوي !
والعجب حبيبي النضال بالخارج .
|
Post: #12
Title: Re: andquot;الأكيدةandquot; ليس من رأي كمن سمع او قرأ
Author: Asim Ali
Date: 10-23-2017, 01:47 PM
Parent: #11
الاخ عارف - حمدا لله على السلامه
كانت الدعوه بضروره اعاده قراءة الواقع بعمق واستصحاب عوامل الواقع الدولى وفكر وعقل الاخوان المسلمين .وتذكر الخواطر فى بوست التغيير
حتى يتم اتخاذ اساليب جديده لاحداث التغيير بكل فعال دون الاخلال بوحده الوطن وامن المواطن البسيط (لتفادى واقع تشظى يحدث الان فى بعض الدول العربيه).
ودور السودانى فى المهجر يفترض فعاليته حركيا تكملها الكتابه الاسفيريه لدفع عجله التغيير.
ودعنى اتكلم بعموميه دون تشخيص بضروره عزل قاسى ودون مجاملات لكل ماهو كوز حتى تكون الاسافير خالصه لصالح الوطن والمواطن دون
تاثير مهرجلين واصحاب اغراض اعتادوا اثاره غبار النقاش غير الهادف والاستخفاف بالكلمه المناضله الحره الشريفه.
الفساد وتداعياته شىء مفروغ منها والشجب والادانه كذلك ............دورنا الفعل والكتابه التى تضىء الطريق للامام والنصر.
وشكرا
|
Post: #13
Title: Re: andquot;الأكيدةandquot; ليس من رأي كمن سمع او قرأ
Author: Arif Nashed
Date: 10-24-2017, 08:04 PM
Parent: #12
الاخ حاتم.. تحياتي
المجهود الذي يبذل في الاسفير بلا طائل.
هل تظن بأن الشباب في السودان معني بمتابعة ما يكتب هنا!!
الغالبية العظمي مشغولة بالواتس والفيسبوك..
وهي لا تخلق اي فارق يذكر في المواطن او النظام..
النضال يجب ان يكون في الأرض بين الجماهير..
لا يمكن ان أصف لك حجم المعاناة والإحباط العام..
|
Post: #14
Title: Re: andquot;الأكيدةandquot; ليس من رأي كمن سمع او قرأ
Author: Arif Nashed
Date: 10-27-2017, 11:48 AM
Parent: #13
ناصر حسين... تحياتي
وضعك مختلف فأنت بعت مبادئك وتحولت لزومبي..
أنقل ما شاهدته بعيني..
تسمع الجعجعة في الاسافير تقول بكره الحكومة تسقط!!
|
Post: #15
Title: Re: andquot;الأكيدةandquot; ليس من رأي كمن سمع او قرأ
Author: Arif Nashed
Date: 10-27-2017, 12:01 PM
Parent: #14
الاخ مجيدو... تحياتي
الحكومة أمرين يشغلهم. حملة السلاح والتظاهرات خلاف ذلك لا يكترثون لك حتي ان حملت مكرفون تسبهم وتشتمهم لن بشتغلوا بيك..
أما الأحزاب بدون استثناء لا وجود لها..
الناس راضية
|
|