Post: #2
Title: Re: دة كركتير غلط يا عمر
Author: عبدالحفيظ ابوسن
Date: 10-21-2017, 06:20 AM
Parent: #1
زاوية الشوف ما ياها
صلح لينا زاوية النظر
|
Post: #3
Title: Re: دة كركتير غلط يا عمر
Author: جلالدونا
Date: 10-21-2017, 06:25 AM
Parent: #2
كلامك صاح يا ود اب سن
بى حكم هندسة الدايرة بتاعت باى نق تربيع ديك
المفروض معامل الانحراف تكون خط مستقيم
بحيث تكون انت المخبر و مافى بوليس وراك
و تكتب تقريرك براك
بى منتهى الهدوء
|
Post: #4
Title: Re: دة كركتير غلط يا عمر
Author: عبدالحفيظ ابوسن
Date: 10-21-2017, 06:27 AM
Parent: #2
شوف يا عمر زاويتك دى بتاكل معانا جمبة
وبتخرت التروس وعمود الكرنكي زاتو
دفع خلفي بي سعر
ودفع امامي بي سعر
الاسبيرات فرق
والميكنيكي زاتو فرق
في ناس بقولو ليك مكنة متعارضة لكن اياها الدفع الامامي
صاح في ناس بعدلوها لكن برضو بتنقص سعرها
|
Post: #5
Title: Re: دة كركتير غلط يا عمر
Author: جلالدونا
Date: 10-21-2017, 06:34 AM
Parent: #4
امشى يا بتاع الجنك يارد
قبل ما تتهجم عليها امشى عدّل مكنتك و بعدين تعال اتفاصح
محسوبك راكب هيئة دبلوماسية و بعرف كيف يعدّل زاوية الشوف
شكلك عربيتك هنتر
قدامك واحد راكب فلكسواجن
|
Post: #6
Title: Re: دة كركتير غلط يا عمر
Author: عبدالحفيظ ابوسن
Date: 10-21-2017, 06:42 AM
Parent: #5
يا جلال الكلام دة حايص لي ياخ
قلت اناصح عمر دة
نحن ناس دقيقين جدا
بنهتم بالتفاصيل
اها الفلوكسواجن دة ابوالريقع بس .. مكنتا ورا ودفع امامي وبابا واحد
ما بتاكل معانا
المهم سيارتك دبلوماسية ولا ما دبلوماسية لازمن تكون خاتي اللوحة ..
نحن ناس سرعة ياخ . نعاين ما نلقاها علي بال ما تجيب الرخسة بنكون خلاس انتهينا من امرك
الدفع الامامي كويس في الرملة لا بوحل
تكون سواق بس .. سواق بصيغة المبالغة فعال مش بصيغة الفاعل
|
Post: #7
Title: Re: دة كركتير غلط يا عمر
Author: muntasir
Date: 10-21-2017, 06:52 AM
Parent: #6
يا شيخ العرب رغم إني بعيب على عمر عدم الدقة المهنية لكن ريشته هنا بتمنح اللوحة إزدواجية القراية بعد داك شبكية الزول المشاهد مسألة اذواق لكن الكوز حاول جلب المعلومة من مكان عمر ثم عندما لم يجدها حاول حلبها من مكان آخر، والمعلومة الإستخبارية ضالة الكوز أين وجدها وسيد الرايحة يفتش جعباط البقرة
|
Post: #8
Title: Re: دة كركتير غلط يا عمر
Author: عبدالحفيظ ابوسن
Date: 10-21-2017, 07:15 AM
Parent: #7
يا منتصر فيها تضليل تاريخي ممكن يضيع قضيتنا ياخ
هسة يقولو ليك الرسومات التاريخية قالت وقالت . يعني يجو الاحفاد يفتشو الاثار يلقو القصة اتجاه والرسمة اتجاه ..كدة بتلخبت لينا الشغل .. وقد تحصل فتنة زاتو .. نحن هسة حكنا كلو في الماضي
عاين نوال السعوداوي من التماثيل بس قالت الانثي هي الاصل والرجل كان رمز الجمال والمجتمع امومي
تماثيل بس
ف شنو
الموضوع دة يتم تعديلو ولا بنتهم عمر بالتزوير في الاحداث
يخت القصة عديل كدة
مش برضو قال
اغلقت بالعهر ابواب الوضوح ولا شنو كدة ما عارف
|
Post: #9
Title: Re: دة كركتير غلط يا عمر
Author: جلالدونا
Date: 10-21-2017, 07:30 AM
Parent: #8
عشان كده قلنا الكلام يكون بى مهنية
التخصص مطلوب هنا
ذرتين الهيدروجين مع معامل الحرارة
و يجى الاكسجين
النتيجة المعملية تعرق بس
و الشغل الاستخباراتى يكون تمام التمام
اكشن فى اتّم الهدوء
شفتو انتو طاشين كيف
مع شد السراير و عمرة الجربكس
|
Post: #10
Title: Re: دة كركتير غلط يا عمر
Author: عبدالحفيظ ابوسن
Date: 10-21-2017, 07:39 AM
Parent: #9
صدقت يا جلال
خلق ربكة توضيحية واصاب القضية في مقتل
يعني هسة الرسم التوضيحي مع القصة ما لافق وممكن اي زول يطعن في مصداقية الحكاية
دايرين عمر يكون دقي ودقي جدا في التفاصيل
ممكن الامي زاتو يعاين للصورة بس ويفهم الحاصل
يا زول الجربوكسي دة فيهو ترس كدة اسمو شين خلاس . ترس صغير كدة
اها
اطالب عمر بتعديل الكركتير عشان يتماشي مع الحكوة
شايفو الليامات دي شغال جزار بس
|
Post: #11
Title: Re: دة كركتير غلط يا عمر
Author: عمر التاج
Date: 10-21-2017, 07:46 AM
Parent: #9
الفن مافيهو وراء وقدام، وافضل مفارقاته الطريفة ما اختلطت فيه الزوايا والابعاد
ابلغ كاركتير قابلني في الحتة دي بتاع طبيب بنظر من فتحة فم المريض وبشخص الحالة التهابات في البواسير..
ريشة الفنان عمر تنافس افضل رسامي العالم من حيث جودة الخطوط ودقة التشخيص، والفكرة بالنسبة له ايضا عميقة
ولكن في بعض الرمزيات يمكن ان تضاف للرسمة تغني عن كون تصنيفها فاضحة، اقول هذا وانا اكثر الناس بان الفن لا دين له
ولكن تحكمه الاخلاق.
لك شكري اخي ابوسن وضيوفك وكل الشعب السوداني
مع تحياتي .. عمر من كندا
|
Post: #12
Title: Re: دة كركتير غلط يا عمر
Author: محمد البشرى الخضر
Date: 10-21-2017, 07:50 AM
Parent: #8
يا ود اب سن كل الانتقادات الموجه لتفاصيل الكاريكاتير تاتي في المرتبة الثانية
المصيبة موضوع الكاريكاتير وفكرته قائمة على كذبة واتساب ساي
الخبر الاصلي في الجريدة لم يرد فيه حتة المهم الاستخباراتية وإنّما هي من بنات افكار احد مناضلي الواتساب
دكتور عبدالله الذي كتب بوست بالموضوع اشار للمسالة دي في المداخلة الثانية, لكنه ترك العنوان و المداخلة الاولى على حالها كان الاجدى ان يعدّل العنوان حتى لا يسهم في التضليل
اللهم إلّا لو كانت الفائدة المرجوة من انتشار الخبر الكاذب أكبر من قيمة الحقيقة نفسها دا موضوع تاني
|
Post: #13
Title: Re: دة كركتير غلط يا عمر
Author: جلالدونا
Date: 10-21-2017, 08:00 AM
Parent: #12
يا ود البشرى حليك دقيق ياخى
النقد هنا مبنى على اتجاهات الرسم
ما عندنا شغلة بالتفاصيل المؤسسة للرسم
يهمنى ارتكاز الدبلوماسى
الارتكاز ده انتا قايلو بجى بالساهل
ده عندو علاقة بى شكبزور الركب و بلالى الضراع
التقنية و الابعاد الهندسية ده موضوع البوست
الونسة التانية ديك نسمعا باكر الصباح
ده لو اتكتب لينا عمر
|
Post: #14
Title: Re: دة كركتير غلط يا عمر
Author: عبدالحفيظ ابوسن
Date: 10-21-2017, 08:19 AM
Parent: #13
خليك عميق يا عمر التاج ياخ
كديس ضيلا في ابيض
اتصلح معانا .. اها شفت هسة العلم اثبت الكلام دلالة علي عبقرية الكركتير القلتو .المنظار يختو في الخشم يمرق في ام طرقا عراض .. كل منبع عندو مصب خليك فنان ووسع زاوية شوفك
مافي ورا وقدام كيف داير تجيب ليها واو كمان
ورا يعني خلفي وقدام يعني بي وشك
يقول ليك النظرة الشاملة للتفاصيل الدقيقة
النصيحة ليك يا الله ذكرتني طفاية قاعة الصداقة لامن كانت جديدة
وبعدينك اضاف تفصيلة لم ترد في الاخبار . الموبايل دة حشرو ساي . احتمال داير يثبت بيهو الحقبة للاثار بعدين لو اتغالتو في الزمن . لكنه اصاب مصداقية الحدث .. حتي المكان ظاتو ما ياهو
ولا العسكري راجيهو
ف شنو
عمر شوه الحدث من اجل الفن ودة غلط
آي غلط بفهم قطعي وصارم
داير عمر يجي عشان ابستفو ليكم
ما علي كيفو يشوه واقعية الفن
|
Post: #15
Title: Re: دة كركتير غلط يا عمر
Author: عبدالحفيظ ابوسن
Date: 10-21-2017, 08:27 AM
Parent: #14
يعني يا ودو نصدق ضب قطع كهربة السودان
وجقر هد الكبري
والغلاء من غضب السما
وال
من ال
وقت تجي علي دي ما نصدق
ماهم هيأو مخنا نصدق ونحن ناس سذج وبسيطين
واقعين فينا حلايف
وبعدينك قرايتك دى لا تمت للفن بصلة
دة فن ياخ
في ذمتك امشي اقرا لوحة الجرنيكا وتعال
شوف يا ودو الفن دة نحن امن جابا
نعاين للوحة كدة ومساقط الضو والظلال نقول ليك الفنان كان متعشي بي فتة فول وشرب ببسي
|
Post: #16
Title: Re: دة كركتير غلط يا عمر
Author: عبدالحفيظ ابوسن
Date: 10-21-2017, 08:34 AM
Parent: #15
كلمو يا جلال ياخ
شوف ارتكاز العربية دي زاتا كيف
هسة لو جابا من التصادم مش كان اوضح للقضية
ساطا لينا ساي
ما عرفنا بلالي الضراع من قماشات الفرامل
اهم حاجة عندنا القماشات دي نشوف صامولة الاكس مرات بتمرق وتخرت العمود واللستك يطير برة الشارع
الشارع ما مضمون
|
Post: #17
Title: Re: دة كركتير غلط يا عمر
Author: محمد البشرى الخضر
Date: 10-21-2017, 08:34 AM
Parent: #15
يا عمّنا ناس الضب و الحاجات دي اصحابها كيزان كذّابين بالسليقة ليك حقما تصدّقهم
لكن نفي قصة التحرش الاستخباري دي انا اول ما قريتها كان من الدكتور الجمهوري صاحب رسول الرسالة الثانيةهيم سيلف عبدالله عثمان
فا شنو ..كلّك نظر وكدا ههه
يا جلّي ما قلنا شي انقد العمل الفني بتفاصيله التقنية زي ما عايز انا لم انكر عليك ذلك - مع انه نقدك طيط ساي ولا جا جمب النقد الفنّي ولا بي شارعه حتى - انا لم انكره عليك لكن نبّهتك للاولويات
حتى لا تضيع زمنك في تقد مشروع او عمل قائم على شتلة, لكن بي راحتك ان بقيت عايز تضيع زمنك ضيعو, اصلو قاعد تعمل بيه شنو مفيد ما ياها الطلاشة الحايمبها دي ولاّ شيتا تاني 
ههههه
ابو اللخ زاتو .. لامن اتكيّفت والله
|
Post: #18
Title: Re: دة كركتير غلط يا عمر
Author: عبدالحفيظ ابوسن
Date: 10-21-2017, 09:32 AM
Parent: #17
بجيك ياودو
|
Post: #19
Title: Re: دة كركتير غلط يا عمر
Author: حمد عبد الغفار عمر
Date: 10-21-2017, 10:08 AM
Parent: #18
يا ابسن عمر دفع الله قاصد سيارة قوقل ذاتية الدفع
|
Post: #20
Title: Re: دة كركتير غلط يا عمر
Author: عبدالحفيظ ابوسن
Date: 10-21-2017, 11:16 AM
Parent: #19
هههه ودي كيف يا حمد ياخ
نحن الدفع الامامي والخلفي بنجضنا
الذاتي دة كيف ؟ بدون جربوكس ودركسون ولا كيف كمان
بقوم دفرة ولا بالنظر ساي
|
Post: #21
Title: Re: دة كركتير غلط يا عمر
Author: عبدالحفيظ ابوسن
Date: 10-21-2017, 11:19 AM
Parent: #20
قال ليهو يا ودو
الثعلب دة مكار بكون بعملها
ياخ شفنا الما بنشاف منهم حكاية الصاجة دي اخف حاجة
|
Post: #22
Title: Re: دة كركتير غلط يا عمر
Author: جلالدونا
Date: 10-21-2017, 06:10 PM
Parent: #21
اها يا ود البشرى اتّلحت فى رقبتى لامن ود اب سن زاغ بالعربية
ود اب سن غيار الزيت بجيبك لينا
|
Post: #23
Title: Re: دة كركتير غلط يا عمر
Author: عبدالحفيظ ابوسن
Date: 10-22-2017, 05:23 AM
Parent: #22
يا جلال قال ليك ذاتي
منو وفيهو
|
|