Post: #8 Title: Re: انبهلت ..القطار السريع ..بورتسودان تشاد ..ا� Author: عمر التاج Date: 10-17-2017, 09:25 PM Parent: #3
سلامات ود الباوقة النقل بالقطار يعتبر أقل تكلفة بكثير من وسائل النقل البري الأخرى ونتمنى أن يعم خيرها على الوطن بعد فك الحظر. السؤال: لصالح من يتم التركيز على حركة الشاحنات المكلفة ، خلال الأعوام الأخيرة على الرغم من وجود الحد الأدنى من قطارات الشحن بين بورتسودان والخرطوم مثلا؟ الامر يحتاج لدراسة وشكرا.
Post: #14 Title: Re: انبهلت ..القطار السريع ..بورتسودان تشاد ..ا� Author: ود الباوقة Date: 10-18-2017, 06:55 AM Parent: #13
وعقبال القطار المتجه لدول القرن الافريقي
بإذن الله
Post: #15 Title: Re: انبهلت ..القطار السريع ..بورتسودان تشاد ..ا� Author: MOHAMMED ELSHEIKH Date: 10-18-2017, 08:18 AM Parent: #14
ياسلام ياخي! الواحد لمان يصل بوركينا( فاسو) لازم يسطح لانو الناس ديل ما مضمونين وكدى.
Post: #16 Title: Re: انبهلت ..القطار السريع ..بورتسودان تشاد ..ا� Author: adil amin Date: 10-18-2017, 08:46 AM Parent: #15
الوعي الحاكم في السودان والعقليات الفاسدة والمريضة في السودان دي يعد27 سنة لن تنتج تنمية ولا رفاهية.. يا ود الباوقة يرجعو لينا الاقليم والديمقراطية اول حاجة كان قعدو بي صناديق الاقتراع ..خليهم يوصلو الباوقة بي الحشرو العباس في الجزيرة اول شي
Post: #17 Title: Re: انبهلت ..القطار السريع ..بورتسودان تشاد ..ا� Author: عبدالحفيظ ابوسن Date: 10-18-2017, 09:00 AM Parent: #16
Post: #24 Title: Re: انبهلت ..القطار السريع ..بورتسودان تشاد ..ا� Author: Basamat Alsheikh Date: 10-21-2017, 00:52 AM Parent: #23
والله خبر سمح با بق بق ... لكن كان من الافضل يبتدوا بقطار سريع يمر من الخرطوم الى مدني الى سنار الى القضارف الى ام المدائن (عطبرة) الى بورتسودان، ومن هناك عبر النفق تحت البحر الاحمر الى جدة بالمملكة العربية السعودية والى مكة والى المدينة والى بغداد، والى دمشق والى عمان بالاردن... ..بس ما تقول النفق تحت البحر الاحمر مستحيل، ولا مستحيل تحت الشمس، لان الامريكان والاوربيين فكروا في حفر نفق من لندن تحت المحيط الاطلسي وحتى نيويورك، يمر عبره قطار سريع وخط اخر للسيارات، وفي الطريق وتحت المحيط محطات خدمات لركاب السيارات ،،،وقد بدا التنفيذ،،، يعني ممكن تتحرك من الخرطوم وتصل نيويورك بدون ما تركب طيارة، اذا تم انشاء الخط الحديدي من الخرطوم وحتى الاردن ومرورا عبر السعودية والعراق وسوريا والاردن، ومن هناك الى تركيا ومن تركيا الى لندن بالخط الحديدي ومن هناك الى امريكا بالسكة حديد او السيارات،،، والخط الحديدي لجدة ومكة والمدينة مهم لتسهيل السفر للحجاج،،،
Post: #39 Title: Re: انبهلت ..القطار السريع ..بورتسودان تشاد ..ا� Author: الحاج حمد الحاج Date: 09-11-2018, 07:28 AM Parent: #38
القطر الشالك انت يتكسر حتة حتة.
Post: #40 Title: Re: انبهلت ..القطار السريع ..بورتسودان تشاد ..ا� Author: Khalid Abbas Date: 09-11-2018, 07:52 AM Parent: #39
Quote: القطر الشالك انت يتكسر حتة حتة.
ههههههههههههههههههههههههههههههه اضرب عايز اتوب زولك ده وناس ونسة بذكرني زمان بعد التخرج كان عندنا شقة عزابة تقعد معاهم تسمع جنس ارقام ومشاريع لمن تحس نفسك حسابك فى البنك مليون دولار مواعيد الاكل يلقطوا حق الفتة بالتلتلة شي حديد وشي حنك لبتاع الدكان الله يطراهم بالخير كسروا لى روتين ايام العطالة
Post: #41 Title: Re: انبهلت ..القطار السريع ..بورتسودان تشاد ..ا� Author: الحاج حمد الحاج Date: 09-11-2018, 12:39 PM Parent: #40
Quote: زمان بعد التخرج كان عندنا شقة عزابة تقعد معاهم تسمع جنس ارقام ومشاريع لمن تحس نفسك حسابك فى البنك مليون دولار مواعيد الاكل يلقطوا حق الفتة بالتلتلة شي حديد وشي حنك لبتاع الدكان
Quote: شقة عزابة تقعد معاهم تسمع جنس ارقام ومشاريع لمن تحس نفسك حسابك فى البنك مليون دولار مواعيد الاكل يلقطوا حق الفتة بالتلتلة شي حديد وشي حنك لبتاع الدكان الله يطراهم بالخير كسروا لى روتين ايام العطالة
ههههههههههههههههههه
Quote: جنوب افريقيا
دي بالذات خليكم بعيدين منها لا قطر لا طيارة
Post: #45 Title: Re: انبهلت ..القطار السريع ..بورتسودان تشاد ..ا� Author: Mohamed Adam Date: 09-11-2018, 02:22 PM Parent: #43
لو كلامك دا ماطلع غش وتخدير للشعب، يبقي فوق لحصة الولايات، لابد من ان تدفعوا نسبة مقدرة للهامش لزوم رسوم عبور وتأمين للبزنس بتاعكم من ناس بوكو حرام والقراصنة الصومالين، تاني مافي زول بيموت سمبله ساي وكذلك شعارات فضفاضة زي الوطن وطنا وبطيخ، ما ح تاكل عيش معانا علي قول المثل: الدين ممنوع والزعل مرفوع!!
Post: #46 Title: Re: انبهلت ..القطار السريع ..بورتسودان تشاد ..ا� Author: محمد الامين محمد Date: 09-11-2018, 03:14 PM Parent: #45
هناك ثلاث مشاريع نقل عملاقة تمر عبر أراضينا بالإضافة لمشروع تقني عملاق
1- النقل البري
أ- الربط الحديدي بين السودان ومصر وإثيوبيا (في طور التخطيط) لكن يجب تعديل مسار القطارات في السودان من المسار الضيق إلى المسار المعياري 1,435 mm (4 ft 8 1⁄2 in) 1,067 mm (3 ft 6 in)
ب- الربط الحديدي بين البحر الأحمر والمحيط الأطلسي وهنا أيضاً لا بد من توحيد المسار إلى المسار المعياري
ج- الربط البري بين السودان ومصر وإثيوبيا وإريتريا وتشاد وجنوب السودان وإفريقيا الوسطى تقريباً 50% نسبة الإنجاز.
2- الربط النهري بين الكاب والإسكندرية
3- الربط الكهربائي بين السودان أثيبيا ومصر
4- الربط الشبكي بالألياف الزجاجية من الكاب وحتى الأسكندرية وهذا تقريباً اكتمل ولم يتبقى منه غير مد الشبكة من الأراضي السودانية للمصرية وتجرى الآن المفاوضات مع الجانب المصري لأكماله
هذه المشاريع الحاضرة والمستقبلية توضح بجلاء مكانة السودان الإستراتجية للتجارة البينية في القارة الإفريقية وأهمية ذلك الموقع للقوى الإقتصادية الكبرى مثل الصين وروسيا وأورواب والهند وأمريكا.
وإذا ما أضفنا لذلك مطار الخرطوم الجديد نكون قد أكملنا خارطة النقل برا وبحراً ونهراً وحديدياً وكهربياً ومعلوماتياً.