*ضياء الدين بلال* -1- اطلعت مثل كثيرين على رواية فاجعة عن رجل أعمال متهم بممارسات جنسية شاذة متعلقة بهتك عذرية فتيات صغيرات في العمر. ما لفت نظري ورود اسم الوزير أحمد سعد عمر كضامن للشخص وفي بعض الروايات كمتدخل لإطلاق سراح المتهم تمهيداً لهروبه. بحاستي وخبرتي الصحفية اشتبهت في الرواية وأجريت اتصالات واسعة للتأكد من صحتها. -2- وجدت هنالك قضية متعلقة بممارسة الدعارة ولكنها ليست بالتفاصيل التي وردت في الرواية الإسفيرية.
الوزير أحمد سعد عمر نفى أن تكون له علاقة من قريب أو بعيد بالقضية من حيث الضمانة أو الاتصال وشرع في تحريك إجراءات قانونية وفق قانون المعلوماتية ضد المواقع التي تداولت القصة ناسبة إليه التدخل. الناشطون في بث الشائعات بإمكانهم فبركة أي قصة أو إضافة معلومات و(توم وشمار) لقصة موجودة. هنالك من يفعل ذلك على سبيل شهوة الإثارة الشريرة وبعض آخر يأتي بتلك الفعلة الشنيعة بغرض الكيد وإلحاق الأذى بسمعة عدو أو منافس. - 3- ارسل رسالة تحوي ما هو مثير؛ شتائم لشخص أو سيرة مزيفة أو شائعات محكمة الصياغة.
ارسلها إلى شخص خارج الحدود أو داخلها، أو ضعها خلسة على قروب واتساب واكتب عليها (منقول)، ستسري سريعاً على الشبكة العنكبوتية لتصل إليك!
الواتساب أصبح دائرة مغلقة بإحكام. نقطة النهاية هي ذاتها نقطة البداية ، المرسل هو ذاته المستقبل. -4- المعلومات المغلوطة، أو الشَّائعات المُخْتلقَة أو المُحوَّرة، تكتسب قوةً وصلابة مع مرور الزَّمن، وكثرة التكرار واعتيادية التَّرديد، حتى تصبح أقوى من الحقائق، بل قادرة على هزيمة الحقائق في لحظات المواجهة. المعلومات النَّاقصة وغير المُتماسكة، والتي بها ثغرات، تُمثِّل خطورة أكبر من الشائعات؛ بل إنها من الممكن أن تُعطي الشَّائعات قوةً، وتزيد من رَواجِها، ولا يُجدي بعد ذلك تصويبٌ أو توضيح أو حكم محكمة. -5- شعرت بحرج لاعتبارات عديدة في تناول قصة الدبلوماسي الشاب الذي أدين إعلامياً واجتماعياً بالتحرش. أعرف هذا الشاب وأسرته بحكم انتمائنا لمدينة واحدة، قلت إن شهادتي ستكون مشتبه فيها ومجروحة بحكم علاقة المنطقة.
ولكن بعد اطلاعي على الإساءات البالغة والأذى الجائر الذي لحق بأسرته وجدت في الصمت عاراً وجبناً لا يليق بي وكتماناً للشهادة. -6- الشاب ينتمي إلى أسرة كريمة معروفة بالشرف وحسن الخلق ونظافة السيرة والمسيرة الاجتماعية. شقيقه الأكبر إمام مسجدنا وفي دروسه تعلمنا التجويد وقراءة القرآن. والدبلوماسي الشاب طوال معرفتنا به منذ الصغر لم نسمع منه أو عنه إلا كل خير، تميز ونباهة وحسن خلق. -7- نعم كل ذلك لا يؤهلني لتبرئته أو الدفاع عنه من منطلق الحمية المناطقية. كلمة الحق التي يجب أن تقال: من الظلم والجور والعدوان أن يحكم عليه بالإعدام اجتماعياً وأخلاقياً قبل اكتمال التحقيق أو صدور حكم قضائي يؤكد الوقائع ويثبت التهمة. مع احتمال صحة الواقعة بالتفاصيل التي جاءت في الصحيفة الأمريكية يجب عدم إسقاط احتمال الكيد والمؤامرة والافتراء. -8- جلست إلى الدبلوماسي الشاب واستمعت إلى روايته وقلت له طالما إنك تملك كل هذه الثقة في براءتك من تهمة التحرش، ليس أمامك سوى أن تدلي بإفادتك للرأي العام وأن تمثل أمام القضاء الأمريكي ولو بعد حين، لتثبت براءتك للتاريخ أمام الجميع . -أخيراً- للأسف مجتمعنا أصبح له نزوع خطير لتداول الفضائح المالية والجنسية بتلذذ وتصديق يقيني، دون تحقق أو إثبات، يكفي أن تتهم فقط حتى تصبح مداناً ومحكوماً عليك بالإعدام المعنوي والاجتماعي. لا أحد يَضعَ نفسه أو يُوضَع قريبٌ له في هذا الوضع حتى يشعر بمرارة الظلم وقسوة الافتراء.
Post: #2 Title: Re: ضياء الدين يحشر في خشم دينق صخرة عاتية من � Author: عبد اللطيف السيدح Date: 10-16-2017, 01:19 PM Parent: #1
طبعا دينق أول من نشر و هللل وكبر لخبر الدبلوماسي في هذا المنبر
Post: #3 Title: Re: ضياء الدين يحشر في خشم دينق صخرة عاتية من � Author: عليش الريدة Date: 10-16-2017, 01:25 PM Parent: #2
Quote: طبعا دينق أول من نشر و هللل وكبر
أللويا.. لما تغيب من المنبر وتجي راجع،اليوم الأول قضيهو مذاكرة،بعدّاك كان عندك بوست شوتو.. موضوعك دا شربان.. أللويا..
Post: #4 Title: Re: ضياء الدين يحشر في خشم دينق صخرة عاتية من � Author: بشير حسـن بشـير Date: 10-16-2017, 01:35 PM Parent: #3
السيدح سلام
عليك الله أسأل ضياء ده وقوليه لمن قابلت البلوماسي المتوضيء ده وإمام الجاليات العربيه في الأمم المتحده
والمعروف عنه التقي والصلاح وعن أسرته كذلك
ليه ما سألته الوداك البار شنو في نص الليالي ؟؟؟ والوداك ترقص مع الحروم سلولي شنو ؟؟؟
عليك الله وما طالبني حليفه أكان ما سألته
Post: #5 Title: Re: ضياء الدين يحشر في خشم دينق صخرة عاتية من � Author: ABDALLAH ABDALLAH Date: 10-16-2017, 01:51 PM Parent: #4
يا السيدح الستره والفضيحه متباريات صديقنا العزيز لم يختلق شئ من عنده بل نقل ما تناوله الإعلام العالمى الأمريكى للفعل المشين لهذا الدبلماسى والذى أشان لسمعة السودان والسودانيين فى بلاد المهاجر بتصرفه الأرعن هذا ,
Post: #6 Title: Re: ضياء الدين يحشر في خشم دينق صخرة عاتية من � Author: عليش الريدة Date: 10-16-2017, 02:02 PM Parent: #5
ياعبدالله (صديقنا العزيز) دي مااظن في ليها داعي،خلاص عرفناها.. فاشنو قول دينق فقط.. نحن ماح نغالتك في الصداقة العزيزة دي...
Post: #8 Title: Re: ضياء الدين يحشر في خشم دينق صخرة عاتية من � Author: Deng Date: 10-16-2017, 02:12 PM Parent: #6
Quote: جلست إلى الدبلوماسي الشاب واستمعت إلى روايته وقلت له طالما إنك تملك كل هذه الثقة في براءتك من تهمة التحرش، ليس أمامك سوى أن تدلي بإفادتك للرأي العام وأن تمثل أمام القضاء الأمريكي ولو بعد حين، لتثبت براءتك للتاريخ أمام الجميع .
السيدح.
بطل أستهبال الكيزان البتعمل فيهو ده!!
هذا الكوز الغير دبلوماسي، هرب من مسرح الجريمة ومن أمام رجال الشرطة، إذا كان فعلا يعتقد بأنه برئ لما تجراء وأطلق لساقيه الريح. بعدين لم يزكر لنا ضياء الدين بلال عن سر وجود هذا الكوز في بار ليلي راقص، ولا كان طالع دعوة؟؟
السيدح أخير لك تختشي، بدل البهدلة دي.
Post: #7 Title: Re: ضياء الدين يحشر في خشم دينق صخرة عاتية من � Author: muntasir Date: 10-16-2017, 02:11 PM Parent: #5
فعلاً الزول التقي النقي ده كان ماشي في أمانة الله يصلي الصبح مسألة الساعة 2 صباحاً دي هو الإمام وبمشي يصلي ٢٨٧ ركعة قبل الفجر جات الشقرا بت ام زقدة دي مترترا فيه بإليتيهاكأجنحة الحمام قام حاول يدفرهاقامت لفت ضربتوا بي نهدين( كصبايا فارس مظفر النواب حين يغتسلن بماء الصبح) في إيدو قام اللوبي اليهودي لفق ليه مسألة التحرش دي،أما بالنسبة لي موضوع البار ده أمشي أتغدى وأمخمخ بي حجر وبلقى ليها مخرج بلال ذاتو ما فكر فيه
Post: #9 Title: Re: ضياء الدين يحشر في خشم دينق صخرة عاتية من � Author: أحمد الشايقي Date: 10-16-2017, 03:21 PM Parent: #7
حبيبنا السيدح ذكرني طرفــة لأحد أصدقائنا المحامين وكان مشهورا بالاستعجال و(لفح) القضايا
مرة جاء الصباح لقى متهم حالته صعبة سأله فقال له أنا متهم في سرقة حمار
حمار بس : دي بسيطة شديد تعال معاي المحكمة .. وطوالي دخل المحكمة وطلب محضر القضية وبدأ
مرافعات .. يا مولانا إن موكلي لم يسرق الحمار وإنما كان يحمل ربطة برسيم في طريق العودة فتبعه
الحمار المسكين الجائع وعطف عليه فأراد أن يكرمــه ... هنا قاطعــه القاضي: يا أستاذ دقيقة الموضوع
ما كدا .. الحمار محل الإتهام دا حمــار (هـــدوم) ....
دحين ... الموضوع دا فيهو أمور كتيرة وبلاغ في أمريكا وطلب رفع حماية وكاميرات تسجيل والشي دا
حصل في (بــــار) يا عزيزنا ... في (بــار)
أحمد الشايقي
Post: #10 Title: Re: ضياء الدين يحشر في خشم دينق صخرة عاتية من � Author: Nasr Date: 10-16-2017, 04:54 PM Parent: #9
قال ضياء
Quote: جلست إلى الدبلوماسي الشاب واستمعت إلى روايته وقلت له طالما إنك تملك كل هذه الثقة في براءتك من تهمة التحرش، ليس أمامك سوى أن تدلي بإفادتك للرأي العام وأن تمثل أمام القضاء الأمريكي ولو بعد حين، لتثبت براءتك للتاريخ أمام الجميع .
أنا ما عارف الناس ديل إتعلموا صحافة وين طيب وكت إستمعت لروايته وفيها ما تظن ببراءته ما توردها هنا عشان الناس (في محكمة الرأي العام) تشوف وتقارن ؟؟؟؟ ربما إقتنع البعض بروايته
يا السيدح لعلك ظننت إنك جئت بصك براءة الدبلوماسي موضوع القضية أقول ليك كلام غطست حجره زيادة
Post: #23 Title: Re: ضياء الدين يحشر في خشم دينق صخرة عاتية من � Author: الطيب عباس Date: 10-17-2017, 06:57 AM Parent: #7
يا مونتي ههههه وكان في عقد جاري علي النهدين ظمانا ههههه زي ما قال في الفردوس المفقود هههههه الله يقطع ابليسو وبت ابليسو هههه
Quote: فعلاً الزول التقي النقي ده كان ماشي في أمانة الله يصلي الصبح مسألة الساعة 2 صباحاً دي هو الإمام وبمشي يصلي ٢٨٧ ركعة قبل الفجر جات الشقرا بت ام زقدة دي مترترا فيه بإليتيهاكأجنحة الحمام قام حاول يدفرهاقامت لفت ضربتوا بي نهدين
Post: #11 Title: Re: ضياء الدين يحشر في خشم دينق صخرة عاتية من � Author: بشير حسـن بشـير Date: 10-16-2017, 05:31 PM Parent: #1
السيدح أحسن تسحب البوست رأفةً بهذا الدبلوماسي
الموضوع وسخان لأبعد الحدود حمامك ده زي التيمم والمويه راقده هبطرش
زي ما قاليك عليش الريده لما تغيب وتجيء
ذ اكر كويس وقلب الصفحات عشان تفهم
وما تجيء قايم سداري
Post: #12 Title: Re: ضياء الدين يحشر في خشم دينق صخرة عاتية من � Author: Imad Khalifa Date: 10-16-2017, 06:16 PM Parent: #11
قوة عين مبالغ فيها
Post: #13 Title: Re: ضياء الدين يحشر في خشم دينق صخرة عاتية من � Author: حيدر حسن ميرغني Date: 10-16-2017, 06:55 PM Parent: #12
السيدح لازم تتذكر ان المنبر يجلب الاخبار لحظة حدوثها ناسك ديل نايمين يظررررطو الليل كله ويجو يدبجوا مقالاتهم فوق ملاح بايت تاني لاتتسرع .. الخبر بقى رمشة عين .. اطلع على الصفحة الاولى كلها واكشح عيشك ضياء عمره كله شغال تبرير لاي حاجة غلط لانه هو زاتو غلط يكون صحفي
Post: #14 Title: Re: ضياء الدين يحشر في خشم دينق صخرة عاتية من � Author: Ali Alkanzi Date: 10-16-2017, 08:24 PM Parent: #13
عارف الركابي المسبح دائماً للأخرين تملقاً لا أحد ينكر على الشرطة جمعاء بذل جهودها لامن المجتمع ولا مزايدة في ذلك وما قاموا به هو واجبهم ليس اكثر ولكني أعيب عليهم أنهم فضحوا ضحية واحدة من عدة ضاحيا مع هذا الرجل أو غيره وهي البنت التي غر بها ومن ما ينشر علمنا أنها ظهرت في المحاكم؟ لماذا هي بالذات وقد نجا غيرها من هذه الفضيحة الاسلام يأمر بالستر اكرر يأمر بالستر ومن كان منكم بلا خطئية فليرمها بحجر وما هان شرف النساء إلا للفقر والعوذ والحاجة التي المت بهم فكان عليك أيها الداعي لكلمة الحق أن تنصح أولاة الامر برفع الظلم والغبن والعوذ والحاجة من الناس خاصة النساء والشباب منهم على وجه الخصوص وإن نسيت فإني مذكرك وغيرك بحديث نبي الرحمة في قوله: " من ستر مؤمناً ستره الله في الدنيا والأخرة" ومتى يكون الستر إن لم يكن في مثل هذه الامور؟ وإن كان ولا بد من تقديم من اغترفت يداه للمحاكمة فعلى الدولة إنشاء محاكم سرية لمعالجة مثل هذه الامور
Post: #15 Title: Re: ضياء الدين يحشر في خشم دينق صخرة عاتية من � Author: Deng Date: 10-16-2017, 09:33 PM Parent: #14
أين هرب السيدح بتاع اللباسات والانكسة؟؟
Post: #16 Title: Re: ضياء الدين يحشر في خشم دينق صخرة عاتية من � Author: عليش الريدة Date: 10-16-2017, 09:39 PM Parent: #15
دا شنو يادينق؟ البوست دا مافيهو أي ذكر للباسات وانكسة.. كدي اقتبس لينا الكلام دا..
Post: #17 Title: Re: ضياء الدين يحشر في خشم دينق صخرة عاتية من � Author: Abdo Mustafa Date: 10-16-2017, 10:19 PM Parent: #16
يجتهد إعلامي الكيزان لنجر سيناريو يبرئ الدبلوماسي ال BAR ..كأن هناك قضية .القضية انتهت عندما اخرج الحصانة الدبلوماسية
اذكاهم الطاهر حسن التوم.... أورد مقال ضياء الدين البلال في صفحته في الفيس دون أن يكتب أي تعليق
فقط TO TEST THE WATER
فاتردمو الإتنين
Post: #18 Title: Re: ضياء الدين يحشر في خشم دينق صخرة عاتية من � Author: جمال ود القوز Date: 10-16-2017, 10:31 PM Parent: #16
Quote: دا شنو يادينق؟ البوست دا مافيهو أي ذكر للباسات وانكسة.. كدي اقتبس لينا الكلام دا..
الكلام ده قديم يا عليش .. التسويها هنا بترقد ليك لي جنا الجنا .. ده اجترار من السحّارة ..
Post: #19 Title: Re: ضياء الدين يحشر في خشم دينق صخرة عاتية من � Author: سامي عطا المنان Date: 10-17-2017, 01:21 AM Parent: #18
الهندي عزالدين يقول : ضياء والدين منه براء ، قال شهادتي مجروحة لأننا ننتمي الي مدينة واحدة ،،،، ده التدليس بعينه، بإعطاء مبرر أخلاقي , لجعل القارئ الدقوسة يصدق أن ما تورده من معلومات صحيح ، ههههههه شهادتك ياااخ مجروحة لأنكم تنمون لتنظيم واحد يعتبر تزور الحقائق دفاعا عن الأسلام في وجه الأعداء مطلوب بل حلال : الدين مستهدف ف شنو عوسو عوسكم مافي زول سائلكم :
كسرة .......................................................... جراده في سروال ما بيعضي لكن قعادو ما حلو
Post: #20 Title: Re: ضياء الدين يحشر في خشم دينق صخرة عاتية من � Author: عليش الريدة Date: 10-17-2017, 04:29 AM Parent: #18
غايتو ياقريبك،سحارة دينق دي فيها بلاوي..الله لا دخلنا فيها.. حوالينا ولا علينا.. لكن السيدح ببالغ برضو،ماممكن يعزم الناس ويزوغ يخليهم.. هسّ نحن زول ساكت في البوست دا يدينا (كوز) موية مالاقنو... نورجغ ساكت،وهو يتاوق لينا من خرم الباب... الأرشفة دي في ناس كتار راجنها،يابكري ماتسرع تخفف لي نار وجدي هههه
Post: #21 Title: Re: ضياء الدين يحشر في خشم دينق صخرة عاتية من � Author: محمد أبوالعزائم أبوالريش Date: 10-17-2017, 06:09 AM Parent: #20
Quote: دا شنو يادينق؟ البوست دا مافيهو أي ذكر للباسات وانكسة.. كدي اقتبس لينا الكلام دا..
ياخ إسمو سيدح لباسات. ____
يا السيدح إنت وضياء الدين عايزين تقولوا شنو؟ زولكم ما كابس بت الناس؟ والا ما كان بيشرب في حلو مر؟ والا ما شرد لما جابو ليهو البوليس؟ واللا هو ما دبلوماسي؟
ورونا عايزين تقولوا شنو بالضبط.
Post: #22 Title: Re: ضياء الدين يحشر في خشم دينق صخرة عاتية من � Author: الزبير بشير Date: 10-17-2017, 06:49 AM Parent: #1
الكيزان مله واحده
ضياء الكوز قال اخوه امام المسجد ، طيب المتهم منو
اختشوا
و الله يوم القيامه ما تعرفوا تقبلوا وين
Post: #24 Title: Re: ضياء الدين يحشر في خشم دينق صخرة عاتية من � Author: محمد أبوالعزائم أبوالريش Date: 10-17-2017, 07:41 AM Parent: #22
الدبلوامسي الرسالي "التقي" ده كان بيعمل شنو في البار؟؟
قلنا ليك ستين مرة
خرج آمرا بمعروف وناهيا عن منكر
Post: #53 Title: Re: دينق يحشر في ... السيدح صخرة عاتية Author: Deng Date: 10-19-2017, 10:25 AM Parent: #52
Quote: قلنا ليك ستين مرة
خرج آمرا بمعروف وناهيا عن منكر
السيدح.
ماشالله على هذا الدبلوماسي الرسالي، عبر النيل والاطلنطي ومرقها في أمريكا لكي يآمر بالمعروف وينهي عن المنكر! ده معناها، دولة الشريعة في بلد السودان قد قامت، وعدل عمر بين الناس ونام في ظل شجرة بكافوري قرير العين. القصة دي كده ولا كيف يا جماعة؟
Post: #54 Title: Re: دينق يحشر في ... السيدح صخرة عاتية Author: Deng Date: 10-19-2017, 10:31 AM Parent: #53
السيدح قول الروووب؟
Post: #55 Title: Re: دينق يحشر في ... السيدح صخرة عاتية Author: عليش الريدة Date: 10-19-2017, 10:43 AM Parent: #54
إنت يادينق البوست دا رفعتو كيف من الإرشيف،عندك محاصصة وللا شنو؟
Post: #56 Title: Re: دينق يحشر في ... السيدح صخرة عاتية Author: عبد اللطيف السيدح Date: 10-19-2017, 10:49 AM Parent: #55
البوست نحنا اللي طالبنا برفعو
عشان نخلف ليكم الكية فوق الكية
Post: #57 Title: Re: دينق يحشر في ... السيدح صخرة عاتية Author: عليش الريدة Date: 10-19-2017, 10:51 AM Parent: #56
يا السيدح ماتبالغ كمان لا ضياء البلال يمتلك الأدوات الي لجم دينق ، ولا موقف الديبلوماسي يستحق التعاطف وطرقعة الاصابع بالكيبورد دفاعا عنه دي سلوك ممتد وطويل من الفشل في إدارة الدولة أدي الي فشل في انتاج صحفيين محققين وباحثين عن الحقيقة الا من رحم ربي وفشل في دروب الحياة والمجتمع ( الثقافة هي سياسة المجتمع والسياسة هي ثقافة الدولة ) فهمت علي يا سيدح
Quote: انو كان مكلف بعمل علاقة مع الفتاة لجلب معلومات استخباراتية شغل يعني
ههههههههاي .. عليكم الله شوفوا التبرير الفطير ده !! .. والمعلومات دي البنية خاتاها وين ؟ .. نامن ماش ينكتها منها ! ... ومعلومات استخباراتية شنو العندها عن السودان .. تلقاها ما عارفه السودان ده ذاتو وين ! .. شوفوا بالله كضب الزول العرمان ده ! .. ههههه ... على الأقل كان يجيب ليهو تبرير مبلوع شوية ..
فعلا يا هواري سواتو دي (شغل) .. ده الشغل .. ده الشغل ..
Post: #68 Title: Re: دينق يحشر في ... السيدح صخرة عاتية Author: Deng Date: 10-19-2017, 08:41 PM
Post: #74 Title: Re: دينق يحشر في ... السيدح صخرة عاتية Author: nour tawir Date: 10-25-2017, 00:25 AM Parent: #73
-8- جلست إلى الدبلوماسي الشاب واستمعت إلى روايته وقلت له طالما إنك تملك كل هذه الثقة في براءتك من تهمة التحرش، ليس أمامك سوى أن تدلي بإفادتك للرأي العام وأن تمثل أمام القضاء الأمريكي ولو بعد حين، لتثبت براءتك للتاريخ أمام الجميع . .....
و ماذا عن التسجيل للواقعة فى شريط الفيديو داخل البار ؟ و يا كيزان كتر الباتبت عيب...
Post: #75 Title: Re: دينق يحشر في ... السيدح صخرة عاتية Author: محمد أبوالعزائم أبوالريش Date: 10-25-2017, 05:33 AM Parent: #74
يا نور، الجماعة قالوا الراجل كان في مهمة إستخباراتية.
[/url]
