الاخوة في امريكا نريد عونكم في الحجز في فنادق كليفورنيا - لوس انجلوس

12:09 PM October, 16 2017

سودانيز اون لاين
احمد عمر محمد-رحال - متنقل
مكتبتى
رابط مختصر

الاخوة الاعضاء والمقيمين في امريكا بخصوص التقديم للحصول على تاشيرة للدخول للولايات المتحدة الامريكية من دول الخليج
من ضمن المطلوبات حجز فندقي .
احد الاخوة نصحني الافضل ان يكون الحجز من موقع الفندق المعني مباشرة ولا اعتمد على التطبيقات المتاحة في الانترنت.
الرجاء توجيهاتكم والاخوة الذين يترددون على لوس انجلوس وما حولها ليتهم لو امدونا بفنادق سعرها معقول
و اي توجيهات اخرى ترونها مناسبة بخصوص الحصول على تاشيرة دخول الرجاء توجيهنا حيالها
تحياتي
احمد

Holiday Inn Hotel and Suites Anaheim

Address: 1240 S Walnut St, Anaheim, CA 92802

Phone: (714) 535-0300
بس موسم الحجز مهم ، حسع تقريبا الحجز 89 الليلة ، وربما تطلع وتنزل على حسب موسم السياحة

بالتوفيق

شكرا ترهاقا
سعرهم افضل من العروض اللي مرت علي في باقي الفنادق
لان الجو الان في الغرب افضل والشرق اعتقد البرد بدا ينزل فالخيار هو محاولة اخذ تاشيرة الى كاليفورنيا
فائق شكري

انا ما من مقيمي الولايه
ولكن لدي اقتراح

السفارات الامريكيه عارفه ان الحجز ممكن يكون من عدة مواقع

وقرار الفيزه بيعود للقنصل فقط في رائ

حاول ايضا استخدام

Airbnb

وهنا الامريكان اصحابنا بحبو ديل اكثر من الفنادق
لانك ممكن تاجر شقع كامله بنفس سعر الفندق


لفيت ليك كم خيار علي بعد عشره دقائق من نص البلد في لوس انجلس وفي نص البلد
والغرف هنا اشكال وانواع لدرجه انك ممكن تاجر غرفه في معرف فني في حي الفنانين والرسامين


باسعار اقل من الفنادق

انت نازل وين


احيانا كثيره الخدمه دي ارخص من الفنادق العاديه ومشهور جدا في السياحه الداخليه الامريكيه
وحكايه انك تمشي فندق اصبحت شبه موضه قديمه
ولولا الشركات الكبري والمؤتمرات لا افلست الفنادق في امريكا

وانا شخصيا بستخدم هذه الخدمه لما اسافر برا امريكا




Airbnb

ايجار من مالك خاص وفيه احتكاك مع الناس
وهذه غرفه بي 45 في اليوم وفي ايام اخري ممكن تصل لي 55 ولكن السعر المعلن 45
وهنا بقيه الصور



احتمال تلقي عروض ارخص وافضل من الفنادق
وحسب ميزانيتك

الاخ احمد... سلام
عليك بموقع expedia.com
فهذه شركة محترمة ومعترف بها عالميا.. ويمكن ان تحجز وتدفع لهم وانت مرتاح.. يعطونك افضل الاسعار حسب ميزانيتك ومقامك
حين اسافر للخارج احجز عندهم ويتم استقبالى فى الصين باحترام.. وناس الفندق يعاملوك باحترام زائد حتى لا يخسرون هذه الشركة.. انا وصلت بعد خمسة ايام من الحجز وبرضو ما دفعت اى غرامة
تحياتى ومرحبا بك مقدما.. بس اتوكرت شديد نحن فى الشاطئ الشرقى

اهلا محب
تحية طيبة عزيزي
فعلاً خيار استخدام Airbnb ممتاز وكان نسيتوا وراح من بالي و كنت واقع في الفنادق
الان تذكرت وسيكون الخيار الافضل كما ذكرت.
شاكرا مجهودك
احمد

ابو الريش شكرا لدعمك
بعدين انت ممن تشد الرحال للقاء بهم
اذا الامور مشت كويس ومنحونا التاشيرة الشرقي من الغربي يعبتر قررريب
ما بالك باحدهم قطع المسافة من شرق الكرة الارضية من لغربها ايعييه ان يقطع قارة من من غربها لشرقها
اطمئن ما في توكيرة وبجيك لحد عندك
تحياتي وشكري

الأخ احمد عمر.. أنصحك ب trivago.com
I used it a few times and I have no complaint
it is peace of mind and you get cheaper price for the same room

شوف الرابط ده:
https://www.trivago.ie/؟aDateRange%5Barr%5D=2017-11-01andaDateRange%5Bdep%5D=2017-11-08andaPriceRange%5Bto%5D=0andaPriceRange%5Bfrom%5D=0andiPathId=...seandbIsSitemap=falseand

بعد تحدد الفندق العايزو حتلقى تفاصيلو و ممكن تتصل بالفندق و تحجز معاهم مباشرة
مع الأخذ في الحسبان انو سعر الفندق ممكن يكون نفس، أغلى أو أرخص من سعر ال search engine
عموما حجز من شركات البحث عن الفنادق معتمد لغرض التأشيرة في أغلب الأحيان (اتأكد من السفارة)

برضو لاحظ انو شركة البحث ممكن أحيانا تديك إمتيازات ما يوفرها الفندق (free cancellation)

بالتوفيق
إمام
pS. ما مقيم في LA لكن محترف سفر :-)

احمد عمر
الجانب الغربي من الجانب الشرقي في امريكا ما قريب...
لانه كانك قاطع المسافة من شرق الكرة الارضية الى غربها،،،
وهي ابعد من المسافة من لندن الى نيويورك،،،
في احدى المرات سافرنا من نيويورك الى لوس انجلوس ، وقمنا من
مطار جون كندي الساعة ٧ صباحا ، وعملنا ترانزيت في مدينة اسمها
سان بول ووصلنا لوس انجلوس الساعة ٦ مساء،،،،،
والمهم اذا وصلت الجانب الشرقي فمرحبا في عاصمة العالم مدينة نيويورك،
القربت تلحق ام المدائن على ضفاف الاتبراوي،،

محب:
ادينا معلومات اكتر عن ال airbnb ,,,لاننا لمن نسافر خارج نيويورك وفي اي ولاية
ما بنلقى فنادق اقل من ٩٠ دولار في اليوم، ما عدا مدينة نياجرا فولز لزيارة شلالات
نياجرا الشهيرة وجدنا فنادق بسعر ٤٠ دولار في اليوم وبسموها موتيلات، motel
ودمتم بالف خير وصحة وعافية

غايتو شغال لي 10 سنوات مع

http://http://www.booking.comwww.booking.com

لكن نجرب معاكم الاسماء الجديده

شكرا اخي امام
فعلا لقيت ترايفاكو عندهم عروض حلوة وبشروط ممتازة كالدفع عند الوصول وحجزت عبرهم
برضو AIRbnb عندهم اسعار ممتازة لكن شرطهم الوحيد هو الدفع المقدم
و البعد بيستردوا ليك المبالغ لكن مقابل خصم ربما قيمة ليلة واحدة

محبي الاسفار هم الاكثر خبرة ودراية بمنعرجات الفنادق و التذاكر و الطيران
تقبل تحياتي اخي امام

الفاضلة بسمات بت عطبرة
تحية طيبة
فعلا دي مسافة طويلة من الشرق للغرب وما هي شي الواحد يستهين بيها، اذا كان الواحد حيسافر من الشرق الاوسط
الى امريكا بيخت في حسابه ان تلاتة ايام خارج الجدول باعتبار يوم ماشي ويوم راجع ويوم راحة عند الوصول الى امريكا.

عموما كاليفورنيا ليست المقصد ولكنه تكنيك باعتبار ان الشرق الان بارد وكاليفورنيا جوها مناسب
بالاضافة لكده اذا تحصلت على تاشيرة الدخول فليس ملزم التوجه حيث حجزت الفندق او المكان الذي حددته
في المقابلة وانما مسموح لك الدخول الى اي مكان في الويلات المتحدة

يعني نيويورك ما فايتنها، لو الامور مشت على ما يرام وفعلا فك الحظر اصبح فعال ولقينا فرصة للحصول على تاشيرة دخول

بخصوص الخيار بتاع AIRbnb ممتاز واسعاره معقولة لكن اغلبه استضافة في بيوت مهيئة بشبه خدمة فندقية منزلية لان تعمل كبديل للفنادق وباسعار
معقولة للغاية والان اصبحت لها شعبية كبيرة والكثير من المسافرين يستخدمون هذه الميزة ويستفيدوا من هذه الخدمات
والشيء الوحيد فيها ان تدفع مقدم قيمة الليالي اللي حتقضيها في المكان المعين مع احتمالية خصم قيمة ليلة واحدة عند بعض المعروض في حال القيت الحجز.

شكرا لمشاركتك و اثراء البوست
تحياتي
احمد عمر محمد

الزبير سلامات
جرب Airbnb فيه خيارات كويسة واسعاره معقولة
قلت الحق اسلم عليك قبل الارشفة وارد عليك
بالمرة نرجع الصفحة الاولى وكمان ممكن يجي خبير تاني يدينا من خبراته
تحياتي

احمد عمر
مبروك الفيزا

واقامه سعيده



يسمات

في داخل الموقع استخدمي محرك البحث
وممكن تتفاوضي مع اصحاب الشقق لو عندك طلب خاص ومعظم الناس عايزين الزبون
لان الزبون ممكن يكتب
review
عن الخدمه وممكن تعطي خمسه نجوم او حسب المعامله

وكل مؤجر او كالك بيحاول ما يغضب الزبائن ويقدم خدمه كويسه



ودا الجميل في الموضوع

نحن استحدمنا الخدمه في تركيا في مدينتين
في استانبول وفي جنوب تركيا في ازمير

وكانت تجربه تمام والملاك احترمونا خالص وكونا صداقات


وفي سلطنه عمان
ايضا سكنا في فيلا مملوك بواسطه سيده ايطااليه
ودا مصدر دخلها وهو ايجار الفيلا عن طريق ال
airbnb

ذكيه جدا

والظريفه في الموضوع لا قينا مجموعات ايطاليه كثيره


وانا نزلت هناك زي 3 مرات في زيارات مختلفه

واكتشفت ان السيده كان عندها فندق صغير في مدينه كريمه السودانيه



في ظني
باقل من التسعين دولار ممكن تلقي عروض افضل وانظف من الموتيلات لو بحثتي

انتي بتمشي الجانب الكندي ولا الامريكي

محب
شكرا كتير عن المعلومات حول airbnb..
في الحقيقة اسعار الموتيلات الاشرت ليها هنا في الجانب الامريكي ، وكنا ، ووفقا لنصيحة
زميلة امريكية ، نختار موتيل يكون على بعد مسافة معقولة من الشلالات الشهيرة لان الموتيلات
القريبة جدا منها اسعارها غالية،ولكننا ايضا بنعبر الكوبري للجانب الكندي ومشيا على الاقدام،،،
رياضة يا محب ما فلس( وجه ضاحك)..
ودمت بالف خير وصحة وعافية

أختنا بسمات تحياتي،،

AIRPNP بتوفر للزول يختار الموقع المناسب والسعر
المناسب والـ Quality حقت السكن .. لي فترة طويلة
جداً بقيت ما بشيل هم نهائي طالما الـ App حقهم
في تلفوني :) .. قبل فترة بسيطة نزل بعض الناشطين
في البيت الاتربى فيهوا دونالد ترامب في نيويورك :)

خدمة ممتازة وتقدري تاخدي فكرة كاملة عن الموقع
والمنزل والمالك ونظافة المكان ... الخ
===================

أخونا أحمد عمر، تحياتي

أخدت الفيزا ولا لسة؟؟

ابو حمبد
شايف محب بارك لي فقلت لعله تفاءل منه وعسى ان يكون خيرا
عموما لسه ما اخدتا التاشيرة قاعد اجهزة في الابليكشن و اجهز في الاوراق اللي تزيد قوة الطلب حقي
اذا حصلت على الفيزا واصبح محظوظ الا ان افتح بوستأ جديد بعد الارشفة
الى ذلك الحين دعواتك لنا بالتوفيق
تحياتي

احمد عمر
ما تشيل هم بعد كده..
خلاص رفعوا العقوبات عن السودان وترامب اصبح راضيا عن السودان،،،
ولمن تمشي السفارة الامريكية في الرياض، اذا انت مقيم في السعودية، حتشوف
حسن الاستقبال لمن تقول ليهم انا سوداني،،،،واحتمال يدوك التاشيرة مجانية اكرامية
...واساسا وحتى وقت العقوبات الامريكان بيدو السودانيين المقيمين في السعودية تاشيرة
السياحية بسهولة لانهم بيفتكروا انهم مرتاحين ماديا في السعودية،،،،وطبعا كمان اذا اتكلمت
مع القنصل مباشرة وبدون مترجم يكون احسن،،،
قريب بت السيد مقيم في السعودية واول مرة يجينا زيارة في نيويورك مشى السفارة الامريكية
سالوا القنصل ضمن الاسئلة ليه انت اخترت امريكا للسياحة وهناك دول اوروبية اقرب وفيها
اماكن سياحية عظيمة، فرد ليه انا عاوز ازور نيويورك عاصمة العالم والمدينة الارقى والاجمل في
العالم والسبب الثاني عاوز ازور قريبتي هناك،،، وعلى حسب قوله القنصل الامريكي قال ليه :
you are the man .....لانه شكر ليهم بلدهم....
وان شاء الله تتحصل على التاشيرة الامريكية بسهولة وبسرعة، قبل البرد ما ينزل شديد عشان
يصدقوا انت جاي سياحة،،،،
ودمت بخير وعافية

انت عارف انا ما فهمت المداخله كويس وافتكرتك تحصلت علي الفيزا بالفعل

علي العموم انا دوما متفائل
وانشاء الله تاخد الفيزا وناس بسمات يدوك غرفه في بيتم الكبير في مانهاتن بلا شلهتت فنادق وصرف كتير ويفسحوك في البلد ( وجه مبتسم )

محب
والله بيتنا ما كبير ، وانت عارف الايجارات في منهاتن كيف!!
ونحن بنسكن في غرف ، وعندنا غرفتين لصق بعض وفي كل غرفة اتنين..
ولكن عشان خاطرك واتوسمت فينا الخير اول ما الضيف احمد عمر يصل حنفضي
ليه غرفة كاملة لوحده ، وانا وبت السيد نسكن مع امتثال وابتهال ،،،وعشان خاطرك
حنقوم بالواجب ويتفسح في تايمز اسكواير ويدخل مسارح البرودواي، ويزور متحف
التاريخ الطبيعي ونعزمه في المطعم العائم وهي سفينة صغيرة بها مطعم ويبحر حول
منهاتن ، والركوب في السفينة مجان، عشان تاكل في المطعم،،،
وانت يا محب لازم بتكون من الناس البيحبوا الخير للاخرين....
ودمت بخير وصحة وعافية

هلا يا أحمد ،، وموفق ان شاء الله

أي زول شغال شغلة كويسة وعنده اسباب مقنعة للزيارة
ومدة زيارته متناسبة مع اجازته والقروش الحيقول شايلها
طبعاً شغلك واستقرارك فيه بفيد برجعة الزول ... بهمه جداً
انك تكون صادق، يعني المستندات وطريقة الكلام ..

طبعا الامريكان مع نهاية المقابلة مع القنصل بيدوك واحد من اربعة ورقات ملونات حمراء او خضراء او بيضاء او صفراء، وكل ورقة ليه مدلول
الحمراء تاني ما تجينا
الخضراء مبروك واستلم جوازك في البريد
البيضاء مقبول لكن عليك تتمت بعض المستندات
الصفراء حاول ان تقدم لاحقا مرة اخرى
الخلاصة لو ناولني ورقة ما ياها
حاضطر افتح ليهو البوست ده واقول ليهو عندي عرض
محترم من ناس محترمين زي ديل ما تطيروا مني
وان شاء الله قلبه يحن ويديني الوريقة الخضراء
بسمات شكرا لك على هذا التفضل وهذا الكرم الحاتمي
ربنا يوسع عليكم انت وبقية العقد الفريد ويرزق كل واحدة
فيلا في منهاتن وماذلك على الله بعزيز

طبعا الامريكان مع نهاية المقابلة مع القنصل بيدوك واحد من اربعة ورقات ملونات حمراء او خضراء او بيضاء او صفراء، وكل ورقة ليه مدلول
الحمراء تاني ما تجينا
الخضراء مبروك واستلم جوازك في البريد
البيضاء مقبول لكن عليك تتمت بعض المستندات
الصفراء حاول ان تقدم لاحقا مرة اخرى
الخلاصة لو ناولني ورقة ما ياها
حاضطر افتح ليهو البوست ده واقول ليهو عندي عرض
محترم من ناس محترمين زي ديل ما تطيروا مني
وان شاء الله قلبه يحن ويديني الوريقة الخضراء
بسمات شكرا لك على هذا التفضل وهذا الكرم الحاتمي
ربنا يوسع عليكم انت وبقية العقد الفريد ويرزق كل واحدة
فيلا في منهاتن وماذلك على الله بعزيز

يا محب ما كان من زمان تقول عروض منهاتن دي بدل اتشلهت في اقصى غرب امريكا
عموما بت الشيخ ما قصرت ونزلت لينا هيدايج حق الفنادق والذي منو وكده الواحد يغير وجهتوا من الغرب الى الشرق
حيث التايمز اسكويرا وقلب العالم
وجه مبتسم وفرح كمان
تحياتي لك

احمد عليم انت عارف السنة الفاتت قدمت مرتين للشنغن
وبرغم ان اوراقي كاملة ودسمة الا ان الدولتين اللي قدمت ليهم عملوا لي رفض
ده خلاني اوقف فترة ما احاول
اها الامريكان الان ما دام بقوا عسل على سمن معانا قلت الواحد يقدم والحمدلله كل الضمانات متوفرة بما فيها الضمانات المالية وضمانات الشركة والعودة كمان
الفكرة انه الواحد يرفع البور حق الجواز حقه بالتاشيرة الأمريكية.
بس التوفيق من رب العالمين ودعواتك ياحبيب
تحياتي

العادات والتقاليد مرات بتكون سبب في رفض الفيزا
هههههه. انا جادي

عندنا الزول البدنقر اثناء الكلام وبتجنب العين في العين
وبتكلم بصوت منخفض دا زول مهذب وذو حياء عظيم
لكن عند الناس ديل، تعتبر إشارة لإحتمالية الكضب!

غايتوا لما تشوف علامات الكذب في اليوتيوب حتعرف
قدر شنوا نحن مظلومين ساي :) زمان يقولوا ليك الامريكان
قصتهم غريبة!! فلان كل أوراقه مظبوطة وحاجاته مقنعة
ورفضوه وفلان كل حاجاته ضاربة وأدوه :) وأكيد مافي غرابة
لأنوا الإنترفيو هو عضم الشغلة .. عشان كدا الزول مفترض
يكون طبيعي وبتونس معاهم عادي .

اسمع كلام احمد عالم ده كويس لان كلامه هو مفتاح الحل عشان القنصل الامريكي يوافق يديك التاشيرة
وزيادة على ذلك ، ما تمشي ليه وعندك دقن كبيرة زي بن لادن وتخليه يتشكك انك من الجماعة اياهم، وبعدين
اسمع سؤاله كويس قبل ما تجاوب ، وزي ما قال ليك احمد عالم خليك عادي وكانك بتتونس مع واحد صاحبك،
الامريكان ظريفين جدا ومرحين ما زي ناس شينغين صارين وجوههم ويرفضوا ليك لمجرد انك ما عاجبهم شكلك
وتاكد الامريكان ما يرفضوا الا لسبب قوي جدا، خلال الفترة الانت البتقدم فيه الطلب وينادوك للانترفيو يكونوا
فلفلوا اسمك وتاكدوا من المعلومات الانت كتبتها في اورنيك الطلب،،،
وموفق باذن الله،
ودمت بالف خير وصحة وعافية

ونصيحة اخيرة قبل الارشفة، وانا شايفة الباشمهندس بكري جلس في مكتبه استعدادا لمسح البوستات عشان
يرضي ود حلتنا ود المدير المستعجل للارشفة ومن امبارح يغني يا يوم بكره ما تسرع تخفف لي نار وجدي،،،
واحد خبير كان كلمنا قبل ما نقدم للتاشيرة الامريكية وقال لو القنصل سالك هل عندك اقرياء في امريكا ، وحتى
لو عندك اخوك ما تقول عندي اقرباء، وخاصة اذا انت قلت جاي امريكا للسياحة،،، وخاصة وانت قلت ماشي تسكن في فندق ..
والسب معروف هم بيعتقدوا اقرباء هم اليقنعوك انك ما ترجع وتحاول تقيم في امريكا باي طريقة،،،واعتبرها كذبة بيضاء
للتقية وكده. ( وش ضاحك).
ودمت بخير...

بسمات مبروك نجحتي في الامتحان

ما بتقصري

وزي ناس عطبره ما اتجرستي ومعدنك اصيل



و ما تشيلي هم

وانا عارفك طالبه وسكنك علي قدرك

وفعلا مانهاتن غاليه

شكرا محب على حسن الظن
وان شاء الله دائما نكون على حسن ظنك،،،
وما هذه الدنيا الا رحلة قصيرة المدى ويكفي ان تكون ذكرانا طيبة ،،
ووالله عندنا صديقات زميلات مثل الملائكة في حب الخير للاخرين، ويعشن
بالنية الصافية مثل اللبن المصفى ولمن يشوفن منظر طفل بيبكي في التلفزيون
يبكن زي الشفع الصغار، ولمن يفتحن احدى قنوات التلفزيون السودانية ويشوفن
تلاميذ مدارس الاساس في الاقاليم قاعدين تحت راكوبة يجمعن اشتراكات ويرسلوها
للقرية المعنية،،،قلوبهن من ذهب،،
ودمت بالف خير وصحة وعافية وليباركك الرب.